{ أَرَقْ وَرَقْ }

[أكرم التلاوي]

مبحوح صوتي وانادي لك ولا تصغي
ــــــــــــ وغمضّتي عينك ولا شفتيني اومي لك

أموت لجلك واحيابك واذا تبغي
ــــــــــــــ أحرقتنِي يا بلادي لجل اضوّي لك

[أكرم التلاوي]

http://www.youtube.com/watch?v=YhysYVbZEHM

[أكرم التلاوي]

يا رب جيتك وانا العاصي وانا الخايب
............ والهم والضيق له في خافقي متكى

ما عدت الا وانا يا خالقي تايب
.......... اعرضت عنّك وصارت عيشتي ضنكا

[أكرم التلاوي]

يا ريحة الموت كُفي هالمسا كُفي
............. ما ظل في حمص حيّ ولا بقى ميّت
للدمع هُدنه نبّي وانتي بعد غفّي
............... خلينا هالليله بحزن البارحه نبيّت

[أكرم التلاوي]

أحب حرفين باسمك واو والكاف
وتطعن بي وابد ما قلت ول/كاف
أحب راسك واحب العين والكف
وأحبك حتى لو تجني عليّه

[أكرم التلاوي]

أحب حرفين باسمه عين والها
وعيني تنام دونه دوم ولها
لها روحي وهي روحي وإلها
قلب ينبض لها ما هو بليّا

[أكرم التلاوي]

واذكر اني غمّضت عيني
وقلتلها : ننام ؟ ..
قالت : ايه تصبح على ...
واتذكّرت كل الكلام ..!

[أكرم التلاوي]

الشاعر اجمل لو يكون بلا عيون
ــــــــــ ما يقدر المنطق عليه ويسجنه
من باطنه يفتح شبابيك الظنون
ــــــــــ ويأول الفكره على ما تفتنه !!