عيدنا كان مختلف مع ( الشوي )

[موزه عوض]

السلام عليكم ورحمة الله وبركاته


كل سنة وأنتم طيبين
كل سنة والعيد بكم أجمل وأحلى

كل عيد ونحن بخير والعالم الأسلامي في خير وآمان


وعيدكم مبارك ..



أخواني وخواتي الأعزاء

اليوم سوف أطرح عليكم موضوع ربما البعض لا يعرفه
من حيث اختلافات العيد أو طقوسها في كل دولة وبيت خليجي أو عربي


فكلا منا يعيش طقوسه المعهودة في العيد

طبعا بالنسبة لعيد الفطر دائما نفكر للكيك والكعك والحلويات أكثر
ولا أنسى الحلوى العمانية والتي تتصدر مائدة العيد الرئيسية عندنا بالإمارات


أما عيد الأضحى فهو للأضاحي واللحم

لهذا يبقى هنا في دولة الإمارات العربية المتحدة

وبالأخص في مدينة العين عموما

طقوس جميلة بطريقة ذبح العجول والبقر أو االماشية للشوي



لهذا سيكون لكم هنا طقوس الشوي بمدينة العين بدولة الإمارات العربية المتحدة

وصور ..لطريقة عمل الشوي أو المشوي في تنور المنازل ..


هذه الطقوس توارثتها أجيالنا عن أباؤهم وأجدادهم وحتى اليوم
مما شكل لهم عادة رائعة تتسم بالتعاون والتواصل والتزاور بين أهالي العين وسكانها



ومن ناحية أخرى بأن هذه العادة اصلها من سلطنة عمان الشقيقة

لهذا لأننا اقرب للسلطنة كان التأثير أكبر وأعمق ..

وما قصروا ( سووا فينا خير ):d

وطبعا هذه الذبايح هي خصوصا للشواء وليست للأضاحي

المهم

اليوم وهو كان بوقفة عرفة كان متعب لنا
وخاصة للحريم :cool:
اللحم انذبح ومن العجول والبقر

وما علينا إلا أن نجهز التتبيل
وهو عبارة عن الملح والكركم وبكمية وفيرة منه وذلك بخلطه مع بعض ويتبل
ويبقى لمدة 24 ساعة تقريبا
وحتى اليوم الأول من يوم عيد الأضحى ..


اول شي هذه صورة اللحم وهي في الطشوت ( إناء بلاستيكي كبير ) أو الطشت :d






وهذا اللحم


http://up.qatarw.com/get-12-2008-p3a6h2xu.jpg



وهذا خليط الملح والكركم


http://up.qatarw.com/get-12-2008-vgu7yuts.jpg


وهذه بعد التتبيل


http://up.qatarw.com/get-12-2008-11mp0ng6.jpg



وهذه أيضا



http://up.qatarw.com/get-12-2008-x5zj3tat.jpg





وتابعوني


الونه











http://www.viafy.com/uploads/29ac7c62c7.gif (http://www.viafy.com)

[موزه عوض]

مرحبا فيكم مرة ثانيه

أول يوم العيد طبعا صار التعب أكثر لولا من يساعدني كان طحت على الفراش :)

المهم مثل ما قلت لكم أمس كان متبل بالملح والكركم

غسلنا اللحم طبعا بالشكل هذا

http://up.qatarw.com/get-12-2008-dc9mzsmh.jpg


وهنا كان بالشكل الأخير من الغسل

http://up.qatarw.com/get-12-2008-hjd6hea5.jpg




والتتبيل بيكون المرة شي ثاني

طبعا هذا ( السنوت ) أو الكمون وهو يكون مقلي شوي ولونه أغمق بشوي من العادي

http://up.qatarw.com/get-12-2008-glyzp5zn.jpg

وطبعا السنوت هذا لوحده
والخلطة الأساسية تسمى ( خلول ) :)
وهي عبارة عن تمر مع ليمون اسود جاف نحطه على النار مع قليل من الماء ونخليه
يختلط معاه بدون ما يغلي ..


بهذا الشكل

http://up.qatarw.com/get-12-2008-jwgy8ww5.jpg




ونخليه يبرد شوي بعدها نصفيه بالمصفاه في وعاء ثاني


بعدها نضيف السنوت أو الكمون
مع الملح والفلفل وبعض البهارات وهي قليل من الهيل والجرفه وأيضا فصوص ثوم مطحونة
ودائما نوازن ونشوف الطعم عشان ما يكون مالح او ( متروووس ) فلفل :)


المهم بعدين تكون خلطة التتبيلة نوعا ما للكمية لنا نحن كبيرة
ونقسمها بكم وعاء حتى يتسنى ونتبل قطعة قطعة من اللحم ولا ننسى نشرب الشقوق في كمية اللحوم ..

[موزه عوض]

http://up.qatarw.com/get-12-2008-yhygjyvn.jpg


هذا اللحم بعد التتبيل ونحن مسوين كمية كبيرة وبأوعية ثانيه

واعتقد خبرتكم عن طريقة التتبيلة وكيفية تسويتها :)



وهذه صورة ثانيه أيضا

http://up.qatarw.com/get-12-2008-u75pdrhv.jpg






الحين يجي وقت نحشى الخيش وبداخلها ( الخصف ) برمستنا
الخصف تشوفونه داخل الخيشه شكله وهو مصنوع من سعف النخيل
وأجدادنا بالأول ..كانوا يملونه تمر ويباع في الأسوق
وطبعا لازم نضيف خوص النخل ( والحمدالله عندنا نخل بالبيت )
ولازم دائما نبلل الخيش بالماء مع الخصف و الخوص وهذا اعتقد للنار عشان ما يحترق

طبعا هذا كله شغلة الرياييل عندنا
وعيالي ما قصروا وانا معاهم :


هذه صورة الخيشة والخصف

http://up.qatarw.com/get-12-2008-6wp4pfm9.jpg


نصف اللحم بطريقة متساويه حتى تنتصف الخيشه او الخصف
ونخيطه بالأسلاك المعدنية البعض منها سميك وبعضه رفيع
ونلفه بأقوى ما يكون حتى ما تتنفس الخيشة ويدخل فيها الهواء

وتكون بهذه الطريقة

http://up.qatarw.com/get-12-2008-73ylg7m6.jpg




وهنا بتكون آخر شكل لها وعليها أيضا شبك معدني ملفوف عليها بعناية



http://up.qatarw.com/get-12-2008-jv9lci2b.jpg

ما اقولكم شغلتنا شغله مع اللحم ..بعيد الأضحى :(


وطبعا أحبائي نحن عادتنا نشوي بيت بعض من الأهل
بحيث أغلب المنازل والأهالي يشوون عندهم من سنوات طويلة
ويكون التنور ..كبير جدا مبني من الطابوق


كنت بوريكم أو بصور لكم التنور بس ما رحت معهم وكان هذا بعد صلاة العشاء

ويجتمع بالبيت هذا مجموعةمن الأسر والعائلات والأغلب الرجال
لأن بتكون شغلتهم

وهناك يرمى مجموعة كبيرة من الخيش مع الخصف مثل آخر صورة شفتوها
ويسدونها بغطاء كبير ويردم عليها التراب ولا يكون هناك مكان يدخل بداخل التنور الهواء .



والبقية اليوم




ورودي لكم
وكل عام وأنتم بخير





:

[شقران الزيادي]

ونة ألم تصور عيد اللحم !!
يا ونه جوعتيني بجد
صراحة شكلة يشهي


عموما طقوس العيد في نجد لا تختلف كثيرا
وقد يكون الفرق بطريقة الطهو وبعض (الطقوس )

بختصار شديد
نصلي
نذبح
نشوي المعاليق ( القلب والكبد والعصب )
نطبخ غدا الضيوف
ونناااااااااااااااااام (قيلوله )


همسه .. جوعتيني بجد !1

اختي ونةألم
عاد عيد وزان حبيبك
وكل عام واعياد الوطن العربي بخير وسعادة

الزيادي

[شــمــ نـجـد ــس]

:

حقيقة مختلف مختلف

الله يعينكم على التعب :(

شكراً ونة ألم

[موزه عوض]

هلا اخوي شقران
مرحبا فيك
وكل عام وانت بخير

فعلا كل بلد وطقوسها ايضا بالشوي

جوعتك

اجل شوف الحين البقية :)

[موزه عوض]

هلا ختي شمس نجد
مساؤك عيد
وكل عام وأنتِ بخير قلبي
وعيدج مبارك


فعلا تعب
لكن ما بعد التعب إلا الراحة :)

[موزه عوض]

وعدنااااااا
وهذا اليوم بيكون آخر يوم للشوي وخروجة من التنور
وطبعا ....بيكون على السفرة :)


:

هذه الصورة توضح ( الخصف ) لما شقيناه واللحم مبين ..( تشوفونه :)؟


http://up.qatarw.com/get-12-2008-fnuew4fb.jpg



وهذه الصورة تبين أكثر :)



http://up.qatarw.com/get-12-2008-h6f87m1m.jpg


حتى صار كثير طري وشكله لذيذ وطعمه ألذ يم يم :)


:

والصورة هذه بعد ما وزعناه بالصواني :)

http://up.qatarw.com/get-12-2008-khygpfp5.jpg







وطبعا ما نسيتكم

أنا تغديت

وجبت لكم هذه الصينيه وبالعافية على الجميع


http://up.qatarw.com/get-12-2008-goa9f3dx.jpg


ولا تنسون يكون بجنبها الدقوس :)
والأجار اللى تحبونه
وأكيد السلطة بأنواعها


وبالهني والعافية



واتمنى أن قدرت أوصل لكم كل طقوس الشواء بطريقتنا بعيد الأضحى

وكل عام والجميع بخير


وشكرا لمن تابعني

[عون القحطاني]

ونة ألم

طريقة جديدة وشكل اللحم يصير الذ مع هالتوابل

بس عندي سؤال


الحين الخصف تحطونه بالتنور .. طيب ما يحترق ؟



مودتي

[عائشه المعمري]

ونة ألم


عن جد شهيتييني

لأن إحنا اليوم يدفنون في التنور
وباجر يطلعونه



____

[موزه عوض]

ونة ألم

طريقة جديدة وشكل اللحم يصير الذ مع هالتوابل

بس عندي سؤال


الحين الخصف تحطونه بالتنور .. طيب ما يحترق ؟



مودتي


هلا اختي عون
شكرا لحضوركِ
بالنسبة للخصف لازم نلفه بخيشة مبلله بماء وأيضا الخصف نفسه يكون مغرق قبل بالماي حتى لا يحترق
وتشوفين كيف الأسلاك عليه وطبعا ملفوف بعناية ومخيط بالسلك أيضا

طبعا التنور بيكون كله جمر وكله من حطب السمر :)

[موزه عوض]

ونة ألم


عن جد شهيتييني

لأن إحنا اليوم يدفنون في التنور
وباجر يطلعونه



____


هلا عواش
كل عام وانت بخير
هلا قلبي

أي ادري السلطنة يكون اليوم وباجر بيطلع
بجنبنا ناس عمانين متعودين يجيبون لنا ثالث يوم بالعيد

:

[أصيله المعمري]

أمس عمتي راية جايه معنا
هي من العين
المهم كانت تقول لنا عن الشوي اللي مدري ليش اهل العين يستعيلون عليه
ويندفنونه من ليلة العيد
ويأكلونه اول يوم

يبون يتعبون حريمهم بس :(



تسلمين ونة ألم

[شقران الزيادي]

http://up.qatarw.com/get-12-2008-goa9f3dx.jpg

اختي ونه ألم / ارحمو عزوبي قوم جاع !!

بجد ونه بعد كذا ما بدخل مواضيعك الا وانا ضارب مندي لين يطلع مع خشمي



ابقدم فيك شكوى تجوع يؤيؤ يقطعني اقصد تضلم للإدارة


بالصحه والعافية اختي ونه ومجهود تشكرين عليه
وسعيدين بهذا الشرح الوافي لطقوس العيد في العين


لا خلا ولا عدم
ولا تنسون جيرانكم من العيد .. برضو ما يرضي ربنا اللي تسوينه فينا



تحياتي


الزيادي

[مروان إبراهيم]

:

عيدك مبارك يا وَنة ،

لا تقولين إن كُل هذا الشوي في الصباح أو الظهر :( ؟

[أصيله المعمري]

شقران

تعال بيتنا .. لا يفوتك

[ديم بنت فيصل]

عيدكِ مبارك غاليتي ونه

طقوس جميله :)

رغم أني مو من عشاق اللحمه لكن عجبتني

بالعافيه على قلوبكم

http://www.wl3.net/uploader/up/21928658920080821.gif

[عائشه المعمري]

ونه

اخبار الشوي معاج السنه

[موزه عوض]

ههههههههههههههه

هلا عواش

الشوي بعيد الأضحى وانت تدرين
بعدين استغربت اقول من رجع الموضوع اثاريج أنتي




يالا انا رايحة شمال لدبي والشارجه نشوفكم على خير

كل عام وأنتم بخير

[علي المحمد]

ربي يهنيكم بعيدكم ياونه

شكل التتبيله اللي تسوونها تعطي للحم طعم خيالي

واكثر شي عاجبني انه مايطلع من التنور الا ثاني يوم ( يعني الاجتماع على الاكل يجي بعد انتظار )

عاد عيدكم بالخير والأفراح

وعيدك مبارك ياونه


:)

[حنان العصيمي]

ههههههههههههههه

عن جد عذرتك أخوي شقران

إذا انا يالبنت شفت هالمناظر اللي حاطتهم ونة الله يسامحها جعت
الله يعين بس ..

ونونة هني وألف عافية على قلوبكم

عيدنا ماصار مثل قبل مع أن كل اهل يحاولون التقيد بعادات السابقين
المشكلة بدأت كل أسرة في الاستقلال وكأنها أسرة صغيرة
لكن مايمنع من التزاور والسلام على الجميع وكل أسرة تاخذ اولادها وتروح
للأسف ، الأسرة الكبيرة وتجمعاتها أصبحت قليلة في الكويت ..!
وتسلمين ونة على فتح الشهية
وكل عام والجميع بخير

:
.

[عائشه المعمري]

ههههههههههههههه

هلا عواش

الشوي بعيد الأضحى وانت تدرين
بعدين استغربت اقول من رجع الموضوع اثاريج أنتي




يالا انا رايحة شمال لدبي والشارجه نشوفكم على خير

كل عام وأنتم بخير


يا هلا والله
وإنتي بألف خير يارب


احنا غالبين
نسويه بـ العيدين