[ حَمَامٌ زَاجِلْ ]

[نورة القحطاني]

القلوب
اللي لها
في الحب طاله
استباحت في لياليها حنيني !

[غاده]

‏محتاج أنا في صباح البُعد : لـ شلونك
‏واشتقت لي؟ كيف نومك؟ متى قاعد؟
‏ٰ
‏ياسيدي وش "صباح الخير" من دونك
‏وخطواتنا عن بعض كل يوم تتباعد !

[صالح العرجان]

جيت أنشد الشَّيخ مير الشَّيخ ما أفتانـي
والشَّيخ وجهه بشوش .. ولاضحك سنَّه

سمع سؤالي .. بعـد رحَّـب وحيَّانـي
ثم قال : شف شيخ ثاني وانشـده عنَّـه

وأنا سؤالي: عن اللي با الهـوى جانـي
وأبغى جـوابه بحكم الشَّــرع والسُّــنَّـة

الآدمي .. لا سرق قلب آدمـي ثانـي
هو من هل النَّار ؟ وإلا من هل الجنـة ؟

[غاده]

‏عطني من ايامك نهار وباقي العمر للي تبي ،، ❤✨

[صالح العرجان]

ودي أحطـك في عيونـي وأغطيـك
وودي أنـا بس إللـي أشوفـك لحآلـي

حتى الهـوى لامـر من بين أيــاديـك
أقـول هـذآ وش يبـي في حلالـي ..?!

[صالح العرجان]

عقبال ياماخذ فؤادي مية عام
.... ضيعتني منك وانا ما اهتديتك

لا .. ما نسيتك كيف بانساك ما دام
.... ذكرى الفراق تهزّني لو نسيتك

حبك قدر وانا على دين الاسلام
.... مكتوب في وجه الجبين ورضيتك

لك في الضمير الود والحشمه اتوام
.... ولي في ضميرك مثل ما انا بغيتك

ولك منزل في نايف القلب وخيام
.... وذود الغلا ترعاه ولا شكيتك

يفطر عليك القلب وان فارقك صام
.... والله لونك شوك سدره كليتك

القلب طيرٍ لادعي للهوى حام
.... والا انت وكره من كثر ماهويتك

كن العيون من النظر عقبك ايتام
.... وكني ماريت الا انت من يوم ريتك

وكنك معي وانا فقدتك من اعوام
.... مع الخيال القاك كني لقيتك

من صعب وصلك ما تهنيتك احلام
.... وان جابتك فزيت شوق ومحيتك

يعني وصالك صعب واهدافي اوهام
.... يعني زرعتك للقدر ماجنيتك

صبرك يقولون العرب كل الايام
.... يوم عليك ويوم لاجاك جيتك

ويا قلب ياللي ورثك اجروح وآلام
.... بليتني ماهو بانا اللي بليتك

ولعتني من عادني في الهوى خام
.... واسرفت بي وانا خطامك عطيتك

طعتك وزبدة طاعتك هم وهيام
.... مالله كتب لي واستخرت وعصيتك

لوللقلوب اسواق بايع وسوام
.... لاابدلك وان جيتني ماشريتك

والا انت ياللي جيش عينيك مقدام
.... لا اقنعت منك والرجا مارجيتك

كني سجين بين .. افراج واعدام
.... وكنك سجن وانا بنفسي بنيتك

تنبيك عن حالي محاصيل الالهام
.... وتخبرك نظراتي نهار التقيتك

عقب الوصال اللي على عين من لام
.... قدهو يكفيني عن الوصل صيتك

وقدني الى مريت بالشارع العام
.... لديت من ما في الضمير ودعيتك

ادري ان صوتي ماقطع عشرة اقدام
.... وادري بي اعود الى من نصيتك

ياشينها يامحنيٍ راس الابهام
.... ماقدر على شوفك وانا عند بيتك

الاعمار ما تضمن وانا اخاف الاحكام
.... أرثيك خاف اودعك ما رثيتك




محمد بن فطيس

[غاده]

‏أنا يوم أرسل عيونه لقلبـي
‏عطيته مُهجتي والمعطـي الله
‏🎵🎵🎵

[صالح العرجان]

البحر فضيلة , خلق ليشفي بعضنا !