إنســان

[ناصر حطاب الدهمشي]

السـلام عليكم ورحمة الله و بركاتـه ..


مدخل :يا زماني لا تضايق .. إن سهيت وقلت وِشُّو=أبك وِشُّو كان تجهل [هم داخلها كبير]




لهــايا مبحره قبل أعرفك أعرف إنسان=فيني نما عايش على ذكرياتِه
تشكَّـلت فيه الأماكن .. و الأزمان=غطَّت على وجه الطموح إبحياتِه
جسمه نحيل و شايل بصدره أطنان=من معضلاتٍ إستباحت بذاتِه
غريب شيَّد من غياباته أوطان=تحفظ له إسمه قبل ياصل مماتِه
بيديه كون .. وداخل إعيونه أكوان=تحكي مسافات الرحيل و شتاتِه
دنياه تسرق من مشاويره الحان=و يشيلها صوت الحنين بشفاتِه
جا يرسمه .. لكن مجاهيم الألوان=خانت يديـه و صورت له رفاتِه
تايه و لا يعرف طريقه إلى الآن=يمشي ويسأل هالزمن عن جهاتِه
وتــْـمـرّه أحلامه سريعات و سمان=و الغيم فوقِه مندهش من ثباتِه
إن طاح حلْمِـه .. صارت آماله أركان=وإن غاب شوفه .. صارت أرضه عصاتِه
هالآدمي مثل الجبل لكن أحيان=أحس بإن الغيـم ماخذ سماتِه
لكن .. و ربـِّـك لو غفت فيه الأحزان=ما نام عزمه وأنتِ أعظم خواتِه





مَهْـرَب
ياعسى وجه الليالي للدمار=كانها ما علّمت حلمي يطير
وش خطاي إن كانت أحلامي حَرَار=مقيَّد.! أدري لكن إطموحي كبير

شكراً لكل من قرأ
.
.
ناصر حطاب الدهمشي

[أمل الروقي]

إنسان

واقل حقوقه الحريّه

ناصر حطاب

طبت وطاب شعر يكتبك

هنا كنت انا

أمل الروقي

بكل الإعجاب والتقدير

[فواز الفهيد]

تشكلت فيه الاماكن والازمان .. غطَّت على وجه الطموح بحياتِه ..!!


ناصر ََ!!

السكوت في حرم الجمال / جمال !!

لله درك وكفى !!

تحيتي واعجابي !!

اخوك / فواز الفهيد

[خالد شجاع]

ناصر بن حطاب
غريـب شيَّـد مـن غياباتـه أوطـان
...تحفظ له إسمـه قبـل ياصـل مماتِـه
ناصر أنت اليوم جاي ومعك
ألوانك ولوحتك الدعوى ما هي حروف و ورقه أبداً
تصدّق لو تعيد قراءة القصيده تقريباً كلّها صور
ولاحظ معي الصور ما هي " مفتعله "
صور تخلّي الواحد بدل من إنه يقرا .. يتفرّج
ناصر لشعرك " وجاهه " .
لأنّ عندي وجهة نظر في القصايد
فيه قصيده مثل الرجّال الطيّب القرم توجّه به عند الرياجيل
وفيه قصيده أعزّك الله والقارئين مثل السربوت أو الرخمه
فشيله لو تحطّه بين رياجيل
ناصر موفّق :)

[محمد السالم]

ليس بمستغرب بأن نقرأ

لناصر حطاب الدهمشي مثل هذا النص

ولكن المستغرب لو لم نقرأ له مثل هذا النص

فنحن عرفنا ناصر شاعر مدهش

وصاحب ابجديات مختلفة في النسج وفي الفكر وفي الصور وفي الذايقة

وهذا النص بالخصوص

من افضل ما قرأت من فترة ليست بالقصيرة يا ناصر


سعيد بأن ساقني القدر إلى هذا المتصفح وإلى نسج ناصر الذي اعتدنا على روعته


تقبل مروري المتواضع أيها العالي

[أحمد الكميان]

ياعسى وجـه الليالـي للدمـار
كانها ما علّمـت حلمـي يطيـر
وش خطاي إن كانت أحلامي حَرَار
مقيَّد.! أدري لكن إطموحي كبيـر


الدهمشي
ابوقف اجلال لقريحتك العضيمه
غيم ممطر بعذوبه نهر الفرات

صح قلبك

سجل اعجابي بقلبك

[ميــرال]

ياعسى وجه الليالي للدمار
ــــ كانها ما علّمت حلمي يطير



لو طارت احلامك ماادهشتنا سماك

مبدع ياناصر كــ عادتك

لها رائعه
والأروع هروبك للشعر

[عبدالعزيز محمد المالكي]

لم ننتهي من القراءة بعد يا ناصر
إلا وتقيدنا بـ الشعر أكثر ..

أنيق .. أنت وأصابع شعرك