عبدالرحمن الزهراني
03-13-2009, 06:48 PM
1
عتّق لي الريّق في فمّك وسكرّني=ما ودّي افيق من نشوتك واحساسك
انا استلّذك وصال وليل يسهرّني=ما بين سكرة ثغرك وخمرة انفاسك
تِقبْل تفاصيلك الصُغرى تحيرّني=كل الاحاسيس في حضرتك جلاسك
لملم سبايا من اضلاعي ودثرّني=طال انتظاري وانْا اتخيّلك في ناسك
2
الطيش خلاني بعينك .. طايش=واصغر احاسيسي عجزت المّه
وادري عجزنا مع بعض نتعايش=لكن .. من فينا وسيع الذمّه
تدرين .. ماخذ كل شي اطنايش=بسلى ولا احسب للزمان وغمّه
فقير ما عمري وطيت الشايش=وعلاقتي بالكبر ..( ما اثقل دمّه)
والحب ما هو زركشه ودنايش= لكن تألف .. امزجه وتتمّه
لا صار ماله في حشايه حايش=يجمّعه لك بالغلا ويزمّه
والارض ما تنبت زهر وحشايش=الا وطيب القاع له مندَمّه
فلا اخاف تفتح للغياب درايش= ثوبي وهو ثوبي عجزت اكمّه
عايش بدونك او بدونك عايش=عطشان ماك ولا ورد في جمّه
3
الله يبيحك سرقت الملح والسكر=وأصبحت من زود ملحك بالحلا شيره
اصدق من الواقع اقرا فيك واتفكر=واصعب من الحلم في نومي وتفسيره
صدقني احيان ودي اجرب المنكر=واخاف من كبر كسري صعب تجبيره
ياللي كلامك نبيذ .. وضحكتك مسكر=من دون ثلج العذاب وبرد تخديره
هذا بعد وانت ما بادرت بالجوكر=كم تحرق القلب وأعصابه وتفكيره
ياليتني كنت بس واحد من العسكر=واجنبه كل ساعه في مشاويره
بيحني الشوق له .. والجو متعكر=كم شبًنا بالدلع لا ولع ألغيره
حتى لوجهي قريب الناس متنكر=مما بقلبي عليه يبان تأثيره
يا كثر ما عاد اهذري به ولا يذكر= جوالي يون من كثرة فواتيره
يا كم بطاقات نشريها ولا يشكر=فلست واثر السبب جوال لـــ...
ولا قلت عطني يقل لي زين بيفكر=وأنا معه باح صبري يا لله الخيره
4
ادري يحبونك العالم .. ويهوونك=وادري .. تحسين فيهم بالتعب ادري
وادري.. تشوفينهم في ناظر عيونك=مفتون فيك ومحب ومخلتج قصري
وادري بنبضك عن العالم عزف لونك=ويا كثر من هو يقلك يا بعد عمري
وادري.. بعد إن هذا المنتدى دونك=ما يشبع الرغبه اللي با لوله تجري
وادري بعد ان خلق الله يحسونك=ارق وأعذب .. وكل ٍ قال يا بدري
وانا لك الله لا خاين ولا اخونك=سبب غيابي رئيسي .. واقبلي عذري
لولاه خوفي على ذكرك .. يطرونك=لا رسلك الخاص واشرح فيه كل امري
لكن أنا مثلهم با قول .. مجنونك=وأصيح مجنون/ أحبك / يا.......
5
تحب يا.. ؟ قلت ما ظنيت=القلب ولى ..معا نوره
اللي .. بعد مثلها ما ريت=في جملة الغيد مذكوره
غنج وحلى في دلال وصيت= والنفس به زود مسحوره
أبو ثمان ٍ كما اليوقيت=والوجه ماله ابد صوره
والهرج كنه غنى وأبريت=ما لحنه غير أبو نوره
والخد في حمرته وريت=رمانه اللي انتصف طوره
والرمش لا سلهم اتواسيت=يا لله جرنا عناء جوره
والشعر.. لا فله انهديت=وأذوب في ثورة احضوره
يجتاحني كل لحظه بيت=ما بين صدره ومنحوره
واكتب قصايد بها غنيت=ما بين لوله وبلوره
الله يابو انس لو جيت=شفته بعيني وبالبؤره
الله كم نفتح الباكيت=وأشب سيجارتي ثوره
ومع كل زفره تقل دنميت=في داخل الصدر منثوره
الله يرده على التوقيت=ولا يحرق القلب وشعوره
ياخوك له في البشر ماريت=من يشبه داخل الصوره
6
يا كمْ جيتك وكمْ رحت بعذابي=كأني للشقا جيت .. بيديه!!
لو ان الشوق .. يفضحك بغيابي=تجي اللهفه نتاج وغالبية
مقدّر لو خذيت كل ما بي=ولا لي غير حرمان .. وأذية
زهدت العمر في فورة شبابي=وداريت الخطا عن حسن نية
حضوري كم تسبب في ذهابي=وانا مانيب حيى الله شويه
بيبقى لك رحيلي واغترابي=محطة من محطاتي الرديه
فلا نأسى .. ولا ينفع عتابي=اخير احشم حروف الابجديه
صدق من قال لا ضاقت ثيابي=شريت من الوساع المخملية
عليش الضيق .. والدنيا ترابي=لويش ابقى لنزواتك ضحية
حفظت الحب والشيمه زهابي=وكان الطيب في دربي مطية
لذلك .. رغم لوعات اكتئابي=اقلك .. الف شكراً .. ياندية
فتحتي باب من دون الابوابي=عسى به خير لقلوب ٍ نقية
لذا جيتك .. ولا بحت بعذابي= تناسيت الغلا .. والمقدرية
7
ما فيه ليله تمر الا لذكرك نصيب=كن الوجع في سوالف حضرتك له طمع
ان غبت غالى حبيب ان جيت غالي حبيب=ريت المواجع في الحالين من قد سمع
لك المحبه وعرش القلب وانت اللبيب=ما غيرك احد ٍ بوسط القلب حبه لمع
واليوم شي بلى قلبي وأظنه غريب=استــودع الله ما بـــاقي لشــوفي دمع
بُعدك سبب علتي فضلا عن انك قريب=كم راح صوتي بقاع ولا لقي مستمع
اشكي على الله وضعي يالعنيد الصعيب=وحيد يضوي امل شمعه ويطفي شمع
كل ما تمنيت عن بالي للحظه تغيب=احزاب لك داخلي تبدا مسيرة قمع
اعذب التحايا لقلوبكم ...
عتّق لي الريّق في فمّك وسكرّني=ما ودّي افيق من نشوتك واحساسك
انا استلّذك وصال وليل يسهرّني=ما بين سكرة ثغرك وخمرة انفاسك
تِقبْل تفاصيلك الصُغرى تحيرّني=كل الاحاسيس في حضرتك جلاسك
لملم سبايا من اضلاعي ودثرّني=طال انتظاري وانْا اتخيّلك في ناسك
2
الطيش خلاني بعينك .. طايش=واصغر احاسيسي عجزت المّه
وادري عجزنا مع بعض نتعايش=لكن .. من فينا وسيع الذمّه
تدرين .. ماخذ كل شي اطنايش=بسلى ولا احسب للزمان وغمّه
فقير ما عمري وطيت الشايش=وعلاقتي بالكبر ..( ما اثقل دمّه)
والحب ما هو زركشه ودنايش= لكن تألف .. امزجه وتتمّه
لا صار ماله في حشايه حايش=يجمّعه لك بالغلا ويزمّه
والارض ما تنبت زهر وحشايش=الا وطيب القاع له مندَمّه
فلا اخاف تفتح للغياب درايش= ثوبي وهو ثوبي عجزت اكمّه
عايش بدونك او بدونك عايش=عطشان ماك ولا ورد في جمّه
3
الله يبيحك سرقت الملح والسكر=وأصبحت من زود ملحك بالحلا شيره
اصدق من الواقع اقرا فيك واتفكر=واصعب من الحلم في نومي وتفسيره
صدقني احيان ودي اجرب المنكر=واخاف من كبر كسري صعب تجبيره
ياللي كلامك نبيذ .. وضحكتك مسكر=من دون ثلج العذاب وبرد تخديره
هذا بعد وانت ما بادرت بالجوكر=كم تحرق القلب وأعصابه وتفكيره
ياليتني كنت بس واحد من العسكر=واجنبه كل ساعه في مشاويره
بيحني الشوق له .. والجو متعكر=كم شبًنا بالدلع لا ولع ألغيره
حتى لوجهي قريب الناس متنكر=مما بقلبي عليه يبان تأثيره
يا كثر ما عاد اهذري به ولا يذكر= جوالي يون من كثرة فواتيره
يا كم بطاقات نشريها ولا يشكر=فلست واثر السبب جوال لـــ...
ولا قلت عطني يقل لي زين بيفكر=وأنا معه باح صبري يا لله الخيره
4
ادري يحبونك العالم .. ويهوونك=وادري .. تحسين فيهم بالتعب ادري
وادري.. تشوفينهم في ناظر عيونك=مفتون فيك ومحب ومخلتج قصري
وادري بنبضك عن العالم عزف لونك=ويا كثر من هو يقلك يا بعد عمري
وادري.. بعد إن هذا المنتدى دونك=ما يشبع الرغبه اللي با لوله تجري
وادري بعد ان خلق الله يحسونك=ارق وأعذب .. وكل ٍ قال يا بدري
وانا لك الله لا خاين ولا اخونك=سبب غيابي رئيسي .. واقبلي عذري
لولاه خوفي على ذكرك .. يطرونك=لا رسلك الخاص واشرح فيه كل امري
لكن أنا مثلهم با قول .. مجنونك=وأصيح مجنون/ أحبك / يا.......
5
تحب يا.. ؟ قلت ما ظنيت=القلب ولى ..معا نوره
اللي .. بعد مثلها ما ريت=في جملة الغيد مذكوره
غنج وحلى في دلال وصيت= والنفس به زود مسحوره
أبو ثمان ٍ كما اليوقيت=والوجه ماله ابد صوره
والهرج كنه غنى وأبريت=ما لحنه غير أبو نوره
والخد في حمرته وريت=رمانه اللي انتصف طوره
والرمش لا سلهم اتواسيت=يا لله جرنا عناء جوره
والشعر.. لا فله انهديت=وأذوب في ثورة احضوره
يجتاحني كل لحظه بيت=ما بين صدره ومنحوره
واكتب قصايد بها غنيت=ما بين لوله وبلوره
الله يابو انس لو جيت=شفته بعيني وبالبؤره
الله كم نفتح الباكيت=وأشب سيجارتي ثوره
ومع كل زفره تقل دنميت=في داخل الصدر منثوره
الله يرده على التوقيت=ولا يحرق القلب وشعوره
ياخوك له في البشر ماريت=من يشبه داخل الصوره
6
يا كمْ جيتك وكمْ رحت بعذابي=كأني للشقا جيت .. بيديه!!
لو ان الشوق .. يفضحك بغيابي=تجي اللهفه نتاج وغالبية
مقدّر لو خذيت كل ما بي=ولا لي غير حرمان .. وأذية
زهدت العمر في فورة شبابي=وداريت الخطا عن حسن نية
حضوري كم تسبب في ذهابي=وانا مانيب حيى الله شويه
بيبقى لك رحيلي واغترابي=محطة من محطاتي الرديه
فلا نأسى .. ولا ينفع عتابي=اخير احشم حروف الابجديه
صدق من قال لا ضاقت ثيابي=شريت من الوساع المخملية
عليش الضيق .. والدنيا ترابي=لويش ابقى لنزواتك ضحية
حفظت الحب والشيمه زهابي=وكان الطيب في دربي مطية
لذلك .. رغم لوعات اكتئابي=اقلك .. الف شكراً .. ياندية
فتحتي باب من دون الابوابي=عسى به خير لقلوب ٍ نقية
لذا جيتك .. ولا بحت بعذابي= تناسيت الغلا .. والمقدرية
7
ما فيه ليله تمر الا لذكرك نصيب=كن الوجع في سوالف حضرتك له طمع
ان غبت غالى حبيب ان جيت غالي حبيب=ريت المواجع في الحالين من قد سمع
لك المحبه وعرش القلب وانت اللبيب=ما غيرك احد ٍ بوسط القلب حبه لمع
واليوم شي بلى قلبي وأظنه غريب=استــودع الله ما بـــاقي لشــوفي دمع
بُعدك سبب علتي فضلا عن انك قريب=كم راح صوتي بقاع ولا لقي مستمع
اشكي على الله وضعي يالعنيد الصعيب=وحيد يضوي امل شمعه ويطفي شمع
كل ما تمنيت عن بالي للحظه تغيب=احزاب لك داخلي تبدا مسيرة قمع
اعذب التحايا لقلوبكم ...