.... امـــا قــــبـــــل ....

[نايف الروقي]

الذين يشاهدون محتوى الموضوع الآن :2 ( الاعضاء 1والزوار 1 )

انا يكفيني عن الناس واحد
لو غبت حولي دايم الدوم موجود.
:
ماينكر المعروف ياكود جاحد
ولايجحد المعروف رجال معدود.
:
الروقي ..ن..

[نايف الروقي]

اما تجي كلك وما ينقصك شئ
وابشر بكل اللي يدور بخيالك.
:
ماتنفع الضميان رشفه من المي
يموت ضامي ماشرب من شمالك.
:
الروقي ..ن..

[نايف الروقي]

انا استبيح العذر يامتابعيني
النوم سلطان القلوب المشقاه.
:
من بعدها نوم الملا مايجيني
كن العيون بشبة الملح مسقاه.
:
ليا غفيت يشق صدري ونيني
واحس قلبي واهج النار تصلاه.
:
على لطيف الروح صاف الجبيني
اللي رحل والروح راحت بيمناه .
:
الروقي ..ن..

[نايف الروقي]

اما تجين بليلة العيد والا
روحي ترا مليت كثر المواعيد.
:
بيحت صبرن فيه كنت اتحلا
عليك بنثر دمعتي في ضحا العيد.
:
الروقي ..ن..

[نايف الروقي]

ارقد يانايف ويش يعنيلك العيد
ماعاد به عيديتن تنتظرها .
:
راحت بها ظروف الزمن والحواديد
عيدين مرتبي ماحصلت اثرها
:
الروقي ..ن..

[نايف الروقي]

ياعيد
عدت ومنوتي عني بعيد ..
نكهة حلاو العيد مرة زياده..!!
:
أول أغنيله بصبحك اناشيد
واليوم صار الصمت للروح عاده...!!
:
يعني كذا ياعيد خان المواعيد
وانا الوفا احمله بيدي شهاده..
:
صحيح حسنه مايوصف مع الغيد
لكن ليا من صد مرجي وداده ..
:
الروقي ..ن..

[نايف الروقي]

ياعيد
خلك بعيد
دامه بعيد
ببقى وحييييد ...!!

[نايف الروقي]

العيد عيد المره والطفل والغافل
هنيهم ماطعموا مره ولو مره.
:
جدولهم بما يسر قلوبهم حافل
وانا من الحزن ثوبي مقدر ازره.
:
الروقي ..ن..