مشرق الشمس

[خالد شجاع]

هلا و ألف هلا
بالجميع :)
هذي جديده وعساها توصل مداها
وحيّاكم الله في مكانكم
...........

حزّة بيان النور مع مشرق الشمس=ما عندي إلا دفتري والوساده
أكتب شطر واهمس على دفتري همس=هذي عوايد خاطري في رشاده
ساعه ودفتر والقلم وانت من امس=احاول انساكم وتطلع إعاده
أغيّر الموضوع وأويق وآعس=وعاده معاكم هالعقل إيه عاده
فارس... تصدق مرّه أقول ما احس=ومرّات أقول إنّي ضعيف الإراده
المرء أرض وما علق فيه من غرس=ينبي عن اصل الارض وعر وحماده
صندوق أحلام البني آدم يجس=روحه ويِظهر له طرف من مراده
إن كان سرمد سرمديّه مع طمس=وإن كان رتّبها تجي له مقاده
إن قلت بس تروح غلطه مع بس=والوقت رحله والقطار بهداده
وأنا وهمّي نلمس الشمس بالخمس=همّي كبير وغايتي هي عتاده
ساعات أوحي لي من النافذه حِس=مدري اشتعال الحظ وإلا رماده
الآدمي يسعى مع مطلع الشمس=والفالح اللي صالحٍ بالعباده

[ناصر حطاب الدهمشي]

المرء أرض وما علق فيه من غرس
__________ ينبي عن اصل الارض وعر وحماده

الله عليك يا خالد
صورة الصدر مُدهِشة وإستطرادك لها بالعجز مُحرِّض قوي لأخذي و الذهاب بي بحثاً عن الصيد :)

همسة مكشوفة و متأخرة : خالد هو أنت اللي أعرفه والا أنا غلطان :)
<<< يعني فهم شي هالحين
قصدي مدينة رفحاء ما لك ذكريات فيها :)
ياخي مشبِّه عليك من أول ما قريت إسمك ..

.
.

ناصر الدهمشي

[محمد الضويحي]

خالد شجاع :: لازلتَ تدهشني ..

العفو منك .. النص لايكفيه مجرد عبور

ولأنني أخشى التقصير في حقه لذا سأعود لأتنفسه من جديد

وحينها سأكتب انطباعي المستحق على هكذا عطاء

اشكرك كثيرا

[فيصل الحلبوص]

خالد شجاع


كـ مطلع الشمس أنت يتسلل نورها من نوافذ الحياة


عسى أن يشتعل الحظ

محبتي يا عزيزي

[عبدالله العويمر]

هلا و ألف هلا

بالجميع :)
هذي جديده وعساها توصل مداها
وحيّاكم الله في مكانكم
...........


حزّة بيان النور مع مشرق الشمس=ما عندي إلا دفتري والوساده
أكتب شطر واهمس على دفتري همس=هذي عوايد خاطري في رشاده
ساعه ودفتر والقلم وانت من امس=احاول انساكم وتطلع إعاده









الحبيب

خالد


كل عام وانت بخير يالغالي




سلم قلبك وحرفك يالغالي






محبتي

[خالد شجاع]

ناصر
والله ماني من رفحاء
والحقيقة إن الطيّبين أمثالك
كلّن يبي عرفهم ويفتخر به
أنت يا ناصر أخو وعزيز
ولكن لو انّي خالد اللي تعرفه
ماني معلّمك خلّ الايام هي اللي تبيّن :)
لكن أنت رجّال فعلاً وشعراً
وعساك لأعلى المراتب وأنت أهل لها وكفو
:)

[خالد شجاع]

محمد الضويحي
مرحبا ومسهلا
ومكانك وأنا اخوك
والله إنه مما يشرّفني
جيّتك وحضورك

[خالد شجاع]

فيصل
هلا وألف هلا
يا مرحبا والله
أخو وعزيز
والشمس نورها من الطيبين أمثالك
والله إني من محبيك :)

[خالد شجاع]

عبدالله
يا هلا والله بالأناقة كلّها
مرحبا براعي الصوت العذب :)
وكل عام وانت بصحه وسلامه
أخو وعزيز يا عبدالله

[جُمان]

الحِكايةُ هُنا تبدأُ بإشراقِ شمس ..
وتنتَهي عِند مَطلعِ الشّمس ..
إذاً هي .. مساحةُ ضوءٍ ومسافتُها نور

هذا النًّص .. شيءٌ يشدنا للشعر عُنوة ..
مُنذ سلاسةِ تنقُّلاته .. وجمال تصويره ..
وحتّى وعذوبةِ أحرفِه

خالد شُجاع ..
في كُل حضور تُقدم لنا الشعر
على طبقٍ من جمال


شُكراً جداً

.
.