إشتقت/لي

[بدرالموسى]

http://my.alfrasha.com/uploads/9/999/3254.jpg


صمتك الخافت يشابه للزحام = بين جدران المشاعر والحكي

دامني اعجز اشارك بالكلام = بالاشاره اوصفيلي شوبكي

وان عجزتي توصفي كل الغرام = اخذي اطراف الاصابع واشبكي

ضيعيني في متاهات السلام = بس عشاني لا تجي صوب البكي

[بدرالموسى]

http://bs669.jeeran.com/bbb234.jpg


تبي تعرف وش أشقاني من أول شوفتك للآن ؟ = حديث الناي وأشجانه يساوي أحزان مجتمعه



مع صوت الحزن غنا ترانيم الشقا ألحان = ملك كل القلوب اللي تعيش بعالم الدمعه

[بدرالموسى]

http://www.shababgamed.org/images/w2fq8ojzt2mripbmz2oy.jpg


تبكي منك المزهريه = ويستحى حتى الزهر


كيف أقدملك هديه = انتي نور من القمر


المشاعر هيه هيه = في حضورك والسفر


دامك ارضيتي عليه = خلنا ننسى الهجر


وانتهت ذيك القضيه = والمخاصم والكدر


عندك الخافق هديه = صرتي بعيون البدر

[بدرالموسى]

http://zffat.com/up/upfiles/pQt98537.jpg


وعد القلوب تكون في نظرة العين = والقلب يصدق في وعوده لـِ ـعينه


وعده وشيلي من وسط كلمته عين = وده يجي او إنك إنتي تجينه

[بدرالموسى]

http://www.al-shooq.com/up1/uploads/777f2870cf.jpg


عشتك زعيم الحب قايد وعراب = نتقاسم الأشواق هبه بـ هبّه



أثرك تغني عشقنا بصوت كذاب = كلما شربت الشوق بيدك تكبّه


القرب أصدق والجفا منك مرتاب =إن جيت أصدق جبت هالبعد كذبه

[بدرالموسى]

http://www.friendsoflight.com/pp/data/511/630.jpg

مرات أسأل يا ترى وين ... ويني ؟= وألقى جواب المعضلة في سكوتي

مرات اسكن غربة الروح فيني = اذا صرخت أحس مبحوح صوتي

يعني تشابك هالشكوك بيقيني = ويعني تساوت كل حياتي بموتي

يكفي ... وجودي بالفرح يا سنيني = الحزن فيني والألم في بيوتي

[بدرالموسى]

http://www.qnaol.net/SiteCollectionImages/Flags/qatar-flag.gif


الدقيقه بغيبتك عندي شهر = والسوالف تفقد النكهه بلاك


المحبة خالصة وعشقي دهر = إيه أحبك يا قطر وأعشق هواك


من كثر ما أحب انا ديرة قطر = قمت أتابع دوري الكورة هناك

[بدرالموسى]

http://www.do7a.com/gallery/files/cardh7.jpg


إنتظرت وما رجعت
وش تبي اكثر أسوي ؟
أكسر حدود المسافه ؟
واعلن أسمك بالصحافه ؟
إنتظرتك وإنتظرت
وإنتظرت
ولا تحسبني بكيت
او نسيت
ما قويت
ما نسيت
حتى للذكرى وفيت
قمت أردد من هو شافه
بلا كلافه
أكسر حدود المسافه
وإتصلت
وما ترد
ياخي رد
جيت كلي للتواصل
ما طلبت الا ثواني
عيش مثلي هالغياب
شوف كيف البعد قاسي
كيف اعاني
وإنت بعاندك تحاول
تبعد بشتى الوسائل
ما طلبت الا ثواني
بس تحاول
ياخي حاول
عيش حالي
وافهم الرغبة الملحه
بإتصالي
حط نفسك في مكاني
بس ثواني
وش تبي اكثر أسوي
دام تسمح للغايب
دام بعاندك تسكر
كل باب وكل باب
وش تبي اكثر أسوي ؟


وش تبي اكثر أسوي ؟

[بدرالموسى]

http://puredream.jeeran.com/70769826O867377119.jpg


كل هذا ما عرفتي

إني بغيابك أضيع

وان هالكون بحدوده

بي يضيق

تختفي أربع فصوله

ينتظر فصل الربيع

ويحتري لحظة وصوله

وإني بغيابك أضيع

واني أسأل هالسوالف

عن مكانك

عن شبابيك التواصل

ووجه بابك

وش لقيتي في غيابك

وش جنيتي

وش جنت حضرت جنابك

ولا بغيابك نسيتي

اني بغيابك أضيع

[بدرالموسى]

http://www.al3zeza.com/gallery/upload/1213875576.%5B0%5D..jpg


يمه وينك
يمه طفلك لا بكى من يفهمه ؟
من هو يمسح دمعته ويلملمه ؟
من هو يفهم حاجتي لطعم الحنين ؟
ما تجين ؟
شوفي بعينك عيوني متمتمه
دمع عيني من هو غيرك يفهمه ؟
يعني طفلك ما بدينه أي خيار
الزمن بدل حنانك بالجدار
يمه وينك
ما تجين ؟

[بدرالموسى]

http://nor200.jeeran.com/files/58484.jpg


وش الدمعه على ابوابك
على خذلان اصحابك
على غيابك
على اوطان منسيه
على احلام ورديه
على احزان مرثيه
وش القصه
وش الغصه
تعال احكيلي واحكيلك
وتمسح دمعة جراحك
وتشكيلي
وأنا أسكت
وأشكيلك
يطوف الوقت ما ندري
اثاري هناك مو دمعه
هموم .. احزان والغربه
جفا أوطان مغتصبه
بقى واحد على حسابي
وعلى الدمعه
عشان تصير هالستة [ 6 ]
على خد الجفا [ سبعة ]

[بدرالموسى]

http://www.hazza.org/up/uploads/99c9a5400c.jpg


اذكر اني
كان حلمي
اكبر وأصبح طبيب
واسمي يتعلق في لوحة
فوق جدران النجاح
حلم ضايع
وسط شارع
صار همي بالرغيف
صرت اللقمة طموحي
نومتي فوق الرصيف

[بدرالموسى]

http://7bna.com/up/uploads/b7217542d4.jpg

تعال ورتب الفوضى
واذا تقدر ترتبني
أبي كل الجنون اللي
سكن في داخل جنونك
أبي أشربك من شوقي
وأبيك بشوق تشربني
أبي أفقدني وألقاني
بدون شعور بعيونك

[بدرالموسى]

http://www.friendsoflight.com/gallery/files/2/3/2/chainlock.jpg



تموت الروح تتلاشى وتنبت بالكفوف أرواح
وأسافر في متاهات الحنين لضحكة أخواني

فتحت الباب للضحكة تقابلني أسى ورماح
يا ليت الباب سكرته عشان أعيش وحداني

قفلت الباب وأوصدته رميت بوجهه المفتاح
حزين ولا رضيت الا أعيش بهمي وأنساني

[بدرالموسى]

http://whm666.jeeran.com/files/141078.jpg


ارفعي راس الأنوثة
قولي كيف
طاحت البسمة
مع اوراق الخريف

[بدرالموسى]

http://masstz.files.wordpress.com/2008/10/faqr.jpg

حط نفسك في مكاني
عيش ذلي والمهانة
البراءة والطفولة
يا صديقي ما تفيد
وان شبعت يكون عيد
قبل لا تصور أمانه
ودي أسأل يا زماني
عن فقير يموت مثلي
ما عرف شكل المدارس
والطفولة والملابس
إلا حالة
إنه في عالمك عالة
ما يفرق بين حاله
والزباله

[بدرالموسى]

http://www.dohaup.com/up/2009-03-25/dohaup_842931756.jpg


كِنا رجال
مشروع مستقبل يجي
وعيا يجي
صِرنا فراغ من الفراغ
بس نعيش ونرتجي
والحين
لا حال
لا مال
أحذيه
والظلال
[ اطفال ]

[بدرالموسى]

http://www.eyeiraq.com/upload/arq.eye.jpg

يا الطفوله
في عيونك سالت دموع الطهاره
واخذلتنا ما نعرفنا اللي نقوله
ما عرفنا ليه نبكي وبسهوله
تندلع نار الفقر
وإتمكن فينا ناره
يا الطفوله
يا البراءة
يا الطهاره
كيف ضاقت فينا داره
وما عرفنا اللي نقوله
آه يا هم الطفوله

[بدرالموسى]

http://www.ibtesama.com/vb/imgcache/8523.jpg

وتلطمني كفوف الجوع
أجي محتاج للخبزة
وتسيل دموع
على خد البُكا
وتسيل
وتسيل
وتهزه
وانا قدامكم طفلٍ
تجرد من حقوق الخبز
والعزه
وأشوف الجمر يشعلني
ويلبسني ردا أوضاعي
وأعيش بحضن أوجاعي
أعيش الطل
في زمان الذل
ينادي هالطفولة
وأنا باقي وحيد
هناك
مدري وحدي هنا
إلا أنا
يقول هناك وحدك ظَل
حقارة يا زمان الخذ وخل
قالوا عشت
وانا موطني
هـ الطشت

[بدرالموسى]

http://up109.arabsh.com/s/15hei75h6o.jpg


ليه يا دنيا قسيتي
كنتي في حكمك ظلومه
توني طفله ولكن
شايله هموم
الامومه

[بدرالموسى]

http://arabia.eidmubarak.com/imageboxes/box31/i314005634282.jpg


لو سألتك من هو أثمن بيننا ؟
ولا تدري
لا تجاوبني عليه
خلني أسأل
يا ترى وش هو الشبه
بيني وبين الشعار اللي عليه ؟
الجواب الحين تقدر تبتديه
كوب فاضي
وطفل فاضي
ما حمل إلا التشرد
والتجرد يمتليه
خلنا نرجع لنفس اللي بدينا
طفل حافي
كوب حافي
إلا من هذا الشعار
[ ستار بكس ] يحمل شعاره
وانت ناظر في عيوني
تلقى أنواع المراره
تلقى أنواع المراره
تلقى أنواع المراره

[بدرالموسى]

http://www.libya-al-mostakbal.com/LibPress08/April2008/gaza1704.jpg


هنا غزه .. هنـا عـزه .. هنـا متشربـك الموضـوع = هنا الخذلان .. [ يتراقص ] على اصوات المدافع [ مال ]

هنا حطين .. تتمرجح بـأغصان / الأسـى / المفجـوع = بكى / الزيتون / لا منه سمع .. في [ موتـة ] الابطـال

[بدرالموسى]

http://static.guim.co.uk/sys-images/Guardian/Pix/pictures/2009/1/6/1231262675211/Gallery-gaza-The-hand-of--001.jpg


صرخت بيوم يا أمه
هناك أطفال ملتمه
هنا حلم الطفولة ضاع
يجيه الموت ويلمه

في وسط الدار وحطامه
يضيع الجيل وأحلامه
ولا يلقى سوى اوجاعه
تموت بـ عينه أيامه

دموع مبلله حرفي
بكت سبورته صفي
اذا عِجزت مناديلك
تعال وخذ لهم كفي
تعال وخذ لهم كفي
تعال وخذ لهم كفي

[بدرالموسى]

http://i327.photobucket.com/albums/k441/ajbloodyshadow/6.jpg



ياخي قوم
قوم سولف عن سمانا
عن هوانا
عن شعور اللي نعيشه
عن وفانا
عن تغاريد الصباح
وعن جناحين بـ جناح
عن تفاصيل الأمل
لما إنتسابق
وإنتضايق
من بعضنا
لا افتقرنا
ياخي قوم
خلنا نتسابق نحوم
ومن جديد
ننفي الهموم
ولا تخليني وحيد
ياخي قوم
تكفى قوم

[بدرالموسى]

http://www.i11i.net/from/imgcache/15199.jpg


نجوع وناكل الغربه
ونعطش نرتوي كذبه
وننسى في جسدنا بطون
ولا يدرون

نضيع بعالم الحاجه
سجين وناطر فراجه
ترى مثلي يجي مليون
ولا يدرون

عرايا ونلبس الدمعه
شتانا عظام مجتمعه
نسوا من بردهم يدفون
ولا يدرون

نسينا هالطفوله شلون
ترى والله ما يدرون
ترى والله ما يدرون
ترى والله ما يدرون

[بدرالموسى]

http://www.solgunaz.com/images/poverty.jpg



الرصيف فراش
وغطاي الهموم
والوسادة تشبه ألوان الغطا
والصحن يبكي
ودموعه كفوف
يا عطا
عجل علينا يا عطا
هالحكاية مكرر
في كل يوم
وش يسد الجوع
وصحوني فضت
والعشا ِنكمله
غفوه ونوم

[بدرالموسى]

http://www.maktoobblog.com/userFiles/d/r/drfaouri/images/poverty.jpg


دقايق بس من فضلك بلا مجهر بلا تكبير
نبي نسعى له لو نقدر نصد الجوع وإجحافه

تأمل شوف بعيونك وفسر عيشة التحقير
فقير أكثر من اللازم يموت الموت لا شافه

[بدرالموسى]

http://kshah.jeeran.com/%D8%AF%D9%85%D8%B9%D8%A9.gif

يبه ولدك ترى ضايق
عليه من الهموم جبال
قيود مكبله روحه
دموع احزان
مبحوحه
على هالحال
وجروحه
بكت من صوتك الغارق
وسط اهات مطروحه
تنادي يابدر وينك
وانا بقيودي اتعذب
بكت عيني دمع عينك
تناديني


تعال
تعال
تعال

[بدرالموسى]

http://www.vp.rghh.com/imgcache/0/632009/64049.imgcache.png


يا مصور
ايه صور بالامانه
هالعجوز الي تضيع بهالشوارع
اشربينا ذل
ونشربك بمهانه
ما نشوفك
ما نحس بهالمواجع

[بدرالموسى]

http://www.ibtesama.com/vb/imgcache2/27457.gif


قول
ايش اخلي
وايش أقول
الفرح فصل الخريف
والربيع يمرني طيف
والنهار اللي اشوفه
من ليالي فصل قالوا
عنه البرد الشديد
علموني شـ الجديد
دامها الدنيا عطتني
بالحزن أربع فصول
ملني حزني لأنه
هالحزن طبعه ملول

إيش أخلي
وإيش أقول

[بدرالموسى]

http://www.mutir-up.org/up/uploads/uXB35697.bmp


على هالحال لي مده
وفي هذا الحزن وياي
أصيل وما يفارقني
ولا يرضى بغير بكاي
نسى يوفيلي بوعده
على هالحال من مده