شَمعهْ..!

[محمد الغشام]

,

,




التحف جرح الحزن من طول تعتيق الألم
... ... ... وارتكز صبري على صدر المواجع وارتحل




http://aslami1.jeeran.com/mba.gif

[محمد الغشام]

,

مافي شيء
طاح ليل الاوجاع في صدري وكبر
كان طفل
وكبر..
ايه ..والله وكبر
ياجرح ..
أبسألك كم عمرك..
ماكان عمرك سنه..
وش جاب لك الجرح
غير انك تموت..
ومات..!
ياحرااااام..؟؟

http://aslami1.jeeran.com/mba.gif

[محمد الغشام]

,

,

http://www.youtube.com/watch?v=7ezAmNU8hrU




أه يالذكريات الخالده في صوتك
كنتي ..
أحلام ورديه والريح
كنتي..
حلم الطفل لاكبر في عيون امه والشيح
وما..زلتيَ
يا أسماء..
ذكرى الطفوله الخالده
أنتي..

http://aslami1.jeeran.com/mba.gif

[محمد الغشام]

,

,




وأحساس السوالف
يتهالك بها الليل وأطرافي تعب
لا شفتني
ومريتني
وخذيت من ليل الأماني ذهب
قم ودني
لين أخر مداك ..!



http://aslami1.jeeran.com/mba.gif

[محمد الغشام]

,

,

لا تسولف معاهم
... ... ... خلهم في ضياع
وش تبي من رضاهم
... ... ...وش تبي بالجياع
خذ سِماهم سماهم
... ... ... وجْدعه بسْتماع
طاح به من حلاهم
... ... ... صاح عينه وضاع
لو تسمّي غلاهم
... ... ... طير حلمه صِراع
اوقدو كل جفاهم
... ... ... واشعلوها سماع
الحنايا كفاهم
... ... ... ما تعب من الضياع

[محمد الغشام]

:

:


لا تلعب وجرحك قبل صبرك يموت
... ... ... هذا جرحْ تعرف وشو يعني جرح..!
يتعب نبض هالغيم كل ما جاه صوت
... ... ... لا طاح حس ويموت حولك كل صبح

[محمد الغشام]

,

,

شفني كذا صابر وتعبان
... ... ... صبري يموته جفا صاحب
لا جاه به ضو ولا نيران
... ... ... هذي ملامح وجه شاحب

[محمد الغشام]

,


,


صباح و غيْم مل هذا الفضا من ضيقة الاضلاع
... ... ... فقد من كل صباحاته سما من شان صدره
مسك هذا النفس اللي غرقْ به كل الاوجاع
... ... ...يبي يشهق يبي ينفث يبي من ينبت القمره
على هذا السما لوحة جرح سكانها اجياع
... ... ...غرايب هم مثل ما يقطفون الورد بالحسره
تغرّب ما عرف هذا الطريق اللي تعب بجماع
... ... ...ترك كل الفضا من شان يطْفي من التعب جمره

الجمره بالصدر
ليِتَها توّليْ

[محمد الغشام]

تذكرت يوم كنت صغير وعمري ستة سنوات ..كنت اقعد من النوم والناس تتسحر
وافطر معهم واغّيب بعض الأكل حق الساعه تسعه ..مو الناس نايمه وانا بالحاره مطاقق مع عيال حارتنا
اذكر يوم من الايام قعدت ولمن نزلت للدور الأرضي فيه دريشه بين الدورين واناظر :eek: إلا اشوف دجاج بالحاره قدام البيت
وتوني ماغسلت وجهي ..رغم وانا صغير مايحتاج اغسل وجهي ..لأن آثار الباميا ماتروح .. حتى لو بكلوركس اغسله :D

المهم : ماصدقت على الله وانزل تحت وعلى طول على ولد عمتي طلال اتصال ..طبعاً طلال أكبر مني بسنتين ..ودايم يصفقني ..بس احبه ..طبعاً مو جوال لا اتصلت عليه بالبيت ورد علي وقلتله بالحاره فيه دجاج ..وقالي جاي
حارة طلال جنب حارتنا ..بالسيكل يجيبها باربع دقايق وركض حوالي سبع دقايق..

وانا متغيب ورى الباب انتظره عشان نحد الدجاج ونمسكها..لمن وصل طلال واطلع ولبسي جووونان سروال احمر والفانيله زرقاء كني علبة بيبسي القديمه ذيك
وركض وراهن ووراهن ووراهن وفزع معنا عبود الله يذكره بالخير جاري اكبر مني بسنه كذا..
حنا نركض ونحدهن وعبود يمسكهن ..طبعاً حسيت ان طلال يخاف من الدجاج بس جاي فزعه ومسوي قوي عندي
وانا طبعاً أقوى واحد بالحاره .. :rolleyes:
ولمن مسكناهن خذيتهم وحطيتهم ورى البيت عندنا ومسوي لهم صندقه او بيت
اذكرهن دجاجتين وديك ..
يوم غيبناهم عندنا في بيتنا ..وجبت لهم في صحن ماء والصحن الثاني رز
واذكر جاني فهيد اخوي اللي اكبر مني بسنه وثلاث شهور ..ويقولي منين جبتهم قلت له شريتهم من واحد بالحاره الثانيه
وقلت له لاتعلم ابوي ..قال خلاص ..
وبعد مافطرو المغرب انا هنا انام قدام التلفزيون كالعاده ويجيني كف واروح انام بالغرفه .
ولمن صحيت الفجر اسمع الديك كوكو كوكو <<< ترجمه
هنا ابوي راح يقص اثر صوت الديك ولمن شافهم ...يعني بوكس مع بوسه مع نجوم الفجر ..ولا مانع من الشلوطي :confused:
الشلوطي اعتقد تسمونها فنقر ..أو ركله من الخلف ..
وبعد يوم درى جيراننا عن الديك والدجاجتين وهي هربانات من عندهم شكل شبكهم مشقوق
وخذو دجاجهم وديكهم الوهقه ..
وجاني فهيد وكملها بوكس وكف من شان أني كذبت ..وقلت شريتهم والرجال متحمس يبي يسوي لهم بيت احلى ..

نكمل بعدين ;) ..

[محمد الغشام]

,

,

على من نوى الصّد قبل لا يشوف الود
... ... ... تناهى عقب ما رد جرحْ ..! صد قلب ضايع
ولا تلمسه بدري..! ترى ما عقب صبرك
... ... ... الا ان تشوف الهم ينام ابصدر جايع

[محمد الغشام]

,

,




على هاجس خيالي بس تشوفه
... ... ... وانا عمري على يدّك كفوفه
إلا منّه رسم صبري بالاول
... ... ... انا صبري رسمته من طيوفه

[محمد الغشام]

,

,

,


ليه احساسك بعيد
وانت اطرافك جليد
قلي وش ودك تشوف
اني اتحلف تعب
يعني ماهمك جديد
ولا يعني ما كذب
قلي وش باقي تحس
اني لا ذبت بعتب

اني اتلحف تعب

[محمد الغشام]

,

,

تعَب
أني على بعضي تعب
واتحلف هذا الاثر ويردلي خطاي
عجب ..!
ان شفت هذا الغريق اللي تلحف من هذا الدليل مداي
غضب..!
يوم سافر على هذا الطريق
وما كان غير انه يتلحف تعب
وخْطاي
أني مشيت في نفس الطريق


ويردلي تَعْب..!


تغيب وخطوتك تمشي ورى حلمي وانا الشفقان
... ... ... ادور حلمي اللي من ورى شوفتك ترويني
انا من كثر ما امشي على هذا الاثر حلمان
... ... ... انادي للخلا صوتي وترجعلي عناويني
خطاي اني مشيت ولالقيت الا هوى تعبان
... ... ... احاول امسك اخيوط الشعاع اللي تجافيني

[محمد الغشام]

,

,


يامدى الليله ويا زول الظلال
ياحزن منثور من لون الغلال
بـ انحطامي
بـ احتلامي
بـ ..عطا فيك\ رامي..!
واتبعثر في جفاءَ شفت حلمي فيه مال..

..
تسألني الألوان وينك..؟
والا رسمي مايمرك وسط عينك..؟
والا يعني انا أنام
صار يومي يشابه حمام
والأمال
شوف بالي في حياتي وارتماء بك محال ..؟

..
صبري بـ ألواني كسير
... ... ...لحظة..؟ وتكفيني تمر
رسمه تعني لي أسير
... ... ...عمري ..؟فـ باكر يمر

..روف أرتمائي..
شوف مائي..
أحتمائي..
أنتهائي..
أبتدائي لـ مولد من.. تواصيف السؤال..؟

أنا للورده أحن
أنا للبسمه أئن..؟
هنا طاحت أشيائي..!
رسمت ألوان من بسمه
غفرت أمال محتشمه
ياويل عبراتي
حتى الركن..
لما كانت تعانيه الجفاف..
بس يسأل..؟
وينك..
وينك..
وتئن..

[محمد الغشام]

,

,

صٌوتيِه لكُم ..وعُذراً على وُشوشَتهَا
بِسبب البرنَامِج ولا أعَرف :)



الشاطىْ هنا صوتيّه (http://www.nec6ar.com/up/view.php?file=2d5a7439ab)



تمرد خافقي الليله علـى شانـه يبـي يرتـاح
... ... ... أبنفث باقي أحلامـي واسافـر ليـن يلقانـي


وأنا حلمي مع أحلامي أسافر وأرتحل وأرتـاح
... ... ... ابدخل في مداخيله وأعالـج جرحـي الجانـي


قصيده تبتدي بكره وانا فينـي شعـوري لاح
... ... ... معه سافرت عند اول طريق ٍ يجبـر احزانـي


تواعدنا على شاطىء بصدق شعور دون أمزاح
... ... ... وتواعدنا على كلمه تطيّب خاطري 00 العاني


حضرنا بنشوة الموعد وباب الشوق له مفتـاح
... ... ... نبي نفتح معه صفحة نعيش بصدق وأشجانـي


سلام الله على وجه الحسن والخد كالتفـاح
... ... ...وحتى الموج من زينك تصافق جاه ما جانـي


يبي لمحه من عيونك يضم لموجتـه لا صـاح
,,,,,,,,,زفير الموج من شانك رفع صوته بالألحانـي


تصافق موجك وموجه يبي من يدخلـة سّبـاح
... ... ... يبي من يسكنه ساكن بوسط أحلامـه البانـي


وأنا هالحين يا حلمي نويت أرحل وأبي أرتاح
... ... ... أبنفث باقـي أحلامـي وأدوّر حلمـي الثانـي

[محمد الغشام]

,

,


غربليني يا ندى صبري يموت
... ... ... لا تحاول بي غصب عنّك بطيح
الجرح ما صاح به غيري بـ صوت
... ... ...كيف لا طوّل سهرْ واحساس ريح

[محمد الغشام]

,

,

ماهي غريبه لو تشوف العيْد مات
... ... ... شف وش كثر ميّت انا فيْ غيابك

[محمد الغشام]

,

,

غريب وما معي غير الكمان ولهفة الجدران
... ... ...وحيد وكل بعضي في شتات اعزف لهم بيني
وانا مقسوم من كل أمسيات الحلم بالأمكان
... ... ...أحس أني انا ماهو انا مو عارف أشفيني
ودمع الأمكنه مل السكوت وينتظر شفقـان
... ... ...اعوض له بقايا وحدتي واحكي له أسنينـي
ولحن الأركنه غطى حكاية فقد في شيئـان
... ... ... وجع وبيْدّها الريشه تجر اسهـل تلاحينـي
ويكبر هالعطش في داخلي ولا فادني خلان
... ... ... وانا محتاج يا لهفة حنينٍِ بـس تعطينـي
وحيد وما معي غير الكمان بهيئته أنسـان
... ... ... يعوض لي بقايا وحدتي واشكيه ويشكيني

[محمد الغشام]

,

,

الفرح سكه طويله كل منظر له..
... ... ... يلتفت لي الجرح ويقول باقي

[محمد الغشام]

,

,



كانت الرحله تعب مجدافها هم
.... ... ... من رحيل الباخره واليد تصيح
رحت بطراف المواني والقلم شم
... ... ... رحلة الغايب تعَب مابي اصيح

[محمد الغشام]

ليس إجَحاف بالعَقِل بأن يستدرِك مدرات وفضَاءاَت تنساب على هيّئه بخُار يتصَاعَد حتّى وصُوله إلى تلِك المسَاحه الشَاسعهْ
لتُشكِل حُول خصُر الا..شُعور..لاشيء..هي ْ..ورقَه تجَتاحنُي هذه الساعه َ ..لـأنبَه ..مدرات العقِل ..بأن يستصيغ ْ الفكِر..بإرتماء حُول فكِره ..تختصِر غُربه ..تجتاحُنِي من كُل الإتجاهات..لتحاصُرني ِ ..وتسُايُرني ْ حتى تصل إلى نقُطه مهمه ..يتفهمها نفسي ْ ..قبَل فِهم الأخريِن لي..لـِأقطُف جميِع المسارات وأشُكل طريقَ مليىء بالأنوار ..والمصابيح المُشتعِله ..والشموعَ حُول هذا الطَريِق الهادىء ..لأرْمِي بعضَ من أشيائي الغيِر مُباليه ..على أرصِفة هذا الطريِق ٌ الذي لم أجِد غيره ..هذه الساعهَ ..الكئيبه والمتوحِشه أن سلِمت هذه الكِلمه..للمعنْى..
[أنا..و.العاشقين]
جنُون: أن تسيِر في هذا الطريِق ..وتِجد العاشقين في كِذبه ..مُتوهِمين بتِلك العاطفِه خصوصاً في هذا الزمَن الغَيرموثق بحُكَمْ المشاعِر التي ُ يصَب على شفاهاتُهم بعض الكَلام ْ الغيِر معسُول ..حتى رأيِت أحدُهم كُتِب على جِدار [الحُب عذااب]..ويبكيْ ويصَرُخ..أنا عاشق ٌ ..أحتاج إلى كُوب نبيذ ..لأغرق وأنسى هذه الحَبِيبه..فـ مِن فُراقها لم أستطع النَوم..ولاحتى أن ْ أرى الصُبحْ ..حتْى أجهشْ بالبُكاء ..وأغُمي ْ عليه..فأتت سيارة الإسَعاف ..معُكِر صفو الأصدقاء في هذا الطريِق َ ....ومندديْن له..ستأتيْ ..والأخر..سنأأتي بِها..رغُم ِ عن أنفْها..حتى أصبحت تِلك الحبيبَه سِلعه تٌشترى ..في أي وقُت وأي ساعَه..وهؤلاء الأصدقاء الأوفياء أصحاَب الطَريق ُ المظُلم ..يتهافتون ..ويصرخُون بِكُل قُوة ..حتى تمُر من هذا الطريِق مركبَه طوارى ..إذ لاتِجد أحد في هذا الرصيَف ..مُتماسكين خلف قُبضان الدكاكين المليئة بالصمت ..حتى تذهب ..ويعُيد تلك السمَره ..بقائد هذه الشِله بالتصفَير..بصوت جميَل..
فالُحبَ الحقيقي ليس ذلكَ الذيْ يأتي بسُهولة.. ولكن الحُب العظيِم هُو الذيِ تقف أمامه كل العراقِيل والعقْبات.. وهُنا يُثبَت المُحب أنه فِعلا قادْر على تَجاوِزها إنْ كان صادقا.. أمَا إن كَان مِن أولائك التائهون على أرصِفة العِشق المُحنط.. فقد تَهوية.. فَتاه تبُيع الورود في َشارع الوهَم.. ويُميل إليِها.. ويقَترِب َقليِلا ليَجد تلكْ الفاتِنة وهي تَبيع عُلب السجَائِر .. ويُحبها.. حْتى تَكتّشِف إنِ ذلكْ القَلب أشَبه بِفنُدق سَبعه نِجُوم....
أن ما لفت َ إنتباهيِ ..يُخط على الجِدران(الحُب عذاب)يكتبون ذلك خطأ والاصح ان تكتب هكذا" الحب عذب" تاتي عذوبته مِنْ روُح واحِساسْ ودِفىء مَشاعر..مثلاً..مثلاً ..لو..هكذا..يُنددُون..لصدقتُهم ..
...قيِل لهَا إبسطِي يَديْكِ...فتَعجُبت... وقالتَ لِما.. ابَسط يدي...هي لا تعلم أنُه كَانْ يَراَهاْ فْي يَديَها المبُسوطتَان..وأَصابعِها مدهُونة بألوان جْهاته..يرىَ صورته تنعكس على كفْيها... حتْى تلك الخُطوط في كَفهِا ..وكأنَها تَضاريْس ...مرسُوم فيها قلبه..وخط احمر مميز مكتوب به.. احبك...
الجَديَر بالذكَر: مُشتاق ُ إليها ..ولا ..أعلم مَن هي الله يخْرِب بيتَها..


عاطِر التحايا

[محمد الغشام]

,

,

http://up3.m5zn.com/photo/2009/5/30/06/vmi8649yk.jpg/jpg




رحلت و ما نويت ارجع على هذا السما زراع
... ... ... انا صدري ذبل ما شاف غير الويل من بذره
بذرت و ما لقيت الا على جوفي يعد الصاع
... ... حسب همّي على جرحي على حطّت يدي قدره
شقاوي ما على صبري صبر غيري بدون اتراع
... ... ... تذاكر سفْرتي لو صك على بيبانه السهره
مشيت و لا نويت الا بحر جرحي يهزّ شراع
... ... ... سفينه ما نوى قبطانها يبعد على بحره


يامياده ..!
... ... يامياده..!
... ... ... يامياده ..! [ ما صَارت عاد ]

يامياده عطيني صوتك اللي لحنها ما ضاع
... ... ... عطيني صوتك اللي ما عرف تقسيمته صبره

[محمد الغشام]

,


,



في صدري حكي
بس
لاصار الحكي صدر
اقطف عصافير التعب
واقفل الشباك
وانام

[محمد الغشام]

,

,


أنَاظِر للْطريِق اللْي /سْكن فيِ داخَلي وإنَزاح...
... ... ... عَسى نبضْي يوديني على الغالي /و يلقاني..!

[محمد الغشام]

,

,

يعني كذا
تاكل تعب , تشرب صبر
ياخي تعب
ملّيت انا من هالتعب
هزيت جذعك يالعتب
ماهو انا كلّي تعب
أيصير في دربك ألم
يعني كذا تجرح صنمْ
ملّيت هذا الانتظار
واخطيت من عمري انا
اني بقربك أعترف
ياهو تعب
لو صار قربك هو تعب
لو طال
ياهو عتب
لو صار بعدك هو عتب
لو طال
هذا الانتظار

[محمد الغشام]

,


تعبْنا من أمانينا : تعبنْا من حكاوينا
... ... ... تعبْنا من أغانينا : تعب أنْ صاح بك همّي
طبعْت بْكل عروق الْحلْم طيِف يْجر خطاوينا
... ... ... على أمر الدروب الجارحه نمشي بس نْسمّي
على هالبال غرايب شاطىء الذّكرى تنادينا
... ... ... تعالي صارت الدمعه تجر الاه وش تْشمّي
كفوفي ماهي بْكيفك تحاول في عناوينا
... ... ... تحاول تاخذ لجرحك مناديل التعب شمّي

[محمد الغشام]

,

,


قالوا:
الشمَع أمنَيه َ
قَلت :
يمكَن..
سؤال..؟
وين العيد بـ أحتفل



http://aslami1.jeeran.com/mba.gif

[محمد الغشام]

,

,

خذني كِذا لفحه هواء وأشهق الأه
... ... ... يمكن تحس في دخلتي لوعة الضيق..؟؟

[محمد الغشام]

,

تنامى جرحي الدامي
... ... عقب ما هزّه الشباك
تصافق حلمي الحامي
... ... على صدري يبي ملقاك


,

[محمد الغشام]

,

,

يجيه الهم من اجروحك
... ... ... تسافر للمدى وتشتاق
تعب همي على روحك
... ... ... كذا يعني بلاش فْراق

[محمد الغشام]

,


,



الهم كذا هو عادته لا ترامى
... ... ... يجحف بقايا القلب والجرح تصديق
البارحه قامت علي بالحنايا
... ... ... موسيقة الناي القديمه تحاريق
شبّت على صدري تعب كذبتينك
... ... ... كذبة تعب كذبة أغاني على الرّيق
ياجارح الأحساس قلّي أماني
... ... ... غير الصّبر والحلم لـ اصبح بتغريق
مدّت يده من تحت هالما : تشاهق
... ... ... مايقدر ينادي وصوته تفاريق
هذا انا صوتي كذا في حكاية
... ... ... أيبللّ اطرافي تعب بالتشاهيق
الجرح لو ودّك تشوفه : كذا بس
... ... ... حاول تناظر ساعتك بسّ تدقيق
خذني كذا لفحة هواء واشهق الاه
... ... ... يمكن تحس في دخلتي لوعة الضيق

أكتمَلت ْ , : )

[محمد الغشام]

,

,


ياجارحه وش هالأماني عليك
... ... تجرح كذا تحْسب تجيك الاماني
امّا تجي هالحين والورد بيديك
... ... ولّا عساك اليوم أنّك تعاني

[محمد الغشام]

,

,

يجيه الهم من اجروحك
... ... ... تسافر للمدى وتشتاق
تعب همي على روحك
... ... ... كذا يعني بلاش فْراق



تدري وشو بـ أسوّي
... ... أفرك عيوني وأنام








تنامى جرحي الدامي
... ... عقب ما هزّه الشباك
تصافق حلمي الحامي
... ... على صدري يبي ملقاك

[محمد الغشام]

.


.


ضمّت شجن
وارتاحت الاشواق من هذا الندى
يتساقط الاحساس
واهدي لك الانفاس شوق
راحل بعيد
وارجع لك من الندى ذوق
مثلك كذا
كلك على بعضك مدى
واحساسك الماء
ما قلتلك ذوق



.

[محمد الغشام]

,


,



حلمي الليله غريق
... ... ... شوف بطْرافي تعب
لاتسولف للطريق
... ... ... تشعل احْلامك عتب
قلّي وشْ يعني رفيق
... ... ...غير جرحك والسبب
شمعتين وْحلم ضيق
... ... ... دمْعتين بْلا مهب
المدينه ما تعيق
... ... ... بعْض مافيني يحب
لكن الحلم العتيق
... ... ... طاح من تحت السحب



.

[محمد الغشام]

,

,

وحيْد وْ مامعي الآ سوالف ضيقتي والحلمْ
... ... ... أسولف للمدى بعضي ويندهلي بعضْ جرحي
اذا كان الأمر يغْري أكيد انْي بقوله قمْ
... ... ... على كتفي عصافير المدى والْهمْ يجر فرحي



.

[محمد الغشام]

,

,

عيد
وأعيد
كل الكلام اللي تبيه
يمكن تمر
او ما تمر
يمكن تحس في يوم عيد انّي أجيه
او ما اجيه
طيّب تعب
يمكن يموت وما تمر
يعني تحاول ما تغيب
ولّا كذا قصدك بتتعمّد تغيب
أبْذمّتك مو عيب

يعني كذا ودك تغيب وْ ما تناديني
... ... ... ليتك تنادي : ليتك الحاظر عشان أغيب

ما ودّي أغيْب
لو غبْتْ
تدري شنو بيصير
آأ
ط
ي
ح

وأنْ طحْت في هذا اليوم
بتقول لي عيْد
ش~ـ عيْد
شمعه طفتْ من ريح
طيّب عشان أطّيح
ما طاحت الشّمعه
يمكن عشان اتصيح
وأنْ صحْت بتموت
يمكن تموت لكن


كل عام وانت بخير
... ... ... كل عام وانت الحُب
آأقُولها للـــ غير
... ... ... يعني عشان اتحب
وان قلتلك لاتْصير
... ... ... حاول تشوف القلب

أي قلْب
ضاعت قلوب من الاماني في غيابك
يا غايبه
يكفي غياب
من غبْت صارت هالاماني طير
طير
وان صار طير
امسكْ / , غيومك
خاف الغيوم اتروح
وان راحت , بجيب الغيم

[محمد الغشام]

,

,


http://www.4shared.com/file/170481160/8d9e1e49/__online.html?err=no-sess


لكم يا أحبه ,

[محمد الغشام]

,


,




عيد ميلادك يمر بخطاي بس شمعه
... ... ... لا تناظر ساعتي كم لك تبي جرح
جرح ما ظني بتمر والناس مجتمعه
... ... ... وانت لا مرّيت بين النّاس للصّبح


.


.

[محمد الغشام]

http://amoooooon.jeeran.com/photos/978830_l.jpg





صبْحيْ صباحك والـ هلا
... ... عطري مسائك للـ ملا
شفني على حظي معكْ
... ...أجمل صباح وْ أن سلا
هذي حكاية فرْح ما
... ... ينثر على ثغرك حلا
يتساقط الجرح وْذهبْ
... ... لابْعد من أحْساس الفلا


..

[محمد الغشام]

,

,


كل ما جتني تناظر لي بهدوء
... ... ... والحكايه تختلف لو هي معك
ما عرفت الليل لو طبعك يسوء
... ... ... في غبار التيه يولع مجمعك
السعاده تختلف حكي اللجوء
... ... ... لين تحريك الاصابع تجمعك
ماعرفت الصبح لو جاني بضوء
... ... ... وماعرفت الظلمه لو هي تلمعك
صاحبي وان مت يبقالك هدوء
... ... ... ولا يعني مت ويرحم من معك..!

,,

[محمد الغشام]

تدري وش احلى شي تسويه
... ... ... انك تعيش بهالحياة بلا أمل

أن تثابر وتجتهد للوصول إلى الأمل : في الأغلب لن يتحقق بل يصل إلى نسبة ضئيله جِداً
وان لا تعيش بأمل فأعلم أنك ستعيش أفضل وأحلى وأحسن في حياتك ,
[كُن لامُبالي وسيأتك الأمل يُقبل كُوعك]



,

[محمد الغشام]

,



(غناء الذكرى)
حينما تحترق الدواخل ,,من كل زاوية بشموع الذكريات
وكأن بالأضلع ..مدائن ,,لكل ضلع مدينه..
تُضّوي بأيام ٍ مضت ..ورحلت مع الامواج ..والرياح
وتبقى الذكرى ..سلاح ..للضد والا..ضد..
وتسترِق بعنفوان الماضيات ..ملامح وأوشحه
نلبسها ..علنا نجد ..مايبعدنا لأيام ..ربمٌا لم تُبات مدائنها مفقوده..!
وتبقى الرياح.. للذكرى ألحانها ..
وتناغمها
..بين طيات الأزمنه ..
والأمكنه ..
وتبقى الامنية ..كالشمعه ..
فأن كانت الرياح حاضره ..
..لانجد للذكرى مخرج
بين حنايانا ..
وصدورنا ..
التي لاتفقد شي ..
الا ..المناجاه..!

عاطِر التحايا

[محمد الغشام]

,

,


جيْت بأحْساسيْ بيدي
... ... ... وأنْتثرْ نبْضيْ عليكْ
والأمانيْ تشتكيْ
... ... ... مو بيدينا هو بيديك
شف تفاصيلي علي
... ... ... كل ّ ما طالت تبيْك



تسجيْل خرُوج وصبْاحْ قاسْيْ , !

[محمد الغشام]

,

,

راح ويْن
البعاد اللي تلاشى في سمانا
كان أوْفى
من حكايات الجنون وْ ما تمادى
لين طبطب للزّمن والموت هذا شيّ أصْغر
كان للنّاس ارْحب وْ أكْبر
كان لا نام البشر
من ذهول الصّوف
يوم أنّه التحفْ كل البروْد
لو تحضّر باحْتضاراته
وأنْكساراته ,
والبدايه هي نهاية

حلمي الليله بصوف
... ... يمسك الجلد بْدفا
أحْتضاراتي تطوف
... ... والجفا أصله جفا
كنت اسولف للضيوف
... ... رمشي بليله غفا


واترامى للأماكن
للحاف السكري ,
للشبابيك الضّايعه والجرح لا نام
بين ضلعي والأنامل لا كتبْني

عاطِر التحايا

[محمد الغشام]

,

صباح الخير,
وشخبارك اليوم
عساك بخير
انا من كثْر ما أصحى ولا ألقاء شعوري
قمت اسولف للأماني طير
يغرد في صباحاتي
صباح الخير ,
وياصل لك

[محمد الغشام]

,


غريبه هي حكايات اليوم
كسل مع ضيقتي مع حلم والشّبّاك
فتحت الصدر والعصفور يتمادى وْ راح
بعيد هنااااااك

[محمد الغشام]

,
,
ماعرفْت انّ البردْ ناوي يجرحني الليله
ياصباحي كيف بتكون
مثل ليلي :لا تكوْنْ
معْطفي راح
والأماني في غيابك مو أماني
بس أغاني
أرْتعد والجرح صاح
بس تسولف لي عن الرّعشه
لين طحت


يارحيل البارحه وش بك علي
... ... ... ماتشوف اللي على غيرك يكون
المداين في غيابك تشتكي
... ... ... والمنافي في غيابك كالجنون


من رحيلك صرْت هذري
شف يدي ,!
والأصابع تمسك الالوان بس ترسم على الأرض
تستعين الماءْ من برْد الضلوع
وأرْسمك معطف ,
والبسك ,

[محمد الغشام]

,

,

الأشياء من حُولنا مازالت صامْدهْ أمام الحزن
رغمْ أن ملامحنا أوشكت على أن نجد فقط هياكل لها
لاشيْ سُوى الحزن الدفين بِذكره ,



عاطِر التحايا

[محمد الغشام]

,

,

مابين الأنتظَار والرحيْل شعْره يحددّها القبوُل والرفضْ
لتِلك الطرُق , الذي نسلكهْ مِن نفْسْ الممرْ ..
أبتسمْ فـ تبتسمْ , تحزنْ فـ أحزنْ
ليْس لِتلك العصافير سوى النظر لنا وأعتلاء أكتافنْا لترى خدودنا ودمُوعنا
وتُغرد بألحان الجمال ,
وللذكرى مع الكمان والعزْفْ وأحتضاراتيْ وأحتضاراتها
أنها الصُوت وأنا العازفْ
وللشبابيْك وللسما ولها , لِتطُرب كُل المسَامْع
ويحُلق كُل شيْ في هذا السما ,
فقطْ يديْ ويدها تُكون في قُرب ولاشيء آخر , سوُى الأنتظار أو الرحيْل ,
وتباً للرحيْلْ , ولكِ يا ..


عاطِر التحايا

[محمد الغشام]

,

,

هذا المسَاْ كُوْمةْ حَزْنْ فيْ مداْدي
... ... ... أنْثرْ عطُوْركْ خلْ الحَزنْ يمْطركْ بيْ

[محمد الغشام]

,

,

والليْ يسْلمكْ كان فيْ خاطركْ شيء
... ... ... قوله قبل لا يذبل الشّوق فيني..!


,

[محمد الغشام]

جيت ابعثر هالخيال
... ... ... الليالي من صباحه
وانثر مْنْ المحال
... ... ... الملامح في وشاحه
جيتك البارح على مركب
وجيتني جثه
امتلت اشباح
كلّ ما شفتك
ألمح ..لـْـ جرحيْ وشاح
اتعبك..واسهرك
كثر الفراق ..
وأمتلى في عيْنك السواح..
وْلملمك من الشتات ..وأنثرك
في زوايا هالجماجم..في وجيه الكل ..
اللحمْ
وآشوف من العيون الغيمتينْ ..!
لا ..لا
أمطرت على العْظمْ.
وأنشأت من هالدموع اللحم..

هو بقى شي من المهُم ..
بس عيونك ..! بس
وغوص المشاعر في المأأأكل
وأشهق الانفاس ماء
وما اشوف النفْسْ
وانثر الماء في جوف نبضيْ والأخير
صرت الغريق اللي رفع يدّه
ينتظر من صاحبه
بس يجيه ..!

للاسف ..!
بعد ما لبستك اللحم
والشعور

صرت كالأشباحْ ,.,.!


أشباة الجماجْمْ
قديْمهْ ..!

عاطِر التحايا

[محمد الغشام]

خبزة احساس الفقير.. لشاعر خلف الكريّع..
:

علمتني المترفه : وشلون احس اني ثري
_____نصبّتني عرشها ،، ونصبّتها عرش الحصير
بس انا .. علمّتها بصدقي واصالة جوهري
_____كيف يحتاج الغنّي .. لخبزة احساس الفقير
اشعلي يا نجمة العشاق ليلك – واسهري
_____امشي بنفس الطريق .. وجرّبي نفس المصير
وبلّغي صادق تحياتي / لحزني ، وقهري
_____يوم كان الشوووق لا يرحم .. ولا عندّه ضمير
وان تعبتي من دروب العشق واضناك سفري
_____اذكريني .. تستريح : الريح / ويطيب : المسير
واذكري .. تاريخي الموؤود بانقاض دهري
_____شهقة : الخطوه ( الأخيره ) طيحة :الحلم ( الكبير )
رحلة آمالي .. فتات اوراقي .. اطلال صوري
_____سكرة اشعاري .. رماد ضلوعي .. احساسي الوفير
وغدرك اللي .. ما احترم صدري ، ولا صان ظهري
_____وطعنة ٍ من يومها ما مرّت ايامي بخير
طيري بسرب امنياتك .. واوصلي للمُشتري
_____وانثري خواطرك في واحة الليل الضرير
اذبلي .. وتساقطي .. وتكسّري .. وتبخّري
_____وامطري على جدار الذاكره / كحل وعبير
سولفيني للبنات اليا تقصّوك خْبري
_____لا صدح ضحك العذارى وجلسن حول الغدير
كان .. يا ما كان ..... / وتغصّ الحروف ، وتنقري
_____ ( سالفة حزني ) بصفحة خدك : الدمع الغزير
كان شاعر – غير – لا ابو الطيّب ولا البحتري
_____كل ما قال : آآه .. جمهوره من الفرحه يطير
كانت افكاره : كنوز ٍ توهب وما تنشري
_____يجتمع على موائدها المشرّد ، والأمير
اصبعه لا من كتب على ال/ ثَّرَى .. يُصبح / ثََرِِي
_____كيف اجل لو ينظم ابياته من خيوط الحرير ؟
كان .. يا ما كان ..... / ويسافر سرابك لنهري
_____وتشهق بصدرك طيوفي من ورا ضلع ٍ كسير
فارس ٍ باسه شديد ، ويسكنه قلب ٍ جري
_____ولا رزَقه الله حصان ابيض ، ولا سيف ٍ شطير
سولفيني وان تغشّتْك الدموع ، اتذكّري
_____يوم كان الحلم نهر .. وكانت عيونك هدير
ويوم كنت آخاف ما يعجب عيونك مظهري
_____وانحني منشان ما يفضحني الثوب القصير
اسألي كل الشوارع ، والحدايق ، واظفري
_____كيف كنت بكل يوم اهديك ( باقة ورد ) غير ؟؟
كنت اوقّف بآخر الشارع .. واراقب .. واحتري
_____لين يهدا الجو .. وانتقّى لك الورد النظير
كل ما امر بْرصيف يقول : خلّصت زهري
_____وكل ما اقطف ورده .. اللي جنبها / منها : تغير
اسألي شباكك الوردي .. وش اردى بنظري
_____لا قعدت الف قبلة بيتكم كني غفير
كنت احاصر غرفتك بجيوش عيني وبصري
_____كن لي عش ٍ بشباكك وكن العين طير
آآخ .. لو عشتي انتظاراتي ، وشفتي منظري
_____لا سألني جاركم : وش بك هنيّا تستدير ؟؟
و المصيبه – دايماً عذري : مضيّع دفتري
_____يبتسم ، ويروح – وانا مصدّق انْ عذري خطير
و ، بس يدخل .. اسمعه يضحك بصوت ٍ مُزدري
_____( حنّا بالعطله ، وصاحبنا على الدفتر سهير )
اسألي الجدران .. عن خط ٍ عجز لا ينقري
_____علّم الجدران ( مالم تعلم ) فبوح الضمير
اسألي امي .. عن كدر بالي وضيقة خاطري
_____لا سألتني: يااا وليدي وشبك ؟؟ .. ورد الزفير
السواد اللي على جفوني من آثار سهري
_____لو عرفتي كيف كحّلني به .. الليل المرير
كنت لا جا الليل .. قلّطته على الجفن الطري
_____لين نصّبني السهر لعيون خلق الله سفير
وان نفاني للسهر يا مترفه – حكم قدري
_____هالسهر يا ما نفى لي من ضحاياه الكثير
والبياض اللي تشوفينه تنامى بشْعري
_____من مظاليمه : هلال اعرج / ونجم ٍ مستجير
يا رُفات الطيش في تابوت الاحلام البري
_____من خذلني بالبدايه .. كيف اصونه بالأخير ؟
ما بقى لك غير بعضي .. واستميحك باكثري
_____ضاع .. مثل النور لما ضاع عن عين الضرير
مثل ما ضاعت عصافيرك عن اغصان شجري
_____مثل ما ضاع الامل عن صبح شباكي الصغير
وما بقى لك غير سالفتي .. وشعري ..وصوري
_____سولفيهن للشموع الحمر .. والفرش الوثير
للستاير .. للأساور .. للحاف السكّري
_____للهدايا .. للتحف .. للمزهريّه .. للسرير
واوعدك .. وقت الحصاد .. اتجاهل الجوع / العُري
_____بس لاجل اكتب حروف اسمك بحبات الشعير
ولاجل اعلّم هالزمان المستبد العنصري
_____كيف يحتاج الغني لخبزة احساس الفقير !! :
:

[محمد الغشام]

,

,

كُل يُومْ أرى ْ الأشيْاءْ فيْ عيني تكبُر صٍدقاً ,!
حتى وصَل بيْ إلى أستئجار صدر آخرْ وأقومْ بضمْه بيديْ لأقُومْ بعمليْة ْالتنفُسْ ,

وأنْثركْ فينيْ عطرْ
... ... وآتلحّف نظْرتكْ
وأحْتضاريْ للزهرْ
... ... يوم طاح بْحضرتكْ

عاطِر التحايا

[محمد الغشام]

http://www.tfasel.com/vb/customavatars/avatar7366_4.gif


بَعْدْ َما طَوّل اجِرْاحَكْ
... ... ... عََسَاكْ بْخَيِر بَسْ شفْنيِْ
كَثَر َما خَفْت وشْ صَاحَكْ
... ... ... أشُوفْ الصّوتْ بهْدلنْيْ

دَخَيْل الله
تَشُوفْ الطّيِر تَحَْت الْغِيُمْ لاْ رفْرَفْ جْنَاحَهْ :شفْ
عَسَاك بْخَيِر
يِصُوْتْ لكْ ويحْلمَ بكْ
تكُونْ بْخيِر
بَسْ قلّي
عَسَاكْ بْخَيِر

[محمد الغشام]

,

,

صحيح ان الأماني من عطورك غير بـ احساسك
... ... ... يناشد كل لحظاتي على لقياك من عطرك
مسكت الحلم بيديني عسى حلمي على انفاسك
... ... ... يناظر به على انفاسي
على انفاسك على نظرك

[محمد الغشام]

ممتن للمصممه أمينه ,



http://dc07.arabsh.com/i/00905/zjr9sh97xcst.jpg

[محمد الغشام]

,

,

أسأل نفُسيْ أحيْانْ : إلى متَىْ ونحَن نُغنْيْ للجَرحْ
حتى بُتْ أنّ الجَرحْ مُجرد أنسّان يتجُول على ذاتيْ الذيْ لاينفكْ أن يرحَل
للأسفْ سأرحَل عنَ جسديْ وليبقْىْ الجَرحْ في ذاتيْ ..!

أنا راحِلْ ..! إلى ..؟
عاطِر التحايا

[محمد الغشام]

,

,

تصَدقْ اليُومْ قمَتْ مِن نُوميْ وأذكركْ
لهدرجه ..؟

[محمد الغشام]

,

اشعر الليله تعب
... ... ... بأحْتضار الأمكنه
كان مافيك العتب
... ... ... لـِأرْتباك الأزْمنه
خذني الطيّف الـ لعُبْ
... ... ... وانْتبهْ للأركنه





عاطِر التحايا

[محمد الغشام]

,

,


وحيد وكل ما يطري على بالي سوالف ليل
... ... ...احس اطرافي أهدافي وكلي ما يبي قربك
انا كل ما اجي بالليل احس انه بدالي يميل...
... ... ...على كف السوالف كذب والكذبه على كذبك
تصافق همي وهمك على طرف الكذب تهويل...
... ... ... يكذبها الجروح اللي على بعضه ويهتم بك

[محمد الغشام]

,

,

ويهتم بك

[محمد الغشام]

,





,




ثمل في واحة الفقد وترى عذري على بابك
... ... ... غريب ابحث عن الوقفه ولادْري عن متاهاتي

[محمد الغشام]

,

,

سلمى مازالت في صدري والله
قبل سنه ماتت ولازالت بداخلي

ماتت وعمرها 23 سنه كانت تحلم بطفل دائماً
وحينما تزوجت ورحلت إلى سكنها الجديد بحائل أصابها السرطان وماتت بعد رحلة علاجيه لمدة اكثر من 6 اشهر

تعرفت عليها من النت وعلمتني كيف تكون الحياة
سلمى الشمري اسمها .. من الكويت
تزوجت ورحلت إلى حائل وماتتْ ..

هي شاعره والله ومازلت أحفظ لها قصائدها الجميله
أعتبرها أختي وتعتبرني اخوها ..

يارب ارحمها وادخلها الجنه

[محمد الغشام]

,

,


حزين الصبح والذكرى تحيط من الغياب احساس
... ... ... حكاية ودّ في فجرك , حكاية روح ممطوره
انا هاليوم في بعضي يطيح من الصدر انفاس
... ... ... وانا اتْضايق اذا صدري شهق غيمة ألم / سوره
حقيقه والغياب المر اذا بعض الوفاء ينقاس
... ... ...انا كلي وفاء [ سلمى ] على شانك كتب نوره

[محمد الغشام]

,


,


والصبّر ملّ الشفاه وضاعت الايام دوب
... ... والاغاني من ضياعي ملت انواع السفر
في ظروف الحلم في لقيا الاماني ما تتوب
... ... والمواني من عنا بعض الحكي هزّ البحر

[محمد الغشام]

,

,

ودّي أكتب لكن ماقدرت ..

[محمد الغشام]

,

,


تدري عشان الحب نفرح بدينـا
... ... ... خلنا نعيش الحبّ باسْلوبك الغير
كلّن يمد يـدّه وحنّـا : درينـا
... ... ... انّ التواجد غير لا صار بك طير
افتح شبابيك الفرح بس علينـا
... ... ... واطلق سراح الطير في كلّ تعبير
تدري عشان الحب نبكي بدينـا
... ... ... كلّه عشان العين ما تبكي للغيـر

[محمد الغشام]

,

,


ساهريّه من جنونك ماخذينا
... ... غير لمسات اللحون بـ هالسما
يمطر احساسك على كل مينا
... ... زورق الانفاس يجدف به ضما

[محمد الغشام]

,


باب الأماني ماعرف طرق الأبواب
.... .... ياما طرقت ابواب ماردّ لي حد


,

[محمد الغشام]

,


,


ولي فالنّاس
مابين الحكي والغيم نبض المطر
ويتساقط على أرضي كذا
ويبلل أطْرافي إليْن أبني من الأنفاس واحه
بس واحه ..
وأنده الامطار فيني ,
كذا ..
كذا ..
لين المتاهات البليده ترتكز صدري غناوي
واداوي جرحي البارح من انفاس الضياع وأرتمى فيني تعب
يعني تعب ,

[محمد الغشام]

,

,


على نظرة مدى
جيتك أشوف الطير لا رفرف جناحه من طرف عيني هُدى
مطر ماجاني البارح
رغم هذي الغيوم اللي تشوفه ماتزحزح من مداي
إليْن اليوم ياصاح ابنده
وصوتي مايرده غير سربك ياطيور
الله لنا ..
الله لنا ..

غيوم و هالمطر ماجاني الليله
... ... ... وانا من غيبتك ياصاحبي شفني
أناظر ساعتي والغيم مل شيله
... ... ... ويتساقط مطر لكن يبي جفني
كذا يعني بردْ والعين تحكيله
... ... ... طلبتك يامدى أقرب شوي لفني

وانا عيني تبي من غيمتك لفحة
ترد النفس طير ..
تنده مداك ..

:34:

[محمد الغشام]

مره اخوي يقول لي ودنا نسوي مقلب بالوالد ..وعاد اخوي مخربها طبعاً وانا عاقل
قلت له شلون تسوي ولمن يدري قسم يصير راسك ملعب كوره..
قال ماعليك مايدري
قلت بكيفك ومن بعدها بكم يوم جاني ويقول لي ابي اسوي مقلب اليوم بابوي
قلت بكيفك ..
وقال الطريقه اخوي عن المقلب http://www.dhefaf.com/vb/images/smilies/confused.gif
وانا رحت وجلست عند ابوي بالمجلس ومافيه هذاك الوقت الا انا بالمجلس وابوي
لمن دق جوال ابوي ..ابوي رد الا صوت البنت اللي يقرقع وابوي يتلعثم..لأني جنبه http://www.dhefaf.com/vb/images/smilies/biggrin.gif
وقال اصبر شوي للبنت وانا كني مدري شسالفه
وقالي محمد روح داخل وجيب لي ماء http://www.dhefaf.com/vb/images/smilies/eek.gif
واروح لين غرفه اخوي ..ولقيته مع ولد عمي وولد عمي يقلد صوت بنت هههههههه
ويسولف مع ابوي وابوي داش جو ويقول ما اصلحلك الله يهديج انا انسان متزوج وعندي عيال وخافي من ربج
ومن السوالف وطايح نصايح ابوي http://www.dhefaf.com/vb/images/smilies/redface.gif
وولد عمي خربها ويقول ودي اقابلك قلي متى وراح اجيك لو في بيتك وانا احبك واعرفك وساكن بالمكان الفلاني
ابوي http://www.dhefaf.com/vb/images/smilies/biggrin.gif تلعثم وراح فيها يقول وش الناس هذولا
المهم ابوي شاف مانفع النصايح وقام يقول خلينا نتعرف ويصير خير.http://www.dhefaf.com/vb/images/smilies/biggrin.gif
وقال ولد عمي على انه صوت بنت اوكيه ادق عليك بعد ربع ساعه وقال اوكيه
وانزل انا واخوي وولد عمي لمجلس ابوي ع1
وابوي وده يصرفنا ..
وياخذ الجوال اخوي من ولد عميhttp://www.dhefaf.com/vb/images/smilies/redface.gif ويدق على ابوي من جنب المركه ومغطي الجوال يبي يوهق ابوي
وابوي يعطي مشغول http://www.dhefaf.com/vb/images/smilies/frown.gif
ودق ثاني مره ويرد ابوي وكشفنا
طبعاً ابوي ناظرلي وقلت فهيد مو انا وكعيت http://www.dhefaf.com/vb/images/smilies/rolleyes.gif
اخوي فهيد شهرين مايكلمني مدري شفيه http://www.dhefaf.com/vb/images/smilies/frown.gif

[محمد الغشام]

شكُراً للمصممه عاليه هاشمْ على رسمها لخربشاتيْ المتواضعه ,.


http://www.mdaalbhar.com/vb/uploaded/319_1270428810.gif


و

http://www.mdaalbhar.com/vb/uploaded/319_1270428833.gif

و

http://www.mdaalbhar.com/vb/uploaded/319_1270428855.gif


و


http://www.mdaalbhar.com/vb/uploaded/319_1270428886.gif

[محمد الغشام]

اذكر مره كان عندنا مخيم في النسيم بالرياض قبل لايشيلون الملاعب
كان المخيم لنا وللجماعه .. وكنت في اول متوسط .. وكل يوم اربعاء وخميس نسهر بالمخيم
ولأنه قريب من البيت اروح مشي ..والمشكله الطريق يخرع في الليل http://www.dhefaf.com/vb/images/smilies/frown.gif لأن فيه كلاب الله يكرمكم
لمن جيت بروح المخيم ..دورت احد يروح معي مافيه ومدة المشوار 15 دقيقه وعليها شوي ..
المهم مشيت واقمز الطعس وكمل وخلوها على ربكم واسمع [صوت كلاب ] http://sa7ab.net/vb/images/smilies/v9v9net_002.gif
عاد انا دايم امشي عادي وما أخاف لكن هذاك اليوم اشوف مثل الغبار واصوات قلت بس جتني http://www.dhefaf.com/vb/images/smilies/frown.gif وانا قبلها بيوم شايف فلم مرعب http://www.dhefaf.com/vb/images/smilies/redface.gif
وباقي على المخيم طعسين http://www.dhefaf.com/vb/images/smilies/smile.gif وأركض http://www.dhefaf.com/vb/images/smilies/biggrin.gif وأركض وأركض وأقمز الطعوس بشي خيالي
لو أني في أولمبياد سيدني كان شرفت البلد http://www.dhefaf.com/vb/images/smilies/biggrin.gif
ولمن وصلت الدكه : موجود ابوي وعمي قالو لي شفيك قلت كلب http://www.dhefaf.com/vb/images/smilies/biggrin.gif قالو شفيك قلت : كلب http://www.dhefaf.com/vb/images/smilies/biggrin.gif وبخوها ضحك http://www.dhefaf.com/vb/images/smilies/biggrin.gif وانا صار وجهي بنفسجي لمدة يومين وأمي تجيب ماء مقري وزيت مقري وتقرى علي
طبعاً أحلى أم بالدنيا : http://174.37.56.154/vb/images/icons/aq1%20(28).gif

يمكن نكمل http://www.dhefaf.com/vb/images/smilies/frown.gif

[محمد الغشام]

http://profile.ak.fbcdn.net/v230/1812/85/n100001051654251_8445.jpg


فواز الغشام
كم أعشق جلساتك ياغالي
كم الرياض قاسي في بعادك ,
كن قريباً منيْ ..

أسمع .. أسمع : )

http://www.youtube.com/watch?v=bFG7KUzXxEc&feature=related

:34:

[محمد الغشام]

,

,


الحسن له باب الجراح و تولّم
... ... ... هذي سواليف الفرح للفرح صح
ان جيتني تسأل عن ايامي تعلّم
... ... ... انا ترى في غيبتك بس ابجرح

,,
,

[محمد الغشام]

:
:
مشتاق لي أكثر من اللازم
... ... ... مشتاق لك أكثر من أحساسي
ودّي أعيشك دم عشان الدم
... ... ... يلازم الانفاس في كاسي
عرفتك البارح لأنّ الهم
... ... ... يمشي على راسي على راسي
:
:

[محمد الغشام]

..
وابتدا الجرح العميق
لو بدينا
..! او عطينا
من حنين الورد من ضمّك علينا
لا تقول الليل هذا يمشي ابْدوبه عنا
وقتك .. عنا وقتي شعورٍ مانْتهينا
انتي اجمل
.. من دهاليز الغياب
وانتي اجمل
.. من مسافات الليال
وانتي اجمل
من طريق ٍ كل ما هب النسيم اللي على وجهك وقال
... ... انتي نبضي كل ماجتك السوالف من على حضني وقلت
وش بقى غيرك على وجه السفوح وما عذرت
... ... وش بقى غيرك على بعض الغياب و ما حضرت
كل مايطري عليك
الشفا لا عضّ من طرف الاصابع والترف
وآنا على حضنك غفيت
وماسكرتْ..
:34:

[محمد الغشام]

:

حبيبتي مثل الجليد
... ... ... لاجيت ابرسمها تذوب
وان جتني الليله اكيد
... ... ... تنثر على نفسي واتوب
اتوب من فكرة وحيد
... ... ... وانسى انا كلمة شحوب
ملامحي أصلاً تجيد
... ... ... ضحكة غرام ٍ في هروب
قصيدتي مثل الجليد
... ... ... لاجيت ابكتبها تتوب
:34:

[محمد الغشام]

.,

خذني معك جرح النوايا
... ... ... لا صارت الطعنه حقيقه
صوت الحنايا للمرايا
... ... ...والدّق لو باقي دقيقه
صمتي لحن , صوتك عرايا
... ... ... حبّك عزفْ , عزفي حريقه
دونك حدودي للمنايا
... ... ... وانتي منايا يا غريقه
http://www.mdaalbhar.com/vb/uploaded/3_118.gif

[محمد الغشام]

:

:

كل ّ ما ناظرت باحساسي ذهلت
... ... ... البشر مثله وكلّن يختصر
الأماني في غيابك ما كتبت
... .... ... دامني شاري من اللهفه عمر
شوفني تعبان والعبره رحلت
... ... ... وانت ماعمرك تقدمّلي عذر
الفواصل بين بعضي ماخذلت
... ... ... والنقط بعدك بداية للسطر
أرتما هالورد في كفّك وقلت
... ... ... اعذب الأشياء تكتب لك سحر
يعني الانفاس في فمّك رسمت
... ... ... لوحة ٍ تشبه تفاصيلي بحر
برزخك أعذب وشتّت بي وهمت
... ... ... في عذوبة ماءْ والملح احتضر
في جنونك شيّ لو اني عرفت
... ... ... يفهمه كل من على عينك نظر
ناظري قمّه سفوحي لو زحفت
... ... ... برمي الاحجار من فوق الصور
حاجزي بينك وبيني ماذهلت
... ... ... الذهول احيان يكتب لك عمر
:34:

[محمد الغشام]

.

كبيره في عيوني ضي وبعضي لا تشوفينه
... ... ... انا كلي عيوب و لا تشوفيني على حسني
مللت الضيق وانفاسي يمرّ بها ملاعينه
... ... ... تداخل بي سواليفك / على شفتك تحسسني



http://www.mdaalbhar.com/vb/uploaded/3_118.gif

[محمد الغشام]

:icon20:

لا صار باحساسك حكي لا تكح : صحْ
... ... ... بتحاول الانفاس تجرح حكاويْ ..!

جَرح الأحساس : عميِقْ ..!

[محمد الغشام]

:


ياشمع لا تنزف دمع
... ... ... بعض الدموع انفاسها
لاجيت تهمس لي : سمع
... ... ... دنّق خفوقي وحسّها

..:icon20:

[محمد الغشام]

:


:

توليبة الانفاس تنشألك حكي
... ... ... لاردّ لك غربة ويهمس لك انا


تدري وش اقسى شيّ يجرح هالبكي
... ... ... لاصار في صدرك فرح لكن عنا


:34:

[محمد الغشام]

,

من قسوة الايّام جيتك ابي كاس
... ... ... أقرع كؤوس الفرح لامرّني ضيق

مامرّني ياصاحبي كلمة الباس
... ... ... لاباس ياعطشى ولاباس بالريق

تشره على هذي الملامح على الناس
... ... ... والعين جوعانه على صبّة بْريق

:34:

[محمد الغشام]

,

تعبان والبسمه احتضرت
... ... ... شف انعكاس المرايا بي
الليل والعتمه انكسرت
... ... ... ضوّ الحنايا على مابي
جرحي زواياه ماخْتصرت
... ... ... ركني جنونه تولاّبي
أهلاً هلا قدّ مانتظرت
... ... ... هذي الملامح على بابي


:34:

[محمد الغشام]

:
:
ياباشة الغيد الحكاوي : غناوي
... ... ... من إنتثر نبضك علينا : حكينا

جيتك وفي صدري بلاوي : بلاوي
... ... ... إمّا نفضفض وإلا لاتحسّ فينا

حبيبتي تدرين وش يعني خاوي
... ... ... يعني : مسائل عالقه لا بكينا

يطلع من القنديل ضوءْ ٍ خلاوي
... ... ... يتشّكل الضوءْ فـ مكاني سفينه

المشكله هذي السفينه :تساوي
... ... ... ثلاثة ارْباع الاحاسيس لينا

يبقى ربع وان ضاع بي ماني قاوي
... ... ... على فراق المسئله من يدينا

حبيبتي تدرين وش يعني خاوي
... ... ... قبطان فاضل مابْيدينه سفينه

:34:

[محمد الغشام]

:

:

أنا شاعر وليْ مبدأ مع الذات ان بغيت الشعر
... ... ... جناح الفخر في صدري ولي ثاني يعلمهم

لأني مؤمن انّ الشعر ماله شيّ غير البحر
... ... إلى منّه غدر بك مالك إلا شي يدرسهم

مسافات النهر يبدأ من البرزخ إلى هالصخر
... ... ... يروّدها عذوبة منظر التربه وْ مطالعهم

خبير الفكر في جودة عواطف والليالي نهر
... ... ... أصبّبها على صدور السهارى وانتحر معهم

انا شاعر ولي مبدأ مع الذات ان رميت الشعر
... ... ... أخلّي فكرتي عذرى وامارس حسّها منهم

هياط صح http://www.dhefaf.com/vb/images/smilies/biggrin.gif

[محمد الغشام]

:

:

وآشيب عيني من عنا وقت الاحلام
... ... ... لاطالت الهجره واذا ضاع بي نور

كتبتني : رحلة على فقر الايام
... ... ... إيمر بها واحد وواحد على الدور

فقارى الايّام البليده تبي تنام
... ... ... وانفاسها بوسادته تطلب الشور

ان جتني الاحلام بوسادتي : صام
... ... ... جفني على هالنوم :وانفاسها سور

:34:

[محمد الغشام]

:

من علمك :
تقسى على نفسك ..
تقسى على قلبك .. على احساسك .. على صدرك

لاتشهق الكذبه ..
وترحل عن بقايا الأمس
لاتزفر انفاسك..
وتنسى وش بقا للشمس

ظلك عليّ البارحه سولف
.. ولكن ماعطاني فيْ ..

قلّي انا ..؟
محتاج لك ميْ ..
قلّي انا ..؟
ماباقي ٍ شيْ ..

جرحك وطال به السهر لو مانْدمل
... ... ... قلبك : عسى ماينجرح لو هو علي
جيتك وفي بعضي جراح ان مَ أكتمل
... ... ... خذني بقايا الطيش من هذا الـْ ولي

من علمك :
تقسى على نفسك ..
تقسى على قلبك .. على احساسك .. على صدرك


قصّه جراح الغايب القاسي
... ... ... قصة سهر يا جارح البسمه
ما لامس الجذع الطري : فاسي
... ... ... دام الأساس انته وكل حلمه

من علمك ترحل
وتقسى من عنا نفسك عليك
من علمك
دام الحكي قاسي ..
تجرح صدور الناس واولهم يديك
من علمك ..
:34:

[محمد الغشام]

.

.

أنشد أحساسي اذا ماصاح بي
... ... ... يوصل انفاسك ويذبحها الأنين

باقي ٍ تشره على ماراح بي
... ... ... وإلا يعني ما ترمّد بك ( سنين )

:34:

[محمد الغشام]

,

الأغاني والأماكن والمسارح والغياب
... ... ... والسوالف والأنامل والمسافه واليدين

للتفاصيل الصغيره من رحيلك للإياب
... ... ... كنت ابكتب لك قصيده لكن الموت السنين

[محمد الغشام]

..
.
.
الرحيل العذب لاطاح الحطب
... ... ... والنوايا غير والرحله سراب

ماعرفتي الدمع باطراف الهدب
... ... ... لين صوّب لك مسافه واغتراب

جيت لك عاشق وكلّي مغترب
... ... ...زادي انتي والحضن كلّه شراب

كيف الوم النفس والدنيا سبب
... ... ... في رحيل الذات من كل الخراب

ياحبيبه مانويتي لي مهب
... ... ... دام كلي عاصفه وْ لهفة شباب
:icon20:

[محمد الغشام]

:

بعض الاشْياء ماتبي منّك قلايد
... ... ... حتى تلقى لك من انفاسك : قصيد

لاسْتفزّ الحرف في صدرك قصايد
... ... ... أجعل الاشياء من احْساسك : جليد

الشتاء موسم حصاده للوسايد
... ... ... ان بغيت الصدق لا تكتب وحيد

الشعر انسان فاضل : لا زوايد
... ... ... انسى انّك تكتب الوحده وْ تعيد

الشعر مهما كتبته و [ + ]
... ... ... تصدق الكذبه ويكتب لك [ 1 ]


..

:icon20:

[محمد الغشام]

:

:

البارحه متّ لكن ما دريت
... ... ... اقسى من الموته الفجأه رحيلك
ياصاحبي متعبه روحي : وجيت
... ... ... لـ بْعد من انفاسك الميته / أبي لك
جرح و غياب الأماني لو رميت
... ... ... حظي على رحلتك ., لا تبتدي لك


:icon20:

[محمد الغشام]

:

:

واللي بقا كذبة
., ., _ مع طاري الهمس
ياصاحبي صعبه
., ., _ من حرّة الشمس
كم لك تناظربه
., ., _ بمرايتك / لمس
ضاعت مع الغربه
., ., _ ياطربتك أمس
اتكسّرت تربه
., ., _ وانشألك اللمس
أعمى وهستربه
., ., _ أصابعه : خمس


:icon20:

[محمد الغشام]

,

..

صباح الخير لكنّي عرفت ان المسافه غير
... ... ... مابين الورد لأنفاسك حكاية شوق مخفيّه

صباح الغير يا كل السوالف والأمل والخير
... ... ... على عكس اتجاه الارض في لهفتك قمريّه

حبيبي وش بقا فينا سوى رقصه تهز الطير
... ... ... على غيم ٍ تخصّر في محيط الفي سما غيّه

اذا نور السما طاح و سقوطه بالهوى تقصير
... ... ... حديث الفي يتضجر من البرد ف خلاويّه


:icon20:

[محمد الغشام]

,

هذا مرسم من جفاف
... ... ... ينتهز عتمة جنونك
يرسم الفكرة خلاف
... ... ... وْ يرمي الاحساس لونك
وردة تمشي بإنْتصاف
... ... ... واختطافه من عيونك
صاحبي فيني وخاف
... ... ... وأبعد الليله لحونك

:icon20:

[محمد الغشام]

,

تسريحتك
تعكس ملامح بدايات
عطرك , ومشطك ,
وابتسامة
حكاية ..!
ارفق على رقبتك سقوط
النهايات
واقطع تناهيد الجليد
البداية ..!
دفّ العطر من بصمتك احتضارات
تشرح تفاصيل
العيون الغوايه . ،
بعروقك الخضرا
وصوف
و علامات
وأنفاسك الخجله
ت
ط
ي
ح
النوايا
الجرح ماله سالفه للـ [ روايات ]
... ... ... راوي ويوصف لك خطوط الروايه
ياطربتي ماقد رسمتي مسافات
... ... ... حتى أبيّن للمسـافه خطايا
رحتي وانا عْيوني تشوف المقاسات
... ... ... تقيس خطوة جرحي اللي معايا
تعبان
لا ؛
مجروح
لا ؛
والمتاهات .؟
لا تهتم بـْ حكي الضمير لـْ غنايا
طربان واللحن القديم الهتافات
... ... ... تصفير والاضلاع تلعب سوايا
أقرب عليْ هذي المساحه حرَ كَات
... ... ... ترقص وانا ايدي لعزف الحنايا
خطوة
ورى
خطوه
ورقص انعكاسات
... ... ... والحانها خصر وموسيقى وْ دفايه
وتضمني وآضمها والمرايات
... ... ... آهات لحن ٍ والنوافذ زوايا
والمزهريه مائها روح آهات
... ... ... والغصن الاخضر والرحيق ابسمايا
كتلة مشاعر والأحاسيس لا جات
... ... ... تنشأ لك التربه زهور وبقايا
دثّر بصدرك دفئها للغيابات
... ... ... وجهي بصدرك من برودة رمايا
والحين يادافي صدور النهايات
... ... ... شكراً على ما أرتمى من حكايه


,!
:icon20:

[محمد الغشام]

,


مدري ولكن لي سنه ماني بقادر
... ... ... اكتب قصيده تشبه اجروحي العظيمه

الجرح كل يوم ٍ بصدري له مقابر
... ... ... لو يندفن مايندفن تصبح عديمه

ياصاحبي كيف الصدر عقب التشاور
... ... ... لا مرّ ها سيل الأماني والهزيمه

هذي الصور ف مخيلة فكري تنافر
... ... ... بتشتت التمثال والرسمه قديمه

كان المحبه غير ياطربة مسافر
... ... ... شوف الطريق المبتهج الله يديمه

الله يديمه http://im2.gulfup.com/2011-04-22/1303475840851.gif

[محمد الغشام]

,

كنتي بعيده لين ما قرّب حنينك في يدي
بسته وبسته حتى ضمّاني على صدره وقال : البارحه شفتك معي
بين الشوارع
بين الضلوع
بين التنهّد والغياب
و بين الشموع
و بين المطر زخّاته براسي هداوه
ياراحله بين الدروب البارحه شفت الغروب
لاح الافق
ودّع بيديه وسافرو
لين ابعدت
وانا على حطت يدي مشتاق لانفاس الطريق
والنور .,

:34:

[محمد الغشام]

:


:



محتاج لي نسمه هواء خارج ادياري
... ... ... لو كان بدياري هواء ماصرت محتاج .؟
البارحه نامو على صدري العاري
... ... ... من نتفو صدري وانا ضايع وحاج

. ,

[محمد الغشام]

,








أتركي قصة برودة يد وانفاس الحنايا
... ... ... وأتركي لهفة شعورك للحنين و للوطن


قصّة الفرقا كبيره ماتّرقع بالبداية
... ... ... كيف ابرر للضلوع إليا تغرّد بي حزن


تذكري عصفور قلبي له جناح و لك سمايا
... ... ...لأجل عينك طاحت اشواقه دموع ٍ ينحكن


تذكري غصن ٍ رهيف إغطاه ثلج وأرتمايه
... ... ... نامت الذكرى حواليه إليا تساقط لك قطن


تذكري جمعك بيديك ورشّك احساس و غنايا
... ... ... وابتهاج الصبح والنور السحر لأنك لحن


كل صبح ٍ مع طلوع الفجر تطلع لك مرايا
... ... ... ينعكس نورك حبيبي للأراضي والسفن


ياحبيبي كنتي الفكره لأن نبضك معايا
... ... ... (سارعي للمجد والعليا) قصصْ فيك إلمحن


أتركي قصه فقر وانفاسنا تشهق عنايا
... ... ... أزفري من ضلعك القاسي حنان إبلا منن

[محمد الغشام]

.

.


هذي الحياة تنشر اشراع الطموح
... ... ... قم خذ لك اشراع قبل الريح يقوى

ياصاحبي وجهي الليله ., نصوح
... ... ... مرّر تعبك و تعال بحب اقوى

[محمد الغشام]

.





حالمه وأدري بأنّي حالما فيك
.... .... البلا لا صار حلمي بك يعاني

ضايعه وانفاسك الخجله تناديك
... ... أقبلي عل وعسى صدرك اناني

حاضنه جرحي وجرحي في خطاويك
... ... أحضنيني وانفثي جرحك اغاني

وارقصي في ساحتك وآنا معاديك
... ... شوفي الليله شسوّي بالمعاني

:icon20:

[محمد الغشام]

,


مدري شبلا هالناس
... .... ياصاحبي ..! ضاعت

خذ لي هوا وانفاس
... ... ان جيتني : تاهت

روحي غريبة ياس
... ... لا منّها , لاحت

حبيبتي والـ كاس
... ... هذا العنب [ باهت ]

في شفتك ينقاس
... ... كل السكر [ ساهت ]

كاس ٍ ورى أحساس
... ... هذا : واذا طاحت

أتلومني هالناس
... ... لا شفتها ضاعت

:icon20:

[محمد الغشام]

..


وأنتهى جرح الموده
وْ ما بقى غير الطعون ..!
وأنتي بطعنك خناجر
وأهتدى قلبي معك
.. لآخر أنفاس الظنون
كوني انتي مثل أنتي :
.. طاعنه بحب وحنان
..

[محمد الغشام]

,

والله انّ الشعر ماله طعم دام الشام تصرخ
... ... ... يا حنين الشعر وقّف علّ صوت الشام يهدأ
من صراخ الليل والناس تهرب
بين صرخه وبين ضيعه
وبين مدري
بس آدري أننّا ماحْنا كفو .,

:icon20:

[محمد الغشام]

,

قالو : شعورك يحتضر
, قلت الهوى غايب
لا ليل يجمعنا و لا حلم قربنا
يا حبنا التايب ., قومي لاجل اقصد .,

:34:

[محمد الغشام]

,


ضيعي وشاللي ما يليق بضيعتك
... ... خلّي يعرّف مصطلح معنى الضياع

لا شالت الطرحه ونامت بسمتك
... ... غمازتينك تسأل الشفه وداع

:34:

[محمد الغشام]

:

ياراحله بين السهر والنوم
... ... جفني تجمد ما لقى غفوة

كوني حنونه واحلمي بس يوم
... ... خلي عيوني تنكسر عنوه

[محمد الغشام]

,


طقطق البرد بضلوعي
... ... ... واحتزم قربي معه
لو تبي منّي دموعي
... ... ... وش بقالك تسمعه
يا حبيبه
لا تسولف لي معك
خلّلي لمسة كفوفك
وان بقالي مدمعك
يا حبيبه
نامي باكتافي هنا
وانسي خضوعي ..!
ومن معه

:icon20:

[محمد الغشام]

,

مو كنها لانت بعد قسوة جفاها
. . . والا : انا متوهم بلحظة تمرّد

كانت تشوف الدمع في عيني خفاها
. . . غير الشقى واللهد لا منّه تجرّد

:icon20:

[محمد الغشام]

,

أحسّ بْعطش ., وأنا عطشت الحضور
خوذو من الجرح القديمْ ..!

,

[محمد الغشام]

,

للجهات أبواب ..! وللقوه ممر ؟
... شوفي أحساسي على أنفاسك تطيب
دوّري كلمه عشاني : بـ انتحر .؟
... دامي الليله من البهجه [ أغيب ] ..!

[محمد الغشام]

,

الكذب حبله قصير
... وانتي في كذبك غدر
يمكن الليله نصير
... قلب واحساسه قهر
لعبة الثعلب أسير
... في سجون المحتضر
والكذب حبله أسير
... وانتي كذبك للدهر

:34:

[محمد الغشام]

ماحتجت شي بهالحياة الا الستر ..!
يارب تسترني من الفقد الغريب ؟

كم ليلة ٍ أنشد ولا لي كم عذر ×
حتى أبيّن للغريب انّه قريب

حبيبتي قربي ..! بسولف لك زهر ؟
هذا الصدر أخضر وهذا اللي حبيب

وش لك وانا كل ما أدوّر لك عطر
أنطر ولا لي من مرد والا ( مجُيب )

[محمد الغشام]

,

كل شي حلو : لمّا تبي
... وأكبر مثال أنها تبيني ..!

[محمد الغشام]

:

لا تيأس .. فما زال هناك الكثير من التخطيط

[محمد الغشام]

,

من زمن ., وأشياء كثيرة للزمن
حتى جرحك , له زمن وأشياء .,!

,

[محمد الغشام]

,


من زمن .. وآنا أقولك من زمن
وش لك بتآويل وضعك للي فات !

سيدي خلك فطين وكل تبن ؟
حتى تفهم وش تبي هذي الحياة ؟