ياطيب شمّر يارجاجيل طيباه**ماهوقصورٍ في جميع القبايل

[حسين البليهي]

ياطيب شمّر يارجاجيل طيباه=ماهوقصورٍ في جميع القبايل
الشمري به حاجة: ان جيت تنخاه=يفزّ كنك فاعلٍ به جمايل
ماتْشوف واحدهم يباشر من صْباه= ولياكبر يعمل بماله عمايل
يْفوّح دلاله ويضحك محياه= و(لْغيمة) الضيفان قلبه (يخايل)
كل السعات مضرّجٍ موس يمناه= بالدم من ذبح السمان الجزايل
يامن نوى لشمّر يوجه مطاياه= تلقاهم برفحا وبقعا وحايل
يارب ترزق خافقي ماتمناه= من شقر شمّر ناقضات الجدايل
اقولها من قلب لاياحلولاه=يرزقني الله من خيار الحمايل
وانا افخر اني مسلم وعبد لله =وربعي هل الصبحا من زحول وايل
ووايل هل الطولات والمجد والجاه = ماهو قصورٍ في جميع القبايل

[عبدالله العويمر]

ياطيب شمّر يارجاجيل طيباه=ماهوقصورٍ في جميع القبايل
الشمري به حاجة: ان جيت تنخاه=يفزّ كنك فاعلٍ به جمايل
ماتْشوف واحدهم يباشر من صْباه= ولياكبر يعمل بماله عمايل
يْفوّح دلاله ويضحك محياه= و(لْغيمة) الضيفان قلبه (يخايل)
كل السعات مضرّجٍ موس يمناه= بالدم من ذبح السمان الجزايل
يامن نوى لشمّر يوجه مطاياه= تلقاهم برفحا وبقعا وحايل
يارب ترزق خافقي ماتمناه= من شقر شمّر ناقضات الجدايل
اقولها من قلب لاياحلولاه=يرزقني الله من خيار الحمايل
وانا افخر اني مسلم وعبد لله =وربعي هل الصبحا من زحول وايل
ووايل هل الطولات والمجد والجاه = ماهو قصورٍ في جميع القبايل


ونعم فيك وبشمر

وفي كل القبايل



نص لمن يستحق









سلم قلبك

[جُمان]

حسين البليهي ..

تستحق [ شمّر ] منك هذا النّص
و أسأل الله أن يَرزُقك ما تتمناه ..



شُكراً جزيلاً

.

.

[قايـد الحربي]

حسين البليهي
ــــــــــــــ
* * *


أرحبُ بك كثيراً .

:

وكعَادتك بالإنصاف ، ها أنتَ تعلّمنا العَدل في المَدح :
" ماهو قصورٍ في جميع القبايل "

:

أبو ريّان
شكْراً جزيلاً لكَ .

[ناصر حطاب الدهمشي]

ويا طيب هالقصيدة يا البناخي
الطنايا من روس العرب و طيبهم يُغْبَطُوْن عليه ... يستاهلون الطيب
وعسى الله يرزقك بنشميَّة وبنت نشاما يا رب

أخوك
.
.
ناصر الدهمشي

[عبدالله سماح المجلاد]

وانت والله ياطيبك طيباه
شخصاً ويمنى
وشعراً له معنى
وشاعر له رساله ساميه في الشعر
أبوريان
أشتقت إليك كثيراً يارجل
لست وحدي بل الشمال بأكمله
أيها النقي
أما قبيلة شمر فهي تستحق
برجالاتها وتاريخها
دون قصور في قبائل العرب كافه
وانت طيّب وشمر الطيب تستاهل

[عبدالعزيز الرقابي]

ونعم بشمر يستاهلون هالقصيده وزود ..
وصح لسانك ياحسين البليهي .. وافيه من وافي ..

[حسين البليهي]

شرفني الشاعر الكبيرعايد الشمري بهذا الرد أحببت أن أنقله لكم كماهوجتني هالقصيده رساله من اخي حسين
ورديت عليها برساله

تستاهل ابو ريان من يزوجك
وتبشر بالجاه والوجاه
ما يقصر عنك جهد ولا خطوه



القلب سالي عن قصيده وعزّاه=عزّاه ياقلب الضلوع النحايل
شهرين كن النار تصلى خفاياه=ولا هان حرّك ياجحيم الملايل
واليوم كن الغيث وحسين من ماه=امطر على نار الضماير همايل
لاهنت ياراع المواجيب والجاه=مدحت ربعي كاسبين النفايل
لاْنّك عريب الجد والطيب تهواه=ولانك صدوق لسان حكيك صمايل
وين الغريب بطيب بيتك ومبناه =دامك من الصبحا من اولاد وايل
مليون شكراً للبليهي تنصّاه=الطيب الخيّر رفيع السلايل


لاهنت ابو ريان