لو الرجا بيد البشـر عذبونـي !

[فهد الماجدي]

,’

,’






ماجيت اسج.. القاف.. من ضيق.. وافراق=يالايمـي .. والله .. قــد .. هبلّـونـي



كلي مشاعر صدق.. من خاطر ٍ .. ضـاق=كلي حنان .. ولين ..ليـن ..ادمرونـي



لاصرت طيب.. جاك ..من يجهل ارفاق=واِنـصرت.. قاسي .. افضحتني ..عيوني

لو البكى ..ينفع معـي .. حـد الافـاق=اقعد.. طوال الدهر .. وابكـي .. شجونـي

وش هالبشـر.. بالله .. ماعندهـا .. اذواق=علّمتهـم.. لّكنـهـم.. مافهمونـي

سر ياقلم ..واكتب لهم.. بيـن الاوراق=وازعج ..محاجرهم ..مثل.. مازعجونـي

يالايمي جوف.. الحشا ..والـع ..وفـاق=بوراقهـم ..واشعارهـم ..يلمـزونـي



وادموعي .. اللي.. ممطره ..مـزن بافـاق=هجيتهم .. حـق ٍ ..مثـل .. ماهجونـي

خاطر عزيز ..ولمَزهم .. ماهـو .. بحـاق=ياكثر.. ماهم فـي .. حقوقـي .. كلونـي



وش حيلتي ..في خاطري .. مابعـد راق=اطلب .. عظيم الشان.. يكـون.. عونـي



المشكله ماهي.. على افراق.. عشـاق=المشكله.. بسهم.. الصداقه .. رمونـي



تبعثرت عندي.. لهم.. بعض ..الاعـواق=وفي دفتر.. الحسـاد ..هـم ..سطرونـي



سطرتهم ..من قلب ..عـاذل ..ومشتـاق=وشـعاد.. لوّنهـم.. بعـد ..يقدرونـي





امي وابوي.. اللي ..حشى مابهم ..عـاق=من فظلهم.. بعد ..الكريـم.. ارشدونـي



قد قالو اِنّا ..حقرهم.. يشعل .. احـراق=حقرتهم.. مـن.. بعدهـا.. هاجرونـي



مشتـاق ..اي .. والله للخيـر.. مشتـاق=وصيتهم .. بارض.. الحـرم.. يدفنونـي



ياما حمول ٍ ..شلتهـا .. الغيـر.. ماطـاق=حمـل ..الجبـال ..الراسيـة .. حملونـي



حتى العدو.. يشهد.. علي يّه.. بالاخـلاق=اني ..علـى .. نهـج الكرامـه .. بلونـي



الصدر به .. ونه .. يافـارس .. ان ضـاق=ياكثر..مـا هـم.. بالقفـا .. يطعّنـونـي

الحمـد لله ..مـن ترجـاه .. مـاعـاق=لوّ .. الرجا .. بيد البشـر.. عذبونـي



رزقي .. على المنـان .. قسـام .. الا رزاق=جزل ..العطايا .. والبشر .. ماغنونـي !!









,’

[محمد الغشام]

:

:

لم يكُن لديهم ذوق ..:)
وهذا حال البشر..


أحتاج إلى قراءه ثانيه


عاطر التحايا

[عبدالله العويمر]

فهد

صَح لْسَانك

قَصِيْده جَمِيْله

دُمْت

[فهد الماجدي]

مرورك العاطر يالغالي محمد الغشام

الف شكر لك يالغالي

التحيه والتقدير لك

,

[حسين السبيعي]

أحسنت أخي العزيز/فهد الماجدي أحسن الله إليك

شكرا لك سيدي الكريم على إتحافنا بهذه الرائعة

صح لسانك ، وبيض الله وجهك ، ولا فض فوك

دمت بسلام وسعادة وحب وألق أيها الأخ العزيز

[فهد الماجدي]

مرورك الطيب والكريم يالغالي العويمر ولاحرمنا الله منك ياغالي


التحيه والتقدير لك

,

[فهد الماجدي]

وجهك ابيض الغالي السبيعي على الكلام النبيل والمرور النبيل يالغالي


كثر الله من امثالك


التحيه والتقدير لك

,