[ كتاب الغلا ] .

[أحمد الصانع]

مات قلبك وآنا أبيك تكون ~ حي ،
من كتب فرقاك في الصفحه الأخيره ؟

قصتي المفروض تتركها [ علي ] !
مو على كيف الفراق يكون خيره !

كنت لك مثل الغريب و إنت لي :
الحياة / الناس / يعني كنت ديره !

صرت مثل إللي فقد له كل شي
ضاعت أحلامه عشان عيون غيره





http://www.shathaaya.com/go/dir/22/keTaB.jpg



ماعرفتك ! وشفتك مثل : ريم الفلا ،
الكبر شين .. وإلا نور عيني ~ بخيل ؟

إي عرفتك ! حبيبي الأولي { يا هلا } ..

مرحبا فيك من بعد الغياب الطويل ،

فاتك الفوت ولما فات ، صوتك علا ..
لا تنادي المحبه { رجعتي } مستحيل !

ماتفيدك حلاتك .. ما يدوم [ الحلا ] ،
ليت روحك جميله دام وجهك جميل

قلت لك ياتحبْني حيل ~ وإلا - فلا
إللي مثلي ( أناني ) مايحب القليل

إنت هَمٍ { ثقيل } ومن حياتي إنجلا ،
صرت هَمْ بحياتك وأدري همّك ثقيل !

دايم اتقول ~ إنك ( غير كل الملا ) ..
وآنا قايلك إني شخص ماله : مثيل

الدليل : إنه قلبي ~ في غيابك سلا ،
يوم غيري عيونه من فراقك تسيل !

إنت غلطه بحياتي في [ كتاب الغلا ] :
مامحيتك ولكن .. منجبر ع الرحيل

لا هلا ترد { قلبي } لا ولا مسهلا
شفت قاتل بعمرك يرضى عنْه القتيل !


رحت عنك وباقي لي أثر و البلا :
أدري دورت مثلي وما لقيت البديل ..




http://www.shathaaya.com/vb/images/smilies/i.gif
















ماطفت ناري .. من أعذارك ( أبد )
لا تحاول إني أرجع لك ~ وأهدي

فوق شينك / عينك تخون الوعد !
غلطتك في حقي لا يمكن تعدي

ماني ناقص جرح من إيدك بعد
كل شي .. يصير لي ما كان ودي

فيه غيري - وفيه غيرك : فـ البلد
مو معاي تكون يعني إنت ضدي

لو أعد جروحك أخطي بـ العدد
ولو تحس شوي ما بيّحت سدي

روح دور لك .. على غيري .. أحد
دربك إللي جابك لــ عندي يودي

{ خالد } { محمد } وناصرْك وسعد
عندهم قلبك .. مثل ~ ماكان عندي

ما إعجبك ردي ! ومن يزرع حصد
بذمتك ~ وش كنت ؟ تتوقّعْه ردي

منت قدي !! .. روح عني ~ وإبتعد
فكْني من جرحك لأنك منت قدي

لا كبرت وشفت نفسك ( مستعد
للمشاكل ) إرجع / ونبدي التحدي

[صالح العرجان]

الغلا اللي جابك وجينا لك من غلا

أحمد الصانع
صح فكرك وصح نبضك
رد ود


http://ro7elb7r.jeeran.com/ثَغْرٍ%20الوٍُرٍٍدِ.gif

[عبدالله العويمر]

تُنَادي الحُب بِحَرْف ٍ جَمِيْل

أحْمد

سَلِم قلْبك وحَرْفُك

مودّتي

[جُمان]

كـ مقهى وطاولة وثلاث مقاعد ..
لَك ولـِ الجُرح والأخيرُ فارغ إلا مِن بقايا الياسمين
هكذا اكتمل المَشهَدُ في مُخيلتي بعد قراءةِ النَّص

يا أَحمَد ..
لا شَيء يُشبِه الحُب سِوى انتِصار الحَنين
حِينَ يكتَمِلُ التَّعب / العَتب

في غاية العذوبة
يا ماء

.

.

[رزان العتيبي]

صرت مثل إللي فقد له كل شي
ضاعت أحلامه عشان عيون غيره



ومن يستطيع التحليق بنا في جو غائم ..
بكل هدوء وثبات سوى أحمد الصانع ..

قرأتها هُناك حين طرحها الأول ..
ولازلت أتردد إليها ..

ففي داخلها حكايات كما عودتنا ...

صح نبضك

http://s111t.com/vb/downloads//14_fhm.gif

[عبدالرحمن السمين]

المدهش / أحمد الصانع

مدهش ومميز هذا البوح وهذه الروح التي أسرت وكسرت قواعد الروتين ...

أرويتني شعرا وفكرا ...

صح لسانك وقلبك ....

مودتي لروحك .

[سالم الصاطي]

الشاعر احمد الصانع


كنت و ما زلت وستظل


الشاعر الانيق المدهش


صاحب الفكر الجديد و الفريد


صح فكرك يا مدهش

[باتل عبدالعزيز]

يالروعتك شعر
فقط كن بخير!




*