لـون تعبـي ..!!

[نايف السميري]

،
هات السهر واخذ عيوني ل جل انام ...!
.................. ووسـد سهد جفـن المـفـارق راحتـك !!
وانده على الغيمات واسراب الحمام ...!
................... واسق الجفاف انفاس غيمة واحتك !!
،

[نايف السميري]

،
والسهر لو نكتبه
بالحبر ،
ينبت صبر !!
،

[نايف السميري]

،
بعض الصباحات رجم أطلال ...!
............ تســرقــك وتبعثــر أوراقـك !
وبعض الصباحات ضيقة بال ...!!
............ تقتص من راحة اعماقـك !!
،

[نايف السميري]

ياليت اعمارنا
كلمه ولانكبر !
لكن اعمارنا
تقويم !!
على حائط مواجعنا ،
يجي بكره
ويشطبها ،
ويبقى اليوم !!
/
مثل سكين ،
تساوم
خاصرة بكره ،
لجل تأبين
روح الطين ..!!

[نايف السميري]

،
كم يستفز الصبح روحي ..!
.......... ويصبني داخل اوجاعي !!
ويهندم الحرف واجروحي ..!
.......... ويرتب الناس واطباعي !!
،

[نايف السميري]

،
بين السهر والاماني غفوة من فراغ ..!!
............... يطعن بها الصبح ظهر الليله الحانيه !
حلمٍ تضمه صدور وحلم مايستساغ ...!!
............... ينبت مــراره بحـلــق اللحظــة الـدانـيه !!
،

[نايف السميري]

،
صباح الابتسامـة والرضا والخير والغفــران ...!
................ صباح احلام طفـلٍ تغفو الغيمه على اهدابه !!
،

[نايف السميري]

،
الجـادل اللي عينها نعسـانه ...؟
........... مــاريـحـتـنــي كـثــر مـاعـنـتـنـي !!
لحظة شغبها بالترف رويانه ...!
........... وش كثر احب اسمي ليا نادتني !!
،