ملايكية صوووت .. للتواصل

[مبارك أبوظهير]

*


بعد غياااب .. أرجو قبولها .. وصولها


*




مريم .. ويكفيك الطهر من مسماك=يكفيك من إسمك خذيتي الطهاره
يارائعه ياآسره في محياك=كلك أناقه .. ذوق .. فتنه .. إثاره
ملايكية صوت عذبه سجاياك=عقل وثقل مافيك ذرة عياره
بنت ٍ تربيتي وياطيب مرباك=على الشرف والمشيخه والإماره
جنسك قليل ونادرات ٍ مزاياك=فيك الجمال أصلا ً مثبت شعاره
آية حسن من راسك لـْحد ماطاك=ياماخذه كل الجمال بجداره
حتى النسيم إن مر يمـّـك تهاداك=من رقتك يستأذنك في مساره
يخاف لا جالك بلا إذن وأذاك=ماعاد يسمح له أبد بالزياره
عمري خساره راح من قبل لألقاك=راح أكثره عمري بدونك خساره
صدفه وجيتيني وأنا غارق هناك=بين الغبون وكون ضايق مداره
وأحييتي اللي مات من حس وإدراك=في قلب ٍ أعلن ضيقته وإنكساره
شكرا ً غمرتيني بأجمل هداياك=لين الأمل أشرق بقلبي نهاره
شكرا ً عسى من لامني فيك يفداك=ياللي خذيتي في غلااااااي الصداره
مريم .. وطهرك من مسماك يزهاك=يكفيك من إسمك خذيتي الطهاره


*


مبارك نايف أبوظهير

[جُمان]

مبارك أبو ظهير ..

تَكتُب مَريمَ كالخَفق تماماً ومِن حولِه الضوء
فتُحيلُ الأمكِنة إلى حدائق وجِنان
قصيدةٌ تضمُّ العذوبةَ إلى صدرِها
جميلة جداً

شُكراً لك كما ينبغي
ومرحباً بِك بعد غِياب


.

.

[عبدالله العويمر]

مبَارك

يَخْفُقُ الشّعْر قَلْبُه بِك يَاعَزِيْزي


أتَيْت َ مُمْتَطيَا ً صَهْوةَ الشّعْر

وَمَاغَاب َ مَن حَضَر


دُمْتَ جَمِيْلا ً

[صالح الحمود]

اوووووووووووووووه

ابونايف
تخضر الأمكنة بك وبهذا الجمال الساحر
غيابك طويل جدااااااااااااااااااااااا
هذا المكان لا يستحق فهو مئوى الحب والابداع

دمت بالقلب

[محمد السالم]

أبا نايف :

إذا كل غيبة ستهدينا مع نهايتها مثل "مريم"


أمانه كثّر الغيبات


لك التحيّة يا صاحبي

[الجفول]

مرحبا مليون ولا يسدون

حللت اهلا ونزلت سهلا نور المنتدى يابو نايف

نص رائع كروعة حضورك

تحياتي

[عبدالرحمن الزهراني]

صح لسانك يا مبارك .. نص رائع

تحياتي لك ..

[إبراهيم الشتوي]

مبارك نايف أبوظهير ..

وحضور مبلل بالطهر والعطاء والنقاء ..

نص مشرق تنحني له السنابل ..

فشكرا لك أيها الغالي العالي ..

دمت بالقلب وبالقرب .