ســــــــلة اوجــــاعي

[عبدالرحمن العتيبي]

(41)


هاك قلبي واسكنيه

بس امانه لو بغيتي يعني فال الله ولا فالي

بغيتي تجرحيه علميني حتى هو يعمل حسابه

قبل لايكثر عذابه يطلبك ويحلفك بالله روحي واتركيه

[عبدالرحمن العتيبي]

(42)
مابقى في وسط قلبي لك مكانن تسكنينه
ماهو القلب الضعيف اللي بكلمه تملكينه
من جروحك هو تعلم
لو من الدنيا تألم
ما تأثر من جروحه
ولاكثر بالليل نوحه
دام عنده فالزمن هذا قناعه
ان حب الوقت هذا ينتهي في ربع ساعه
روح الحب الحقيقي وانتهى واقفت سنينه

[عبدالرحمن العتيبي]

(43)

اعماك كثر الغرور اللي بلغ حدك = واصبحت ماتعتبرنا شي ياشاطر
ياكثر ماجيت ابيك وطالبن ودك = واقول روحي فداك ولاجلك اخاطر
واليوم خانك زمانك وانقلب ضدك = مكسور قلبك وحالك يكسر الخاطر
[/quote]

[عبدالرحمن العتيبي]

(44)
ياقلب هونها وتهون
مانت اول اللي عذبه كثر الطعون
غيرك ترى جرحى كثير
في كل لحظه بالدمع هم يذرفون
دور على غيره حبيب
ينسيك حزنك والجفا
قلبه مشاعر صادقه حب ووفا
ويصير لجروحك طبيب
ودايم معك ياقلبي الطيب حنون

[عبدالرحمن العتيبي]

(45)

ياقلبي اللي كل ماقلت ابرتاح = ردت عليه ضيقتي واستجدت
اسمع كلامي لاتفكر بما راح = وانس السنين اللي بالاحزان عدت[/quote]

[عبدالرحمن العتيبي]

(46)
مستنياك ياروحي بشوق كل العشاق
مستنياك تعبت تعبت من الاشواق
مستنياك وانا ذايبه ياعيني من الفراق

بصوت عزيزه جلال


لامن سمعتك ياعزيزه تغنين = (مستنياك) يروح قلبي شظايا
هذي حقيقه حال كل المحبين = اللي بنار الحب صاروا ضحايا
مستنياك بشوق صرتي تقولين = والانتظار ان طال سوى سوايا
غني واغني معك مره وثنتين = مستنياك بشوق كل البرايا

[عبدالرحمن العتيبي]

( 47 )


والله اني كنت اعدك مثل روحي=
وقربك يداوي جروحي=
وكل هالاحساس في قلبي لاني=
كنت اشوفك شي مني=
واحسب اني=
لو الف الكون مالقى=
غير قلبك يحتضني=
كنت ابيك تقولي انك ودك بشوفي ثواني=
وان شوقك لي خذاني=
وان قلبك لي لوحدي=
ماسكن به شخص ثاني=
وفاخر المشوار فيك يخيب ظني=

[عبدالرحمن العتيبي]

( 48 )



في ذمتي خاطري بالحيل متضايق = يارب من عندك الليله تعدلها
القلب مهموم والخاطر مهو رايق = وابادل الناس بالضحكه واجاملها