للغياب أغنية

[خميس الأسلمي]

مااكذب من السـراب إلا .. اتّبـاعه
ولااصعب من الفراق إلا .. القطيعه

[خميس الأسلمي]

شفني ذبلت وعشب حزنـي تنامـى!=والليل يدفعني على اقصاك بـ/ جنون
يبعثر " انفاسي " عبـث .. واتعامـى=والملم "انفاسك " مسافات .. وظنـون

[خميس الأسلمي]

تذكرتـك .. علـى ترنيمـة أهـدابـك=وغنيتك .. / على نبضـي .. وموّلتـك

تخيلتـك صبـاح ٍ يشـبـه عتـابـك=وتوسلتك .. / توسلتك ... / توسلتك !!

أحبـك كـثـر ماعانـيـت بغيـابـك=واحبـك كثـر ماغبـت .. وتأملـتـك

واحبك كثر ماغنيـت ... لـ.. اطيابـك=وكثر ماغـاب حزنـي عـن مخيلتـك

رحلت ولاشعـرت .. بلوعـة أحبابـك=لمسـت الخـوف منـك .. ولاتحملتـك

ندهتك!!! وانتحر صوتـي علـى بابـك=وحاولت احتضن صوتك .. ولا نلتك !!!

[خميس الأسلمي]

يامـن غيـابـك ماتجـاهـل غيـابـي=في فرحة ٍ ماتـت علـى شفّـة عنـاق

ريّـح مفاتيحـك مـن عـنـاد بـابـي=وذيّر تباريحك عـن اهـداب الأشـواق

ماكنّك إلا صـوت طيـف ٍ سـرى بـي=للموعـد اللـي كفّـن الوصـل بفـراق

يامانزفتـه فــي عتـيـم إغتـرابـي=وشمع السهر من نشـوة الحلـم مافـاق

مثـل المـدى يرحـل معـي ياعذابـي=واستشعره من وحشـة الكـون لاضـاق

أقرب من عيون الغضـب عـن عتابـي=وابعد من الظلما عن عيـون الاشـراق

واللـي قريتـه بعـض مافـي كتـابـي=وشلون لو تقرا حزن كل الاوراق !!!!!!!

[خميس الأسلمي]

لاتغـري النـور بالظلمـا
ترى الذي فيك .. يكفيني !!

[خميس الأسلمي]

عبث .. لو تقنع أغصانك بطهر الريح=عبث .. لو تخفي جروحك / ولاترتاح

تأمل قبل ماتفصح عن التلميح=وقبل ماتنتزع روحك من اللي راح !!

[خميس الأسلمي]

لاتغرس الرغبة مواعيد وامطار=وحبر القلق يستوطن اوراقك البور !!

[خميس الأسلمي]

أهديت جيد الأماني عقد من هم=وقصيدةٍ تهدم الشاعر وتبنيه

واللي تسامى بنزف الحبر ماتم=شفني تشربت موتي من معانيه

يضيع فيه الورق .. والدمع .. والدم=ولايحبس الشعر غير انفاس راعيه !!

[خميس الأسلمي]

ياما ندهتك / ونبض الروح مايملك=منّك سوى صبح ذكرى ضيّعت عقلي

ذكراك .. عطر المكان اللي توجّه لك=ودّه يعانق ملامح فتنتك .. قبلي !!

[خميس الأسلمي]

مادام هذا المدى منفي=بــ / دمعة طفل تلجم نعاسي

قلت اشعل الشمع في حرفي=وادفي الجمر بــــ / انفاسي

وانساك في ذاكرة نزفي=لو ماتذكرت ... ياناسي !!

[خميس الأسلمي]

تغريبتك /أو ريبتك .. سيرة اقمار=ماباعت إحساسك لـــ / نزوات ديجور



في بوح لو يطوي مدى جذوة النار=مايختصر غربة معانيك.. بسطور



مالمت جفنك .. لاكسر قيد الأسرار=وبيت القصيد اللي انكسر فيك معذور


لا استعذبه من مهجة الصبح تذكار=تواضعه : في عين الإجحاف مغرور


مادام ذمّك بينك وبينه اسوار=لايجرحك.. فقد المصابيح للنور


ليه الليالي من سهر دمعك تغار=وانت الوفا بعيونها واصدق شعور


كلك ظما ينهل من عيونك اسفار=خذها غياب وردّها رهبة حضور

ولوينتحر حلمك على " وحشة الدار" =لايستفزّك صمت الأبواب .. وتثور !!

[خميس الأسلمي]

أحس الصبر مثل أكذب قصيدة مدح=ومثل أعذب قصيدة حزن باحساسك


مثل ذكرى على جرحي تذر الملح=مثل نزف نطق باسرار كراسك


من أول جرح لغيابك لآخر جرح=من أول هالسهام.. لآخر اقواسك


دخيلك هالعذاب اللي ذبحني ذبح=تمعّن به قبل ماتكسر نعاسك !!

[خميس الأسلمي]

لاتتعب الصوت مادام الصدى أبكم=وخلك مثل ماانت حزن ٍ بيني / وبيني !!

[خميس الأسلمي]

نفضت سجادتي من ذكريات القنوط=وروّضت في أصغريني رغبةٍ جامحه

حتى انسج العفو للي يجهله من خيوط..=الليلة اللي تشابه ليلة البارحه !!

وقلت اعتذر للسفاين عن جحود الشطوط=واعاتب الذنب حتى يتوب .. واسامحه

[خميس الأسلمي]

تعال واغرقني .. ابي أعيشك موووت !!


تعال .. ابــ اشكي مِنْك : لــ اشواقي / ودمّي


تعال.. ابــ احكي عنْك : لــ اوراقي وهمّي !


حيّ على جفني ..


بـ اقطف سهر / هالصوت !!

[خميس الأسلمي]

قلت : الخطا / قالت: جنوح النوايا=قلت : العذر / قالت : جناح " المحاذير "

يوم اثمرت في الذاكره من بقايا..=ليل ٍ يفتّق للغياب الأزارير !!

[خميس الأسلمي]

كانت هنا تبني وطن من " كياني"=وهنا عجزت أبني وطن من حطامه !!

[خميس الأسلمي]

ياالظما ماتبعتك عن قناعه=وانت مالك أمان / ولاشريعه !!

مااكذب من السراب إلا اتباعه=ولااصعب من الفراق إلا القطيعه

[خميس الأسلمي]

ضمّي الوعد .. بشويش


ضمّيه حتى يعيش ..


واللي بقى من حزن .. ردّيه لـــ غيابك !!

[خميس الأسلمي]

معذور : لو مايدري بنار صدري
الموت : لو يدري وزاد بـ نفوره !

[خميس الأسلمي]

ماجهلتك / ولكنّي جهلت=كيف أطفّي شموعك بالسهاد !!

[خميس الأسلمي]

مذيّرين الظبا لو يقربون الحمى=مابيننا وبينهم " مصحف " و " سنة نبي"

قل للحواصيد : ترقد في وعود النما=وقل للمواعيد : تركد في خيال الغبي

ماشاقني غير صوتٍ حن لي وارتمى=يتلمس الحزن بشفاهي .. ويقرا تعبي

[خميس الأسلمي]

تمرني مثل إنكســاري / وأكابر= واحاول أمنع لهفتي لاتناديك


تمرني صــوت مثل (حلم عابر)= في ليلة ٍ ماتشبه إلا تمــاديك !!


والشعر.. يانزف القلم والمحابر= قصيدةٍ ماينجبر كســرها فيك


أمسى ورقها للمواجـع منابر= كل ماتذكــرني غيابك .. تلبيك


وأنا على مرارة الصبر / صابر= ولا منعني عن غموضك / تجليك ...


...بجفنٍ يشرع للدمــوع المعابر= وصدر يشرع للطعون الشبابيك

بااالله وشلون أكرهك وانت خابر= إني أحبك .. كثر مااكره تجافيك !!

[خميس الأسلمي]

تظما / وتشرب من ملامح سـروري=ياالمستحيل اللي قتل حلـم الإمكان


والله / لو تعـرف خفايـا شعـوري=عذرتني لو جيت ابوحك.. بــ / كتمان !!


يكفي غيابي فيك يكتـب / حضـوري=ويكفيني إني شفتك بقلبي / إنسان

[خميس الأسلمي]

إنتي: حكاية سفر معناي فوق السحاب=وأنا: حكاية سفر في عنفوان الحنين

استمطري بعض همي من عيون الغياب=واحكي لهم عن ضياع العمر في حاجتين !!

حبيبتي .. مابعد هذي العذوبه/ عذاب=ولا بعد بسمتك أوطان للراحلين

[خميس الأسلمي]

اللي مضى : عمر تغريبه / وريبة غريب=واللي بقى : مايبدد وحشة الإنتظار!!

[خميس الأسلمي]

كنت فوق السحاب وطحت ماشفتني=ضقت ماادري تململ مِنْك حزني الفسيح !!

ليلة ٍ في عيون الدمع صادفتني=جيتني ترسم احلامك بدم الذبيح

[خميس الأسلمي]

يا"حرف" ماقلت لك إن الطريق أعمى=ولاقلت ضاع الأمل في حلمك المحظور

روح إسأل الصبح ليه مخاصم الظلما=من قبل ماتلعن الشمعه/ بدون شعور !!!

[خميس الأسلمي]

وان حكوا للغصن عن غدر الحمام=لاتطير بعجّة " الفكر العقيم"

خلّك أكبر من سخافات الملام=ومن صباح ٍ ينسجونه من عتيم !!

[خميس الأسلمي]

فـي غيبتـك مايشتعـل غيـر .. نزفـي=ولاينطفي غير .. الصبـاح وأمانيه !!

[خميس الأسلمي]

ولاذكرت إلا وعودك .. يوم نادتني تعال


وقلت لــــ انفاسك خذيني ..


رتبيني في حكايات الخيال ..


واستثيري الشوق في صدر اعترافي


يامسافات الغياب الموجعه


قلت يمكن ينبت بصدرك حنين


وتزهر لحلمي "منافي" !!

[خميس الأسلمي]

ياالنهايات الحزينه في حكايات " الأرق"


حدّثيهم عن عيونك ..


وعن ظنون ٍ رتّبت فوضى " اليقين"


من رفيف الوجد في نزوة كتابه.. لــــــ العتيم وقسوة الحزن الشفيف


لـــ كل مايطري على بال المواجع من نزيف ..


ولــــ ارتباكة حلم في قلب " ارتكابه " !!!!

[خميس الأسلمي]

كم تثنّى في هبوب الريح عودك=وانكسر شاعر عجز يكسر عنادك !!

[خميس الأسلمي]

للذاكرة لمّي شتات احتمالي=من نبرةٍ طاحت على صدر بابك
بسهادها نادت عيونك تعالي=واستلهمت عطر الوعد من ثيابك
تمرجحت بيني وبيني ليالي=ضعف يتوسل (عنفوان ارتيابك) !!

[خميس الأسلمي]

خلّوه يزرع في ظما العمر ظنّه=لوخاب ظنّي واضمحلت مساعيه

مانيب شاكي لو بدت مِنه كنّه..=..الله يجازيني عليه / ويجازيه

انا اعرفه ! .. لو مالفى علم عنّه=غالي يبي يبحث خفا قلب غاليه !!

[خميس الأسلمي]

قل للــ " منام " اللي عن الجفن منفي
الله يردّه سالم لـ " عين " ترجيــــه !!

[خميس الأسلمي]

لا تسأل القلب أي احزانه أقدم !!

[خميس الأسلمي]

ضـــــاقت الأرض.. يوم أقــــفت مظــــاهيرهم=للــجفا لاح بــــــــــــــرق ٍ بالسما وتــبعـــوه

للــــــظما/ ياضـــــــلوع ٍ تحـــتري خــــيرهم=للســـــهر/.ياعيــــــــون ٍنومها ذيـــــــــــروه

لاتلامــــس غصـــــون الجرح ياطــــــــــيرهم=ما عشقتك مادام العشق معهم خـــــــــــذوه !!

من وفــــــا في طعــــــوني غير تقصـــــيرهم=وش بقــــــى في جـــفوني غير حزن ٍ نســـوه ؟؟

منتهي واتعبت رجـــــلي مشاويرهــــــــــــــم=يوم شــــحوا بغيث مزونهم / ومْنعوه

كن ما للأماني لوعــــــــة ٍ: غيرهم=آه ياحــــــــلمي اللي بأوله ضـــــــــــيعوه ..

يـــوم مــديـــت دلـــو الوصــل فــي بــــــيرهم=ليــــه حبـــــله بســــكين الفـــراق قطــــــعوه !!

[خميس الأسلمي]

آه لاهبّت رياح الحزن واهتزت غصــوني
كل نزف ٍ في سويدا القلب مايجهل رماحه


وين ابــ القى مابقى للعقل منّك : ياجنوني
ويــــن ابلقى مابقى للحلم منّك : ياصباحه

[خميس الأسلمي]

من يْواسي الشموع اللي تذوب ودمعها يفضح ..=.. مواعيدٍ تمرجحني مابين الشعر واحزانه

تجيني كنّها صوت ٍ برغبات السهر ينضح=وتودعني مثل ذنب ٍ غفا باحضان غفرانه !!

[خميس الأسلمي]

ماني خلي لاورب البيت .. ماني خلي=شفني وانا ظامي ٍ مامل منْه الظما

ياصاحبي مايشتت حيرة المبتلي=ثوبٍ من الصبر لايستر .. ولاينرما !!

[خميس الأسلمي]

مثل طرفك / كان طرف الليل ساهي
جيت أرده عن ضلالي .. ماقويت !!

[خميس الأسلمي]

دون ماتدري :تملّكت انتبــاهي
ودون ماأدري: ظميتك / واكتفيت !!

[خميس الأسلمي]

أنا من رتّب (آلامه) على فوضاك=وانا من بعثر (آماله) عبث ... بِيديك !!

[خميس الأسلمي]

مثل الأمل لا عانق الروح بغتـه=جيتي تمدين الشموع لظلامي

وشفت الوعد يشبه حضورك وصغته=حلم ٍ يشيّد موطنه مـن حطامـي !!

[خميس الأسلمي]

والشعور اللي نفاني ريح فرقا=ماتَعَرْف اللين في باب ٍ حزين !!

[خميس الأسلمي]

أحس الصبر مثل اكذب قصيدة مدح

[خميس الأسلمي]

ياحيرة الدمعه على اطـراف كمّـي=جيتك معي حلـم السنيـن القديمـه
جيت اكتبك واستدرج الغيـم يمّـي=واروي لك أسرار الظما .. ياعظيمه
تأملينـي فـي تعبهـا .. ولـمّـي=شتات حرفي واسكني في صميمـه
لك من وفـاه إنـي كتبتـه بدمـي=ولي من صباحه "رغبة ٍ" مستديمـه
من قبل مايـورق وعدهـا بفمـي=قلت اطلق الليل الشقي من عتيمـه !!

[خميس الأسلمي]

ياحزن


يكتب ضياع الحلم من " دمعي" و " دمّي "


جيت ابـــ اشعل لك شموعي ..


.. وانكسرت


ولاقدرت إلاّ ابوح بنصف همّي !!

[خميس الأسلمي]

يكتبون الحزن من حزن يجودك=في ظلامٍ ماتمكن من سهادك
في شعورٍ قبل ماتذبل ورودك=حاول انه يستعيدك مااستعادك !!
والحنين اللي نساني في قيودك=غايبٍ مابين وصلك وابتعادك
يعطشك لهفة ويشرب من وعودك=ويخذله منجل طموحه في حصادك
ضحكتي/ دمعي /متاهاتك / خلودك=تستعير اسمى طعوني من مدادك
تزرع الوجد بجفوني من وجودك=وتاخذك من حزن منفاك لبلادك
كثر ماصدري تجمّر من صدودك=وكثر ماخانت ميادينه جيادك
كم تثنى في هبوب الريح عودك=وانكسر شاعر عجز يكسر عنادك
صاحبك ياللي تماديت بجحودك=عاشقٍ شيد حضوره من رمادك
شاعرٍ لو ماتغرب عن حدودك=رغبته ماتت بتغريبة ودادك

[خميس الأسلمي]

(حمامتي) ماكل من حب يعطي=هذي ضمايرهم / وهذا ضميري

ماقول لك: طيري وبعدين حطّي=اقول لك: حطّي وبعدين طيري

واقري بــ / قلبك / ماكتبته بخطّي=عن ماتهيّا للعطش من غديري

وماكان لك أعظم// ولاكنت مخطي=ليلة وهبتك - باختياري - مصيري !!!

[خميس الأسلمي]

تـقـول مــن- فضـلـك - إتبعـنـي عـلـى مـهـلـك=ماتـدري إنـي تبعـتـك غـصـب عــن - فضلي - !!
كيـف أنصفـك فـي حضـور البـوح .. واكـتـب لــك=وأنــا الــذي فــي مـــداك اتقـطّـعـت سـُبلي
ماأصعـبـك فــي عـيــون الـحـلـم -ياسـهـلـك بـعـيـون درب ٍ يـسـاومـنـي عــلــى قـتـلــي -
أعـانــد الـنــوم واراقـــب سـمــا وصــلــك= فـــي لـيـلـة ٍ تـسـقـي الأوراق مــــن وبــلــي
تـعـال يااللي جهـلـت الـحـزن مـــن قـبـلـك=أبــي امنـحـك ياخـلـي الـبــال .. مـــن حِملي !!

[خميس الأسلمي]

وين السحاب اللي طعن حلم قفري=ياكثـر زلاتـه ولاهـي مْغَفوره

لا ماكتبت ألا (حضـوره) بفكـري=ولاقريت ألا (الغياب) ف حضـوره

منه الخطا ياما سترتـه بصبـري=وأنا أدري أنه ماتبيحه ضروره

[خميس الأسلمي]

عبث لو تقنع اغصانـك بــ / طهـر الريـح=عبـث لــو تخفـي جروحـك ولاتـرتـاح


تأمـل قبـل ماتفصـح عــن التلمـيـح=وقبـل ماتنتـزع روحـك مـن اللـي راح


وقبـل ماتـودع الماضـي .. بـلا تلويـح=تأمـل كذبـة الأبــواب .. والمفـتـاح !!



كتبتـك قـلـت ارد الضـيـق للتسبـيـح=وقريتـك يـوم تنهيـدك بــ"حزنـك" بـاح


وحفظتـك فـي تناهيـدي عـن التجريـح=وعلا قـدرك بعـد ماقـدر غيـرك طـاح


تخيلـتـك مابـيـن اللـيـن والتبـريـح=تهاوي جدب مـن حولـي / وبـرق ٍ لاح


وبـذرت اعـذب تفاصيلـك : ورود وشـيـح=وجنيت اقسـى محاصيلـك : شتـات ارواح

[خميس الأسلمي]

لبيه .. ياشيخ الحلا / والتحايل=لبيه .. ياأجمل خبايا الطبيعه

هزيت جذع الذكريات وتهايل=سر ٍ لقى في غفلته من يذيعه

لولا عيونك ماانتدبت الرسايل=ولاشاقني شعر ٍٍ تفرعن ربيعه

في مقصد ٍ مااستنزفته الوسايل=جيت انتزع "بعضه" وعيّا "جميعه"

تعبت أرده عن ظنوني واخايل=مفاتن الزلّه بـــ ( عين ) الذريعه !!

[خميس الأسلمي]

أنا ماقلت موّتني عشان .. احياك=أنا اللي قلت موّتني عشان .. احييك !!

[خميس الأسلمي]

وش احزاني / إذا ماخلّدت " ذكراك"=وش احزانك / إذا "ذكراك" ماتعنيك !!

[خميس الأسلمي]

وش بقى من طاري العشق ... ياعذريّته


لشاعر ٍ خانت به الأرض ..


واستوطن جروحه ..

[خميس الأسلمي]

أعترف أن هناك من يتعامل مع الشعر كـــــ " عقيدة "



وهناك من يتعامل معه على أنه " متنفس " ..



وعليكم أيها الأحبة أن تجدوا الفروق العشرة بين هذين الحزبين

[خميس الأسلمي]

خذني معك يا سفر معناي - ياأجمله
من عطرك المستبد لـ / همّي المنجلـي




مادام بيّن ضيـاك وجيـت كلـي ولـه
(مالي ومال النجوم ) وبــدرها المعتلي

[خميس الأسلمي]

هاتي ملامح مامضى من تعبهم
للحزن وعيون ٍ بكت من بكاهم


مروا على بال القصيد وندبهم

صوت العطش يروي صداه/ بـ ظماهم


هم حسوا بغربة شعور ٍ كتبهم
والا بقوا في جهلهم مثل ماهم !!

[خميس الأسلمي]

علمتني كيف اختصر فيك " معناي"
وعلمتني كيف احتضن بك سحابه



وعلمتني لاخانت الأرض ماطاي
إن الدروب اللي لحزنك تشابه !!

[خميس الأسلمي]

ذكراك تشبه " وعودك " " نبرتك " و"الصور"=في ليلة صلّت عيوني فــ / محرابها

ماكنّك إلا وداع وذنب ماله عذر=ماكنّك إلا دروب خانت اصحابها

مسكين هالحبر ليلة ماسراك وقصر=وياطول باله على الأوراق وعتابها!!

[خميس الأسلمي]

هبّت نواياهم وْذِبْلت بساتين=في صدر " حلم ٍ " نذر عمره للأشجار

[خميس الأسلمي]

كل مامدت يديها للصباح=يرتمي في حضنها بليا وعي

"طفلة "ٍ في طيشها سحر ٍ مباح=ياكثر مااورق دلعها باضلعي

و ياكثر ماهب طاريها وفاح=في تعابيري/ ونشوة مسمعي

[خميس الأسلمي]

صباحك شعر/ يشبه تجليك في بالي=وصباحي شكر/ ياطيب الذكر يشبه لك

فدتك الهموم اللي تحدتني لحالي=على كبرها شفني تصاغرتها لـ / اجلك

[خميس الأسلمي]

ناديت وجد المغرم وجاك كلّه..=قلبٍ مولّه في سجاياك مفتون

ينهض جناحه في سماك وتتلّه=رعشة هدب من سلهمة طرف مجنون

يكفيه لو عانق "سحر" ماوصل له=وفي بسمتك شاف " أعذب الشعر" موزون

[خميس الأسلمي]

قال: البحر يغري / وقالت له: اغرق..=..من قبل ماتقرا " حديث النوارس"

إقرا مصيرك في مدى اللون الأزرق=لحظة لمحت بضفته 1000 حارس !!

[خميس الأسلمي]

خطا: لو تشوف ان الخطا يرخص الغالي=خطا:لو تعاتب واحرم الروح من وبلك

احبك .. واحبك كلمة ٍ قدرها عالي=على كل ظن ٍ يخدش الطهر في وصلك

حبيبي فديتك/ يااول وآخر آمالي=أنا وين ابلقى ياحبيبي وطن مثلك

[خميس الأسلمي]

ياطلة ٍ في مهجتي فعلها غير=ماكنّها ألا مرسله من غمامه

تهدي مساحات الفرح للعصافير=وترسم على وجه الحنين ابتسامه،،،

[خميس الأسلمي]

تبقى القريب الأقـرب : لعين مغليك=وتبقى السمو الأبعد : بعين الأفلاك

عالي غبنت المستحيل بهقاويك=بادي على من بالضغينه تقفّاك

يا"علي" احرجت العتب في تفانيك=واتعبت ظهر ( النعم ) في زم طرياك

[خميس الأسلمي]

سخّرك من عز (التواضع) على ايديك=واكرمك عن سبل( الوضاعه) وعلاك

علمتني ياذخر عين ٍ تراعيك=إن الشيم ماتغبط إلا سجاياك

[خميس الأسلمي]

يااللي لهمّك طاب لي (هم مسراي)=ليلة كتمته/ وافضحتني عيوني

كلي تعب ياوجهة ٍ حثّت خطاي=على وَعَدْها في صحاري ظنوني

وذكراك ماتشبه سوى نزف معناي=نادت عذابك واستباحت جفوني !!

[خميس الأسلمي]

وش تبين أكثر من إني عثت في "روحي " .. أماني !!

[خميس الأسلمي]

مري أهداب " الأماني " ..

و كحّليها بـــ اهتمامك

واتركيني أتأمل كل لحظات الفرح .. وانا معك

[خميس الأسلمي]

صوتك يجي مثل الفرح واستظله=ويجتاحني حلم ٍ بالاشواق مسكون

حلم ٍ تسامى عن شعور ٍ يزلّه=وتنفس احساسك تغاريد / ولحون

ينهض جناحه في سماك وتتلّه=رعشة " هدب " يصحى على نعاسه الكون

يكفيه لااستعذب حِسِن ماوصل له=وفي بسمتك شاف اعذب الشعر موزون

[خميس الأسلمي]

جيت أعزي قاتلي في مقتلي !!

[خميس الأسلمي]

يااللي بحزنك ذاخر ٍ ماانت ذاخر=لاتفضحه خل المخبّا .. مخبّا

تراك ماانت أوّل ولاكنت - آخر=عاشق - على يد " الحنين " يتربّى !!!

[خميس الأسلمي]

والشعر .. لمحة حِزِن في حسن فجر ٍ ضحوك
صحى يبــي لمة أحبابه / ونـادى عليك

[خميس الأسلمي]

كل ماصاح الألم في داخلي=جاوب فراقك : عساني ماخلا
في غَيَابَة ريبتي ماظل لي=غير حزن ٍ عن عيوني ماسلا
اختفي عن زمهريره / واختلي=في سعيره / شفت وش عظم البلا !!

[خميس الأسلمي]

ليتك قبل تخنق مساي بـ / غروبك=علمتني كيف انتزع مِنْك شمسي
دخيل لطفك ردّني عن ذنوبك=وعن سوء ظني واكفني شر أمسي
كيف أجمعك؟لابعثرتني دروبك=وكيف أمنحك حريتك? وانت حبسي !!!!

[خميس الأسلمي]

لين ترضى من سرابك صب لي=مايعاهدني على "دفع البلا"

ولين ظنك عن يقينك ينجلي:=فدوتك من حبّك وعاف الملا

[خميس الأسلمي]

مايهم : ان كنت قبل اشتاق .. خِلتك=أو أنا خِلتك بَعَدْ مااشتقت لك
مايهم : دام الأهم إني ثملتك=ولا صحيت إلاّ و( أمري) ملك لك

[خميس الأسلمي]

نزّت ظنوني وانكرت طلحة الغي=وصار الهدى بعيونها زيزفونك

يامن عرفت إنك بدوني /ولاشي=ولاعرفت إني ولاشي / دونك !!

ذي لوعتي نادتْــك ياحابس المي=لاتحرم انفاس العطش من مزونك

و دام المدى يامرضي القيد بــ ايدَيْ=أزرى يحرر غفلتي من عيونك

اقرا بشفاه " الفجر" مرثية الضي=من قبل يقراني بـ : نبرة ظنونك

[خميس الأسلمي]

صاحبي ماجال في بال الصبابه
رف همه في الجفون المستريبه !!

[خميس الأسلمي]

الله يخليك خليني على راحتي=اضيع برضاي بين الورد والياسمين

وان ضعت مابيك تلقيني .. ونوّاحتي=قولي لها لاتكدر نشوتي بــ / الانين

بلواي : إن العطش قتال ياواحتي=وسلواي : شعر ٍ حبسني بين تنهيدتين !!

[خميس الأسلمي]

http://www4.0zz0.com/2011/07/09/10/149695834.jpg


حتى ظلالك ماتقبّــل غيابك !!

[خميس الأسلمي]

كل ماهب الحزن واجتاحني

قلت لي : لاتفهقه !!

قلت لك ماني خليٍ من عذابه

كم تسرب في خفاي وشدّني .. للأثير من الجروح

وللكثير من انسكابه !!

[خميس الأسلمي]

صح الخطا لاترهقه بالمعاذير=خلّه على جال التباريح يدفا
واللي عجز يلقى لفرقاك تفسير=لاتسأله عن لوعته فيك .. تكفا !!

[خميس الأسلمي]

تعالوا ذِبْلَت حروفي تناديكم=ياغيّابي بعَدْكم من يواسيني

تعبت احلم واقول إنّي حواليكم=وانا ماحولي إلاّ حيرتي فيني !!

[خميس الأسلمي]

خليني أرسم واقعي بــ / امنياتي=ومن واقعك ياحيرتي .. حرّريني
للبوح ابــ / اعتق صرختي من سكاتي=ومن بَعْدَها للّي تبينه خذيني !!