مـطـنـــوخ

[لافي ذباح]

الغياب ..

ذنب لا يبرره إلا أمران :

كـــرم الحبيـب

وعـذر المحــب

فعذراً أيها الأحبه لكريم عفوكم ...




مطنـــوخ

مطنوخ والمطنوخ حلمه عذابه=لكن بجد اعيش و أموت مطنوخ

تشدني .. بحة حنين الربابه=ويزعجني اللي صوته العذب مشروخ

مالي شبيه الا السما والرحابه=ولا لي نقيض إلا مقلد ومنسوخ

ولالي عشير إلا .. دموع الغلابه=ولا لي عدو إلا منسم ومنفوخ

يشره علي اللي حياته نهابه=واشره على لباسة الدرع والجوخ

واشوش لا جاد الضعيف بزهابه=وأدوخ لأفعال النشاما ولاأدوخ

وافرح ليامن الردي صك بابه =لأنه ولد دلخ مناسب له دلوخ

واعيش عيشة ذيب بين الذيابه=واموت ما وجهي من العيب مصلوخ

أنا كذا ما أشابه إلا أتشابه=ما أدنق إلا يرتفع راسي شموخ

وانتي نهايات الولع .. والصبابه=قلبي بساتين ولك بروضها كوخ

جيتي .. مثل دعوة خفا مستجابه=وجيتك .. مثل شيخ مجلينه شيوخ!

اللي على .. أحط بإيدك سحابه=واللي عليك .. الورد والتوت والخوخ

[سـ/ـماء غازي]

وكنتَ سحابة بذاتك يا لافي ذباح !
أهلاً كما تنبت قصائدكَ حسّاً آخر .. وشكراً بقدر ما تنبت

[قايـد الحربي]

لافي ذبّاح
ـــــــ
* * *


نُرحبُ بكَ بعْد الغياب .

:

وَ مِثلكَ لا يَحضرُ إلاّ بالشّعر ..
ذاك الشّعر القَادر على إعادَة الغَيم للسّماء ،
وَ إعادَة الهطوْل للمَاء .

مُثمرٌ حضورك ،
فشكراً يانِعة .

[محمد السالم]

اللي على .. أحط بإيدك سحابه
واللي عليك .. الورد والتوت والخوخ


ألفيت يا لافي بالشعر


صباحك مثل ما أنت شعرا وشموخا

[عبدالله العويمر]

لافِي ذباح
هَذا الاسم أتذَكّره ُ بِفَرَح ، ولاأنسى جَمَال قَصَائدُه
شَاعِر فَاخِر وزَاخِر
هُنَا يُؤكِد بِأن ّ الغَيْم يَمُرّ فَيُبْهِج

جَمِيْل ، وأكْثَر يَالافِي

[سعد مسهوج]

الرائع لافي ذباح

شاعر فحل

والبيت 3 بيت القصيد


لله درك يا رجل


حبي واحترامي

[حمد الضوّي]

تقدر تجي بشي غير الجمال يالافي؟

[فارس مهدي]

سلمت الانامل على هذه الرائعه


دمت بود