[ أوشــال ] .! [الأرشيف] - منتديات أبعاد أدبية

عبدالعزيز محمد المالكي

06-10-2009, 10:06 AM

أحس صدري قفص ضيق وهذي الروح به عصفور
_________ / __ أمانه فكـي أبـواب الظلام ./ وأطلقي روحـي .!

أخاف الوحده [ يا زينب ] تعشش فـي ثقوب النور
_________ / __ وأظل أحفر تراب أرض الخيال ./ وتنزف جروحي

أنا مخنوق ./ والشاعر تعب يضرم فـ قلبي شعور
_________ / __ عشانـي شققـي دفتر دواته ./ واسكِتـي بوحـي

تعالي رتبيني ./ أنفضي عني غبار المُهمل المنثور
_________ / __ وفكي فـ هالجدار أي نافذه للشمس ./ ونزوحـي

خذي عني جرايد أمس ./ والقهوة ./ وشاعر بور
_________ / __ وليلٍ منطفـي في شمعـدان العين ./ من نوحـي

سكن رأسي صداع وهـ الفراغ الموحش المعمور
_________ / __ تعبت أستوعبه ./ وأطرق عوج مسمار في لوحي

تعالي وأحرميني من الكتابة ./ هـ الكآبـه سور
_________ / __ برّد الشاعر أدراجه ./ وأعيش أبسط من طمـوحي

جدة
10 / 06 / 2009 م ،

عبدالعزيز محمد المالكي

06-10-2009, 10:09 AM

قبل بغته من إيماء النعاس وحلم تيه النوم
__________ دبة دمعة على خد الفراش ./ ونمتي يا بلادي
وأنا ظليتني اتأمل وحـي تفاحـة المقسوم
__________ و أفكـر كيف أقسم بس عليها أفـواه أولادي

عبدالعزيز محمد المالكي

06-10-2009, 10:11 AM

رتبت عينـي ./ قبل شوفتك بـ اْشهر
________ واللحظـه اللـي شفتها فيـك دنقت .!
كان الكلام أوراق فـ الغصـن مـزهر
________ صار السكوت [ يتك ] من رهبت الوقت

عبدالعزيز محمد المالكي

06-14-2009, 01:53 PM

وإن جف صوتـي ..
يعنـي لو فعلاً فرضنا ./ وجف صوتـي .!
وش بقـى لك تسمعين ؟!
بـِ أي طعم تكون أحبك ؟!
إن بغيت أوقظ سكوتـي ..
وأتنفس في خيالك ...... ( حيل صوتـي ) .!
وقلت : " أأأأأح "
قلتـي : " ـبك "
وأرتِبكت أكثر ، ولا صحصح سكوتـي ..

ما تموتـي ؟!
لو نده غيري .. لغيرك صدفه اسمك ..
وألتفتي ..
وما هو صوتي ..
ولا حديث الصُبح في بهو الظلام ..
ولا سنونو ..
طيّرته الريح حلّق ./ والسلام .!
- وأنتِ تبغينـي أنام ؟!
- إيه نام ..
- طيب وصوتي ؟!
- يا حبيبي ما به شي ، يـ الله نام ..
- لا ما أبـي والله أنام ./ أنتِ نامي ..
- حتـى أنا ما رح أنام ، وأترك ./ أحلامي معاك ..
- من يغنـي لي إذا جاني الغمام .. ولا لقاك ؟!
- ما لقانـي ؟!
- إلا لقاني ./ مره في غيابك ، وجاك .!
- طيب خلاص ..
أنفخي فـ صدري ..
وطفـي لي عيونـي ، وأسدلي الليلة وراك ..

جدة
14 / 06 / 2009 م ،

عبدالعزيز محمد المالكي

06-17-2009, 03:17 PM

إلـى أُنثى من الأرض .!

تدب فيك الهبوب وتنسـى يا زينب تطيّرنـي
__________ /_ مثل ما هـ الورق منك يطير ./ ويورقك ثاني .!
ثَمَنْ عشرين عام وهـ الطفل جواي ينشرنـي
__________ /_ علـى حبل العتـاب ./ وذاكرة أحلام وجدانـي
تعبت أتوكـأه ذكرى بـراءة حلم ./ تكبرنـي
__________ /_ ويكبر بـي غريب ./ وداخل الأحداق وحدانـي
يهز ظلـي ./ ويتشكل (إ) هو للضيق و انثرني
__________ /_ علـى قش السراب أذرف من الآمال ./ وأحزاني
يقول : اش لونها أحلامي ، أما زالت تذكّرني .؟
__________ /_ و اقول : أخبارها آمالك .. أما زالت تحرّاني ؟!
وطأطئ راسه في ركن وتهيأ ./لـ اجل يكسرني
__________ /_ ولا لي وجه واقطف له دفا للبرد ./ و احيانـي
ضما حلمـي ./ وهذا الحظ ما مر يوم عبرنـي
__________ /_ دلو بيره ./ ملـيء ./ وكل مـا تأتـأة عدّانـي
أجي له كيف بـِ يديني كسور أحلام و اقهرنـي
__________ /_ بدمعاته على اللي ضاع من عمره ./ وينعانـي
دخيل الأرض يا زينب قولـي له : لا يعورنـي
__________ /_ كئيب الوقت ما فيني أكون الحزن ./ والجانـي
ولا يذكر لـي اصحابه دخيل اسمـانا يعـذرني
__________ /_ أنا اللي من كُسرت وداخلي هـ الهم وحدانـي
وإذا هو قد تمرجح في سما اغصـانك وحررني
__________ /_ أنا طـايـح تحت ظلك الين اليـوم ./ و آعاني

جدة
17 / 06 / 2009م ؛

عبدالعزيز محمد المالكي

07-01-2009, 12:19 PM

[ لفافة دواء ]

فتش فـي وجعـك ، عن حقيقة مـن فجعـك ..
تجد العـزاء .!

عبدالعزيز محمد المالكي

07-09-2009, 10:14 AM

[ بوكيـه ماء ] :

تجيــن ..
ويرجف الماء .. ينسكب بوكيه ورد .!
وتشهقين ..
واتبلل بـِ ارتباكك ..
مدري خوفك ..
مدري إستحياء متخبي فـ شوفك ..
لا تلمين الندى تبـرد كفوفك ..
اترُكـي ..
كل شي مثل ما هو عليه ..
ما حصل الا الحنين .!
وكلها
[ بوكيـه ماء ] ..!
انسكب ./ شفتـه على ثوبي تشكل ياسمين ..

اجلسي ..
خليني اطلب لك شوية أوكسجين ..
وكاس ماء ..
طمنـي كلك ./ وخوفك ، ما حصل إلا الحنين ..

إلا قولـي :
قبل مـ انسى ./ كل هذا الليل في رقة جفونك ..
وش بغيتـي تشربين ؟!
( قهوة مثل اللـي فـ عيونك )
والا نتقهوى عيونك فـ الحديث اللي بـِ يجي ..

اجلسـي ..
هـ الكرسي من اول حزين ./ وحيل فارغ .!

- سيدي النادل ..
هات لـي بعض الهدوء .. وكيك / تين
- كيكتين ؟!
- لا يا عمـي كيك / تين .!

و ارجع اتأمل سكونك ..
وكنتِ انتِ تضحكين ..
آآآآهـ ./ يا حلوك عليها ..
قلتـي : وش هـي ؟!
قلت لك :
هـ الضحكة اللـي كنتِ فيها ./ تورقين

اذكر ان الليل ./ هيل
والتثاؤب ..
كان يدبي في ملامح نادل المقهى الكئيب ..
وكنا حنا اغلب الاكثر نناظر ./ ساكتين ..

و ما سمعتك .. قلتـي ويش ؟!
قلتي : بمشـي .!
قلت : ليش ؟
قلتي :
صرنا بعد ليل ولازم احكي .. لـ اجمل احلامي عليك .!
طب و رمشـي .!
خلـي فـي كونه ./ عيونك ..
قلتي : بس .!
الله يخليـك لـ عيوني ..
ورحتـي تمشي ..
ورحتـي تمشي ..
ورحتي تمشي ..
ورحتي تمشي ..
لين ما غبتـي فـ عيوني ..
وما سألتك نلتقـي بعدين ./ وين ؟!

عبدالعزيز محمد المالكي

07-11-2009, 12:24 PM

يا كثر مـا كنت افتعـل لك غيابـي
________ واتوهم انك خايفه بـِ صـدق هـ الحين

وان الحنين اوشك فـِ قلبـك يحـابي
________ لـِ الموت من شوقك علـى ضمتـي لين

كنت اعتقد لا غبت مـره ./ ودرابي
________ نبضك ./ بيغـرس جوف صدري سكاكين

واليوم سابع يوم ./ مـر ./ وقرابي
________ لكنت عتابي ./ ليـه ، مـ انتي تدقين ؟!

كم قلت : انا محتاج صـدر لعذابي
________ و ايديـن تـربت لـي علـى ظِل باكين

وانـي اخـاف اليبس ينهك ترابـي
________ واطرد سراب ./ واثمـل الحزن بعـدين

والقاك عادي مـ انتبهتي لـ صوابي
________ ويمكن امـوت ولا طـرى لك تعـزيـن

بِـ الله عادي لـو اخذنـي غيابي ؟!
________ يعنـي اغيب ؟ ومـا يهمك انا ويـن ؟!

جدة
11 / 07 / 2009 م ،

عبدالعزيز محمد المالكي

09-29-2009, 11:13 AM

" تعويـذة " .!

عوّدت عينـي لا افقـدت بعض هـ النـاس
_______ / __ تنسى البُكا "ع " النـاس ./ وتظل عينـي .!
لو حسوا اصـلاً فـي تعب ريـق واحساس
_______ / __ ما ضفـوا المـاء والعـطش فـي حنيني
غيّابي ./ أزهـر مـن شجـر عيني نعـاس
_______ / __ مـن بعـد مـا شمـع الأرق ./ شَب فينـي
واليـاس جُـره ./ فـي رمل درب عساس
_______ / __ نسـم هوى ./ ليـن انمحـت مـن سنيني
حطاب قايض معطف الفرو ./ بـ الفـاس .!
_______ / __ لا بـاس يـرعـى البرد رعشـة يـدينـي
وحـيـد لكـن ./ مـا تضـرعت لليـاس
_______ / __ حزيـن عـادي ./ ينخـر المـوت طينـي
تعبت أهذب صوتـي فـي بعض الانفـاس
_______ / __ وتعـيش كـل النـاس ./ وانسى احتويني

عبدالعزيز محمد المالكي

09-29-2009, 11:15 AM

تركتك ./ كان من حق السماء تهوي علـيّ واطيح
_________ / __ عشان أُدفن تحت هذا التراب ..
[ وطق خطواتك ] .!
[ وطق خطواتك ] .!
[ وطق خطواتك ] .!

الخ ،

عبدالعزيز محمد المالكي

11-23-2009, 09:42 AM

[ العقل الثاني / .......... ] .!

• مجنون هذا الـ ( تأمل ) فـ الأشياء .
دائماً ما يُفتش فـي رأسي عن خُردة ، ويوسوس لي بأن هذا الرصيف فضاء ، وأن الريح طائر سيأخذني إلى بلدة الشفق المفقودة .
هذا الـ ( تأمُل )
ما أن يجيء حاملاً الغُرباء إلى عالمـي بِلا حقيبـة ، أُهندم له الأخيُّلـة .
وأفرش الرباب على الطريق .
يجعلنـي أرى ..!
أن القصيدة أُنثى حتى عندما لا أقصد أن أنظرُ فيها أراها تلبس الفساتين الجديدة ، وتلون الأوراق بطباشير من قوس قزح .

• هذا التأمل :
حق كُل قارئ يبحث عن الأبعاد في الشعر والقصيدة ، قبل أن يكون حق كُل شاعر في كتابة القصيدة .

http://www.shathaaya.com/vb/images/bullet.gif حتى الآن لم أُخبر صديقـي عندما يأكل ( قطع الحبحب ) لماذا أبتسم ؟!
ولم يسألني هو لماذا أبتسم عندما يأكل ( قطع الحبحب ) ؟! لم أخبره أني أراه يأكل الورد .!

عبدالعزيز محمد المالكي

11-23-2009, 09:44 AM

بعد للحين ..
تعيش ./ ومات بك غيرك حنين ؟!

عبدالعزيز محمد المالكي

11-23-2009, 09:45 AM

بعض الفرح ./ يؤلم !

عبدالعزيز محمد المالكي

11-23-2009, 10:05 AM

[ تلاوة حكيمـة ] !

الإهداء :
إلى أبـي ..
و (.................... ) ، وأشياء أخرى .!

يـ ابوي ذخر بندقـك لـِ العمر بـيّ
__________ واللـه لـو مالت عقل ./ ما اميّـل .!
شفنـي كبرت وضحكتي باقيـه هـيّ
__________ مـا عكها الحظ الـردي يــوم نيّـل
والشعر دنق لـي كذا ./ و ارتقى لـيّ
__________ حتى تمكـن فـ ارض فكـري ./ وقيّل
والهم مـا شيب براسـي ./ ولا شـيّ
__________ شيبت فـي راسـه وانا اقول ./ ليّـل
لا يشغـلك بالك عليـه ./ وانـا حـيّ
__________ اشعلت صوتـي فـ المشاعر ./ و هيّل
انحف مـن الاغصان واكثر ./ انا فـيّ
__________ واطول من انفـاس الطريق ./ و تخيُّل
واصعب من احساس الأماكـن بلا أيّ
__________ روحٍ تعيش ابهـا ./ وطيـفٍ يسـيّل
***
لا يقهرك لو مت ضامـي ./ وهـ الميّ
__________ فـي كـاس نـاسٍ مـا تمـد القلـيّل
***
لو طقت اعيش وحارم احبابـي الضيّ
__________ ما طقت اشوف اعداي تُجـرح واميّل

عبدالعزيز محمد المالكي

11-23-2009, 10:16 AM

[ عزف منفرد ]

[ أًُص ] حاب انا اسمع صوت تفكير لبسك
__________ لَـمَ تهندمهم يـدك " فـ " الـدواليب
وتـرش عليهم بـودره و بعـض حسك
__________ وشويه مسك ./ وبعض الاحيان توليب
اشعر بها رغبـه علـى انهـا تمسك .!
__________ واحتاج اشوفك لا تقولـي : كِذا عيب .!
خلينـي فيهم بـَ اتكرمـش ./ لـِ لمسك
__________ ودي ترتبنــي يدينـك ./ وانا اغيب
والا انثرينا فـي سـريرك ./ لـِ شمسك
__________ ندفـا بهـا ./ وانتِ ارتدينـا بلا ريب
بجلس هِنـا وحدي علـى قوس خرسك
__________ اتأمـلك ./ وانتِ تقيسـي الجـلابيب
واضحك علـى غيض البجايم ./ وادسك
__________ فـي كُم غيمـي عن عتاب ./ الميازيب
البارحة نمتـي علـى ايدي ./ و همسك
__________ يفسر احلامـك [ حمامـة / مكـاتيب ]
حتـى هذيتـي بين نفسـك ./ و نفسك
__________ وانا اتذوّق شهقتك ./ واحضـنك طيب
يا حلوتـي واللـي خذيته مـن امسك
__________ أزهر على شبّـاك عيديي ./ أعاجيب
علقتها فـ جـدار عامـر ./ بـِ حسـك
__________ بسك تقولـي : لا تناظـرنـي أغيب .!

عبدالعزيز محمد المالكي

11-30-2009, 07:31 PM

[ ما بعد المطر ] ؟!

وحدث أن أكون أحد سُكان ( حي قويزة ) المنكوب ..
وحدث أنه لو لا مشيئة الله لـ كُنت الآن من الأموات أو المفقودين ..
وحدث أن أكون أحد الذين أقاموا الصلاة على الميت في أحد معارفهم ..
وحدث أن أكون أحد الذين لم يتذقوا طعم النوم أو الراحه لأن أحد اقاربهم محاصر من مياه الأمطار في منازلهم .
وحدث أن أعيش الآن بين كومة المنازل المتبقية ، وحديد السيارات الملقاه على أرصفة الشوارع ..

وحدث أنني سأصحو غداً لأمر من تلك الشوارع المهجورة ذاهباً إلى مقر عملي ..
والعوده من نفس تلك الشوارع المهجورة ، والتي سكنتها رائحة الموت ..
كُل ذاك قضاء الله وقدره ..

لكن !!
يا ( أمانة جدة ) رغم أنني لا أُجيد رفع أصابع الأتهام في وجه أحد ..
إلا أنني اتسأل ومن قبل تِلك الكارثة ..

( ماذا سيحدث غداً أن تكرر الأمر ) ؟!

يتبع !

عبدالعزيز محمد المالكي

12-01-2009, 08:35 PM

http://up.arabseyes.com/upfiles/2qR91692.jpg

http://up.arabseyes.com/upfiles/b1Y91819.jpg

http://up.arabseyes.com/upfiles/d0s91872.jpg

http://up.arabseyes.com/upfiles/l5M91925.jpg

تم إلتقاط هذه الصور صباح هذا اليوم الثلاثاء بالقرب من منزلي عندما استيقظت على صفارات الدفاع المدني لأجدهم يبحثون عن جثث في الوادي الذي جاء بالسيل .. كُتبت هذي العباراة من شخص اعتقد أنهُ رأى أشياء لم نشعر بها .. وللأسف تم إلتقاط هذه الصورة بعد أن حاول أحدهم محوها لكن هناك أحد مصوري جريدة عكاظ إلتقطها بشكل اوضح قبل أن تُمحى أتمنى أن يباشر في نشرها . .
العبارة المكتوبة بالبخاخ على الطين ( الموت أرحم ) .!

************************************************** ************
أرحم من انك عشت ./ واحبابك أموات ؟!
________ / __ واهون من اللـي شفت فـ بيوت ./ وبيوت ؟!
تكتب علــى هـ الطـين غبنك ./ مـن الـذات
________ / __ ( الموت أرحم ) من رضـا عيش مبهـــــوت
يا هيـه عيش ./ و اطعم افواهنــا اصوات
________ / __ تصـم أذان اللـــــي رمـونـا علـــى ./ الموت
قل للوطـن : لا يوجعـك بـرد ./ وآهـــــات
________ / __ هـ السـيل عبره ./ وموتنـا غلطت سكــــوت

عبدالعزيز محمد المالكي

12-13-2009, 09:14 AM

قبل الكارثة :

حام السحـاب ./ وجاب لـِ يدينك مطر ..
_______ / __ وأنتِ لبستـي من الفرح ./ فستان طين .!

بعد الكارثة :

( ......................................... )
_______ / __ ( ............................................ )

عبدالعزيز محمد المالكي

12-17-2009, 10:09 AM

الإهداء :
إلى الفنانة التشكيلية / سارة شمـــه .

واتأملك في عشبة الرسم ./ والظل
__________/ _ مائيـه تغوي بـ أخيُّلتها التلاوين .!
ترسم وهم ./ يتشكـل الغيم والفل
__________ / _ وتطير من عيني حمامة ./ محبين

عبدالعزيز محمد المالكي

12-17-2009, 10:11 AM

يا غيابك ..
..
..
ما تركنـي لحظه وحده ./ من غيابك
ظل ساكن كل شي فينـي ..
وحولي ..
وضج في سهوك ./ وجابك .!

عبدالعزيز محمد المالكي

12-17-2009, 10:13 AM

لـ : الطريق ./ وكانت اللهفة اغـاني
_________ / __ لـ : الكراسي ./ ما لقيت إلا انتظـار .!
طاح من عيني الندى ./ وعشب مكاني
_________ / __ حلمٍ أعمـى ./ يشحذ الشمس النهـــار
وينه اللـي قال : بنتظرك عشـاني ؟!
_________ / __ كم عشانه ./ سال من عيني احمرار ؟!
ما ترك مفتاح لو بابـه ./ دعـاني ؟!
_________ / __ مـا ترك للبـاب حتـى لـو جـدار ؟!
لـ : المكان وكل شي يـ العمر فاني
_________ / __ جيت أرد الـديـن و احيـا ./ الانتظـار

عبدالعزيز محمد المالكي

12-27-2009, 09:44 AM

ـــــــــــــــــــــــــــــــــــــــــ الأغاني والانتظار .! ...... أكثر نضج

لـ :الطريق ./ و كانت اللهفة اغـاني
_________ / __ لـ : الكراسي ./ما لقيت إلا انتظـار .!

جيت اشبّهنـي بنفسـي قبـل اعانـي
_________ / __ ومـا حطبت إلا صدى ./ كنّـا صغـار

يعنـي ما عاد الزمـن هذا زمـانـي
_________ / __ ولا صــباح الشـارع المملـي غُبار

طاح من عيني الندى ./ وعشب مكاني
_________ / __ حلم يرمـي سنّتـه لـِ : شمس النهـار

ضاق ./ ثم سبّل عيونـه فـ / المباني
_________ / __ واستدار ./ وضـج ./ واستغفر ./ وثار

وين وجهـي لا تعثرت ./ وخذاني ؟!
_________ / __ ريـش عصفورة عن الدنيــا وطـار

والحديقـة ./ والمراجيح ./ وكيـاني
_________ / __ والحصـى ./ واللي خذينـا من الكبـار

وينه اللـي قال : بنتظرك عشـاني ؟!
_________ / __ كم عشانه ./ سال من عيني احمرار ؟!

ما ترك مفتاح لو بابـه ./ دعـاني ؟!
_________ / __ مـا ترك للبـاب حتـى لـو جـدار ؟!

يا رماد البرد فـي جوف المحـاني
_________ / __ اشتّعل فـ الأرض ./ وأنفـاس المـرار

لـ : المكان وكل شي يـ العمر فاني
_________ / __ جيت أرد الـديـن و احيا ./ الانتظـار

عبدالعزيز محمد المالكي
جده
24/12/2009م

عبدالعزيز محمد المالكي

12-30-2009, 08:47 AM

الإهداء : لهــا .
ـــــــــــــــــــــ ريق الـ " أحبك " .!

إنتِ بس ذوقـي طعم كلمة " أحبّك " من لسانـي
__________ / __ شوفي وش يحكي لسانك عن طعم ريق الـ " أحبّك " ؟!
اطعميها ./ يورق فـِ لحظة مسـا همس الاغاني
__________ / __ والأغـانـي ترّقص الأشـياء هِنـا ./ وأكثر تصـبّك
من متـى كنا كذا ، أقرب من عذوق الأمانـي .؟
__________ / __ وايـدي ./ تعـرق فـي يدينـك كِلمـا نبضك تلـبّك
يـَ: حيائك، يـَ: أحبّك، يـَ: حيائك يـَ: جناني .!
__________ / __ حرريها مـن حيـائك ضحكتـك ./ صوتك ./ ولبّـك
جيتي أنتي ./ وكل شي حولي تنبه في مكانـي
__________ / __ السـتاير ./ شمعدانـي ./ وأجمل اللـي ما أنكتب بك
اقري ./ اقري وش كتب قلبي على دفتر كياني
__________ / __ بك أحس الغيم يعشب ./ والزهـر يعطـش / بربّك :
هاتي يدك ./ واتركي راسك هنا يشرب حناني
__________ / __ واحضنيني ./ لين تتفتـح مع أنفاسك " أ ح بّ ك " .!

عبدالعزيز محمـد المالكـي
جده : 30 / 12/ 2009 م

عبدالعزيز محمد المالكي

12-30-2009, 08:49 AM

[ مغلـــــق ]

عبدالعزيز محمد المالكي

01-25-2010, 02:09 PM

هاني ، فرحـــــان ؟!

http://center.jeddahbikers.com/download.php?img=46972

صاحبـي لو هـ : الحزن ينفض ثيابـه
________ / _ ما تركنـي لين خبانـي فـ : جيوبه
شف لـي أية درب ./ وأفتح لي سرابه
________ / _ يأس هـ الواقع بذر فينـي شحوبه
هانـي ./ والدنيا علـى كثر الرحابه
________ / _ ليش نتفيا تحت شمس ./ ورطوبه ؟
خلنـا نركـض ورى ذر السحــابه
________ / _ ونتمـرغ فـوق طين الأرض نوبه
خلنـا نكبر علـى قـدر الإجــابه
________ / _ بس نبقـى أطفال ما تخشى العقوبه
فيق يـ : الدبـا مثل ضحكـة دعابه
________ / _ افتلعهـا اثنين لـو كـانت كـذوبه
عُمر هذا الشعر ما فـج الكـــآبه
________ / _ شي عادي نلبسـه ./ ونصير ثوبه

عبدالعزيز محمد المالكي

01-26-2010, 09:43 AM

غريبه كيف ./ كسرتي بخاطر الفنجان من يدي ؟!
ولا لاحظتي كل الشمع من حولك ؟!
ولا زولك ./ علـى الجدران ؟!
والوردي ؟!
تركتينـي مع نفسي ، أفكر ليش ؟!
أنادي ..
وصرختـي حدي ..
وكل المسافة طاولة من بيننا ...... ردي ؟!
تعالي يلـي مشغولة بغيـري ..
إإإيه رحت ..
وأنتِ جلستـي ..
فـ اللي عايش جوف بالك ..
ولا شعرتـي كيف رحت ؟!
- ألو وينك ؟!
هلا
- بـِ الله وينك ؟!
- آآآه ..
أنا رحت ، وبلا آآه ..
- ليش تتركنـي لوحدي ؟!
خفت اقاطع حلمك التايه فـ / غيري .!
قمت ./ رحت بدون حتـى ..
ماْ أجبر المكسور ..
فمان الليـل ، والفنجـان ..
أو يمكن فمان زجاجه المنثور ..
تك ..
الو ؟! الو ؟! الو ؟!

عبدالعزيز محمد المالكي

01-30-2010, 08:57 AM

• قال : أنت بحاجة إلى القليل من الأسود .!
• قُلت : لكن ، أنا محبوس في البيضـاء من هذه الورقة حتـى يُطلق سراحي .
• قال : ومتى يكون ذلك ؟!
• قُلت : رُفعت الجلسة .

فخرج ولم ./ يعك .!

عبدالعزيز محمد المالكي

01-30-2010, 08:59 AM

ضيق ..
وأصفّر صوتـي .. يـ الطريق
ولا به مطر ..
يسمع عطش ريقـي .!
خفت :
أزعج الدنيـا تفيق ..
ناظرت فـ الساعة طفيت ..
الواحدة إلا ..
ناظرت فـ أحلامي صحيت ..
الثانية والضيق ..

يااااا ربي ./ والبرد الرقيق ..
يتحلف عظامـي ..
وكل شـي حولـي عتيق ..
شفت السماء صحو ..
والبحر :
لوحة معلقة (ع) الأرض .!
والليله هو قلبـي الحزين ..
يااااربي ./ من قلبـي حزين ..
ولا فز لـي حتـى رفيق ..
يسقـي عطش ريقـي ..

عبدالعزيز محمد المالكي

02-20-2010, 11:56 AM

يا وديع ..
إذا أردت مرة أُخرى أن تقترح عليّ السفر إلى مدينة غير مدينتي ، للخروج من دائرة الكآبة التي تُحيط بي ..
عليك أن تختار قرية نائية ، قرية لا يعرف أهلها أنهم داخل حدود المملكة العربية السعودية .!

صديقـي ينبع البحر المدينة ./ والسمـاء كراس
_________ / _ هِنا مو قلت لي : سافر عشان انفـاس تحيـاني ؟!
وصلت وكن هذا الدمـع ما صدق خبر واحساس
_________ / _ ورحت أبكي فْـ وجيه الناس أماني قلبـي واحزاني
ندهت ولا سمعني غير أنا ./ والليل ./ والقرطاس
__________ / _ ودخان المصـانع فـ الصدور ./ وتبـغ دخانـي
وصرت أتوهم أن حولي وهم ./ وظلاله الحراس
__________ / _ يسايرني في خطواتي ./ وخوف و ضجة اشجاني
وحيد وْ وين ما اسافر أنا ./ لـ احزاني كل الناس
__________ / _ على قيد الحيـاة ./ وهـ الحيـاة تقيّـد الوانـي
وديع التجربة عدت على قلبـي ./ ونال الياس
__________ / _ من أخمص نبض في روحي إلين إغفاءة اجفـاني
ابرجـع مـا لقيت إلا حديثك ./ و الأرق جلاس
__________ / _ أخاف أتركنـي فـ الأشياء ومـع الأيام أنسـاني

ينبع الصناعية ، الأربعاء
17/02/2010م .

عبدالعزيز محمد المالكي

05-20-2010, 09:24 AM

والله قهر ..
أيدك تلوح بـ: الوداااع ..
وأيدي تأشر لك ترد ..
.
.
___________ وما ترد .!

عبدالعزيز محمد المالكي

05-20-2010, 09:28 AM

[ الضوضـائي ]

شكراً علـى براد هـ الشاي ./ و الليـل
__________ / __ وإضحـاكك اللـي مثل بشرى استجـابه .!
والشعر ./ واشرعة القوارب علـى النيل
__________ / __ [ والدنيـا حلوة ] ./ بس .! فينـي كـآبه
اسمح لي أمشـي ضيقتـي أينعـت حيل
__________ / __ اتركنـي الهث بين قيـض ./ و سحــابه
بروح أقلّـد مقبض البـاب . / قنـديل
__________ / __ يمكـن يمـروا احبـاب قلبـي ./ و بابـه

يا صاحبي ./ مـ القى معك بس منديل ؟
__________ / __ يسهـر علـى حبر العيون ./ الكتـــابه

مخنوق ./ و يغاغي فـ صدري مواويل
__________ / __ هيأتهـا بسْ مـا وحَت لـي ./ ربـابه .!
هـ الليل ضوضائـي وانا ممتلـي ويل
__________ / __ و العين ثكلـى بـ الأرق ./ و الـرتابه
لا تنتظر منـي ابتسامـه ./ وتهليـل
__________ / __ ولا تفتش فـ الحكـايـات ./ اجـــابه
طبعـي ولفت الهم ./ واكتافـي الشيل
__________ / __ ولا بـه جـديد إلا المكـان ./ وسـرابه
اتركني ارجع شقتـي ./ واحضن الليل
__________ / __ يمكـن الاقـي النــوم ناطـر رِحـابه

نُشر في صحيفة : أوان الكويتية

عبدالعزيز محمد المالكي

05-24-2010, 10:31 AM

ولا يهمـك ..
أبقضب وحشة الليل العتيم ، وأوصد أهدابي ./ ورى غيابك ..
ولا بدعيك ..
ولا بخرج إلى الدنيا حزين ، وفيني من ماضيك ..
ولا بشعل على راس السنه :
قلبين شمع ، وأغنيه ، وابكيك ..
- ولا يهمك ؟!
- ولا يعنيني لو همك أكون بخير ، أو في غير قلبك أزرع أنفاسي ، وتقطف من عيوني نومها وتنام فـ فراشي .!
- خلص يعني فمان الله ؟!
- فمان الـ : آآآآه يا الـ ( كنتِ ) ، على طول الفراق أسقي خُطى رجليك .. لا تردك .! سحابه في سماي وتنطرين أحييك ..
تعبت اسكت على قلبي يلمك ، ينكسر فيني .. يحبك ، أكرهه ، ينعيك ..
تعبت احكيك ..
فـ : أوراقي ، في الباقي من جروحي ، على هـ: الليل لا جا يطلي أحداقي ..
بكيتك بس ..
وبس أبكيك ..
هنا كُل شيء يحبك إلا ./ أنا .. وقلبي كُثر ما كان بي يغليك ..
نسيتك فيك ..
وودعتك ./ ودااااع الحِنا من أيديك .!

جدة
24 / 05 / 2010

عبدالعزيز محمد المالكي

06-05-2010, 11:00 AM

ماللغيـــاب رجولـ
وأبترها بـِ : يديني ..!

عبدالعزيز محمد المالكي

06-05-2010, 11:11 AM

وياخذنـي عنا / وينـك ؟!
إلى مذبح عناوينك ..
أطل .!
ويطيح من عينـي بُكى ، وأحتاج لـِ : يدينك ..
ولا شفتك ورى هـ: الباب .!
ولا شفتك من الظلمى ، تجين أحبابك الغيّاب ..
تُرى وينك ؟!
أنا رديت لـ: سنينك ..
وهذا البرد ..
ما خلى فـ: صدري للحياه أسباب ..

عبدالعزيز محمد المالكي

06-13-2010, 09:15 AM

ملاحظـة : أي قِلة أدب في ما كُتب أدناه ، هـي مجرد قِلة أدب .
· الرسومات من أعمال المدعو : بانكسي .
· القراءة للمدعو : عبدالعزيز محمد المالكي .
__________________________________
ملاحظة (1) :
http://store2.up-00.com/Jun10/hzI07689.jpg
فتش يمكن .!
يمكن تلقـى فـي فخ / ـذيها بوووم .!
وأنته تفتش ..
ولا غول أمخبا فيها ، أو بارود .!
أبعد بين أيديها وفتش ..
فتش يا ملعون .. وفتش .
عن حجه أخرى ..
غير أن العلم اللي في شنطتها ، هذا نور .!
حسس ./ حتى تنبش ..
من تحت الفستان اللـي يسترها .!
خيط أسود ..
أو واحد متنكر فيها ، أو شهوة مخمور ..
من قال :
إن فيها نبض ./ ومذعور ، وأنته حاميها ؟!

فتش يا حاميهـا ./ وفتش .
شمشم في راحة أيديها ..
ريحة عطر ..
وأستنشق نهديها ..
حتى تقضي حاجتك ، ومشيها ..
باسم البدلة ، و القانون ..
لمسك عدل ..
وهذي الطفله ..
يمكن معها دعوة أُم " وتلعن واطي " ؟!
يا ملعون ..

ملاحظة (2) :

http://store2.up-00.com/Jun10/WXA07689.jpg
إيه ...
باعدي ./ ما بينه ./ وبين المدعو رشاشة
وكتوفه ..
يظهر خوفه ..
وريه إن الله ما ينسى حقك ..
حقك لو ننساه ./ نشوفه .!
شيلي خوذة راسه ..
يطلع من فروة شعره ./ [ قعره ] ...!
والرجس اللي عايش فيه ..
بس يا خوفي وأنتِ بطهرك تتوطيه ..
يجرح بوتك ..
يتهموك أنك .......!
وأنك أغويتيه ..
حتى سلّم لك ./ واستسلم .!
وأنتِ فتشتيه ..
وأظهرتي للدنيا عورة خوفه ..

عبدالعزيز محمد المالكي

06-15-2010, 10:03 AM

لا تواخذنـي نسيت ايدي ./ فـ: قيدك .!

عبدالعزيز محمد المالكي

06-19-2010, 08:42 AM

http://www6.0zz0.com/2010/06/19/05/417745671.jpg

قلق ./ واحساسـي هـ الليلة يقول : إن البحر مثواك
__________ / __ تركت الشقة من باب الهروب ./ وضيقة أخلاقـي .!

فرشت الرمل فـي ذكرى لقانا (ع) البحر ./ واحياك
__________ / __ وطيرت الكلام سكوت ./ خافت ./ من صدى أعماقي

ولّه يدبـي على روس الأصـابع من فمي يبغــاك
__________ / __ عِطش فمـي ./ وانا اتحرى تصب وجهك في احداقي

حبيبي والنوارس تايهـه فـ : الريـح ./ و الإدراك
__________ / __ وصـار الخوف حدوتـه ما بين البحر ./ واشواقـي

أحبك : كسر خاطـر يا حبيبي ، أو سمـا شبـاك
__________ / __ أحبك : ليت موتـي حيّ فـ : غيـابك عن اشراقـي

حبيبي لا ترد ما فات من حزنـي علـى فرقـاك
__________ / __ ابيك ./ تودع غيـابك عشـانـيْ و تعتـق افراقـي

ترى لو ما ذبحني هـ الحنين ./ وطيفك ./ وذكراك
__________ / __ بـِ يتعب صدري هـ التدخين وانفث روحي لاخفاقي

عبدالعزيز محمد المالكي

06-27-2010, 10:47 AM

البرد قارس ./ والدفا لوحة الطين
_________ / _ من وين ما وليت وجهـي أعاني
مالي شجر يثمر عصافير / وآمين
_________ / _ لا فوقي ظِلـه من سحابة أمانـي
كم لـي ورى جُرّة سراب المقفين
_________ / _ أطرد أغانيهم وأضيّـع لسـانـي
لو خفت يجرح مائي امر البساتين
_________ / _ ما صرت فلاح الفصول / وعناني

عبدالعزيز محمد المالكي

06-27-2010, 11:01 AM

دخانـي دااااخ :
من شهقـة شمّك .!

عبدالعزيز محمد المالكي

06-29-2010, 02:01 PM

كنت أقول :

ـــــ " الحزن طيش "

بكره يعقل لـا ./ كبرت .!

بس .....!

كبرت ./ وشفت نفسـي لما كنت ..

كنت أقوووول :

( الحزن طيش ..

بكره يعقل لـا ./ كبرت )

وازداد طيش ..!

وش تبين ؟!

في ثلاثيني حزين ..

وأنتِ أصحابك مطر ..

وأنا أسكّن في صداااعي من ظروف العيش ./ عُمر ..

بشوية حبوب ..

ضقت أشرب كاس أمل ..

وأعصر جفوني عليها ..

ولا تجف من الأرق ./ وأورق أعيش.!

..

لا تشاقي وحدتـي مالـي ./ مزااااج

__________ / _ انتبه لـي فـ: الفرح واتشعبـه

لو لقيتـي فـي حياتـي لك سرااااج

__________ / _ مـا لقيتي له ظلام ./ يشع بـه

..

وش تبين ؟!

في ثلاثيني حزين ..

خلف بابه ليل ..

خلف ليلـه ظِل باب .!

لاذ من صوته ، تعثر في صداه بإرتياب ..

أسمعـي ..

ــــ لو فـ: بالك تسمعين ..

كيف يتكسر سراب ..!

في قفـى هجرة حياته ..

وكنتِ أنتِ وين ؟!

لما طاحت شمس من شال السحاب ..

ولا فزع لـه ..

غير حظه جاب له منديل ريش ..

بعدها طأطأ ، وفل .!

والشعور اللي يجي بعد الكتابة ..

والكثير من الفرااااااغ ..

وطفل فمي ، لا تغرغر بـِ: الكآبه ..

وحست أُمي .!

إِن :

دخاني تغلغل في شرابه ..

وعاتبتني ./ بلين ..

وش تبين ؟!

في ثلاثينـي حزين ./ جداً ممل .!

..

كلمـا كبر عن ايدينــه ./ يقين

________ / _ جاه ظِل ./ وشك في صحة صلاته

وان بغى يرقد على الجنب اليمين

________ / _ خاف لا يسقط على جبهـة حياته

يعني لو فيني أمل ./ لو بعد حين

________ / _ قلت لك : خلك معـه حتى مماته

الحزن هذا معـي ، رفقـة سنين

________ / _ مقدر أتخلـى عنه ./ وانثر رفاته

عبدالعزيز محمـد المالكي

جدة : 27 / 06 / 2010

عبدالعزيز محمد المالكي

07-04-2010, 04:05 PM

http://www9.0zz0.com/2010/07/04/13/568969650.jpg

أنتِحر ....!
.
.
و أنتـ
حُر ..
...
فـ: اختيارك للطريقة اللي تخليك
أنتـ/ حُر .!

عبدالعزيز محمد المالكي

07-12-2010, 08:20 AM

بتتركني هنا لـِ: جده حزين السالفه ./ والروح ؟!
ـــــــ / ـ وحيد فـ: ذاكرة أرض الرطوبة ./ وقِلة الأصحاب .!
أجل ما علمك هذا البحر ./ ما علمك / لا تروح ؟!
ـــــــ / ـ علـى راس الهـدا تشعـل دخـانك / غيمتين اهداب
وأنا يا صاحبي لا مرنـي صوت الضما مبحـوح
ـــــــ / ـ أصب ريقـي فـي حنجرة النوارس ./ واعتق الاسباب

عبدالعزيز محمد المالكي

07-18-2010, 09:48 AM

مانـي فاضي من فرااااغ ..
بس فاضـي .!

عبدالعزيز محمد المالكي

07-20-2010, 09:57 AM

[ الحورية والدلو ] :

-أنت !! هيه أنت .!!!
-مين أنا ؟!
-إيه أنت ؟! شلـي جابك غرفتي ؟! من فتح لك باب دولابي ؟! ونثّر لك فساتينـي ؟! سريري ؟! من سمح لك ؟! كيف ما حست عليك أمي وأنت ، داخل علـى أشيائي الكثير العارية ؟! ومين أنت ؟!
-تصدقينـي لو أقول : أني نسيت ؟! ولا مذكر ؟! أذكر أني كنت مُجهد ، حتى مدري من أيش مُجهد .. لين نمت .! وأنتبهت أني هنا ، وأني مبعثر ، مثلي مثل أشيائك اللي لا أقتربت ألمسها بيدي ، تخللتها .. معقول مت ؟! وهذا طيفي ..!
-يوووووه منك .. لا تجنني معاك .!
-ليش ثرتي ؟!
-من كلامك ، كيف أصدق ؟! أنت يا أما حرامي .. أو حرامي .. لا تحاول تقنع عيوني بأني في منامك .. ( يمه ، يمه ألحقيني ) .!
-لحظه بس ./ لا تنادي بصوتك الخادر لغيري ..
-أبتعد عن بابي أحسن لك بروح ..
-لا وربك ما تروحـي لين ما أفهم ..
-تفهم أيش ؟!
-ضحكة عيونك ، عيونك لما تهرب من عيوني ؟! أرتباكك من حرير الروب ، ولا ........ ؟!
-ما ضحكت !! وما هو شغلك أرتباكي .!
-إلا ضحكتي ، بس خوفك من منعك ..
-خلني تكفى أروح فـ : قلبـي خوف ، وأنت روح .. والله أنـي ما أعلّم أني شفتك ، أو لمست أيدي على مرآى الستاير وارتعشت ..
-وين أروح ؟! لـ: الشارع اللي ما أقتفى إلا أثر شارع ، وضيع لي الطموح ؟! لـِ: العرق ، لـ: الناس ؟! لـِ: الليل ، وأبعاده الحراس ؟! أتركيني مبطي والله أني ما كتبت احساسي بأنفاسي على أية صدر غيري .. من زمااااان ، وكلما أبغى أهد حيلي على غيري .. ما ألاقي غير حيلي .. وأنكسر قدام عينـي ما معي دمعه ، وحزين .!
-ما فهمتك ..! وش تبـي ؟!!!!
-أقربي برمي تعب راسي على راحة يديك ، واعطينـي حورية فرح .. تسقيني من دلو السحاب .. وأنتِ تحكي لي حكاية عن مدينة.. مابها إلا أنا ، والصبح يتنفس على أصوات الحمام ./ أقربي .!
-أنته أبعد .! تكفى أبعد ، لا يا وووويلي .!!! والله أصرخ ، وتزعل أشيائي عليك !!!!
-خلي أمر أشيائك العذبه عليّ ، أنتِ في حلمـي بكيفي .!
-لا يا ويلك لا تورطني فـ: حضنك .. هدّني لو بس شوي ، مجنوووون خوفي .. وأصحى من نومك وروح ..!
-بس ، وأروح ؟! قبل أشم العطر ذاك ، وأنتِ فـ: الفستان هذا ؟! خافي من نفسك عليك وأقربي مني ..
-يا سلاااام .!
-يعني أروح ؟!
-إيه روح يمكن أهدا ثم أنام ويمكن فـ: حلمي أجيك ، وأنا في فستان أحلى ، وأنا في أحيان أريح .. وأنا فـ: الأمكان أضحك .. وما أحس بخوف منّك .. يـ الله رووح ، ولا تدري ! خلني أطلع لأمي وأن رجعت ألقاك رحت ؟! يـ الله يا طيفك سلام ..
-وأنتِ من أهله ، سلام ..

18 / 07 / 2010

عبدالعزيز محمد المالكي

07-21-2010, 05:21 PM

لو تسافر يا حبيبي ، يمكن : أسكت .!
يمكن :
الدنيا تنادي لك بدالـي ..

[ لا تغيب ]

[ لا تغيب ]

وقلبـي يتعب ..
وأفقد الوعـي / وأغيب .!

عبدالعزيز محمد المالكي

07-26-2010, 10:26 AM

حلمك تلاقـي راحتك ./ وين ما كنت ..
ــــــــ ./ ـ وحلمـي ./ أتعّب راحتـي لجل راحتك .!

عبدالعزيز محمد المالكي

07-27-2010, 11:55 AM

الفراق :

( أنتِ ./ و /. أنا ) .!

وأنتِ

وأنا ؟!

عشين فـ: اطراف المدى ..

وما بيننا تاه عصفور ..

طااااار

وضمـا ..

من قبل يحطب نور ..

عبدالعزيز محمد المالكي

09-01-2010, 11:00 AM

تموت أحلام ..

مثل ما تموت عصفوره تحت رحمة مطر ..

في عشها المبلول ./ قبل تنام .!

وقبل أصحى ..

شعرت أن العيون أقدام ..

وخفت أفتح هدب شوفي ..

وخفت :

اسمع ظما صوتي اللي سافر من مدى الاعوام ..

ولا بلّغ صداه ..

إلا وعِلي صوتـي ..

على حظي اللي يسهر وان صحيت ./ يناااام .!

:

عبدالعزيز محمد المالكي

09-01-2010, 11:01 AM

باقـي علـى الدمع :
ــــ " تلوّيح اليدين " .!
و
ن
ف
ت
ر
ق

:

عبدالعزيز محمد المالكي

09-21-2010, 11:11 AM

[ رجلين طين ] :

حتى لو تلقي طريق الحلم ./ سالك

ـــــــ / ـ وين أبلقـى للأمل ./ رجلين ./ طين ؟!

تردّنـي للعيش فـي دوحـة دلالك

ـــــــ / ـ أو تـرد الـروح فيـك ./ و تشعـرين

سكري الجدران ./ لا تنفـر ظِلالك

ـــــــ / ـ فـي سماء الليل ./ مو ناقص حنين !

أنتِ غبتـي ./ بس ما غبتـي لحالك

ـــــــ / ـ والزمـن جفف عيونـي مـن ./ سنين

كان يرسم لـي خيال ./ وبيد شالك

ـــــــ / ـ وأمسك ايـدين السراب ./ اللـه يعـين

كـان ياخذنـي الـى الشارع هنا/لك

ـــــــ / ـ لـين مـ/ انزف رجفــة البرد اللعين

كان يسمعني نِداء ( أرفق بحالك ) .!

ـــــــ / ـ التفت ./ والقــاه صوت أُمـي حـزين

ياااه وين أمي ؟! تجـي تخبز خيـالك

ـــــــ / ـ مـن خرير المـاء ./ لـِ : ظل الياسمين

إإإيه أنا محتـاج منها ./ ( ليش حالك

ـــــــ / ـ وانت عن صدري بعـيد ./ ولك أنين ) ؟

الفراق أنهك سعف لهفة وصــالك

ـــــــ / ـ وصرت أنا أشعـر براحـه فـِ : الحنين

أتركـي باب الأمل مخلوع ./ هـالك

ـــــــ / ـ والحقـي هـ : الـدرب ./ لـا تتأخرين

أتركيني فـِ : انتظـار اخطر (ع) بالك

ـــــــ / ـ يا ما في بالـي خطر أنسى ./ وتجين .!

جدة : 31 / 07 / 2010

عبدالعزيز محمد المالكي

09-28-2010, 11:37 AM

[ التنويم بـِ: الموسيقى ] :

فيه موسيقى فـ: الكلام ..

لما يطلع من شفايفك الحزينـه .!

وأصعد

أ

ص

ع

د

( نوته / نوته )

لين مـ: تخدر ونااااام .!

وانسى لا امسح دموعك عن يدينـي ..

ياااااه يا حلو الكلام ..

حتى لو كنتِ حزينـه ./ وتذبلين !

تشبهين الملامه ..

على ملامح طفله تتحرى " مطر " ..

في بيت جدانها الطين ./ كل ما تأخر ..

تشبهين ./ اللحظه الحين .!

وانتِ فِـ: عيونك كسل ، تبكين ..

جداً جميل ..

اني اشوف الكحل ينزل ، على خدودك في تعرج ..

من جفونك ..

لين ما يروي ورودك ..

ولما " أبوسك " تضحكين .!

بعض الحزن تلوين ..

يدخل اعماقـي ..

يفتش في شعوري عن سوالف شيطنه ..

وخاطر أكثر لين ، وعن كلمة " أحبك " .!

انتِ لما تحزنين ..

واحضنك فيني بأي شكل يبدو اناني ..

تشبهين :

الدهشة هذي الحين ..

وانتِ في حالة تعجُب من شعوري .!

أو تعري من شعورك ..

وفجأه ..

ترمي كل هموم هـ: الدنيا وراك ..

وتفرحين ..

ما قلت لك :

بعض الحزن تلوين ..

والفرح :

ماهو على حزنك ابد .!

بس الملامح فيك ، تشبه كثير ..

عصفوره من الغيم تجلس على الشمس ..

والشمس :

عشٍ من القش ..

لما تِأذن بـِ: الغروب ..

وانا فـي لحظة مطر ..

اتأملك ..

من ورى الشباك ..

تنفضي لون الشفق عن ريشك المُتعب ..

" حنين " ..

كِل هذا ، لمن انتِ تحزنين .!

وتشبهين الحين ..

تنومينـي بـِ: الموسيقى فالكلام ..

لما يطلع من شفايفك الحزينه ..

يزرع الانفاس فـي صدري ./ وانااااام .!

جـده : 28 / 10 / 2010

عبدالعزيز محمد المالكي

10-02-2010, 01:50 PM

[ لا تغيب ] :

لو تسافر يا حبيبي ، يمكن :
" أسكت " ...!
يمكن :
الدنيا تنادي لك بدالـي ..
[ لا تغيب ]
وقلبي يتعب ..
وافقد الوعـي ./ واغيب .!
***
لو تسافر يا حبيبي ..
ما بِـ: ينبت للشجر عصفور ..
ولا يرفرف له ورق ..
في عيونك ./ ما على عيوني ارق ..
وانتَ قريب ..
بس لا تسافر ، وافقدك ؟!
وتيبس ايدي فـ: الكلام ..
اللي بـ: احاول اكتبه بَعدك ./ في بُعدك ..
ويجف فمـي من كلمة : " أحبك " ..
***
لو تسافر ..
يفقد الماء ، صوته فـ: انشودة خريره ..
ولا بحس الشمس تمشي ..
فوق جلدي ...
و تموت في قلبـي الـ:
ح
ي
ا
هـ
ولمن انادي ؟!
لا حياااه ..
ولا حياة ./ لِمن تُنادي .!

عبدالعزيز محمد المالكي

10-05-2010, 11:43 AM

لا تسمعي لـِ فيروز :
" نسم علينا الهوى "
ولا تنطري "ع" مفرء الوادي ./ أجيك .!
تنكون سوى ..
" ع " العيد ..
وفـ: المواعيد اللي بتجـي ..
لما تجي من دوننا .!

عبدالعزيز محمد المالكي

10-10-2010, 03:15 PM

من سنين ..
والرسم في دفتر ابو ستين ./ عاده ..!
للوجيه اللي بتجـي ..
واللي تروح من السعاده ..
***
والجلوس ، فـ: أي صاله من المطار ..
والانتظار .!
علـى طاوله لـ: اربع كراسي ..
لين مـ: اشرب قهوتـي ..
ولا يطردني انكسار ..
هي :
بعد للحين عاده .!
لا شعرت اني وحيد ، واحتاج احس اني لحالي ..
اقترب للناس اكثر ./ من بعيد .!
و اتأمل في مزاااج :
.
.
لوحة الـ: رحلات .!

عبدالعزيز محمد المالكي

10-16-2010, 09:11 AM

لو كنّا ظامين بِـ: نموت ..
وفـ: المسافة الـ: بيننا
ـــــــــــــ " غيمة مطر " ..
ابسبقك ./ واخذها من ايدك ..
واجيك ..
اعصرها في فمك ./ ومووووت .!
**
وانتِ ؟!
قلتِ :
وانا اللـي بَـ: حتريك .!
تسقينـي من ايدك شوي ..
وقبل ارتوي ..
بسقيك من خوفـي عليك ..

عبدالعزيز محمد المالكي

10-24-2010, 02:38 PM

الحزن :
ضايع ./ وضيعنـي معااااه .!

عبدالعزيز محمد المالكي

02-28-2011, 02:05 PM

وحدي ./ ومزاجي حزين .!
وادري اني في بالك الحين ..
من حنطة الصبح ./ تخبز لي روحك ( دعاء ) .
وتخيط لي بُردّه من الليل العتيم ..
وينام في قلبي الأنين ..
ابتساماتي يقين ، لكن متى ؟!
.
.
مدري متى من شيء ، وشوي ابتسم .!

وحدي ./ ومزاجي حزين .!
اجلس على كرسي حطب طافي ..
انفض رماد الثلج ..
واشعل هنا التخمين ..
وشلون أحبك بس ، وما يجرحك برد الحنين ؟

لو تتركيني شوي ، افكر فـ: نفسي ..
يمكن اشوف .!
واحبك ..
فوق ما احبك ، انا ./ ونفسي .!

عبدالعزيز محمد المالكي

03-16-2011, 03:17 PM

من الشباك ..

تمد بـ: " مرحبا بك " ايدها أُمك ./ ولا تلقاك .!

ثمان سنين ..

والشباك ما يفتح لـ: احد .. الا لها

ويا ليتها تلقاك ..!

تصدق عاد ..

من ترفع يديها للدعاء ./ والمغفرة تلقاك ؟!

تحت اقدامها ، وتدعيك :

[ وليدي قوم لـ: فراشك ..

حمد يمه ..

فديتك قوم ./ يا يمه ] .!

وانا اكسر خاطري ، وما اقول :

يا يمه ./ انا " برّاك " .!

واظل اشبهك ، وارعاها ..

واقول :

شوي يا يمه ./ بعد ما اسقيك من زمزم ..

وبعد ما تبلّعي حبوبك ..

بروح هناك ..

للجنه تحت رجليك ..

وتنسى ..

لا تلملمني معاك ، فـ: اي دعاء هو لك ..

واروح هناك ..

مثل شرشف صلاة أُلقي على هـ: الأرض ..

مثل حِنا يديها اللي تخبي ريحته في كيس ..

وتلّف الكيس بشماغك ./ وتتحراك ..

ليومٍ فيه نتزوج ..

أنا ..

وياك ..!

هنا

وهناك ..

اقلب كل جدران الغرف .. حتى ./ على ذكراك ..!

من غرفه ..

إلى غرفه ..

عشان أحييك من جواك ..!

اخاف امك تموت احيان بين ايديّ ..

وتترك حلمها ( تلقاك ) ../ في نومي ..!

واظل القاها في نومي ، تعاتبني ..

من الشباك ..

وتسألني :

أنا هو ليش ما ألقاك ؟!

ح

م

د

ياخوك رد البيت ...!

ابي اسمع فـ: حس أُمي ..

" حنين اسمي "

بِـ: صوت أُمي ..

كثر ما اغفى تحت اقدامها ، وتصحى ..

تصحيني ..

عشان اقوم لـ: فراشي ./ وتدعي لي ..

بـِ: دعاء هو لي ..!

تعال وقول :

هذي الشمس بالونه ، نفخها النور ./ طَيَّرها .!

عشاني فـ: عيد ميلادي ..

.

بصدقها .!

مثل ما كنت اصدقها ./ وحنا صغار ..

تعبت اشبهك فـ: غيابك ، وحنا كبار .!

واقلّد مشيتك ...

وخطاك ..

لِـ: ان أُمي تحب تحياك ..

" حمد "

" حمد "

تكفى تعال أحياك ؟!

عبدالعزيز محمد المالكي

جده : 15 / 03 / 2011

عبدالعزيز محمد المالكي

04-17-2011, 11:33 AM

فـ: عرس بلادك ..
اشعل شمعة عيد ابعادك :
عن ليلاك ..
وعن اول باب ، يُصك فـ: وجهك ..
وافتح قلبك ..
.
.
ق
د
بلادك .!

عبدالعزيز محمد المالكي

01-05-2013, 10:59 AM

توتير :

@aziz_m_malki

عبدالعزيز محمد المالكي

01-15-2013, 01:37 PM

يالله أحضنيني وكننا فـ: البرد ..
ومن بايع الورد ..
لا مرنا مثل الشجر ضامي فـ: خريف ..
وناس
ورق
تلعب بهم ريح التعب فوق الرصيف .!
ابشتري لك عقد ./ والبسك .!

ولا تقلقي ، وبعدين ..!
ومن السفر في الصيف ..
لما بدوني تجلسي تحت المطر ، وأرض الشوارع ..
والناس : تركض بس .!
واللي يكنس تحت ظِل الناس ..
ينعس تحت صفحة جريده ..
وتحترق كل خيالاته البعيدة .!
وفـ: ظِل ما أنتِ تحتري ..
مثل أي زهرة سوسنة في ظِل طيف ./ ومبلله ..
الحنا يبرد في يديك ..
وينمحي " نقش الفراش " ./ وما أجي .!

عبدالعزيز محمد المالكي

02-11-2013, 10:38 AM

تحبين المطر كثري ؟!
أو أكثر مني بشويه .. وأنا شويه ؟!
وإذا شويه ./ تحبيني ..
أجل
ليه المطر لا طاح من عيني ..
أخذتي راحة أيديه تشميني ؟!

عبدالعزيز محمد المالكي

09-25-2013, 08:22 AM

تمطر غبار الأرض ./ تتبخر أنفاس
ـــــ / ــ تخنق معـاها نـاس ، وتفوح بحّـة .!
ما كان له داعي على وحشة الياس
ـــــ / ــ تكسر جنـاحك ظِل مـن شـان فرحـة
مو كافي إنك عايش لغيرك إحساس
ـــــ / ــ وإحساس عايش فيـك لليوم ./ جرحـه
وحيد مثل السر في صمت هـ الناس
ـــــ / ــ غاير ألـم ./ وأدمـاك مـن جد كبحـه
ضامي ./ وتسقي نبتهم شربة الكاس
ـــــ / ــ هيهـات تُروى . / والأمل ضيق فُسحـه
العام تنحت فالشجر قلب بـ : الفاس
ـــــ / ــ واليـوم تحطّـب كـل غصنٍ ./ بشحـه
حزين "ع" الغيّاب / برد الولـه قاس
ـــــ / ــ واللي بقى لك من دفا ./ كان : طرحه .!
تكتب ./ تقطّر دمعتك ع الورق ياس
ـــــ / ــ والشعر ./ يُكسر داخلك صوت ردحه .!
تنسى ./ وتتذكر ./ مع الوقت ما جاس
ـــــ / ــ فـي روح قلبك مـن ألم ./ فاق شرحه
أصحاب نتوكا سوى الليل ./ و البـاس
ـــــ / ــ لا باس ./ تبكي لا هوى الليل صرحه .!