إحساس يــ غ ــمر الأنفـاس

[رزان العتيبي]

http://www.shy22.com/upfiles/sI244404.jpg


يـ ألعابي ,
كثار الـ يوم غيّابي ..
وأنا أستنى خبر واحد ,
يغيّب عنّي أتعابي !

ولا عادوا ..
ولاتنفست أنا أخبار ..
تقول انهم : لي اشتاقوا ,

وش اللي صار !
علينا هالزمن | جبّار ,
خذاهم حلم ,
وبقّاهم في عيني وهم !

كنا صغار ,
رسمنا حلمنا : قلبين ..
وسهمٍ مخترق نصّه | ولا مسّه ,
بـ أذى أو جُرم ..
وكتبنا في دفاترنا : إلى منّا غدينا كبار ..
بـ أصابعنا نبي دبلة ..
ونبي نكتب بعض أشعار ..
ونعزف ليلنا حفلة ..
وصبحٍ ماملاه غبار ,

وأناديهم ,
ولا أسمع صدى صوتي ,
وأنادي بـ صمت ,
يـ ألعابي ..
نسوا هالموعد أحبابي !
أو إن قلوبهم خانت ..
عهد مكتوب بـ كتابي !




http://s111t.com/vb/downloads//14_fhm.gif

[رزان العتيبي]

http://i43.tinypic.com/2s7i907.png

نبرة عتابك , وخوفك مع تعابيرك !
صمتك , حنينك بقايا ضحكك الـ مُبكي ,

أشيائك الـ غير وأشيا تختصر غيرك ,
أحتاجها إن حضنت وسادتي : أشكي !


http://s111t.com/vb/downloads//14_fhm.gif

[رزان العتيبي]

http://www.ekhbaryat.net/Uploads/image/cat61750940579712.jpg

إحضنت يدي يدينك وانتفضت ,
كهربا فيني سرت من : لمستك !

قمت أجمّعني ولكن من لفظت :
[ إي أحبّك ] بعثرتني كلمتك !

يابداية فرحي الليلة | نفضت ,
كل حزنٍ لين ضاع فْ بسمتك !

فيك حلمي شوف كم مرة حفظت :
عنّك إحساسي وتاه بْـ نظرتك !




http://s111t.com/vb/downloads//14_fhm.gif

[رزان العتيبي]

http://www.friendsoflight.com/pp/data/507/Riyadh-KingdomTowerN.jpg

يالرياض اليوم بنتك مابكت ,
بشّري فيك الليالي تب تنام !

وإن غدر فيها حزن مرة وشكت !
بلّليها فَرْح وامليها | زحام ..



http://s111t.com/vb/downloads//14_fhm.gif

[رزان العتيبي]

أحسّ بالغربة وأنا بينهم ليه !
معقولة لـ أنّك أبعد الناس عنّي ؟!

http://s111t.com/vb/downloads//14_fhm.gif

[رزان العتيبي]

http://i47.tinypic.com/ojgrqx.png



تعال : وعطّر أجواء الـ فجر سولف | تنثّر | طيش
تعال : إجمعني بـ يدين الـ حنين , وطمّن أوجاعي !

بـ إنّك من رحلت ايقنت دوني من الـ صعوبة : تعيش ,
كبر فيك الـ حزن أكثر / وحشك الـ كِبر بـ أطباعي !

خذلك الـ شوق بـ غيابك وجيت من الـ ذهاب بـ ليش ؟!
أعيشك حتى في صمتي , وأحسّك دوم بـ أسماعي ,

تعال : وغيّر بـ وصلك ظروفي وإكسر الـ تطنيش ,
تعال : إشعل فوانيس الـ فرح في عتمة أوضاعي !

[رزان العتيبي]

لإنه الـ بدر فقط : خرجت له بـ صوت إبنته ..
ومن تتلمذت على يد قصائده ..
وجود اسمه فقط هو حافز للكتابة عنه ..
هو والدي ووالد الجميع بكل : تأكيد ,



http://my.eqla3.com/fn/zrar/saud/bdr2.gif

شيبك وقار وضحكتك بسمة أطفال ,
صوتك أغاني : فلسفة حب وشعور ..

في نظرتك يُّكتب من الـ شعر موّال ,
في مشيتك يتمايل الـ فخر بـ غرور !

موطن قصيد , بحرفك تعيش أجيال ,
قصة وطن : بـ اوْراقها مَ حضنت زور !

مِنْك نتعلّم كيف نبني لنا | آمال ..
مِنْك نتباصر مطلع الـ نور للـ نور !

مُزعج غيابك يَكسي الـ ليل غربال ..
كِنّه يقول : لـ طلّة الـ صبح مجبور :

أحجب بياضك دامه الـ عود مازال :
يحضن بعاده بين قاصد ومعذور ,

إنت إحتضار الـ صمت في هيبة الـ قال :
إنت إندثار الـ حزن في صوت عصفور ,

إنتَ قصيدة حرفها : ضحكة أطفال ,
للحين بين ألعابهم يقسموا الـ دور !



إبنتك : رزان العتيبي ,

[رزان العتيبي]

صاحبي بالله قلّي : وين أروح ؟!
وأنا أتفه شي بالـ دنيا يسبب لي جروح ,

[رزان العتيبي]

نورة : تتوقعين يصح أسامحهم ؟!
http://www.malroh.com/vb/images/smilies/frown.gif

http://www.alhayrh.com/galry/albums/userpics/5445845.jpg


طاحوا كثير وليتهم يوم : طاحوا ,
خذوا بقاياهم وراحوا بـ دوني !

كانوا هنيّا ومن ضلوعي تناحوا ,
للـ بُعد ضفّوا عفشهم | واخذلوني !

نورة تراهم خاطري إستباحوا ,
لا هم لفوني ولا هم اللي إتركوني !!

[رزان العتيبي]

http://i35.tinypic.com/2qvqvlw.png

عادوا : وقلبي شرّع ايديه للـ كيّ ،
كِنّه نسى كيف جرحوني وغابوا ؟!

[رزان العتيبي]

وينك : ترى ضاقت بي صدور هالـ ناس ؟!
لا الأرض أرضي | ولا مكاني مكاني ,

وينك : أنا محتاجتك [ زفرة أنفاس ]
ودّي أبوحك مو دقيقة ث و ا ن ي !

لا صار صمتك فرض ودّي بك إحساس ,
عطني يدينك نازعتني الـ مواني !

خذني وخبّ الـ حزن في زحمة الـ ياس ,
يمكن بيوت الـ فرْح تحضن | زماني ..

تِعْبتْ أصوّت لك ترى ضحكتك ساس ,
مِنْها بنيت أوهام , غيم , وأماني !

طفلة وأشوفك زحمتي بين هالـ ناس ,
وأكبر دليل إني بدونك | أعاني !

[رزان العتيبي]

في كل عامٍ اشرّع بابي وانتظره
ايلول مقبل : وشايل معه عيديّة

عمرٍ جديدٍ يبي يُكتب لي ف بكرة
واحلام ضاعت تبي ترحل من ايديّه

ايلول تكفى ابي كراس وش كبره
محتاجة ارسم اماني حيل وردّية

عشرين عدّت وهذا الحزن بي مُكره
ياليت هالعام يطلقني بس شويّة

الفرح احسه من همومي بدا يشره
دايم في قربك ابد مايحسن النيّة

ايلول ودي اعيشك ضحكة مو حسرة
تكفى عشاني تحقق هالطلب ليّه



8 / 9 / 2010
كل عام واحلامي تنبض بالـ حياة ،

[رزان العتيبي]

من الـ شُّباك كانت أُمنياتي تطلّ ,
على شارع حضنّي بْ ليل أحزاني !

تمرّ الـ بال ذِكرى من حنين وكلّ :
مامرت أضيق ب صدر حِرماني !

أسولف للـ نجوم شلون عنّي فلّ ؟
وكيف أدعي له في وتري ولا جاني ,

وكيف الـ كحل في عيني بدونه ملّ !
وكيف الـ روج من جفّواه جافاني ؟!

وكيف أعبث بذاكرتي أبي لي حلّ ,
ولا ألقى غير خطواته تِعدّاني !

أشوفه في تفاصيلي بقايا ظِلّ ,
أجي له بـ أحتمي , ويغيب ماأمداني !

ياهذا الليل لا مرّك رجيتك قلّ :
ترى لك طفلةٍ غنّتك ب أحضاني !




:- كانت ب رفقة معربة الجدين ,

[رزان العتيبي]

وارد راسلني : قبل يومين حمل لي رسالة أبكتني ,
بل وأشعلت فتيل الـ حزن بـ صدري ..
لم أستطع الـ رد بـ أي كلمة سِوى بهذه الأبيات ..
وأعتذر عن حزنها يانقيّة ..
فهي كل ما أستطعت أن أنثره على لسانك ..


http://i52.tinypic.com/4k77t2.png


ماغاب عنّي شخص عادي ولكن :
غاب الذي بِـ اسمه ينادوني الـ ناس !

أشتاق له .. وتضيق فيني الأماكن ,
غرفة جلوسه , موقد الـ نار , والـ كاس !

أحتاج له .. وأضم له ثوب ساكن ,
امعطّر بريحه : تفاصيل وإحساس !

راح الذي يدّه لـ دمعي مساكن ,
اللي ليا من ضقت نسّاني الـ ياس !

ولامن تِعَبْتِ ضْلوع صدره : تباكن ,
ايضمّني كِنّ الـ دوا منّه أنفاس !

يابوي وينك ؟! شوف الـ هموم حاكن :
حولي من الـ غربة قهر شيّب الـ راس !

يابوي : بنتك حزنها صمت ماكن ,
من يوم ماودّعتها عافت الـ ناس !

[رزان العتيبي]

أُولى محمومة بالـ تعب !

عنوووود قولي لهم :

عطشى على بير الأماني لي سنين !
قولي لهم : ماتت وهي تْقول : بُكرى

قولي لهم : ماملّت تْقول : بِ يحين
راحت ولكن خلّت .. أبيات ذِكرى !







بين مدينة و حزن !

همّ الـ مدينة فـ الشوارع يبيّن :
لا ناموا الحرّاس وإستيقظ الليل !

واللي في قلبه جرح .. ماهو بهيّن ،
يتقاسم الأحزان معها : مواويل !

ايْغني دموعه : حنيّن ، حنيّن
مايدري إنه أشعل البُعد قنديل !

مثلي بهذا الوقت والضّيق ليّن ..
يـ الله بنام الحين كافي : بهاذيل !





لا صباح يُشبهك !

(كلّ صبح يمرّني دونك حزين )*
الزهر يذبل ويتناسى شذاه

والعيون تدُور بين العابرين
تنتظر زولك وتترجى تراه

يارفيق العُمر ياملح السنين :
لا تغيب .. وتنحفر بالقلب آه

خلّ صبح اليوم يحتاجك : حنين
اي تعال انشر ب أنفاسك دفاه

شفني أتفتّح بوصلك ياسمين
شف تفاصيلي تغرّد بالحياه

من تجي تحيا ضلوعي واستكين
وإتمخّطر لك أحبك بالشفاه

والأغاني بصوت " فيروز وشرين "
لك تردّد : قد سكَني في هواه

شفت كيف الصبح بوجودك يحين
يعني من غيرك انا أول من نساه


* الشطر الاول لحنان العجمي بتصرف منّي




الأماني أجمل حينما لا تتحقق !

بعض الأماني تاخذ سنينها لين
تبدا تموت بـ خافق اللي نطرها

كذبة ترى : بتصير يمكن بعد حين
حنّا كذبناها وحنّا .. انْخَسِرها







ومن غيره ؟! يطيب الحزن في عينه ؟!

يبه : تدري أنا لي كم سنة وأكثر ..
أظن ؛ أظن من صغري ،
عجزت أضحك | عجزت أبكي !
أواعد هالـ فرح بكره ،
يجي بكره بِلا بُكره ..
وأظل أحوس بالـ حجرة.. أدوّر في دواليبي ،
على فستان يضم بـ داخله بسمة ..
ولا ألقى إلّا حزن مقسوم مـ الفطرة !
يبه : طِفلتك ماكِبرت ..
ولا عدّت على الـ عشرين من فترة..
يبه : طِفلتك ماشابت !
ولا زالت تدسّ ألعابها بالـ درج تخاف من الزمن .. يهديها للـ غبرة ..
يبه : طِفلتك كم ذابت ؟
سوالفها من الـ حسرة ..
يبه : حتى شعر راسي .. غزاه الشيب واحتكره !





فجر أخير !






أدورني فـ منافيهم !
وأدورني أنا : فيهم ..
غريبة كيف ماحسّيت ،
وش فيهم ؟!
على شكل أمنيّة .. مرّوا
رمتني بين أياديهم !

رماد الليل ياجاهل :
على مهلّك .. عيوني مابعد جفّت من الغيّاب
أبي لا وصّلوا خدّي
تجي تسكن بدل فاقد ..

وأنا أستاهل ،
يقولوا : من عرف سرّك ..
يفيض الهمّ في بيره !
ويرفع به من الأسفل ..
يروي به عطش هالناس : عن جراحك
عن أفراحك ..
عن الأيام والأحلام ...
وأنا كان الخطا منّي ،
حسبت الكلّ يشبهني !
رضيت أكون بـ الآخر ....