مسافات .. مسا فات

[عون القحطاني]

.

بين المحجّل والآغر
...... وا جرحي اللي مابرى

ضجت مواعيد السهر
....... والليل بـ عيونـي سرى

[عون القحطاني]

لا عاد تسألني عن اللي حصل لي = مليت اعيد الحكي واهجّ بابه

[عون القحطاني]

ليلك .. سراك جروح = والضيق يتبعها
يسهر ظلامه .. روح = وتسهر مواجعها
كنها الحمام تنوح = من الهم ساجعها


.

[عون القحطاني]

.


تجي نحسب خطاوينا = مابين الوصل والفرقى
ونـدور للهوى مينـا= لاجل ارواحنا الغرقى

[عون القحطاني]

.
هذي السما .. تقنف على القلب ماطر = وهذي دروب الارض تشرب عروقه

[عون القحطاني]

.




.




وانا قد قلت لك لا تندهيله
......... زمانك اضمخٍ ماحس فينا
يمنينا اللقاء في كل ليله
......... ويمر العمر وحنّا مالتقينا

[عون القحطاني]

ينام الليل في خدر العيون السود =وانا هذا السهر مافارق عـيـوني

[عون القحطاني]

متى يصحى حبيبي والصباح يعود= ويرحل هالسهر وافارق اشجوني

[عون القحطاني]

.






الا ياصاحبي دام الحكي فضه = اجل هذا الذهب لا يختلف لونه
كثير اللي يخون العهد ويقضه = قليل اللي يحفظ الود ويصونه

[عون القحطاني]

قولي معي :
ربي يعيد اللي بعيد
قولي معي
قوليها مثلي
اسمعي :
ربي تعيد اللي بعيد
هذا الدعاء قبل الحناجر والشفاه
مر اظلعي
قولي معي
عمرٍ مديد
وقلبٍ سعيد
وكل عيد يمرني وانتي معي .




.

[عون القحطاني]

.


يــــوم قلــبك يحــدّه = واللـيالــي شـــدايد
شاعرك باح ســـدّه = لين بكى القصـــايد
كن هالارض خـــده = وكن هالشعر جايد
كــل طــــيفٍ يعـــده = لابســـات القــــلايد
وكـــل نجـــمٍ يـــوده = واقـرب الناس نايــد
يســهر الليل وحـده = من جفـته الوســايد



.

[عون القحطاني]

.
ياطايرٍ فوق البساط
لا تغرك احلام الهوى
قبلك كثير ..
ناسٍ كثير
فوق السحاب . تحلم تطير
قبلك كثير ..
وحاولوا
ومافيهم اللي ماهوى
ياطايرٍ فوق البساط
لا تغرك احلام الهوى .


.

[عون القحطاني]

.






ياسيدي .. والشمس في قبضة يدي = وقــبلٍ تمــد الكـــف .. لك مــــدّيتها
بين السحايب .. شـوفها كيف اتعدي = مـن قلـت لي وين الضـيا .. هدّيتها
مثل المها .. مضمارها القلب الندي = وسحابةٍ مثل الرسن .. شدّيتها
تركض على صدر السما .. لين اتغدي = واليا غدت .. ياسيدي ردّيتها




.

[عون القحطاني]

الدروب . مواكب الرحيل
قنوت اقدامه في حضرت الغياب
لا يعلم الى اين .!
العربات تطارد الخيول
تمرّه المواكب مسرعة
حضرت الغياب لا تدعه خلفك
لحزن الطرقات .
للخطوات اليأسة
وعطش المسافة

.



لا تلومه لو يغيب ..
خان به حتى الحبيب ..
.

[عون القحطاني]

.







يابعد ربعي وهلي = ياموردني الجنون
غمض عيونك علي= ماابي غيرك عيون

[عون القحطاني]

يا جروحي العذبة ..
مليت هالغربة ..
واحلامي اللي راح عمري بها كذبة .

[عون القحطاني]

.

ياحزني الاوفى
سافرت بك احساس
بعيد عن هالناس
ادور لمنفى

[عون القحطاني]

.





قصايدك في دفتري عشب ومـطر
.............. وشمسٍ يجاذبها الغمام من المدى

[عون القحطاني]

.

لي قلب لا يسمع ولا يوحي = كلما عذلته زاد بعناده

[عون القحطاني]

اقدامك الحافيه وانتي على مهلك = ماالوم انا الارض لو قامت تسمّعها
رتّلتي الطين .. لين الارض فزّت لك = ترقص على صوت خطواتك وتتبعها

[عون القحطاني]

.

صوتك مطر .
يسقي اليباس من العروق ..

[عون القحطاني]

ما كنت ابيها بالخصام وبالزعل = قلبك جبرني .. غصب عني ازعله
لو قلت لي .. ابعذرك عـ .اللي حصل = بس الغياب ابلا سبب مااتحمله

[عون القحطاني]

بدري ..
توك تجين الحين ياعمري ..!
بعد ما عاث الشتا بصدري ..



.

[عون القحطاني]

اعتنقت النور ياجنح الظلام = واهتدى الساري طريقٍ يتبعه

[عون القحطاني]

علمتك الحياه :
[ كل نجمٍ بعيد .. لا يغرّك ضياه ]

[عون القحطاني]

ب .اخـــــر عروقـــه قصـيده = مــن ضـما روحـه زرعها

لــين يبــست في وريـده =ومات صوته في وجعها

[عون القحطاني]

قالوا :
قضى نحبه ..
ولن السما رحبه ..
روحه غشاها ضي
وهالكوكب الدري .. كلما نوى يسري
اختار له صحبه .

[عون القحطاني]

اسمى الاماني في غيابك تهاوت =ولا عاد به حلمٍ يجمّع شتاتي
انا الغريب اللي دروبه تساوت = في غيبتك ضاعت عليه الجهاتي
من دونك الفرقى ذيابٍ تعاوت =وانا وحيد ولا امنعتني عصاتي

[عون القحطاني]

ان كان لي ذنب .. هذا الحب هو ذنبي = لا يأخذ شكّ او تقفي بك ظنونك
عامين يازين والاشواق تلعبي = حسبي على من حرمني شوفة عيونك
لا تحسب اني سليتك ..او نسى قلبي = يحرم علي الفرح يازين من دونك

[عون القحطاني]

*
لا يـأخــذك) شـــكّ او تـقـفــي بــــك ظـنـونــك

[عون القحطاني]

نسايم حــــرفك العذري = تمـــر البـال طـــربانــه
وانا مثل الشجـــر شعري = نسيمك حــــرّك اغصانه
سرى طيف وسجع قمري = وصحّى الليل ب اشجانه

[عون القحطاني]

.


حيرته تقتله
كل جرحٍ عزيز .. يعرفه يجهله
وكل حرفٍ عنيد .. لا حضنه الورق
ينقضه يفتله
يعتريه القلق
بين صمت وصخب
وكلما هوّد الليل زاد التعب
حيرته تقتله ..
يوم سال العطش في عروق الحكي
نبتت الاسئلة
ليه ؟ .. وكيف ؟؟ ومتى ؟
عمره اللي ذبل من خريف لشتا
وكل ليلٍ يمرّ
غاب طيف .. ليه .؟ وكيف ؟
ولــ متى ؟ كل نجمٍ طفى
لازمٍ يشعله .



.

[عون القحطاني]

عليك ليه اشّره ...!
..............ياخاين العشره
ولاني بـ متحسّف
اللي يبيع الود .. عادي لو اخسّره

[عون القحطاني]

ترفه وحديثك زين = يسلب عقول الناس
كلما قمرك يبين = يضوى علينا احساس
يغوي حروفي لين = يثمل بك الكراس

[عون القحطاني]

انحر حروفي على صدر الكلام = لين قلبي يمتلي صمت ويفيض
ياحبيبي ما تركت الا الملام = شف ربيعي في غيابك صار قيض

[عون القحطاني]

.


مد كفه .. وشوفه ما تلاشا = بين رجس السراب وبين غي
يفهق الشمس وعيونه تحاشا = كل غصنٍ دنا من غير فيّ
ينشد الغيم عن صبح العطاشا = مالقوا في دروب الحب ميّ ..!

[عون القحطاني]

حسبت اني بوسط الموق= مثل ماهو وسط عيني
تغافلني بلحظة شوق = ومكّـــن طعــنته فيني

[عون القحطاني]

لــو حضنك اللــيل في صدره ونام
........... ذاب نجم الشرق في صدر المدى
ولو حضنك الصبح ياهمس الغمام
........... مـــال زهر الحب مـن عذب الندى

[عون القحطاني]

عيونها الطيش .. ياقلبي تغافلها
....... لا تأخذك لحظة اللهفة وتقفي بك

[عون القحطاني]

سهــرت ليلك يالعيـون الســود
..... . . ليل الجديل اللـي لــثم خــدك

قلت اسهرك واصبّر المـوعـود
..... . . قلـت اثملك لا فـــاح بي وردك

يالمترف المياس مطـــرق عود
..... . . يمــيل لـــيلك لانثـنى قـــــدك

بعد الضــما هــبّت علينا النـود
..... . . وعاشت عــروقٍ ذبْلت بصدك