{ .. تقــ / ـــآسيم شعــ / ــريه ..} ~ .

[ندى القحطاني]

* *
http://www.wl3.net/uploader/up/19680427020071205.gif
بسم الله الرحمن الرحيم ~
وسلامٌ من لدّن الخالق يغشاكم مغفرةً ورضواناً
سأعتزل نفسي هُنا
لأقدمها إليكم أكثر
وس تكون جميع القصائد ..
مُذيله بِ : ندى القحطاني ( على تواضع حالها ب الطبع )
كلي رجاء أن ترتقي لكم .. وبكم ..
ودمتم في أحضان السماء

وشوشه خافته :
الأغلب سَ يكون من قديمي المُتجدد نصب أعينكم : )

http://www.wl3.net/uploader/up/19680427020071205.gif لكل من عطرني هُنا ..
* *
Ihttp://s111t.com/vb/downloads//14_fhm.gif I

[ندى القحطاني]

س أبدأ مشواري ب قصيدة لي بِ عنوان ( الأميرة النايمة )
إعتمدت فيها سياسه ( قبل وَ بعد ) :)

قبل :



[فتنه سوآد ] تخآصم أطـرآف الرمـوش=و {عطوري} ملت نومهـآ / بغرآشهـآ!!
و[فلول دمعي] استعمروا وجهي البشوش=واحتلت الأعمآق / غـآب أحرآشهـآ !!
مثلي / طفل - أعزل- غدى بين الوحوش!=يصيح / يلطم / يلعن .. اللي إعتآشهـآ !!
أحلآمه الغبرآء ..مثل حلمي {يـدوش} !=و [ جرح المشآعر] ..مآله إلا .. شآشهآ !!


بعد :



خضبت كفي يآلهوى ..ببدع النقوش=واستجمعت نفسي / {ربآطه جأشهآ}
وحررتني من أسر / معمعـه الجيـوش=وجبّرت كسره خآطري من هآشهـآ
بأحضآنك اللي كل إحسآس(ن) تحوش=كنّي {الأميره النآيمه } ..بفرآشهـآ!!
خذهآ {حقيقه} دون تدليس ورتـوش=[دنيآ معك] .. يآبخته اللـي عآشهـآ

بِ : ندى القحطآني

Ihttp://s111t.com/vb/downloads//14_fhm.gif I

[ندى القحطاني]

{جَرَّة الأيآم} تَنَّضَـح .. بِالألَـم=منْ حَيآه(ن) تِكّتِسح.. طَعم الحيآه!!
انّذِبح في شفتي {جَمَّـع الكَلِـم}=وداخلي / ميت على قيد الحيـآه!!
وصرت مثل/ النآر في رأس العلـم=وأشتهر إسمي: {ضحيه للحيـآه}!!

[ندى القحطاني]

زاد العنا في عالمي وباح سدّه !!
وجضّ الخفوق بصوت باكي :
يالعناااااااا
ماعاد لي فيك / شدّه !!
وطبعي أنا
[ خفّره وصقّره ]
ضاريه بالمكدّه !!
بس البلى ..
لاجاوز الشيء حدّه
معلوووم ..
إنه ينقلب صووب ضدّه !!
وأنا حريصه يالعنا
تبقى العلاقه بيننا
يسودها أجواء / شبه الموده !!

[ندى القحطاني]

* *
http://www.wl3.net/uploader/up/19680427020071205.gif

منهي أنا ؟!
اممممممممممممممممممممممممم


* *
Ihttp://s111t.com/vb/downloads//14_fhm.gif I

[ندى القحطاني]

* *
http://www.wl3.net/uploader/up/19680427020071205.gif

منهي أنآ ؟؟
سؤال .. ينّصآني ألآقي له جوآب ..


منهي أنآ ؟؟
سؤال يحوي.. كل مطبآت الصعآب ..


منهي أنا ؟؟
وشهي أنا ؟؟
ويني أنا ؟؟

سؤال يفتح من ورآه ألفين بآب ..

* *
Ihttp://s111t.com/vb/downloads//14_fhm.gif I

[ندى القحطاني]

* *
http://www.wl3.net/uploader/up/19680427020071205.gif


منهي أنا ؟؟

إنسآنه رآدفهآ الغيآب ..
وقفت سرآب ..
بين ردهآت الزمن .. وإرتجآلآت المحن ..
بين زحمه فوضويه .. وبين دمعه سّرمديه ..
وبين أقمشه الكفن !!
وأُرخت .. تآريخ حآفل بالعذآب ..

منهي أنا ؟؟
إنسآنه مصدومه وجع .. والظن بالفرحآت خآب ..
عآشت مع أصنآف الذئآب ..
تخلّفت عنهآ الركآب ..
لبست حجآب ..
تبي الهرب من عآلم(ن) أضحى خرآب ..

منهي أنا ؟؟

الحزن في كفي .. خضآب ..
والمّر لشفآتي شرآب ..
والخوف من فوقي سحآب ..
يمطر عناااء .. يمطر ترآتيلي أناااا ..
يمطر ترآب ..

* *
Ihttp://s111t.com/vb/downloads//14_fhm.gif I

[ندى القحطاني]

* *
http://www.wl3.net/uploader/up/19680427020071205.gif


وشهي أنا ؟؟

كتله حلم .. حنفه ألم ..
جثمآن رغم الصغر / شآب ..

وشهي أنا ؟؟

معدن ذهب ..
صآبه لهب ..
ومن حروته والجور / ذاب ..

وشهي أنا ؟؟

أطيآف ملحمه الحصير !!
وحروف في معجم حقير ..
نصّب تقآسيم الشقآء في دنيتي .. كنه أمير ..
وأحلآم عمري بينهم ..
تشكي / تعآني الإكتئآب ..
تشكي / تعآني الإغتصآب ..


* *
Ihttp://s111t.com/vb/downloads//14_fhm.gif I

[ندى القحطاني]

* *
http://www.wl3.net/uploader/up/19680427020071205.gif
ويني أنا ؟؟

بين خنقآت الشورآع !!
مآبقى لي أي دآفع ؟؟ !!
غير لملمه الشظآيآ !!
عير تفنيد القضآيآ ..
والدمع يشكي الأسر ..بين قضبآن الضبآب..!!

ويني أنا ؟؟

بين أطنآن الشتآء ..
بين نبرآت العواء ..
وآقفه وحدي كسيره..
للضيآع ولهفه الخطوه أسيره ..

وفي مهب الريح وحدي أرتجف ..
كن ليلي عن ليآلي الخلق .. دآيم مختلف ..

أمسح بيدي ترآتيل الحزن من مقلتي ..
وأنثر الدمعآت تترى في ثنآيآ مهجتي ..

ومن مزامير الهواء البآرد .. قليبي معتصف ..
وفي مهب الريح وحدي أرتجف ..

ويني أنا ؟؟

وآقفه مثل المجسم ..
حآمله بين الضلوع قلب(ن) مهشم ..

وبين لحظآت البدآيه والنهآيه .. وآقفه في المنتصف ..
وفي مهب الريح وحدي أرتجف ..
* *
Ihttp://s111t.com/vb/downloads//14_fhm.gif I

[ندى القحطاني]

* *
http://www.wl3.net/uploader/up/19680427020071205.gif
هذا أنا يآسآئلي منهي أنا؟؟

إنسآنه مآ عآدت .. أنآ !!
إنسآنه غآدرهآ ..الهنآ !!
إنسآنه رويآنه .. عنآ !!
إنسآنه .. هجّت من هنا !!

هجّت هنآك .. يـّم الشتآت ..
تجمع بقآيآ مهجهٍ بآتت .. فتآت ..

وتودع العآلم بعينٍ في محآجرهآ عتآب ..
وتسطر الدنيآ كئيبه بين صفحآت الكتآب ..

وهذا أنا يآسآئلي منهي أنا؟؟

ندى القحطاني ..

* *
Ihttp://s111t.com/vb/downloads//14_fhm.gif I

[ندى القحطاني]

أحبك من وأنا {طفّله}..أحبـك بآكـر ..وهالحيـن ..=وأحب إحسآس من أجّلك / تلبّسنـي .. وأغوآنـي!!
أحبك من "بحر جده" ..إلى أقصى حـدود "الصّيـن"!=وإلى منّه وصل { بكّيـن} ..يرجـع ثآنـي / أوطآنـي
وأحبّك ..كثر مآشوقي ..نزف ..مويه {بحر قزويـن} !=وأحبك كثر ما شوقي / برى عظمي وأضناني ..

[ندى القحطاني]

http://cards.lovingyou.com/platinum/images/moon14.jpg


طاحت عصاتي وقمت أتخبط كما شايب عَمَى=يسري بي الهاجس على شهباء القفار المُمحله!!
عطشى سماي / ومُقحله أرضي .. وأنا كلّي / ضمى=وقدري كما / حادي .. يدور بالحشا له مَنّزِله !!
مافادني قولي : عسى ؟ ياهل تُرى ؟ أو ربما !!=عجزت أكمم صيحه أفواه الخفوق المُهمله!!
ودثّرتْ { أُنثى} تحتمي في داخلي.. وضاع الحمى!!=قد حدّني جور الزمن ألبس / قناع المرجله !!
أدري - يقيناً - إن رزقي ماكن(ن) فوق السماء=ومهما بلغ علمي .. فكُلّ العِلم لازلت أجهله !!
وما صبَّر القلب المثخّن .. غير فعلين .. وهُما :=زرع الأمل في / بسمتي ، وأنفاس تتلو الـ / بسمله !!

[ندى القحطاني]

المصآيب .. كالمسآبح .. لآ أنخرط خيط(ن) / تِبـآع=مآ تصدق .. تنشف الدمعـه ..ينجدهـآ دمـوع!!
يآخسآره .. خآب ظني بالزمـن .. نـذل الطِبـآع=مثل خيبه ظن شمسي .. لآ دنـى ليـل الهجـوع!!
القمر / يلعب هجوم!! .. وشمسي / في موقف دِفآع=وتكسب القمراء ..هدفهآ .. وسط مرمى بالضلوع!!
وفرقي عن سنّه-جمووع الخلق-في كـون الضِيـآع=شمسهم /بآكر تعوود ..وشمسي /ينسآهآ الطلووع!!

[ندى القحطاني]

http://www.up07.com/up8/uploads/e093a5fe8a.jpg

على {سكّه حديد العمر} .. جآوزني /قطآر الجيـل=ندهتـه .. بـس صوتـي ..مآيأهلنـي أنآديلـه !!
رحل عنّي ..وخلآني .. أرآبـع/ وحشتـي بالليـل=حفيف الغصن يتنآفض ..ذيآب جبآل تعـوي لـه!!
بهآ كآن الهبوب أغبر .. ولفّحه بـآرد(ن) بالحيـل=وشخيّر الريح يعصف بي كيآنـي مـن موآويلـه!!
تعبت أنفخ هوآء بإيدي .. وأهبهب في (لهيب الويل)=أبي شعله دفـأ تكسـر شمـوخ بعجرفّـه ليلـه!!
بكى طفل الرجآء فيني .. بكيته /من قليل الحيـل!=يصبح بحرقّتـه ذيـك الليآلـي وش تخبـي لـه؟!
هربت بنظرتي ..شبّهرت عيني صوب نجـم سهيـل=وطرآلي بالنظر حلم(ن) حلمتـه صعـب تأويلـه!!
وتجمع فيني خوف(ن) دبّ في مكه {بعـآم الفيـل}=وحزن(ن) كثر مآ أظلم {بعآم الحـزن} قنديلـه!!

[ندى القحطاني]

* *

وجه العيد يآسآده /

ملآمح شآيخه .........قد هزأتهآ ~ لعنه التجعيد !!

وصوت العيد ..ترداده/

صدى .. محبوس ~ في حلق الليآلي / بغصّه التنهيد!!

نشيد العيد .. بالعآده /

بقآيآ .. ونه(ن).. عآنت من النفي .... ومن التشريد!!

* *
Ihttp://s111t.com/vb/downloads//14_fhm.gif I

[ندى القحطاني]

هذي حيآتـي ..عشتهـآ دوووم بجهـآد=وزول الفرح .. مآحآف دربـي ؛ يخآفـه!!
وعقرب أيآمي .. طـوى الوقـت بعنـآد=يغتآل عمري .. بين {تـآءه} و { كآفـه}
وموقع إعرآبـي ..شكـى غبنّـه الضـآد=يجرّني ~بكسري ~ كحـآل الإضآفـه !!

[ندى القحطاني]

يآوجودي ..فـي زمـآنٍ يجـرح القلـب ،ويتلّـه=وجد: "نحله" حسّت الغُربه وهي وسـط "الخليّـه"!
الليآلـي ..لبّسـت نجمآتهـآ ..كسـوه مذلّـه!!=سوّدت وجـه المعآلـي ..هالليآلـي السرمديّـه !!
في زمآن/الخبث مغنم!..والوفـآء والطيـب زلّـه!=والملآمح/ "يُوسفيه" ...والدواخـل/ سـمّ حيّـه!
صآرت الذله ..مثل ذيـل(ن) ورآه تقـول: ظلّـه=وين يلقى العز ..بيـن أهوآء/وأحقـآد/ وخطيّـه؟!
مآبقى للشـرع قيّمـه .. ومآبقـى بالنـآس ملّـه=يقلعك يآ يوم ..رددنآ : ((البسآطـآت أحمديّـه))

[ندى القحطاني]

(ربي لآ تذرني فردا وأنت خير الوارثين)



أبي أسـمع أنا (يّـمه) بصدق يقولها لأمـه
أبي أسمع بكآء طفلي على صدري وأنا أضمّه
حقيقه حلم عآيشته ، نثر نفسه وأنا ألمّه !!
وأشوفه شوفه الصآحي،،ويمر الحلم من يمه
****



أبي أفرح ويفرح"بوه"ويفرح خآلــه وعمّــه
أبي دنيآي تتوهج..وريحــه بس أنا أشمّــــه
أبيه إن فآضت عيوني..أمسّح دمعتي بكمّـــه
وأبيه إن كثرت طعوني..تروح ببوسه من فمّه
****


أبيه ومآ أبي غيره..(وليدي)آه يآ يمّـــه
ترى طوّلت يآعيني وشكى بي ناي مـّر همّه
ورجيته بس لو زولك يبآن وتنجلي الغمّـه
وحبيبي مآ بعد شفته ولآ دمي روى دمّــه
****

[ندى القحطاني]

البآرحه.. جتنـي هجـوس(ن) أقلقتنـي بالمنـآم
ــــــــــــــــ البارحه .. "زحمه فكر" ..لا عآد يـوم البآرحـه!!
قمت أتلملم ع الفرآش ... وأنثر دموعـي غمـام
ــــــــــــــــ وأستنشق النسمه-عبث- من خرم إبره كادحـه!!
وأتنهد التنهيده اللـي فسـرت معنـى الصـدام
ــــــــــــــــ وأطلق زفيري كاللهب مثل الطيـور الجآرحـه!!
وأستعرض الأيآم من (طق طق) إلى حد (السـلآم)
ــــــــــــــــ وأحسب عناوين العناء..يآكثرهـآ ع اللآيحـه!!

[ندى القحطاني]

متبوعه لما سبق : )

مثلي معآصر للألم .. مكبووت من قـل الكـلام
ــــــــــــــ مثلي (جبل) أضحى (حصى) في ظل قوه طآرحه!!
مثلي مجسم "عود" يحمـل داخلـه روح "الغـلام"
ــــــــــــــ العمر يجري به وراء والنـآس حولـه نآزحـه!!!
مثلي (مُحآرب) وقت ذروه شدته طـاح الحسـآم
ــــــــــــــ يتعلل بكبوه جـواده .. والحظـوظ الطآيحـه!!!


إلخ النصّ البليد :)

[ندى القحطاني]

وكمان متبوعة بِ نكهة العلقم : )


وزرع الأمل في شرع حظي حكمه الجآير/حـرام!
ـــــــــــواليـأس يجبـر دنيتـي بعيشـه ليآلـي كآلحـه!!
يدراي قآلب هش من صنعي ...بقآيـآي الحطـاام
ـــــــــ وأصبغ بألوان الفـرح منـي ملآمـح بآلحـه!!!

[ندى القحطاني]

ولا تزال سياط البآرحة تستمر ب وجعٍ مقرف !!

وأضحك على نفسي وأزعم/ كل شيء أضحى تمآم
ــــــــــــــ والنقص مآلي دنيتي وأكذب كلامـي مآدحـه!!!
وعلآقتي وأيآ الدموع أخذت طريـق(ن) للـدوام
ـــــــــــــــ تقرحت منـي الجفـون بفعـل مويـه مآلحـه!!!
والحزن أطلق نآقتـه وأقبـل ولـه شـد وسنـآم
ـــــــــــــــــ يدور في أرضي طليق(ن) مـن سنيـن رادحـه!!!

[ندى القحطاني]

يآنآس مثلي لو شكـى مـآ يلحقـه والله مـلآم
ــــــــ رغم أني حيّة اُرتزق ..أقـروا علـيّ الفآتحـه!!!
يآنآس حرماني طغى... دقـت فوانيـس الظـلآم
ــــــــ تضآربت عنـدي المبـآدي صآلحتهـم / طآلحـه!!!
ودي أفك القيد وأرقى صـوب أسـراب الحمـام
ـــــــ وأرحل بأرض(ن) نآئيه تحوي القلوب الطآمحـه!!!
وفيها انفصل عن توأم الأحزان / بإعـلان الفطـام
ـــــــــ وأبدأ حيآه(ن) تعتلي فيهـا الصـروح الفآلحـه!!!
يا ناس حان المغرب اللي ينتهي فيه الصيآم
ـــــــــ أفطر أيآ قلب العنآء... ركّد هجوس سآرحـه!!!
البآرحه شد وجذب ..مآني على اللـي بـه يـرآم
ـــــــــــ البآرحه... سآعه ألم ...لآ عـاد ربـي البآرحـه !!


أي والله .. لا عاد ربي البآرحة ،
مكتوبة ب الملح | صِدقاً : )
من قديمي المغبّر ، !!

[ندى القحطاني]

حتى التجارة ، كان لها حضورٌ قوي في مشآعري ،
ف من لا يعدني مكسب ، لا أعّده رأس مال :)

أقول ب نص مُعنون بِ علاقة تجآرية ،

تعـآل نحّسبهـآ/ علآقـه تجـآره!
ـــــــ وأدري التجـآره ..مآلهـآ بالمشآعـر
بـس التجـآره يآعيونـي شطـآره
ـــــــ يقّدر يضمّنهآ العلآقـآت ..شآطـر
ودامك بعرشي قد ملكـت الإمـآره
ـــــــ وأعلنت حكمك بين حدبآء الضمآير
ونآخت ركآبي عند حمـراء الإشـآره
ـــــــ واخضوضرت في{قلب ماطر وشاعر}
طوّع شعوبـي /بمقدريّـه وصقـآره
ـــــــ وإمنح قبآيلهم وفآء.. وأنـت خآبـر
مـن لآيعـدّك مكسبـه وبجـدراه
ـــــــ يخسـى يقلّـد تـاج رأس العشآيـر
لآتحسبه ربحـك ..وعـدّه خسـآره
ـــــــ مآهوب رأس المال لو كـآن تآجـر
مثل العدم لآ يشغلـك فـي إطـآره
ـــــــ سيآن بوجوده .. وجود / الكنآدر!!
عشق بدويـه مـآ لهـآ بالحضـآره
ـــــــ من رأسهآ للسآس/ إحسآس طآهـر
وفي وجههـآ ترتيـل آيـه نضـآره
ـــــــ ونآموسهآ:{الإخلآص /نبض المشآعر}

[ندى القحطاني]

محتآجـه { روشتّـه} بهـآ روح طبـك
ــــــــ تحقن دمـوع(ن) كمَّهـآ فـي / زيـآده

[ندى القحطاني]

جريح القلب مآ ينشآف دمه
وحراره إحتقان ، تزيد همه
ومن زود العنآء مغلآق فمه
وزرعت الآآآآآآه بأطرآف الشفآيآ

شتآتي / أنت وحدك من يلمّه
نخيتك .. كآن بك عهدٍ وذمّه
ترى الظلمآء بجورك مُدلهمه
وعروق القلب / بجروحي ملآيـآ !!

[ندى القحطاني]

طِفيتْ الشمس حزّةِ مغربي وولعت / فحـم الليـل !!
ـــــــ وشرّعت النوافـذ .. طيـر ..كوثرنـي ب تلاوتـه !!
وهدهدت الصخب / بشويش طفلٍ ضاريٍّ ب الشيل!!
ـــــــ ودثّرت القمـر ب أسمـال / تهتـك ستـر نجماتـه!!
وطوقت الشجن ب كفـوف ريـحٍ، ثوبهـا تفصيـل
ــــــــ على خصـر الوجـع مقـدود ..بِ الملِّـي قياساتـه

[ندى القحطاني]

عيوني من كثر سُهدى / غدن فـي حاجـه التجميـل
ــــــــــ لِ [ فتنة كحل ]خاصمني ورفع لـي سـود راياتـه!!

[ندى القحطاني]

لا طاح [مشطي] بزمـن فرعـون والغرقـى
ـــــ أستحضر [ البسمله] وأشيل أنـا مشطـي !!
وفرعـون / مـا همنـي رغبـاتـه الخـرقـا
ـــــ طبعي جريئـه وأحـارب سطـوه المخطـي .
ويا (معمعه عصري المأخـوذ) ويـن ألقـى ؟!
ـــــ وضح النقاء والأصاله فـي/ زمـن نفطـي !!

[ندى القحطاني]

من لبست {الحلم} ثوب(ن) لآهو بطولي و بقصـري
ـــــ ومن غزلت {اليأس} ألقى منهو يستآهـل حنآنـي؟!
صآرت العتمه ..ترقع .. بالوعـس مربـآع صـدري
ـــــ وابتدت ..نيران { شمعآتـي } تحّـرق { شمعدآنـي} !
وابتديت أدهن موآضع .. إنتظآري بـ{ زيت مقري}
ـــــ أنتظر { لآمآآآآه} بين أضغـآث علآنـي وفلآنـي!!
مستصيبه ..ورعشـه الحرمـآن بالخفـآق ..تسـري
ـــــ أفترش جمـري / وأكتـم حروتـي بصبـر وتفآنـي !

[ندى القحطاني]

{بِنيّه} / وفي العدد : عشـره رجآلـي
ـــ {حريصه} / وفي المدد : غدق السحآبه

قريبـه/ ومآظفـر أحـد بوصـآلـي
ــ بعيـده / وأعـرف حقـوق القرآبـه

[ندى القحطاني]

يعني بلآش من "الحلم" ..يعني بلآش من "الأمآني"!!
ـــ يعني كفآيه نغلف الفرحآت / بقشور الحكآيـآ!!

يعني نهآيه قصتي / إحسآس .. متقـرح وعآنـي!!
ـــ يعني إنعكآسه صورتي.. تكسرها لي عين المرآيآ!!

ـــ يعني نبي نقلب " عزاء" ونمزّق كروت "التهآني"!!
ونّزف نَزف الجرح في كوشه عنا وسط الحنآيـآ!!

[ندى القحطاني]

أبكي ذنب(ن) لا اقترفتـه / لا سلكتـه / أو جنحـت
وابكي عيون السعاده .. كونها عميـاء الضميـر !!

[ندى القحطاني]

لا يازمن .. ماأبي إعتذار!!
أبغى / إنتفاضه إعتبار !!
تطمس عيون(ن) حارقه !!
قد ناظرتني / بإحتقار !!

::

يتبع ،

[ندى القحطاني]

لا لا تخدرني / بـِ حوار
لا لا تقيديني / بسوار
لا لا تخليني / أنتظر !!
في ذمتك .. هذا قرار؟!

::

يتبع ،

[ندى القحطاني]

أي إنتظار ؟ أي إنتظار ؟!
وين الصبر والإقتدار ؟!
والنطره في عُرفك ترى
تشبّه فحيح الإحتضار !!

::

يتبع ،

[ندى القحطاني]

وإن كان تبغى الإختصار
من دونما لفّ ودوار
ما عدت أنا ذاك الجمل !!
ما عدت أنا ذاك الجدار !!

::
يتبع ،

[ندى القحطاني]

دكيتني وصرت / القفار !!
وأسقيتني / كأس المرار !!
وطير السعد قد باعني !!
لمّا انرخص قدره / وطار !

::
يتبع ،

[ندى القحطاني]

وما بيننا _ يالضيم _ ثأر
أرفع معي هذا الشعار
اللي رفعته بـ السماء :
ما بي ضرر .. ما بي ضرار

::
يتبع ،

[ندى القحطاني]

وانفض عن العدل الغبار
واسدل على الجرح الستار
وإذا تبي ( زبد الحكي) :
ماعاد يشعبني إ ع ت ذ ا ر !!


ماعاد يشعبني إعتذار !!


ماعاد يشعبني إعتذار !!

،،
إنتهى ،
والنص بِ عنوان / زِبد الحكي ،
وتصبحون على خير ،

[ندى القحطاني]

يذوب [ الشوق ] ب افواه المشاعر / بخـت مـن ذاقـه!!
ـــ ويثمل من (بذخ عطـرك) نسيـم بسكرتـه / مافـاق !!

[ندى القحطاني]

تهجيتك ( ألف - بائي) .. قريت بعمـق [ أ.ش.ت.ا.ق.ه]
ـــ وصارت ( أبجدية عشقنا ) الأصـدق علـى الإطـلاق !!

[ندى القحطاني]

على هونه !!
قلبْ
.. تباهى ب طعونه !!
وعتمْ ..
تماهى ب جفونه !!

تعب ..
يلبس .. قناع(ن) .. بيّن سنونه !!
ويستر ..
حزنه العاري !!
بِ
أيقـــ ( :) ) ــونة !!
وعلى هونه !!

[ندى القحطاني]

نص بسيط بِ عنوان /


( معبر رفح ) ..




مُخملي القلب .. عـاث بـه الطفـح
ـــ يا إندلاقة عطر .. من أفـواه / ريـح
هـبّ واهـي العـذر والغربـي نفـح
ـــ وأنت عارف [ ما يصح إلا الصحيح ]
[ ناتل(ن) قلبي] .. /ترى جمرك لفـح
ـــ قلـب / موجـز أُمنياتـه .. يستريـح
و دمعي حدر الرمش ب أسبابك / سفح
ـــ وتنبس أحبال المواجـع لـي / فحيـح
لو دمحت الجرح ..قلبـي مـا صفـح
ـــ كيف يصفح لك وهو عايش جريح ؟!
وأنت في عُرفه مثل [ معبر رفـح ] !!
ـــ ينتظر تفتح ولـو جـودك شحيـح!!

[ندى القحطاني]

( حاله طواري )
بِ حاجه لِ إنعاشٍ رذاذي :


( إبره لهاتي ) ب ( قميص الحلق ) تغرزني
__________ وتعبث إيدين الذبول ب كبد ريحانه!!
يا لوعه الجدب !! لا من شح بي مزني !!
__________ أشحذ غمام الأُفق : لله يا إحسانه !!
ولا انسل سيف العطش وأقبل يبارزني
__________ يسوق ( حشد الرواء ) ل صوب أكفانه
خاب الرجا في زمانٍ زادني حزني !!
__________ أقبلت عطشى وبرحل عنه عطشانه !!

[ندى القحطاني]

اخترت (نحرك يالسمـاء) .. أبغـى لسلسالـي مقـر
ـــ ما دام (صـدر الأرض) ضوضـاءه تضيـق بمنبـره !!

[ندى القحطاني]

خاب السند لا صار كل الرجاااااا .. / جيل !!
__________ ماهم على دربك يا ( سِيدَ الرجاجيل ) !!
__________ ماهم على دربك يا ( سِيدَ الرجاجيل ) !!
__________ ماهم على دربك يا ( سِيدَ الرجاجيل ) !!

[ندى القحطاني]

يا [ دمعةٍ ] حارت على باب الجفن / لا تَقرعين!!
.....................وأنتِ تريِّ دمَّ الكرامه .. والشموخ يُراق .. /بكْ !!
متى يواطنك البخت يا [ دمعتي ] وتقرّ .. /عين !!
...................ويزملك [ عُمق إبتسامه ] والربيع / يـراقبك !!

[ندى القحطاني]

سَجيّتْ {بضحآح الفكر} ..سآعه..إضّـرآب!
........ وشَبّيت..جـذّوه نآر..للجـوف /كــآوي!
ودآريت /حرق..الحرف ..في دآخل/ كتـآب!
........ صفحآت..ذبلآنه /حـروف(ن) ..شقـآوي!
ومآرست / جلّد الذآت .. عنّفـت ..بعتـآب
........ نفّسي ..علـى كثّـر/ الزلـل.. والخطـآوي!

يتبع ،

[ندى القحطاني]

يآكف /نقّشتي .. المعآصي .. كمآ {خضـآب}
.......ويآعيـن / لوثّتـي النّـظـر .. بالـبـلآوي!
ويآعضّله لسآني .. مثّل .. غضّـه { ذيـآب}
....... تنّهش ..بلحم الظبي .. وقت .. الخلاوي !!
ويآقلب.. صآبّه .. من جهآلآتـه .. إعجـآب
....... ومآيذكرالمولـى .. بـوقـت الـرخـآوي!!


يتبع ،

[ندى القحطاني]

نشّوه تغآفل ..عآيشتنـي ..بـلآ حسـآب ..
....... وعتّمت .. شوف(ن)..كآن له نور..ضـآوي!
و{طُول الأمل} ..نسّـره ..غرزّني..بمخـلآب
....... وشّيب..شعور(ن)/ شـآب شعّره/رجـآوي!
والحُّر..الأشّقر.. في ضميّري..غـدى غـرآب
....... والمعّصيه .. في صقـر الأنفـآس .. شـآوي!


يتبع ،

[ندى القحطاني]

عشّت ..بزمن ..طبّق..شريعه / كمآ"الغـآب"
....... يتطـآول ..بسّـم اللحـم ..فـي الفتـآوي!
وعشّت ..بزمن ..وبّل القرآيح.. مـن تـرآب
....... ويخّيل..الغـيّـم ..الـرمـآدي / سـمـآوي!
وشفّـت "الحقيقـه" ..دثّروهـآ ..بجلبـآب!
....... وشفّت " الفضيّلـه" ..دنّستهـآ ..المسـآوي!
وشفّت ..التخآذل.. يطبّق ..العـزّ ..بأنيـآب
....... وجرح الضميّر..يصيح / هل مـن مـدآوي؟!
في موضع البآطل/ لنـآ ..قـول ..كـذآب!
....... وفي موضـع الصـآدق/ غشتنـآ الحيـآوي!
وشفّت العرب .. صكوا على عزّهـم ..بـآب
.......لآذوا/السكووت .. وخآب فيهم.. هقآوي !!
تمّشي..تخيـط العيـب ..مرقوعـه ..ثيـآب!
.......تمشّي ..بجنـب الحيـط ..عقـب الغـزآوي!
أشكآلهـم / منّظـر بديـعـي .. وخــلآب
....... بإحسآس ..متبلـد .. مـن العّـز ..خـآوي
وتفكيّرهـم ..سطّحي..ورجّعي..ومـرتـآب
....... ووجودهـم ..والإنـعـدام .. إمتـسـآوي!


يتبع ،

[ندى القحطاني]

وقفّـه صريحـه .. تخفـف..أوزآر ..وأتعـآب
..... وتفـك ..شربّكـت الخيـوط .. الـمـلآوي
وتلّف (سين) الوقت ..في (جيّـم) الأسبـآب
...... ليـه المعآلي..تبـآت ..والبطـن ..طـآوي؟!

ولا أزال اتخبط في سآعة إضراب ،
يتبع :)

[ندى القحطاني]

في يوم مآينفع بـه .. أحسـآب .. وأنسـآب
........ والخلق في العرصات ..مُسّلـم.. وغـآوي!
بيض(ن) وسود(ن) ..من شبآب(ن) ..وشيآب
........ كلـن يجي..بأعمـآل إيــده ..مـخـآوي!
فـي وقتّهـآ / مآينّفـع { الليّـت} / لعّـآب
........ وينّه ..عن الخيّرآت .. وقـت الخـلآوي؟؟!!
يآنفس.. عآتبتك ..تـرّي .. مهنـا أغـرآب
........ أنتي ..وأنا .. مثّـل .. ((القصيـده ورآوي))!
أنا القصيـده .. وأنـتِ ..حمّآلـه ..صعـآب
........ تَغَّزِين ..قَآفِي في .{حذق..سحـر ..حـاوي}!
يآنفس..يكفي مآ مضى لـك مـن ..غيـآب
........ عُوّدِي.. تري مآعااد بي .. عُـود ..قـآوي!!
الموت ..حقّ ..وذا بلـى بـوك يـآ عقـآب
........ وكم لّي ..بسلك الزيّف .. قد عشّت ..هآوي!!


إنتهى ،
النص من الإرشيف وبِ عنوان / سآعة إضراب ،

[ندى القحطاني]

يا [ دمعةٍ ] حارت على باب الجفن / لا تَقرعين!!
.....................وأنتِ تريِّ دمَّ الكرامه .. والشموخ يُراق .. /بكْ !!
متى يواطنك البخت يا [ دمعتي ] وتقرّ .. /عين !!
...................ويزملك [ عُمق إبتسامه ] والربيع / يـراقبك !!

[ندى القحطاني]

http://www.arb-up.com/files/arb-up-2008-6/Epx84574.gif

نَاحتْ غُصوني مع { ترنيمه الورقا }= تشلع خفوقي / لهايب حروهٍ تَسطي !!
لا الشمس / شقراء !! ولاعين السماء / زرقا !!= لا الرسم / رسمي .. ولاهالطلسمه /خطي !!
واعلتي اللي تصنفي أنا .. { الأشقى } !!=مبطي ظروفي تعاند فرحتي .. مبطي !!
صافحت كفّ الأماني / بإيدي العَرقا=وتكالب الوهم / في تَقّيدِي و ربطي !!
جريرتي / اقترفت {العزّ } ..به (أرقى=سنود).. والصدق أضحى مهري وشرطي !!
وعقوبتي / النفي في دوامه(ن) برقا=وزنزاتي / الصدر.. والطعنات / كم شرطي !!
يسقون حَدباء معاليقي .. ضمى الفرقا=اللي [ الأخذ ] شَرّعَها ولا مرّه(ن) / تعطي !!
ويبقى شموخي برغم ..آهاتي الحرقا=وإن حاولت كسر خشمي / والله إن تبطي .
لا طاح [مشطي] بزمن فرعون والغرقى=أستحضر [ البسمله] وأشيل أنا مشطي !!
وفرعون / ما همني رغباته الخرقا=طبعي جريئه وأحارب سطوه المخطي .
ويا (معمعه عصري المأخوذ) وين ألقى ؟!=وضح النقاء والأصاله في/ زمن نفطي !!

[ندى القحطاني]

( خواسي الخمس ) :



لأني خايفة أفقد !!
حنين الأمس .. وذااااك الرمس !
اللي دغدغ إحساسي !!
وسوسن بالحلا أنفاسي !!
ونوّر عالمي من عقب ..
ذااااك العمس !!
أشوفك / شمس !!
وأذوقك يالعصارة / توت !!
وأشمك يا الخميلة /عطر !!
حريري / اللمس !!
وسمعي فيك فيروزي !!
رفيف الهمس !!
ومن حقي أخاف الفقد ..
ل شخص(ن) هو غدى في عالمي ..
يسوى حواسي الخمس
!!

[ندى القحطاني]

أخرج الصُبح من ثغرك .. حبيبي !! :
شفت ذااااك الليل يوم إنه من إحساسك / خذى:=شمعتين ونجمتين و ناي وأنفاس وهديل !!
شفت عين الصبح غارت منك / يامال القذى !!= وصار في حضرة جبينك هالضياااء / عابر سبيل !!
شفت حتى الزهر يسرق من تراتيلك / شذى !!= وتقدع الأيام من ريقك .. وثغرك ..سلسبيل !!
حتى شعري كم خذلني فيك !! وإحساسي هذى !!=والقوافي عجزّت حتى .. بحورٍ للخليل !!
حبذا / لو أفلح بوصفك حبيبي /حبذا=بس آمنت إن وصفك من ضروب /المستحيل !!
أنت لي ( ثُلث الهواء / ثُلث المطر / ثُلث الغذاء)=أتدفى بمعطف إحساسك وحضنك لي مقيل !!

[ندى القحطاني]

نص ب عنوان /
جُغرافية الندى ، بين عبق الماضي وإنحطاط المُضآرع !!

أقول فيه :

1ارزمي يآسحآيب وبـل قـآف السرآه=وكبّلـي يآقصآيـد لندن بهالقيود !!
2 وادمجـي فـي ثنآيـآ عصرنـآ مآمضـآه=وبـددي بالمعآلـي إنحطـاطٍ يـسـود
3 وأوقـدي يآرعآيـد نـآر شعري/لظـاه=العروبـه حطبهـآ والأصآلـه وقــود
4 وحدديني كدوله شعّ فيها سناه=وارسميني خريطه وفـق هـذي البنـود
5 المكانه/رفيعـه فـوق روؤس الـجباه=و"المكارم" مُدنهآ بيـن عـذب الحـدود
6 من شمآل البشآيـر ..لِجنـوب النقـاه=بين غرب التسآمح..بين شرق الصمـود
8 سطحهآ "روض جنه" ..والزهر في ربآه=والهضـآب المنيفـه بيـن تل..وسـدود
9 والمنـاخ الجنوبـي فـي هواءهـا غفـآه=يكتسب فوح برده من "عطور الرنـود"
10 يآتسآمي جدودي/وين وقـتٍ قضـآه؟!=ويآنقآء الطفوله/ليـت وقتـك يعـود!
11 ويآسذاجـه هممنـا معتريهـآ الـهـداه=ويآملاحه ملامـح وجـه صآفـي ودود
12 أتنفـس عبقهـآ ليـن أخـر مــداه=وأتعطـر شذاهـا عـل وردي يـجـود
13 وأرتشف من نهرها كـود أروي ظماه=وأتمثـل بـدره فـي "محـاره خلـود"
14 وأندفن فـي الزوايـآ أستلـذ بكراه=القمر حآرسـي يـوم الخلايـق رقـود
15 طفلـهٍ مثـل ورده غآرقـه في نداه=ميسم(ن)كالمـلاك ..وأسديتهـا جنـود
16 فـي بشآيـر دلعهـا أيــه للحـلاه=يهتـوي غيرهـا شـد منهـا الخـدود
17 سرمديٍ خُلقهـا ..مـا تـروم الـرداه=موغله فـي شغبهـآ ..موفيـه بالعهـود
18 كأنهـآ والترآيـب مآلكيـن الــحياه=الموكـل أبوهـآ / والترآيـب شهـود
19 وبين"مآضي الثرآيآ".. وحآضر(ن) في ثراه=أتنـازع حيآتـي بيـن"ود"و"صـدود"
20 وأتخآيل وجودي.. بيـن زخـم العاده=طفله(ن) يعربيه ..بيـن زمـره يهـود!!
21 هآلهآ القصف يدمي..قلب صآبه شظـاه=وأتعبتهـآ أنتفآضـه رميهـآ بالحيـود!!
22 وين مآضي التسآمح مـآ يمل بعطاه=عن مضآرع تشكل لي عـدو(ن) لـدود
23 وين مآضي التفآهم بيـن همسـه دفاه=عن مضآرع تعآلت فيـه نبـره حقـود
24 وين ذاك الزمان اللي صديقـه غطـاه=عن زمانٍ غدى بيـر الصداقـه حجـود
25 يوم كناا صفآيـح بيـض مآهنـا خفـاه=يوم كان الخوي/للبيـت مثـل العمـود
26 وين مآضي رجآل(ن) "كعب تأطأ الحصاه"=عن مضآرع رجآل(ن) أشغلتهم عنـود!
27 وين مآضي نسـآء(ن) للفضيلـه نواه=عن مضآرع نسآء(ن) مثل مسخ القرود!
28 وين فكـر العروبـه مستقـل برُؤاه=عن عروبه بلاد الغـرب فينـا تقـود!!
29 وين شمس الحقيقه مثـل وضـح النقـاه=عن حقيقه تورات في زمـان الضـدود!!
30 وين راحت ضمآيـر فـي ذممهـا وفاه=عن ضمآير رخيصه تُشتـرى بالنقـود!!
31 كل مآجيت أقآرن ..مرّ جرحـي سطـاه=لا وزنت المسآفـه عصرنـآ والجـدود
32 أجلس بحضن جـدي معترينـي الصفـاه=وأرشف المآء زلال(ن) من حكيم ركـود
33 وأتسلق غصونه تحـت ضـوء الحياه=وأتنفس عبيـره / بيـن حُمـر الـورود
34 وأقطف الورد حكمه ..طآب معها جناه=وأتسربل بجّدي ..كود أرقـى السنـود
35 وترتقـي همتـي فـوق هـآمه فضاءه=وأحتزم بالفضآيل وأنتوي فـي الصعـود
36 وأتصآدم بواقع.. يشكتي من عماه=وأنهزم في مـراره رغـم كـل الجهـود
37 يوم جدي..يعـذرب وقتنا اللي سلاه=دمع عيني تحـدر مثـل حـب العقـود
38 ويوم جدي..تركنـي للنـداء والحـداه=تّل قلبي معـه فـي مظلمـات اللحـود
39 سآدنآ هالتذمر ..غـآب عنّـآ رضىه=وأشتعـل بالحنآيـآ مآيحّـر الكـبـود
40 ولف ثوب المشآعر مـن جفآنـآ قلاه=وأعترى الحّس حآله صمت مثل الجمـود
41 كن وجودي نحـآسٍ موغلٍ في صِداه=أو كأنـي قصـيـده مآعليـهـآ ردود
42 ويآخفوقي سألتك وين عهـدٍ قضـاه ؟؟=ويآخفوقي/ زمان ..ليت وقتـه يعـود!!
43 ويآزمآن المضـآرع ..يآزمـان الـرداه=بس يكفي تخااذل ..بس يكفـي بـرود
44 أعزم العّز عنـدك كـود تلقـى مناه=وأستضيف الطهاره والأصآلـه وفـود.

[ندى القحطاني]

نص بِ عنوان : أبجدية عشقنا ،

وسـط قيـظٍ غـزى حلقـي / رشفتـك يالغـلا طاقـة=وبعثـرت العطـش / بإحسـاس بـدّد يابسـه الأريـاق!
وعلى بابـك صلبـت البعـد / يـوم الوصـل ماطاقـه!!=حضورك يفقأ عيون الشجـن .. والبعـد مـا ينطـاق !!
يذوب [ الشوق ] ب افواه المشاعر / بخـت مـن ذاقـه!!=ويثمل من (بذخ عطـرك) نسيـم بسكرتـه / مافـاق !!
وتتسنبـل قواحـل زفرتـي ..و الضيـق كـم شاقـه !!=أوسّـع خاطـرٍ فـي غيبتـك يامنوتـي قـد ضــاق !!
هذتْ بك سُنبلة عطشى ل سكبك /كم بكت-فاقـه- ؟!=وسالـت بـك مراديـم الحبـر فـي مُخمـلـي أوراق !!
تسوّلـت الخريـر ب موعـد للوصـل كــم تـاقـه!!=وعدني عنـد ( ميـدان المطـر ) ياكـم خفـوق راق !!
لأنـك ( بيلسـان الحـظ ) يــوم الله لــي سـاقـه=غديـت الـورده الحمـراء لعمـري والحظـوظ السـاق
نسج لي كفـك الخمـري ( قميـص الـورد) فـي باقـة=خلطني ب الترف الأسمى (عجيـن أنفـاس )لـك تشتـاق
تقنـدل وحشـة دروبـي .. وتهـزم كـل ماعـاقـه !!=تسوسن ب الهدب / ميسم !! .. تكّحل ( بالشهد ) أحداق!!
سجينـة بيـن حُريـة غرامـك / مـا أرتجـي إطـلاقـه=على هـودج خفوقـك .. زفتـي تغـرق بـدون إفـراق
لأنـك فـي نظـر عينـي عذوبـه قــاف / وعـلاقـه=تسامت فـوق هامـات النوايـا .. وصفّـت الـدرّاق !!
يطل " البوح" مـن فريـه عصافيـر الصـدر / طاقـه !!=تولي لوحتـي شطـرك !! .. وتسجـد ريشـه الأمـواق
تهجيتك ( ألف - بائي) .. قريت بعمـق [ أ.ش.ت.ا.ق.ه]=وصارت ( أبجدية عشقنا ) الأصـدق علـى الإطـلاق !!
سرقتك وانطبـع فـوق الجبيـن : ( إحسـاس سراقـه)!!=وبرر لي العـذر فعلـي : حـلالٍ مثـل هـذا انبـاق !!

[ندى القحطاني]

نص ب عنوان : التنديل ،


طِفيتْ الشمس حزّةِ مغربي وولعت / فحـم الليـل !!=وشرّعت النوافـذ .. طيـر ..كوثرنـي ب تلاوتـه !!
وهدهدت الصخب / بشويش طفلٍ ضاريٍّ ب الشيل!!=ودثّرت القمـر ب أسمـال / تهتـك ستـر نجماتـه!!
وطوقت الشجن ب كفـوف ريـحٍ، ثوبهـا تفصيـل=على خصـر الوجـع مقـدود ..بِ الملِّـي قياساتـه
يعربد نبـض [بضعـه أسألـه] فـي خاطـر التعليـل=تبوق الحكي من [فـم الجـواب ]وتلهـب آهاتـه !!
ويراقصني الشقـاء والمـوق سيّـل (غيمـه التأويـل)=على خـدّ النوايـا .. يلطـم الصـدق ب إشاعاتـه
وأنا والله ما أستاهـل /صنـوف الحقـر والتقليـل !!=ولا بي حيل أعوض .. سالـف الحرمـان مـا فاتـه !!
أخور إن سالت دموعي وأنا برجـوى ورق منديـل !!=يسجل موقف : ( شموخ إنكساري ) وسط صفحاتـه!!
عزيزة نفس / تهزمني مبـاراة الزمـن / ب الكيـل !!=شحيحه .. دمع / ما يسلك دروب السكب .. هيهاته !!
عيوني من كثر سُهدى / غدت فـي حاجـه التجميـل=لِ [ فتنة كحل ]خاصمني ورفع لـي سـود راياتـه!!
هزعت جذوع أيامي .. تساقط لي رطبهـا / ويـل !!=أكلته وانقضـى عُمـري .. وتبـت إيـد فرحاتـه !!
شتات(ن) / ما يُقـارن بالحسيـن ف حُلـة التنديـل=ضياع(ن) / ما يحسه غيـر مـن ضيّـع صلاواتـه !!
ظمأ / ما يشعبه لو أدلـق بحلقـه : فـرات ونيـل !!=وجع / ما يفقهه غيـر : الطريـح يـذوق سكراتـه!!

[ندى القحطاني]

http://www10.0zz0.com/2008/12/04/11/251133843.jpg (http://www.0zz0.com)

نص ب عنوان : إلتقاء الضد !!



صبيت في عين الزهر .. قطر حُبّك=واكسبّتْ {عصف الريح} / بحّه ركآده!!
وخضبّت كفي { دمّ } بأشوآك صبك=وزرعت جوفي شوق .. ضيّع رشآده!!
وكل المشآعر بالغلآ سولفت بك= أسبر حنين(ن) .. ضجنّي في عنآده!
وصفعتني بغدرك وأنا طآمعه بك=أسقيك { مويه قلب} وأشرب { نكآده}!
وقطفتني حلّم(ن) ..ترعرع بجنبك= وأزهقت {محصولي} لـطير وجراده!!
يآصآحبي {نبضي} تغربل بغِبّك= ومآ عاد يشعبني/ طبيب العيآده!!
لأن الوجع/ يبرى إذا صرت قربك=والضيم حصّل ..في بعآدك مُرآده
والدرب معيوف الخُطى ..غير دربك= والشوق كبّر في جفوني / الوسآده!!
محتآجه { روشتّه} بهآ روح طبك= تحقن دموع(ن) كمَّهآ في / زيآده
البعد ذنبي ..بس بُعدي ..بذنبك= لولآ حظوظ(ن) عيَّنتّهآ القرآده
(شرقك) ..تلآطم في مُحيطآت(غربك)=والكبد يآشآويه أضحى رمآده!
و{مدحك} ..تلآشى بين جمرآت { ذبّك}= سآعآت / شيطآنه .. وسآعآت /غاده!!
طور(ن) أرفّع بك .. وطور(ن) أسبّك= وفيك إجتمآع الضّد { همّ وسعآده}
والمشكله حُبّك تغلغل وربك= و بـخيمه إحسآسي ..تثبّت وتآده!
و{ينبوع صَبّي} في الداوخل يِصِّبك =وأسمك بنحري منحفر بالقلآده!
ودي بجذوه {شوق} مني تشبّك = وأعلمك وشلون معنى الشهآده ؟!
والودّ ودي ..{ريح وجدي} .. تهبّك= وسط الشتآت اللي يطّرز سوآده!
بس البلى قلبي إلى الحين قلبك= مآيمتلك ع البأس ..عزم وإدآره!!
ومآ أبي أقول بيوم : الله حسبك!= لأنك {وليفي} بين زُمره عبآده!
ونويت مدهال/ إختبآري بحُبك= عسآه يكسيني لبآس الجلاده!
وبأخآطب إحسآسك وبأنخآه لُـبّك= والله ينجحني بليآ إعاده!!

[ندى القحطاني]

http://www.te3p.com/vb/uploaded3/90768_11183056058.jpg
وقت مآ { شمس الأصآيل} هيّفت / سآعات عصري=وأصبحت ذيك المبآني ( طـــــلّ) مهجور المعآني
اندلق حـلم(ن) رشفته .. لذتّه بالحلق/ تغري= مثل لـــذّه فوح "دلـــّه" بين هيـــل وزعفرآني
حلم /عطشآنه .. أطوله .. وإنسكآب ..العمر ..يجري= لــــــين سقآني قنآني الضيم/ وأوغـــــل في هوآني!!
ومن لبست {الحلم} ثوب(ن) لآ بِطولي ولآ بقصري= ومن غــزلت {اليأس} ألقى منهو يستآهل حنآني؟!
صآرت العتمه ..ترقع .. بالوعس مربآع صدري= وابتدت ..نيران { شمعآتي } تحــّرق { شمعدآني} !
وابتديت أدهن موآضع .. إنتظآري بـ { زيت مقري} = أنتظر { لآمآآآآه} بين أضغآث علآني وفلآني!!
مستصيبه ..ورعشه الحرمآن بالخفآق ..تسري= أفترش جمري / وأكتم حروتي بصبر وتفآني !
وبين زفرآت القوآحل .. جآء { يـَزِخ رذآذ سحري}= طشني وأنبت سنيني من ورود { الأقحوآني}
وربّتت إيد التبآريح المهيبه / تشّد أزري=وانتثر نآي التفآؤل بين أحضآن الأغآني
وفتّق أنهار المشآعر .. حِسها بالجـوف تجري = وعطّر أجوآئي عبق يشموم في ظل إمتنآني
وأنتعش حلمي ..عقب غيبوبه بالـحلم .. تزري= وكن {عشر سنين} ..فُقدآنه .. { ثلآث} من الثوآني!
فصّل وخيّط خفوقي / طرّز إحسآسي وفكري= بعد مآ نقّض خيوط(ن) كنت سبتهآ أعآني!!
وتّــل رقعه ثوب صوفي /مُهتري .. يُوحي بفقري= وبالأمان السندسي الزاهي ..كسى جرحي وكيآني
ومآ أكتفى {بكسوه حنينه } / جيّش إحسآسه لأسري= ودشّن الحمله يبي يستوطن بمركز /جنآني
وحقق بجشيه مُرآده .. والمسوا في ذاااااك عذري= هو سنآدي /و هو زنادي / وهو حزامي وهو حصآني
وهو {بدل تعويض عتمه } سآقها لإشعآع فجري=وهو سداد {المبلغ} اللي فوتره فيني زمآني!
ليــــن صآر الحب { جوي} في السمآء و{بري} و{بحري}= وانبرى أصعب شعور(ن) لأنوصف / يخجل لسآني!!

وليـــن زغرط في خفوقي الجرح وأثمر فيه صبري= وبالحشآ غنى بنشـــوه : دآن يالدآنه .. لدآني
وليــــن كل سنين حرمآني / غدن من خلف ظهري= وليـــن كل سنين عشنآهآ / غدن رمز الأمآني
ومن دقل مدهآل قلبي ..أحتفى نثري .. وشعري= آرحبوا ثم آرحبوا ثم آرحبوآ .. { سلم إقحطآني}
حيّ ذآك الزول ..زوله .. من هجير العمر ..يبري= أقلط بمجلس أحآسيسي ورآء حدب المحآنيhttp://www.1-up-1.com/pic/picbig_1711_994267.gif

[ندى القحطاني]

هذا جزاي اللي عطيـت مـن المشاعـر مـا أطيـق=ترميني فـي قطـر الشقـاء وتغلـق علـيّ الدايـره
وأهيم بإحساسي وأنا في حُكـم مملكتـك / رقيـق=وأناظـر الدنيـآ بعينـك ،حتـى لـو هـي بايـره
وأظّـل فـي هجّـرك أعآنـق هالغيـآب ومآأفيـق=وأصحى على بعـدك وأسبـح فـي بحـور غايـره
وتضيق أنفاسـي بعمـق المـاء أبـي أفتـح طريـق=وأعلـن تحـرر خاطـري مـن (إمّتلاكـه جايـره)
وأسبح وسط "غيث الدموع"وتسمع لحسُّـي عقيـق=وأشعـر بأنفاسـي لظـى تحـرق دواخـل ثايـره
وافتـت أحزانـي وأناثرهـن تقـل مثـل الدقيـق=وأستقبل الدنيـا بأمـل صـادق وروحـي طايـره
وابعد عن دروبك مسافه وابعث إحساسـي طليـق=وأبنـي خواطـر خاطفة،نحـو الكرامـة سـايـره
دامك تلاعب بالغـلا وتشـب فـي قلبـي الحريـق=خـل المشاعـر داخّلـي تفضّـل حبيبـي طاهـره
وخلك وراء زيف الدنايـا مهمـا بـان لهـا بريـق=في يوم واعـد تنتبـه / تقلـب عيونـك حايـره!
وتسأل سنينك ليه مضّت ؟! ليّه أختفى منها الصديق؟!=وتباغتـك حمضـاء القـدر وتصيـر قـوة خايـره
وفي زحمه ألامك بتذكرنـي وأنـا كنـت الرفيـق=وتبحث تدور عن خُطـى خلـك تـداوي خاطـره
في وقتها أرجـوك أنسـى تحـوف دربـي يآلأنيـق=ما عاد فينـي عـرق ينبـض يـا حـراره ناظـره
كلي بقايـا نازفـة تلعـب علـى الماضـي العريـق=فيهـا إنعكاسـه كبريـاء مـع إلتفاتـه ظـامـره
كأنـي فريـق يواجـه الدنيا،،وهـي تلعـب فريـق=ضّدي،،يسـدد هالطعـون وبإحتـرافـه قـاهـره
مليت من قولـة عسـى والنبـض بالخافـق يضيـق=ماعاد فـي قربـك هنّا،،وعزّمـت هـذي البـادرة
خّلي:ابتعد،،دربك خضر،،وإن حزّنك صوت الشهيق=كـذّب اُذونـك وارتحل،،وبفـك عنّـي الدايـره

[ندى القحطاني]

http://www.dunkelblut.com/assets/images/hand-blood.jpg


1 عفسني هالقلم ..يرفض هدوئي وأرفض جنونه=يصيح / أن اطلقي قيدي (وكانت سنحته ثاير)!
2 مسكته بإصبع(ن) ترجف ..حشيت الحبر بمتونه=وخطّيته على صفحه بياض(ن) لونهآ جاهر
3 تناثر بالورق نزفه ..غدت بالدم مدهونه=وأنا مشدوهه..مصدومه.. أصيح / شفيك يآسآتر؟!
4 وراه مأشرك أحمر؟! وينزف حبرك شجونه!=أخبره أزرق(ن) لونك!! عسى مآشر ؟ وش صآير ؟!
5 أيآ قلمي .. عجيب أمرك!!تخبي أسرار مكنونه؟!=وش اللي خبّص ألوانك بلون(ن) أحمر(ن) فآتر؟!
6 تأوه بين أحضآن الأصآبع (آآآه مغبونه)=وقآل استقبلي "وارد رسآله" قلت / أنا ناطر !!
7 تحرك بين دفآتي .. لمحت الخوف بجفونه!=تلملم يجمع أفكاره بوجه(ن) خاطف صآفر !!
8 كتب لي / قوتي خآرت ..غدى عظمي به ليونه !=زمانك مآينآسبني!! نجومك مآ لهآ مسآمر!!
9 تغيرتي !.. تبدلتي!.. غديتي حيل مدفونه !=فكر شآرد ..ألم تآيه..وجرح(ن) مستوي خآثر!!
10 عيونك (بآقه ذبلانه)..جرحهآ الشوك بغصونه=وقلبك منرصع طيبه وخصرك نآحل(ن)ظامر!!
11 غدى سمسآرك الضيقه.. يشيّد بالحشآ حصونه=تري سلبيتك تذبح .. وسيف الذل بك شآهر !!
12 رميته فوق صفحآتي .. ووجهي مختلف لونه=ودرات حولي الدنيآ .. ودمي من القهر فآير!!
13 دحجته بقآسي نظراتي ..تلآقت عيني بعيونه=وقلت بلهجه الأمر: ترقب مني الصآدر !!
14 إذا إنك تعآيرني .. لأني بطيبي مرهونه!!=فهلآ باللي يعآيرني !! ترى تمدحني يآشآطر !!
15 لأن الطيب متغرب ..توراى بّوه بطعون=وخلّف شرذمه تعوي ..جميلك عندهم بآير !!
16 وإذا إنك تعآيرني .. لأني بحزني مقرونه=فلعبه هالقدر تقضي علي أكون أنا الخآسر
17 تلآقينا أنا والحزن في زنزانه مسجونه=فتحت القلب أشكي له ..حضني بحضنه الغادر!!
18 تمازجنا أنا وأيآه .. وأكسب عطري عفونه=تفشى في مسآفآتي .. صحيح إن الحزن كافر!!
19 دفن كل البراءه داخلي وأفتّر مخزونه=وحولني مجسم رآبض(ن) ينطر رجآء مسآفر!!
20 تعب في دنيته ينصى (من الآخر) حد يصونه=تعب يبكي وهو مسلوخ ...ينآدي/ هل من نآحر؟!
21 يجي لمي يبعثرني .. بلذه جور مسكونه=يغير كل مفآهيمي .. طقوس الحزن كالسآحر ؟!
22 تريث يآلقلم .. حكمك عليّه يغلب ظنونه=لأنك أصدق أشيآئي .. لأنك نزفي الطاهر !!
23 أبيك تكون عون(ن) لي ..أبيك لكسوتي بطونه=أبيك مترجم إحسآسي وتهدي مسلكي الحآير !!
24 ترآقص هالقلم بين الأصآبع ..بيّن سنونه=ورقّق نبرته .. وأطلق حجاجه ..وأستولى شآعر!!
25 تلون بالمسك لونه ..تغير جور قآنونه=ووثّق فرحته فيني .. كأنه صآيم(ن) فاطر!!
26 تجآوب مع خفوقي حيل ..يسأل قلبي وشلونه ؟!=يداعب مبسمي ضحكه .. يجود بفرحه الغامر!!
27 وتخضب وجهه بالحمره..ونادى العز /يآعونه=أنشهد رآيتك بيضآء .. مثيلك يآ "ندى" نآدر !!
28 أنا أسف..أنا أسف..حروفي حيل ملسونه=جهلت إحسآسك الوراف.. وقلب(ن) معتلي عاطر !!
29 أيآ نزف القصيد أسبح وغرق روح مزيونه !!=تجي مثل الندى .. مزنه .. كريمه .. جودها ماطر
30 تغطرف خافقي وبله ... على مهله ..على هونه=وأسقآني حروف القآفيه في حُلّة الظافر!!
31 طفيت بداخلي جمره ..دحرها الغيم ومزونه=دفنت إحسآس متهآلك .. بعثت لخآطري طآير !!
32 معه مني رسآله .. صآغهآ في قآلب لحونه=مفآدهآ: جعل ربي يهب لك سلوه الخاطر!!
33 صحى طفل الأمل في نظرته أحداق مفتونه=نفض عنه غبآر القبر ... وجآني معتلي زاهر!!
34 يدغدني بشذى روحه .. نبذت العيشه من دونه=أيآ طفل الأمل: كسبك /ينآفس ثروه التاجر!!

[ندى القحطاني]

1-جيت للدنيآ كسيره .. جيت أحبيهـآ حبِّـي=ومن قوى عودي وأنا في وسط دنيآ/مُعّتِمـه!!
2-دفتر(ن) مركون غآير /بين أسطح مكتبـي=رغم صفحآته ذهب..لكـن حروفـه واجمـه!!
3-طآلته أيدي الغبآر!!..وهو معفّـر مختبِّـي=وصآرت {حروفه}..{طلآسم} عّز منهو يفهمه!!
4-أتخآيل ضحكتي الأسرى /غدت ضمن السبِّي=وصآدح الكلمه /تورآي في زمـآن التمتمـه!!
5-أمتطي حصآن الألم بإحسآس جلمودٍ أبِّـي=وأرجع وفي يدي بقآيآ من عظـآم الجمجمـه!
6-واسرح بأفكآري السودآء/ وأهزهز منكبِّي=وأتظآهر بالبـرود.. وحّـر مآبـي /أكتمـه!!
7-لي خيآلٍ يحرق الوآقع ..ويعـزز منصبِّـي=ويمحي مآ أُتيت-قسراً- من حقآيق مظلمه!!
8-ولي لسآنٍ يقلب الموجه مثل مآهـو يبّـي=ولي بنآنٍ مآ يخآف الصدق ..والحق أبصمـه
9-ولي صوآبٍ عدّل العوجات في وقتٍ غبـي=وكل سّر أستودعه {بيـري} ولآنـي أنممـه!
10-هي حيآهٍ عشت فيهآ مثل حـآل الأجنبـي=شرهآ طآغي وبآغي..ومن وقع مـآ ترحمـه!!
11-كنّي بدّت خلق ربي ..عندهـآ كالمُجّتبِّـي=اصطفتني بـزرع دربـي حنّظـلٍ هالمجّرمـه!!
12-ليلهٍ شآب الفكر فيني وهو بآقـي صبّـي=وختّيروا أبطآل فكري فـي زوآيـآ الملحمـه!!
13-كن طيف الدنيآ بالأوجآع يومه /مّـر بـي=قآل دونك يآ "الندى" دنيآك صـآرت مبهمـه!!
14-مآبقى لك أي حيله!!.. شرقـي أو غربـي=حآصرتك جيوش قيّظي وسط قبضـه مُحكمـه!!
15-وخآطبتني نرجسيه دنّيتـي وقـت تّعبِّـي=زهرك البآلي أنتحر من غير محـد يشمشمـه!!
16-وش يفيد الزهر ذابل؟؟..يآخسآره مكسبّـي=وش يفيد الحق .. لكن من شفـآه مكممـه؟؟!!
18-صحت :يآ دنيآ دنيه .. شرك البآغي/ يهبِّي=وخري عني وخرابي بس أنـا اللـي أرممـه!!
19-وطففي مكيآل حظي ..جرحيني وعذربـي!=مآيهز الـرأس ..دآمـي لأمـر ربـي مَسّلمـه
20-لفت الدنيآ ودآرت ..ركضهآ بي /لوُلبِّـي=مدت اللقمه حقيره ..يّم عمـري تسممـه!!
21-عكرت صآفي مزاجي..شؤبت لي مشربي=لوثت مجـرى هوائي..عيشتنـي بهمهمـه!!
22-وأوقدت في داخلي نآر(ن) تولع بحطبِّـي=وجمّعت سود المصآيب يم وجهـي ميممـه!!
23-كن أقدآري { ذيآبه} ..كن لحظآتي {ظبي}=وسط زفرآت القوآحل..مآلقى مـن يكرمـه!!
24-تآه بين الركب/ يخذل كل عزم لمركبـي=تآه يرجي البوصله/ تهدي مسـآر مكلمـه!!
25-بس رغم الخوف والحسره تمثـل مطلبـي=رغم كل صعآب دربـه وشـيء ربـي يعلمـه!!
26-صآح في وجه الليآلي /غطرفي لي وألعبـي=مآبقـى بالعمـر واجـد ..بـس يكفـي علثمـه
27-اعزفـي نـآي التفآؤل..والتجآهـل جربـي=وأشعلي الأنـوار حمـراء فـي خفآيـآ معتمـه
28-وارضي باللي قد قسم لك ..ثم صلّي ع النبي=كلهـآ رفعـه قـدر ..والصبـر نعـم المكرُمـه
29-وجهزي عقد(ن) لبيع الحزن مني وأكتبـي:=بعت طآري الضيم/في سوق النخآسه المظلمه
30-ودام ربي اللي قدرهآ /راضية باللـي يبـي=ودآم ربي اللي قدرهـآ /شـق وجهـي مبسمـه

[ندى القحطاني]

أشتعل ثوبي بلهب / ريح المواجع !
وانكسر رمشٍ .. حوى { خمر الـمدامع !!
وانذبح .... غيم(ن) سمين !!
{ أُضحيه } حزن وأنين !!
ولانت عيون الشموع /
وذابت بذلّه وخضوع !!
وانقضت همّه زماني ..
وما بقى لي أي دافع !!
أي دافع ؟!
والوجع / قدّس [مواضع خطوتي ]
وحولي يطوووووف !!
والعناد أصبح لأقداري سمه !!
والقهر / يتبع سياسه ظالمه :
لو بغيت الشيء تقدر تهزمه .. وماعليك إلا تلوي معصمه !!
ما يهم !!
لو أنكتب / روّح ضحيه للظروف !!
صعب تنساني الطيوف !!
هي تشوف / أو ماتشوف !!
مادرت منهي أنا ؟!
وما قرأت فيني العنا ؟!
هي ما درت ؟!
إني على باب الرجاء
................. مثل / الصنم واقف !!
ورجلي على رمضاء القدر
................. تمشي وهي / نازف !!
وقلبي على رغم البلاء
................. مثل الجبل / نايف !!
وأبقى / الهنووووووووووووف ~
اللي شذى نسماتها / عطر الوصوف ~
واللي الردى من حولها / لا ما يحوف ~
وما أمتلك /
غير الألم
................. دمعٍ ذروف !!
وغير القلم
................. بضعه حروف !!
وغير الحلم
................. من غير خوف !!
أحضن الجوري .. وسط جدبٍ لهوف !!
وأزرع الأمال .. في صدرٍ عيوف !!
ورغم هذا !!
انتثر برد المواويل القديمه في زياره
كأنها تحصر على قلبي المتيم في إختياره
في ضبابيه مُخيفه ~
يالمجاعه ...... يا رغيفه !!
والرغيف
................. فاااااح بالسُمّ العُزاف !
والطريف
................. إن كن زيارتها / صدوف !!!
أي صدفه يالكذوووبه ؟!
ومقصدك /ريح(ن) هبوبه ~ مثل نيران(ن) شبوبه !!
ترتجين تبددي شمس النقاااوه ~
بإبتذال وبرخامه /
وفي قناع الإستقامه
وتكسبي صفّ المنيه /
وانّذبح والروح حيّه !!
مثل رَجَالٍ يمارس سطوته / بأضعف بنيّه !!
هي
.......... تبوووووووس الرِجل منه !!
وهو
.........يسطرها كفووووووف !!
و
رتّل الليل إنكساري
وطمّ في آيه نهاري
واشتعل صدري جروح(ن) بارده
زمهرير(ن) وسط ناري !!
أتعكز بالرجاوي .. وأتلحف بالهقاوي
وأنتظر صوت البشير ~
وجاء صدى صوت البشير
يحمل التهديد في صوت النذير
واستخفت بي الليالي / ودثرتني بثوووب بالي
واستخفت في شعوري ~
صاير(ن) شعري تفاهه !!
أتفه إحساس(ن) على سطح البسيطه !!
والبلى والله ماني بالبسيطه
إييييييه ماني بالبسيطه
والله ماني بالبسيطه

[ندى القحطاني]

http://ayah227.googlepages.com/msbq.jpg


سرّ يـآ يَـراع ..بدفّتري..والّحـق شـرود "الأمنّيـه"=بآقـي سطر..ويخلّص{الواجـب} وينّـكـف الحـبـر
يآرزاق..أسـرآب الطيـور.. وربّ هــآك الأوديــه=يآوآهب الـرزق الحـلآل.. ومُلهـم النفـس الصبـر
عدّل..قـرآده ..وجّهتي..بيـن الــدروب المقفـيّـه=رزقيّ هنآ ..في {حَلّوَتي} ..مآأشُـوُّم عنهـآ/ لـو شبـر
طفله .. وأعاني الغربّله!!..{ سبّعي} بحآلـه مضّنيّـه!!=لكـن ( مريـض الفوبيـآ )..لـو مـآ يقآوم..مآعَبـر!
كنّه سطع..صوّبي.."فلآش"..؟؟..الصّدق :لقطه..مخزيه!!=بآكر..توخزنّـي ..{عيـون الخلق}..وبسّـم الإبــر!
يآهوه ..طفّ الكيمرا .. مآنيـب ..{مشهـد سخريّـه}=يعنّي على حسآبي..تبـي تستخلص..بفعلـي ..العِبـر!!
جآءهـآ يجّـر خطـآه .. متلعثّـم ..عيونـه مـزّريـه=فيهـآ تَبَلّوُر..عنصّـر الدمعـه ..بفوضـى المُخّتـبـر
معك:{ صحآفه صآدقه } ..يآضي عتمآء الأمسيّـه=أعمّل {مُصوّر}/ يسّتفـز بمشهـدك ..فحـوى الخبـر!!
وش فيك..يآحلوه..هنآ ؟! وينك.. وويـن التسليـه؟!=اللـي بسنّك..مُوغل..بـدور الطفولـه ..لوكَـبَـر!!
وش حدّكِ لجمع {العمل} و {العلم}؟!..ليه التضحيّـه؟!=خلّي أحد غيّـركِ ..يبيـع الحلـوى ..بالجـو الغبـر!!
قآمـت تنآظـر هالوسيّـم ..بنظـرهٍ مستعصـيّـه :=لـولآ ظـروف الدرب..يآعمي..وضيّعـآت الـدِّبـر!
أبّغى.. أغطّي { ليّـره التعليـم }..وأشّـري/ الأدويـه="مآمآ"..تعآني "السُكّري" ..و"بآبـآ" ..توّسـد بالقبـر!
وأبّغي أوفّر..حـق{ بـرد الشآم}..لأهلـي /الأغطيّـه=وأبّغى أسـد الريّـق ..مـن جـوعٍ لصبّـري /يختبـر!
وأبغى أقآوم _بإستمآتـه_ كـل صُـدوف {التعّريـه}=وأبغى:أناضل _ وبشرف _وأحُـوط /كسّـري بالجبـر!
صحيـح ضحكـآت الطفولـه ..شعّشعتهـآ/ مغريّـه=بس (الفقر)..خلى الطفوله .."حلـم" فينـي ..منّثِبـر!
مثل{ الزهر} فـي حآلـه النشـوه ..وهـي مستنديّـه=يهفّهـآ الإعصـآر ..يـتـرك مآلنشوتـهـآ خـبـر!!
يآعم ...مآتَسّوى.. الطفوله ..عندي /بآلـي الأحذيّـه!!={مخضّرمه}:في هيئتي.. طفلـه / وعقلـي هالكُبُـررر!!

[ندى القحطاني]

http://www9.0zz0.com/2008/10/23/09/438796607.jpg (http://www.0zz0.com)

من يقول /إن الحكي فضّه وتخريسّه ذهب؟!= من يقول/ الصمت فيه من الحكم معنى جزيل؟!
الحكي _سآعآت_ يشرح أحجيآت(ن) بالهدب= مثل مآيحكي الهدب حزنه /بقطرات(ن) تسيل
والسكوت_أحيآن_ مثل النآر في كوم الحطب= يحرق أزهآر الربيع/ ويمّحق تمور النخيل
لآلوى معصمك غدر النآس في كون الصخب= لآ تجآمله بسكوتك ..يآعسى عمرك طويل
فضفضه وأطلق عنآنه ..يمكن يخفْ التعب= وإرتمي بحضن {المدامع}..سكِّبهآ يبري العليل
كم يسير(ن)_من غموضه _أصبح بـرُتبه: صعب!!= وكم شموخ(ن)_من سكوته_أنّكسر وأصبح ذليل!!

[ندى القحطاني]

http://www.pflp.ps/img/news1/candeels.jpg

سنه ~ حلوه ~ يآقمممميل ~
سنه ~ حلوه~ يآقمممميل~
سنه ~ حلوووه ~ ياندى ~
سنه ~ حلوه ~ يآقمممميل~


8
نعم وش ذا ؟؟!!

نشيد العيد ؟؟

معقوله ~ نشيد العيد ~ يتردد؟!
على مرأى /من جروحي ويتجدد؟!

خسآره هيبه/ السجّآن ..والمتمثل بكينونه أقدرآي!!

خسآره رزّه/ الجلآد ..والمستمتع..بتهتيك استآري!!

لأن العيد يآسآده /

ملآمح شآيخه .........قد هزأتهآ ~ لعنه التجعيد !!

لأن العيد ..ترداده/

صدى .. محبوس ~ في حلق الليآلي / بغصّه التنهيد!!

لأن العيد .. بالعآده /

بقآيآ .. ونه(ن).. عآنت من النفي .... ومن التشريد!!


وأنا أرجووووووكم .. تغنوا لي نشيد(ن) مُختلف عن ذاااا ؟؟

رجتكم عتمتي ..تطفووون .. شعآع(ن) من أثر ..الشمووووع!!

أنا عيدي ..ضيآءه / دموع!!

وسط أدغآل أضلآعي .. ذبحني .. مهمهآن الجووووووووع!!

وسكني..مهمآن ..يلووع

http://up1.mlfnt.net/images/ca5oecl65nzs4o7b362o.gif





حتّى الجروح أضحى لهآ / عيد ميلآد!!= { وفرحه ملامحها / مرآسم سخآفه !}
وفيهآ توشح جسمي~ بغيهب إحداد!!= ودعّجت عيني بدمع /حدّ الكفآفه!
وصكّيت بآبي من وراء / كل نقآد= أو حاقد و ملسون / أو شخص تآفه!
وطفيّت أنوراي / وزهبّت مقعآد= وولعت شمعآت القهر~ والعيآفه!
وعزمت ربعي :{ الآه والدمع وسهآد}= وقلت : حيآآآآآكم ..بقّل الكلآفه!
وصبيّت /{صآفي المرّ} في .. كأس ورااد= بالكآد نتجرع .. مرار إرتشآفه
وقطّعت /قآلب {كيك حزني!} لنآ زااد= معجون بدقيق الشقآء والجلآفه
ولحّنت ترنيم الأسى / طرق زهآد= وغنيّتهآ / ضآعت سنيني حسآآآآآآفه!!
في محفل أقرب للعزاء/ صوت رداد= عبّر الأثير .. يصوغ نثّره~ وقآفه!!
يآمآ هدنت الوقت صبّري ولآفآد= بار البحر فيني ~ وضآقت ضفآفه!!
مآبين {عين(ن) } مآلنظرآتهآ أبعآد!= و {قلوب} تشكي من عديم النظآفه!
صدرت ..{خير} وكآن لي ..{الشر} ميراد= وأعطيت {جود}وكآن أخذي {كسآفه}
وكل مآبذلت ..{القرب} جُزيت ..{ببعآد}= وكل مآحضنت {الورد} عآنق جفآفه!
هذي حيآتي ..عشتهآ دوووم بجهآد = وزول الفرح .. مآحآف دربي ؛ يخآفه!!
وتشويبه / المآضي .. لهآ فوح وقآد= تشوي / الغد الأفضل ... بجمر الصلآفه!!
وعقرب أيآمي .. طوى الوقت بعنآد= يغتآل عمـري .. بين {تآءه} و { كآفه}
وموقع إعرآبي ..شكى غبنّه الضآد= يجرّني ~بكسري ~ كحآل الإضآفه !!
إلى متى وحآلي مثل ...كبش منقآد؟!= ومآبين نحره وسيف ذبحه / مسآفه!!
عيدك شتآتك ~ يآندى~بعيد ميلاد= كل السنين اللي بهآ العيد .....{آفـــه}!!

[ندى القحطاني]

يآ وجد حآلي .. في زمن .. سطوته { سيف} ..
وأطــرآف.. نصّله ..بالدواخل ..طعينه!!..

من وجنّه(ن)..أضحت..دموعه {موآليف}..
والهم ..يتقسم ..على ..ألفي ..مدينــه!!..

ودرب (الهنآ)..عيي..يجيني على { الكيف}..
ودرب(العنآ)...فيه الموآجع ...رهيـنه!!..

ويآوجد حآلي..والسعد ..مآبعد{شيــف} ..
وبصّمه ..شقآء الأيآم ..تفضح..جبينـه!!..

أصبحت سلـعه..في دروب {الصوآديف}..
وفي سـوق عمري.. صرت كسوه ثميـنه!!..










فمآ بين يد البآيع{ الزمن } ..ويد المشتّري { الحزن } ..
كنتُ هنآ .. مآبين قطعه قمآش / وقطعه كفن ..
وشتآن بين هذا وذاااااااااك !!! ...










مثل { قطعه قمآش} أضحيت /فُرّجه ..في يد "البآيع"




مثل { قطّعه قمآش} أضحيت /فُرّجه ..في يد "البآيع"=يقّلب ملّمسي اليآفع /وأنا في{السوق}مطلوبه!
يسآوم من بغوا يشّرُون ..منّي .. ملبس(ن) رآئع!!=ويتجمهر ..جموع من البشر/"كن دوبهم دوبه!"
وأنا مآ بين أصآبعهم : مشتت ،مغّترب، خآضع!!=وصوت الإحتجآج بدآخلي /صرخآت مصلوبه !!
وبين مزاحمه الأيدي/ شعوري : مختلف /ضآيع!!=يمّد "الخوف"فنجآله/ ودلّه "ضيّمي" مسكوبه!!
وكنت بقّمه ..{الغبنه} ..وأنا لأقوآلهم.. سآمع!!=و{سعري} أرخصوا قدره ..وأنا بالأمر مغلوبه!!
شرآني : واحد مكآبر!!..رمى سعري..وهو طآلع=وأخذني :{يآجعل ربي .. خذآه وضيّع دروبه}!!
حشرنّي..بين أغرآضه.. وقلبي من الوجع /لآيع=طوآني في مغبآته ..وفوح أنفآسي مرعوبه!!
ورمآني عند {خيآطٍ}كسّر لي بالحشآ ..ضآلع!!=مجآهيمه "تفصّل"في فيآفي القلب لي..ثوبه!!
يغّز الأبره..بخيوط المواجع.. والرجآء / دآمع!!=يغّرز قطعه ..سنيّني..بنقش أشلآء ..معطوبه!!
ومثل {تمثآل تجريبي} / غديت بُروفّه الصآنع=يطّرز {ثلجي البارد} /مع{ لفحآت..مشبوبه}!!
عتآبي للزمن ..وشلون _في بيعي_ ولآ يمآنع؟!=عتآبي للزمن ..وشلون أرخص قدري أسلوبه؟!
وليه يبعني للحزن؟؟ ..كنّي نآقصه موآجع!!=وليه يوكله عنّي؟؟ .. يزود لأجلي ذنوبه!!
طمس نقشآت ألواني!! ..قتل في دآخلي {دافع}=يحرضني أقآوم وحشتي .. في عنبر شعوبه!!
ومثل {قطعه كفن} أضحيت في "كف"الحزن قآنع=بقآيآ كُل متخلخل/ شجون وضحكه مسلوبه!

[ندى القحطاني]

خنآفيس الظلآم تبدد بقسوه سنآ فجري=وتطبع ختمها الأغبـر علـى أقـدار مكتوبـه
تفآرقنا رغم أنفّي،، وعودي من القهـر مبـري=حبيبي ..حلمي الضآيـع.. أنـا والله مغصوبـه
تشوف الحزن في جوفي حفر وشمه على صدري =وحزن الكون يآخلي كسآني مـن القهـر ثوبـه
يصير أختآل ع العآلم! بحزنـي محـدن بقـدري!=لآنه نآشر(ن) تصريح تحتـي/ هـذي مطلوبـه
كبتني ،حّـرق أعصآبي،دفنـي بالحيـآ بـدري=وذوّب غصته الجرادء بنهري وصرت مشروبـه
حبيبي قمْ تعال تشوف حب(ن) قدعمّرصـدري=طغى عذب الشعور بخاطري يوم إنـي مرغوبـه
سقانا من أريجه كأس عذب من الحلـى يغـري=وبنينا قصرنا العاجـي نصفـه طوبـه بطوبـه
ورسمته في الهوى بدر(ن) يخلي هالبدر يسـري=وداريته تحت جفنـي وحسـي متجـه صوبـه
وهو مثلي بغرامه لي(يذوب من العشـق) أدري=ويتفنن شعور الحب أليـن أعلـن لنـا غروبـه
قضينـا حبنـا ساعـه أمـان يحضنـه فجـري=وعقبه كل سآعاتـي تعيـش الخـوف مرعوبـه
حبيبي كلهم ضدي!! وزماني قد هتـك ستـري=ظروف(ن) قآسيه خلت قواي تصيـر مسلوبـه
قدرأغبر يمآرس فـي سنينـي عوجـه الحصـري=وتفارقنا مثل مسجون ما يـدري وش ذنوبـه؟!
يعلل خاطره ببكـره، ويلعـن يومـه الفقـري=يفكر في سبب ظلمه؟! وش اللي سببّ عطوبه؟!
أنا ذاك السجين اللي غدى حزنه حـزن فطـري=غيآبك زلزل أركاني، وغرشه عطري مسكوبه
ونعم ..قررت نتفآرق.. وضآق القلب من صبري=ونعم .. قررت أستسلم .. ولكن أعلن التوبـه
تبي تعرف أتوب شلون؟ تفضل يآسبب طُهـري=أتوب من الغرام لغيـر عينـك مانـي رعبوبـه
حبيبي والسلامه دربـك السآلـك ولاتطـري=أكيد ان القدر خيره عـن الأبصـار محجوبـه