عبدالعزيز السعدي
03-02-2009, 11:16 PM
الأحبة في أبعاد
أهدي لكم نبضي هذا , و أتمنى أن يرتقي لسمو ذائقتكم ....
مزحوم بالصمت و الظلما و جدرانـي = و الوحدة اللي تجيب الحزن من أيـده
لا ما أسولف مدام الجـرح عرانـي = كل مـا أسافـر تلاقينـي مواعيـده
يا بنت هذا الوجع ما طـاف بيبانـي = القاني باول مساي أضوي شماعيـده
قصيت حلمي لجل أهديـك و آعانـي = و أقول للوقت لك هالجرح بي زيـده
يا سكر الوقـت يـا وجـهٍ تعدانـي = ما باقـي إلا جفـا حظـي و تنكيـده
ناداك حـزنٍ تمـدد بيـن أحضاني = و ناداك وجهٍ يجر الصمـت و يعيـده
ما شفتي النزف لا من غبت نادانـي = ما عاد يبرأ و لـو بالغـت تضميـده
رحتي و أخذتيني لمنفـاي و القانـي = أصيح باكر و باكـر صعـب تحديـده
لين أنّ وقتي من الأوهـام صحانـي = و أمسيت أسكن جنوني و أنتي بعيدة
و صرتي بميعادك اللي مـا تمنانـي = وأنا أحضن الجرح و آهنّيه في عيده
ليلة زفافك أنا اللي جيـت باحزانـي = ما همني الحفل , أضوائه و زغاريده
جيت أحمل فراقك اللي فاض و ادماني = و أهدى شمال الصدر باقي تناهيـده
ما عاد كحلك يسيل يسيل من شانـي = و ما عاد دفتـرْك يهدينـي أناشيـده
مدي خريفك على أوراقي و أغصاني = دام أنّ عصفـورك لغيـري تغاريـده
كبير هالجرح و أكبر منـه نسيانـي = يا كيف بنسى و كل ليلـة مواعيـده
عبدالعزيز السعدي
أهدي لكم نبضي هذا , و أتمنى أن يرتقي لسمو ذائقتكم ....
مزحوم بالصمت و الظلما و جدرانـي = و الوحدة اللي تجيب الحزن من أيـده
لا ما أسولف مدام الجـرح عرانـي = كل مـا أسافـر تلاقينـي مواعيـده
يا بنت هذا الوجع ما طـاف بيبانـي = القاني باول مساي أضوي شماعيـده
قصيت حلمي لجل أهديـك و آعانـي = و أقول للوقت لك هالجرح بي زيـده
يا سكر الوقـت يـا وجـهٍ تعدانـي = ما باقـي إلا جفـا حظـي و تنكيـده
ناداك حـزنٍ تمـدد بيـن أحضاني = و ناداك وجهٍ يجر الصمـت و يعيـده
ما شفتي النزف لا من غبت نادانـي = ما عاد يبرأ و لـو بالغـت تضميـده
رحتي و أخذتيني لمنفـاي و القانـي = أصيح باكر و باكـر صعـب تحديـده
لين أنّ وقتي من الأوهـام صحانـي = و أمسيت أسكن جنوني و أنتي بعيدة
و صرتي بميعادك اللي مـا تمنانـي = وأنا أحضن الجرح و آهنّيه في عيده
ليلة زفافك أنا اللي جيـت باحزانـي = ما همني الحفل , أضوائه و زغاريده
جيت أحمل فراقك اللي فاض و ادماني = و أهدى شمال الصدر باقي تناهيـده
ما عاد كحلك يسيل يسيل من شانـي = و ما عاد دفتـرْك يهدينـي أناشيـده
مدي خريفك على أوراقي و أغصاني = دام أنّ عصفـورك لغيـري تغاريـده
كبير هالجرح و أكبر منـه نسيانـي = يا كيف بنسى و كل ليلـة مواعيـده
عبدالعزيز السعدي