[ عراقيّات ]

[عبدالعزيز رشيد]

زاير ليل دك الباب
ما كلناله أهلاً بيك
داس المستحة ودور أركان البيت
وسولف عالشرف والغيرة والنوماس
سولف على الواجب والوطن والناس
كطع صوته استعد
دك قبضة الرشاش
حاضر سيدي تحرت
ها شلكيت؟؟
بس حيطان خرسه
ناس واحدهم عدل بس ميت
لا كنتور أفتحه ولا لكيت أبواب
وغرفة بلا سقف بآخر البيت لكيت
ها شلكيت؟؟
دمعة محجرة بعيونهم صدت
وحسرة بنص صدرهم تنفجر حسيت
كالولي هلا.. بس جنه أظن لا جيت
وكالولي استريح.. وجنه لا رديت
وحاضر سيدي تحرت
بس اعذرني فتش هذا آخر بيت


*محمد الغريب*

[ميــرال]

عبدالعزيز
المقطوعه الثانيه اعجبتني كثير

واعجبني اكثر وجودك الــ راقي والــ شعر

وورده

[ميــرال]

غيمة نوم
ـــــ


طولك سؤال الليل
غيمة نوم عطرك
أصحى وياك ماخذني المطر
تحت مخدتي بير الدمع
ماظل غير كاسك والشتا ومنقل حزن
ليل يجيب ليل
وأنته تسألني عله حزني
ثلج غيابك البروح حارگني حرگ
أبرد وأنطفي،
وأشرب بصحة غيابك
ماظل غير كاسك والشتا ومنقل جمر
ليل يجيب ليل
وأنته تسألني عله حزني
وك هذا الجمر گلبي
وهذا الخنجر المسموم هجرك
ياكل بروحي غيابك
تحت مخدتي بير الدمع
ماظل غير كاسك والشتا وضو الشمع
شگد رماد تفتت بروحي؟
شگد طشيت بعيوني سهر؟
ليل يجيب ليل
وغيمه تجيب غيمه
وآنا ماخذني المطر...

جمعة الحلفي

[ميــرال]

http://www.ozq8.com/ram/sa3don-j/mashoofak.ram

يوم الماشوفك

[ميــرال]

نوم الظهاري

.....

ماجو على موعدي

گالوا خذانه النوم

وآنه من مية سنة

أنطر لذاك اليوم

خلصّت كاس الهنا

وصبيت كاس هموم

يا نوم شلّك علي..

اللي يريدك تهجره

والمايريدك زايره كل يوم


( جمعه)

[عبدالعزيز محمد المالكي]

كون يمك
ألف هنيال اليوم... ألف هنيال اليوم
ألف هنيال الليل النام يمك
أنا احبك واحب كل حرف باسمك أنا حس يجرن سوى دمي ويا دمك
كون يمك... كون أبوسك... كون أحضنك... كون أشمك... كون أضمك...
كون أحط راسي على صدرك.... بلكي خدي يزيل همك......
ناري ما تطفى ولا نارك طفت..... وعيني قبلك تبكي اذا عينك بكت.....
يالعزيز اللي ما بعد عن بالي لحظة... ما أقول انت بعدت وشلون أظلمك.....
وآه لو يذكرونك قبالي... وآه لو يذكرونك قبالي.. يبين بوجهي القلق لو جابوا اسمك...
انت نقطة ضعفي انت... والله انت نقطة ضعفي انت.. ولو أحب ثاني أحبك......
كون يمك... كون يمك... كون يمك

أعتقد للشاعر / عادل محسن


http://www.ozq8.com/iraqi/Majed_Al_Mohandes/Kon-Yamak_Mawal.ram

شكراً ميرال

[ميــرال]

كون يمك
ألف هنيال اليوم... ألف هنيال اليوم
ألف هنيال الليل النام يمك
أنا احبك واحب كل حرف باسمك أنا حس يجرن سوى دمي ويا دمك
كون يمك... كون أبوسك... كون أحضنك... كون أشمك... كون أضمك...
كون أحط راسي على صدرك.... بلكي خدي يزيل همك......
ناري ما تطفى ولا نارك طفت..... وعيني قبلك تبكي اذا عينك بكت.....
يالعزيز اللي ما بعد عن بالي لحظة... ما أقول انت بعدت وشلون أظلمك.....
وآه لو يذكرونك قبالي... وآه لو يذكرونك قبالي.. يبين بوجهي القلق لو جابوا اسمك...
انت نقطة ضعفي انت... والله انت نقطة ضعفي انت.. ولو أحب ثاني أحبك......
كون يمك... كون يمك... كون يمك

أعتقد للشاعر / عادل محسن


http://www.ozq8.com/iraqi/majed_al_mohandes/kon-yamak_mawal.ram

شكراً ميرال

التنسيق / موسيقى
شكراً اكثر ياعبدالعزيز

[عبدالعزيز محمد المالكي]

العفو ميرال ..
أعشق هذي الكلمات لـِ ذا هاكم هيا موال

http://l7en.com/shami/7atim/7atim..koon-yamek(mawal)1.ram