ارتداد

[ماجد العيد]

http://www.ab33ad.info/up/uploads/images/ab33ad.info-ea6689c3a7.png


لمّا تسرح ..
تتحوّل هالدنيا لـ مسرح !

[ماجد العيد]

http://www.ab33ad.info/up/uploads/images/ab33ad.info-36760c1825.gif



الماطر اللي ملّ ..
للماطر اللي غاب !
و الخاطر اللي حلّ ..
للخاطر اللي طاب !

[ماجد العيد]

http://www.ab33ad.info/up/uploads/images/ab33ad.info-7ba318212b.jpg


عُمُر ما عُمِر !

[ماجد العيد]

http://www.ab33ad.info/up/uploads/images/ab33ad.info-ccfa455851.jpg





مو غريب الحزن في ساعة مغيب
ليلها الموحش بلا نجم و هُدى
ليت من أخطأ و ضيّع له حبيب
يرتسم دمعه على هيئة ندى
أو يضمّه من شِتاه أيّة قريب
عل تصبح دمعته ( شرّ و غدى )
ليه نسمح للسؤال و ما نجيب ؟!
يا السكوت اللي له الغصّة صدى !
من هو يعطي (كلمةٍ) في ظهر غيب
تسمح الخاطر مثل كلمة : فِدى !

[ماجد العيد]

http://www.ab33ad.info/up/uploads/images/ab33ad.info-85fda5792c.jpeg


الشَّيْب : رَمَاد العافية !

[ماجد العيد]

عبدالعزيز الردادي


http://www.ab33ad.info/up/uploads/images/ab33ad.info-a3ea8c24aa.png



و الفكر أَمَّكْ يا إمام
و الشكر ضمّك يا مَدَدْ
يا سِلْم مبدوء السلام
يا عِلْم ما أضحى بِدَدْ
يا نافخ بروع الظلام
ما خِبْت و نجومك هَدَدْ
من قال يِبْلى بك كلام !
يا مستديم من الجِدَدْ
قل يا معاريج الغمام
لَبَّت طرايقّك القِدَدْ
إن جيت أفْرّدْك الزحام
ما جيت إِكْمَالة عَدَدْ !

[ماجد العيد]

http://www.ab33ad.info/up/uploads/images/ab33ad.info-438c8896fe.jpg


دعوة إلى كل الملا
من قلبي اللي يرتجي
اللي بـ يبقى يا هلا
و اللي بيرحل
.
.
.
لا يجي !

[ماجد العيد]

https://www.youtube.com/watch?v=p3jCuO4Xryw

[ماجد العيد]

http://www.ab33ad.info/up/uploads/images/ab33ad.info-77aab2cbcc.jpg


من خصائص المرايا ( مضاعفة الكسر ) !

[ماجد العيد]

http://www.ab33ad.info/up/uploads/images/ab33ad.info-431e299e38.jpg


و العيون الغايرة من دَعْكَهَا
.. ليت يَخْلِفْها الفرح حتى تبين
تمتمت إن كان حَلّوا سفْكَهَا
.. للمرايا / يا المرايا وش تبين ؟!

[ماجد العيد]

http://www.ab33ad.info/up/uploads/images/ab33ad.info-3fe8c4fc42.png




وإني أقول بْداخلي من يِباهي !
الحبر مرشي و القصايد سبايا
تعبت أمرّر هَـ المَرَار بْـ شِفَاهي
و أعضّ - عن "حرف" الحديث – النوايا
وإنت الكريم إن صبّ له حرف : راهي
ثغر القصيد اللي مْمَلّى حكايا
و الساطع اللي ما عليه اشتباهي
و الناصع إن حِطّت وِجيه و رزايا
خلف السواهي ما لقيت الدواهي
المشرعين الموسعين الزوايا
يا الفاجرين الزاجرين النواهي
يا الكابتين الكاتبين الخطايا
من شفت صارت للملاْ – هِيْ - ملاهي
عفت القصيدة - مع عظيم التحايا
إما تكون حروف شعري كما هِيْ
وإلا تطوف بذكرياتي شظايا
يا كل عذرٍ للشِّعِر صار واهي
وين الكفوف اللي عليها العطايا؟
حتى القلم عن بيض الأوراق ساهي
ما كنهن فتنة لـ جمعة صبايا
وشلون أبعكس هَـ الظلام اتّجاهي؟
لا صاروا العتمة و صدري مرايا !
هاتفتني يا صوتك الحي زاهي
وأحييت لي من وسط حبري بقايا
و ألقيت لك في مَعْمَعْي انتباهي
يوم الأماني حاصرتها المنايا

[ماجد العيد]

http://www.ab33ad.info/up/uploads/images/ab33ad.info-f60a59fbd7.png


الكراسي صوت وعدٍ ما يصيب
عمر يِحْرق لاجل نجني أرذله
كل وجهٍ دون أحبابه ... يشيب
و كل وجه و له حبيبٍ و اخذله !

[ماجد العيد]

http://www.ab33ad.info/up/uploads/images/ab33ad.info-7398671767.jpeg


أداةُ ( بَعْث )

[ماجد العيد]

http://www.ab33ad.info/up/uploads/images/ab33ad.info-02d6ef5992.jpeg (http://www.ab33ad.info/up/uploads/images/ab33ad.info-02d6ef5992.jpeg)



الحب حبله مَصير !

[ماجد العيد]

http://www.ab33ad.info/up/uploads/images/ab33ad.info-b327091480.jpeg (http://www.ab33ad.info/up/uploads/images/ab33ad.info-b327091480.jpeg)







شريت بالروح العزيزة هوى قلب ..
لا دام لي قلبٍ و لا عاد باقي !

[ماجد العيد]

http://www.ab33ad.info/up/uploads/images/ab33ad.info-434e84c628.jpeg (http://www.ab33ad.info/up/uploads/images/ab33ad.info-434e84c628.jpeg)




القلم : خازن المحبرة !

[ماجد العيد]

http://www.ab33ad.info/up/uploads/images/ab33ad.info-72c6672747.jpg



و أجلس أنا و صدري و لا شيء جنبي
الله و لا شيء مع الفقد يسوى
الأرض تطوى و الحزن جاثمٍ بي
و أشوف لي خلقٍ مع الأرض تطوى !

[ماجد العيد]

http://www.ab33ad.info/up/uploads/images/ab33ad.info-d28569034e.jpg (http://www.ab33ad.info/up/uploads/images/ab33ad.info-d28569034e.jpg)


‏اليوم برزخ باكره ..
‏و العايش ليومه غبي
‏ما كل نفسٍ شاكرة ..
‏لو كان ، ما جافوا نبي !
‏و يا كل عينٍ ناكرة ..
‏صدّي بْشُوفِك و اهربي
‏الناس فيها ذاكرة ..
‏لكنّها ..
‏.
‏.
‏" للي تبي ! "

[ماجد العيد]

http://www.ab33ad.info/up/uploads/images/ab33ad.info-04a7b83bba.png


الناس ما عادوا بَدُو ..
و السَّلْم ما يهدي الطريق
و اللي يرزّون العدو ..
صعبة يعزّون الصديق !

[ماجد العيد]

http://www.ab33ad.info/up/uploads/images/ab33ad.info-5abf766e6f.png (http://www.ab33ad.info/up/uploads/images/ab33ad.info-5abf766e6f.png)




عن طريقك ضايعٍ عنّي الدليل
قاضبٍ لي يدّ ليلٍ و اتبعه
سايلٍ في درب مصطفّ النخيل
كنّنا رمش العيون و مدمعه
نتزاور عن سنا الشمس و نميل
و الله إنّا ما نتباشر مطلعه
رفّ طيرٍ بالغدو و بالأصيل
هاجرٍ نفسه و لا شيٍ معه
ما وسع له بالفضا الشيء القليل
ضايقة و الأرض ما هي مطمعه
ودّي ألقى بالمساء حكيٍ يسيل
يشربه إن كان عيّا يسمعه !
لا يموت الحرف بالصدر الثقيل
الدفاتر ما غدت مستودعه
و الهموم إن ردّها صدر البخيل
ليتها جتنا على حزّة سَعَة !

[ماجد العيد]

http://www.ab33ad.info/up/uploads/images/ab33ad.info-db8f56de85.png (http://www.ab33ad.info/up/uploads/images/ab33ad.info-db8f56de85.png)

[ماجد العيد]

http://www.ab33ad.info/up/uploads/images/ab33ad.info-d84c449b23.png (http://www.ab33ad.info/up/uploads/images/ab33ad.info-d84c449b23.png)



عن طريقك ضايعٍ عنّي الدليل
قاضبٍ لي يدّ ليلٍ و اتبعه
سايلٍ في درب مصطفّ النخيل
كنّنا رمش العيون و مدمعه
نتزاور عن سنا الشمس و نميل
و الله إنّا ما نتباشر مطلعه
رفّ طيرٍ بالغدو و بالأصيل
هاجرٍ نفسه و لا شيٍ معه
ما وسع له بالفضا الشيء القليل
ضايقة و الأرض ما هي مطمعه
ودّي ألقى بالمساء حكيٍ يسيل
يشربه إن كان عيّا يسمعه !
لا يموت الحرف بالصدر الثقيل
الدفاتر ما غدت مستودعه
و الهموم إن ردّها صدر البخيل
ليتها جتنا على حزّة سَعَة !

[ماجد العيد]

http://www.ab33ad.info/up/uploads/images/ab33ad.info-e32d1096b5.png (http://www.ab33ad.info/up/uploads/images/ab33ad.info-e32d1096b5.png)



إحساسك اللي منقسم
بين الخلاص وْ واجبه
من هو اللي فينا مبتسم ؟
أو من هو وقته عاجبه !
الساعة ما تحمل إسم
موعدك من هو هاج به !
حتى العقارب ترتسم
شكل اللي عاقد حاجبه !

[ماجد العيد]

http://www.ab33ad.info/up/uploads/images/ab33ad.info-060920378c.jpg (http://www.ab33ad.info/up/uploads/images/ab33ad.info-060920378c.jpg)




هنالك قلوب مبرمجة و تعمل كـ قائمة جهات الإتصال في جوالك ..
وجود اسمك ، كذلك تاريخ إضافته ، لا يعني شيئاً ..
الأمور تدار بالشكل الظاهري و الاحتياج المستقبلي أحياناً ..
لذلك في دوائرك التي تظن أنها قريبة ،
احذر أن تضاف بهذه الطريقة السمجة !

[ماجد العيد]

http://www.ab33ad.info/up/uploads/images/ab33ad.info-5768001822.png


قِصّي الصور من نصّها
و اتعلّقي هذا الغضب
عودي على الأصل القديم
الناس تكره .. ما تحب !
و حتى تظاهر بالألم
تعبث بـ أشياء تخصّها ..
قصي الصور ..
ما آصدّقك !
كذبة مع الدمعة و طرت ..
و للناس عادات و جرت ..
وقت الرحيل بلا سبب
تحكي القصص من نصّها !

[ماجد العيد]

http://www.ab33ad.info/up/uploads/images/ab33ad.info-060103c808.png


غاية الأمر مِسْتَعْيِف و ابَرْحَل خفيف
وِزر الإحساس حرف إن زاد أصبح ترف
كل غمسة لحبرك تسلبك يا عفيف
و إنت حال إكتفاء من الطرف للطرف
صفّت الناس ترجي يا عطا هالرغيف
و الجواعى إذا شَبْعَت تعيش بـ سرف
لو تحَضْنَ الأسامي أو يجونك لفيف
سِرع ما كل عينٍ يعتريها الخرف
أوْغَلَوا في سكاتي يا السكات الشفيف
و اوْلَغَوا في دواتي جعلهم للقرف
واهيات الفعايل هاويات العريف
كاسبات الفشايل ساكبات الشرف
لكن الحال عدّا دام ثوبي نظيف
"جاهلٍ" من جهلني "عارفٍ" من عرف
ما يذهلك بالمِجَامِع يوم أطّ الرصيف
إلا عيون العبيد إن ناظرت من طرف !

[ماجد العيد]

http://www.ab33ad.info/up/uploads/images/ab33ad.info-55e0ceb20d.jpg (http://www.ab33ad.info/up/uploads/images/ab33ad.info-55e0ceb20d.jpg)


ليه تدفعنا الزوايا ؟
عن محطّات وْ وقوف !
و ليه نهرب للمرايا ؟
.
.
و المرايا ما تشوف !

[ماجد العيد]

http://www.ab33ad.info/up/uploads/images/ab33ad.info-90cec275dc.jpg (http://www.ab33ad.info/up/uploads/images/ab33ad.info-90cec275dc.jpg)


بعيد عن هَـ العَكّ
من كاد ؟! من دَبَّر ؟!
أصحاب ما هم لك
لا تقول لي مَخْبَر
لو آمنوا هم بك
"يقين مَن يُجْبَر"

الناس بذرة شك
لابد ما تكــبر !

[ماجد العيد]

http://www.ab33ad.info/up/uploads/images/ab33ad.info-178a453901.jpg (http://www.ab33ad.info/up/uploads/images/ab33ad.info-178a453901.jpg)



الغربة : كائن مسعور !

[ماجد العيد]

http://www.ab33ad.info/up/uploads/images/ab33ad.info-03ccebcdd1.jpeg (http://www.ab33ad.info/up/uploads/images/ab33ad.info-03ccebcdd1.jpeg)



أحبابي الناجين
ـــــ تعلّموا .. بدري
ما أخطوا "الخاطين"
ـــــ بالشارع المبري
لو ظنّكم ساهين ؟!
ـــــ ربّي .. و أنا أدري !
الناس صَنْعَة طين
ـــــ و الطين ما يغري !