المساعد الشخصي الرقمي

مشاهدة النسخة كاملة : \ صبحيّة التكوين /

جمال الشقصي
04-13-2009, 10:38 AM
:

أبا اكتب علّ مزلاج الغلابه يفتح التكوين=ولا تقوى السنابل تطعن بصبحيّة الفلاح
ذريت مْن الورق قشر الكلام الحافي العنّين=تشتّيت.. وفلت سرب القطا من قبضة التلواح!

:
جمال الشقصي
04-13-2009, 11:14 AM
:

يا غشيمه..
يا هوى نصّاب..
يا بحّه قديمه
يا عشيقة جار في ذمة ثلاث!!
تعرفي من هي بناته
تعرفين بأي مفرش غرفه الليله مباته!
كنت من باب الشرود
أصحى للحاره غريب
لا حدود
ولا ضواحي تاكل الأطيان دود
يا غشيمه
للعمر هايم على ذكرى قديمه
ما بغيتك للشبابيك الورق
ولا مسا ناعس بوجناتك عرق
كنت من باب الشغب
آتمشور خطوتين صغار تنفضني تعب
لا بغيت كحالك الطاغي تميمه
ولا ترقبتك نديمه

يا غشيمه
يا هوى غلاب يا (دقّه) قديمه..
الهوى ما هو برضاي
جيتي بغلطة قدر
ورحتي أوفى من علاقاتي الحشيمه..
يا غشيمه!

:
جمال الشقصي
04-13-2009, 12:33 PM
:

أنا ما جيت أبرر لك خطا البارح قصايد زور=وصلتك غايم بشوق الحواري الطين يا نوره
من أغوار الغياب/ مْن النهار المنطعن بالنور=حملت اللي تبقى من دثار الصبح وطيوره
بقى لي دفتري المتمرد المتناثر المبتور=على ارْصفة السنين آبا انثره لاجل أدفن حضوره!
خبا جمر الحنين بداخلك والا اشتعل.. معذور=أنا جيتك نهارٍ في عيوني منذبح نوره

:
جمال الشقصي
04-14-2009, 10:19 AM
:

لو للنهار عيون من طلة الشمس=ما اتوهّمَت بالخبز كفّ الغلابه
أشد ما في العمر ما هو شقا النفس=أشد ما في العمر بخل القرابه!

:
جمال الشقصي
10-25-2009, 05:28 PM
"

قولي لهم يا فاطمه.. سافر هناك=لآخر ديار احزانه المستبدّه
عايش ثلاث سنين يبني بشباك=ويزرع ورى الشباك ميلاد جدّه
قولي لهم لولاك.. لولاك.. لولاك=ما صافحت يمنى التعابير يدّه
بديت احس بطول سلمك وفرقاك=ان القصايد دونك حروب ردّه!!


"
جمال الشقصي
10-25-2009, 05:44 PM
"

لا تجين.. ومنذبح صوتي سكوت=لا تروحي.. قبل ما اتطمّن عليك
لو فرضنا قلبي نخيل وتموت=ما يموت النخل باسفل كاعبيك!


"
جمال الشقصي
10-25-2009, 05:59 PM
"

مصابيحي الاثيره يا متاهات الشوارع.. ليش؟=وانا المحتاج لبلادي قبل لاشعل مصابيحي!
غباي اني مشيت برغبة الحافي للقمة عيش=وقفت آبايع حقول السنابل.. وآكل بريحي!!


"
جمال الشقصي
10-28-2009, 03:06 PM
"
على حفا المكتوب واشواك الاحلام=وصلت خيمة وردتي يا اوحش البيد
وعرفت كيف آشب من عنق الاقلام=شمع التعب واضويه حفلة اناشيد
طال الرجا بالشمس.. واشهرت الانسام=صبحٍ يصالح سور مسلم وعربيد
يا رحلة ايمان ابتدت شك واوهام=عاركت لاجل اوصل بها الحق تشريد
حتى هنا.. واوصدت بابي بمرجام=ورى الضجيج اللي شنق رزحة العيد
تكاثرت بالصمت غرفه من عْتام=على فحيح الناس.. واسطورة الغيد
وتقدر تقول بهامش العمر لاعوام=بعثت لون الموت في لوح تجريد!!!


"
جمال الشقصي
10-28-2009, 04:34 PM
"


تعبت ارفع عظامي الهالكه لاجلك غناوي وناي=وواسي خاطري بانك على غيابك تحبيني

يـَ.. عمري ما رجيت اغصاني الخصرا لبرد شتاي=يبس قلبي كثر ما للشجر صوّت: وحشتيني!!



"
جمال الشقصي
10-30-2009, 08:00 PM
"

قلت اوصلك.. والدرب موحش وحافي=وصمته تردّى بين ليلي والاحجار
حلمي وانا ارقب للنهايه ضفافي=حلم العمى بمشاهدة وجه الازهار
لا يا بعد من جوْا وراحوا خلافي=لا ينتهي بي الدرب برّات الاقدار
يا ما نويت القاك باوّل مطافي=ويا ما انتهت بي الارض وانتي بلا دار!



"
جمال الشقصي
10-31-2009, 07:45 PM
"

على كلٍّ.. بعدني منتظر بالشمع=وفنجانك برَد والنادله راحت!
كثير اشيا حواليي تثير الدمع=اذا قام الجميع.. وجيّتك طاحت!!

"
جمال الشقصي
10-31-2009, 08:21 PM
"

موطئ قدم

وما ادري متى القى الخُطا

ما ادري طردني هالمكان


أو غربتي مْن القِدَم


"
جمال الشقصي
11-04-2009, 04:14 PM
"

ما للزهر وادي على جال شباك
. . . . . . . . . . . زرق النوافذ في غيابك شظايا

حبيبتي والحزن يذبح هداياك
. . . . . . . . . . . مري بكذبة دمع تبكي الهدايا

أما أنا مكفوف يقرا نواياك
. . . . . . . . . . ونصّب عيونه فوق قبر الزوايا..!

"
جمال الشقصي
11-21-2009, 09:55 PM
"


محطوبه الجدران



والارض ما تاوي غريب!


قلت امسك اطياف السما..



أو ياخذ بيدّي الدخان



ودي بمكان:



لو شنطة مهاجر



لو غصن باعشاشه ذوى



هذا الثرى وين أقدره..



كل الشجر شيخٍ يموت



وصوت النواحي مقبره!!



:



في آخر التيه جْسِري



اللي يرجعني ضياع المبتدى



عتّبت ابي رمل الهروب



وعديت وجهي والمدى!



يا مولدي خان المصير..



والا العمِر موت.. وْعدا..؟!!




"