[ صَمْت ٌ صَاخِبْ ]

[سالم الراشدي]

الصمت / حيلة من أثقل الحزن لسانه وأوهن الوجع جميع أطرافه !


فأصبح غير قادرٍ إلا
على هذا الصمت الصَاخب :)

[سالم الراشدي]

:








والحزن .. عيّا يفارق ناظريه
.............. طفلك الواقف على درب الحفاه



واقف وحامل وروده في يديه
.............. ينتظر ... رجعة حبايبه الجفاه



يمكن تحنّين .. وتعودي إليه
.............. قبل لايذبل مع ورده ../ هواه



تعكس هموم الليالي / وجنتيه
.............. كنّها ترسم على الرمضا عناه



يابعادك ويش سوّا به [ وليه ]
.............. جرّها يصرخ مع بحّة .. بكاه



غربة وتشتيت ، وهموم ٍ وتيه
.............. جرح ثاير يعزف فعينيه ( آه )




هالحِزن ظالم .. ومتبلّي عليه !
.............. من خلق هالحزن مخلوق ٍ معاه





و ..














( جزء من النص مفقود )

[سالم الراشدي]

يَاجَايِر الأَوْجَاعْ /... وِشْ فِيْك طَمَّاعْ ..؟
..............| لَا تَطْوِي هْمُومِي هَبَاءَاً ، كِذَا طَيْ !

مِنْ [ لِيْن عَظْمِي ] مَـ تْرَكَتْنِي هَالأوْجَاعْ
..............| كَنْهَا لِقَتْ وسْطَ الْمَحَانِي لَهَا .. فيّ

أَسْرِي مَعَ ( لُوْعَاتَهَا السُّوْد ).. مِنْصَاع
..............| وَآلَبِّي لْهَا .. كُلّ : مَا أَشَّرَتْ لِي !

يَـ الحُبّ / مَاظَنِّيْت بَك شِيْن الَاوْضَاع
..............| لاتَخْطُم يْدِيْنِي .. وَلَا تِلْمَس ايْدَي

رَبِّيْت بَكْ حلْمٍ ، وْلَمَّا كبَرْ .. ضَاع . ‍!
..............| وْضَاعَ العُمُرْ وآنَا مصَدِّقْ لِهَالشَّي

:

مِنْهَدّ ، مِتْغَرِّب ، مفَارِق ..... ومِلْتَاع
..............| آعِيْش فِي مُوْتِي .. وَانَا تَوّنِي حَيْ

مَاكُنْت اظُنّ الْحُبّ ..... هَادِم / وْمَزّاع
..............| الِيْن خُضْتَه ، وَانْهَدَم كُلّ مَا بِي !

[سالم الراشدي]

http://www.m0dy.net/vb/uploaded/upload/150123_1191344347.bmp




مُورق حضوره / يبس=وجرح تقصيره خضَر
ماهي قصة جرح بس=كنّ مُوتي بَه حضر !






.

[سالم الراشدي]

:






انا .. يابسمة الفجر الخجول .. ولونه الدافي
ـــــــــ تمادى بي غلاك وساقني برضاي لـ.. سجونك

يـ.. منبع رقّة الأنثى ، لو أنسج كلّ.. أوصافي
ـــــــــ أعيش فـ... شعري مقصّر ولا جاريت مخزونك

يـ.. كود مطاوع الفرقى .... وكل اللي معه لافي
ـــــــــ ( معاندك ، وتجاهل هـ.. الدموع اللي ينادونك :

امانه لا لفى صبح الرحيل فـ... قلبك الغافي
ـــــــــ تصحيه .. وتعاند مطلبه لـ.. عيون مفتونك )

كأن الصّبح لاغبّش / ونبّش .. عشقي الوافي
ـــــــــ يناافسني على لمسة شفاك ..، وصار مجنونك

و كن الطير لا غرّد .... يصحّي باقي أطرافي
ـــــــــ يقول لشمس هالدنيا على هونك على هونك !!

على هونك ترى طلعَتك تكشف سرّه الخافي
ـــــــــ وانا ماعاد فيني يا .... حبيبة لو يشّلونك ..

نسايم هالصباح لديرة غيابك / [ ترى كافي ]
ـــــــــ متى اشوف الصباح ونسمته ... لمّي يجيبونك

صباح الخير ... ولا ياصباح ٍ ناوي إجحافي
ـــــــــ صباحٍ يعزف لعزم الفراق فـ.. نظرة عيونك !!

يـ.. عشق مايحرّم به تماديّي .. وإسرافي !
ـــــــــ انا مدري انا / وش حاجتي ( يا حاجتي ) دونك















وليدة صباح ليس كأي صباح
قابله لنزف اغزر .. عندما تتجدّد الدّماء !!

[سالم الراشدي]

في عيوني من غيابك عنا ، مزدحم
................. وفي سكوتي كلام ٍ ياه ... ياقسوته

يستفزّ القصايد ... بس ما من كلم
................. يختصر لي مدى حكي ٍ بدت سطوته

ان نويته عصاني ، وان كتمته ألم
................. وخايف ٍ لـ.. ابتديه ، وتنفلت عروته

في غيابك حبيبي .. حالتي تنرحم
................. شاعر ٍ بس خارت فـ.. الشّعر قوّته !

[سالم الراشدي]

يا حزن عاجزن لـ.. اوصفه
.............. استمع لي كفاية .. حكيك

صاحبك | صاح بك .. انصفه
.............. حسّ بي ، حسبي الله عليك !

[سالم الراشدي]

مايسوي الكون شيٍ .. في نظر عيني
....................... لكنّي احيان | لـ.. الأحزان .... ما أقوى
الله يسامحك يـ.. الآحزان ... شوفيني
....................... قمت انثر الدمع .. في اشياء ماتسوى !

[سالم الراشدي]

كثْر الكِثير اللّي عَجَز ياصَل مدَاه انْسَان ، أَنَا والله مِشْتَاقَه كثِيْر = وكثْر الصّدِقْ فِي كلْمَة [ أَحبّك ] ، وكثْر الحِزْن فِي عِيْنِي وهِيْ مَارَدّتَه

كَنِّي فـ..بُعْده حَفْنَة آمَالٍ تعِيْش أيَّامَها فِي عِيْن رَجَّالٍ ضرِيْر = عكَّازتَه فِيْها تجَاعِيد الزّمَان أوْشَام تِتْعِب فـ..الخَطَاوِي مَدّتَه !

[سالم الراشدي]

يعني تبي ترحل .. مصمّم .. وشدّيت ؟!
....................... طيّب .. تعال وشوف جرحك وداويه .
على الأقلّ ان ماوحشتك .. وحنيييييت
....................... مايِتعب اللي في غيابك .. يصاليه !

[سالم الراشدي]

أكذب عليك ان قلت : مانيب مشتاق
....................... وأكذب على نفسي ليا قلت : ناسي

فيني ضجيج أشواق ٍ يولّد أشواق
....................... وفيني مزيج احزان ٍ.. اتعب نعاسي

لا الفرْح في غيبة عيونك علي لاق
....................... ولاهو بــ.. منسيني ، كثير التناسي

وأصدق حزن نوّخ على ناظري | ساق
....................... أكذب فرح |.... لبْسَته ماهي قياسي !

[سالم الراشدي]

ياللـي فقلبـي منْـك قـد صـارت عْـلـوم
..................... لاتـتـعـبـيــن الـــلـــي فـفـتـنَـتْــك عـــايــــم
قد جاه شهر الصّوم ، وبودّه يصوم
..................... لاتجيـن فـي بالـه ، ولــو كــان هـايـم
صايـم .. ولامنّـه نطـق اسمـك اليـوم
..................... لـه طعـم ٍ يفطّـر لـه انسـان صـايـم !

[سالم الراشدي]

جِيتكْ أحِيك التّعَب [ طَرقَه ] عَلَى بَابكْ !
ــــــــــــــــــــــ متزَوّدٍ بـَ الحزِنْ ، .. والحِزْن / .. متزّوِد


لاتْقُول لي عُقْب هَذا العُمْر : وشْ جَابَك ؟
ــــــــــــــــــــــ شفْنِي نَخيْت الكَرَامَه لـَ اجْل .. ما اعَوّد ..


وانْ كَان قَصدكْ :- أنَا متعَوِّد [ غْيابك ] ؟
ــــــــــــــــــــــ مافِيه أحَد عَ التّعَب ، وانْ طَال ، يتْعَوّد ..

[سالم الراشدي]

انسان .. كان يحب .. وافي ، وبعدين
. . . . . . . . قدام عينه .. ماتت أحلى .. سنينه ..

ماعاد يغريه الوصل .. لو تعودين ..
. . . . . . . . جاروا عليه [ الانتظار ، وحنينه ] !

يمر ليله بين يمكن .. تحنّين .. ؟
. . . . . . . . وبين الصباح .. اللي يزعزع يقينه

من كثر مايهواك .. عادي تشوفين :
. . . . . . . . يترك قصيده ، بسس ماتتركينه ..

من التعب : صمته كلام ودواوين ..
. . . . . . . . ومن الوله .. : شوفي ظمآ ناظرينه

كنتي تحبّي .. جد .. ولا تسلّين .. ؟
. . . . . . . . ماهو سلى .. قلب الوفا تجرحينه !

[سالم الراشدي]

القلم : صمت شاعر
ماهو بـْ صمت المشاعر !
والشعر / عالم غريب
فيه صمتي كم يعبّر عنه قولي
فيه .. كم يزهر ذبولي
فيه جيت افرح .. لقيت ان الحزن أعذب وأقرب ياهطولي
فيه جيت أحزن .. وطاحت دمعةٍ فيني قديمة
واختزلت الذكريات
والغريبه .. صفّقوا لي

الشعر ذا / فصل خامس
تزهر الكلمات فيه ، يوم اتساقط ألم

فيه ليه .. وفيه انا ماعرف ليه
فيه ملجأ .. فيه تيه
ورغم هذا بيننا قصة وفا
كل ليله .. يا يجيني .. يا أجيه !

[سالم الراشدي]

صباح امّي ليا قالت : صباح الخير
صباح احساسها ، وانفاسها العطره

صباحٍ من كثر ماهو سعيد / وغير
أقول الله يعجل صبحنا [ بكره ] !

[سالم الراشدي]

صباحكم : قلوبكم ، يا أصدقاء الهدوء والصّخب !



صبّح الله قلبك بـــ الرضى ، والطّهر
كم تحرّاك طفلٍ ، بال ليله / .. يمون

تشرق الشّمس ، ولا لو يطيح المطر
أنتي احلى صباح [ تنتظره العيون ..]

[سالم الراشدي]

ياطفلة الصبح ، ولحون العصافير
ياوجهةٍ لـ النور [ صبح انبجاسه ] ..

ياطفل .. : يستقبل صباحه .. تباشير
على ظهَرْه .. يشيل حمل الدراسه ..

كم تسرق آماله .. بـ عينه / تعابير
وكم طيّرت فـ الصبح .. هاني نعاسه

قولي صباح الخير ، وأصير أنا بخير
شاعرك : صبحه دون صوتك تعاسه !

[سالم الراشدي]

صاحبي والجرح ينزف لك ملام
صاح بي : وليا متى تـتذكّره ,,

كم تشجّر في حناياك .. العسام
وكلّ هم ٍ فـ المسا .. تستشعره

كم تلحف هـ الحزن قلبك ونام ..
كم تشرّبك ، ونمى بك .. أكثره

العتب .. ماعاد ياسعه .. الكلام
والتعب / مافيني الا .. اصبره

مو مهم أنام وانفض هـ الظلام
مو مهمّ الا الجفا كيف اقهره ..

ياحبيبي كيف ابوصل لك .. مدام
كل دربٍ يبتدي .. من آخررره !