محمد السالم
03-02-2009, 05:58 PM
**
**
ماكسبت من الحكي ؛ إلا الحكي = وماربحت من الجروح إلا الجروح
لك زمانٍ صامتٍ ما تشتكي = ولك زمان تحنّي اكفوف الطموح
ولا مليت السّعن من جمّ الركي = كل مايرد الدّلو عوّد شحوح
في ملاعيب الزّمن بار الذكي = الجبل ما يوهنه وعلٍ نطوح
ولوّ عيون اليتم ؛ يجفاها البكي = في اليتاما ماجفا حزنٍ لحوح
مثل ماحزنك بصدرك متكي = مثل ما ضعفك جبن وزرا يبوح
العظايم مايفجرها النكي = والصغاير كل ماجاتك تنوح
أبيضك أشهب وليلك ليلكي = رؤيتك ماعمرها شافت وضوح
يا فقيّيّر ؛ والعشم لك مرتكي = بالوعود اللي جسد من دون روح
كل ما تطوى بك الصفحة لكي = يجحدونك جيت في وجه سموح
وأنت أنت ؛ ولو كووك بألف كي! = قلت جات ومثلها ماجا يروح
وش كسبت من الحكي ؛إلا الحكي = يا أخي خلّك فطن لاتكون لوح !
**
**
م.س.
**
ماكسبت من الحكي ؛ إلا الحكي = وماربحت من الجروح إلا الجروح
لك زمانٍ صامتٍ ما تشتكي = ولك زمان تحنّي اكفوف الطموح
ولا مليت السّعن من جمّ الركي = كل مايرد الدّلو عوّد شحوح
في ملاعيب الزّمن بار الذكي = الجبل ما يوهنه وعلٍ نطوح
ولوّ عيون اليتم ؛ يجفاها البكي = في اليتاما ماجفا حزنٍ لحوح
مثل ماحزنك بصدرك متكي = مثل ما ضعفك جبن وزرا يبوح
العظايم مايفجرها النكي = والصغاير كل ماجاتك تنوح
أبيضك أشهب وليلك ليلكي = رؤيتك ماعمرها شافت وضوح
يا فقيّيّر ؛ والعشم لك مرتكي = بالوعود اللي جسد من دون روح
كل ما تطوى بك الصفحة لكي = يجحدونك جيت في وجه سموح
وأنت أنت ؛ ولو كووك بألف كي! = قلت جات ومثلها ماجا يروح
وش كسبت من الحكي ؛إلا الحكي = يا أخي خلّك فطن لاتكون لوح !
**
**
م.س.