رسائل من المعتقل

[بدرالموسى]

يمه شوفي البيت صاير
ظلمة يكسيه السواد
حتى ولدك من غيابك
صارت انفاسه عناد
لوح بإيده بلاد
بالمطار اللي خذاك
ما عرف لون الكلام
ما سكن في وسط روحه
الا باقي من جروحه
من طيور تطير في ظلمة سماه
يمه شفتي
كيف ولدك
يصرخ بأذنه عناه
كيف كنت
وكيف كنتي
كيف كانت ضحكتي
كلها فرحه وروح
يمه ولدك من غيابك
ما عرف طعم الحياه
ما عرف الا شقاه
وفصله الخامس جروح
يمه ولدك
مختنق .. ظلمه سماه
حتى نومه من غيابك
دار ظهره
زاد قهره
صارت الرحله جروح
وين أروح
في غيابك
وين أروح

[بدرالموسى]

http://www.sarkosa.com/vb/imgcache/53424.imgcache.jpg


يا بشر صرنا نخاف
وصرنا نزرعنا بَلاده
ونحصد الذل العظيم
في بلاده ما عرفها
هي بلاده ؟
يا بشر صرنا نخاف
من نظرة عيون اليتيم
ومن الهشيم
اللي يلوح بالجفاف
صرنا نخاف
وكنا نخاف
ولسه نخاف
يا مدوّن
شوف بعيونك وسجل
انت تسمع مو مثلنا
واللي يسمع ما يقدر
ما يِحزّر
مو مثل بعيونه شاف
نزرع الدمعه رغيف
والمناجل بالرصيف
تحصد ارواح الضعاف
دَوّن الدمعه إعتراف
دَوّن الدمعه إعتراف

[بدرالموسى]

http://www.sarkosa.com/vb/imgcache/53424.imgcache.jpg

منهو يمسح دمعة الطفل اليتيم ؟
منهو يفهم دمعة الطفل اليتيم ؟
منهو فينا يعرف البكي القهر ؟
منهو فينا عايش الدمعه دهر ؟
يعني لازم يفهمه واحد عقيم ؟


لو سألته عن همومه
كيف يقضي طفل جايع
كيف يومه ؟
يعني ضايع
ناظر بمنظر هدومه
تعرف همومه
دامنا فعلا نخاف
ما نهاب الإعتراف
لنه صاير حكينا
والكذب فـ حكينا
ما نخاف الإعتراف
ليه نخاف
الكذب حبله قصير
والدمع أمره يسير
والقوي ياكل ضعيف
والضعيف يضيع في هم الشريف
والشريف
والشريف !!
شنهو يعني يا بشر كلمة شريف ؟

[بدرالموسى]

http://moaned.jeeran.com/%D8%AD%D8%B2%D9%8A%D9%86.jpg


صارت انفاسي جروح
ومخدتي هم شقا
علميني كيف أعيش
وكيف أبحيا مثلهم
لو يوم أحيا مثلهم
بس يوم أفرح مثلهم
أفرح وأطيش
وانسى الجروح
علميني وين أروح

[بدرالموسى]

http://vb.adma1.com/members/566186-albums1396-picture10351.jpg

مَا يهمْ الـ حلم دام الحلم هم ..!

صدقيني ما يهم
لو بعيش العمر ضامي
لو غرامي
بس أصونك
لو أخونك
بس معاك
وأحلم أتنفس هواك
لو يكون الحلم بس نظرة من عيونك
لو تناديني أجيك
لو سألتيني أبيك
لو
لو
...
ما فهمتي لهفتي وحرقة كلامي
إيه ضامي
جيت وعيونك
هنا
تطرد الهم
والعنا
جيت واللهفة أمامي
مابي أحلامي هموم
ولو تدوم
أطلبك
بس أشربك
ينجلي الغم
قولي تم
قولي تم

[بدرالموسى]

يجيني الصبح يهمس لي
ترى وسط الأمل صوره
وأقول هناك ألقاني
انا البرواز بغيابه
وانا كل الفرح لو هالفرح بيسكر أبوابه
وانا بلسمك لا قلتي
يهون أعيش مجروحه ؟
وأنا الـ تكفى
انا لـ أجلك أكون أوطان
ومن أجلك أنا المنفى

http://www.arjwan.com/vb/imgcache/1483.imgcache

أنا صوتك
وأنا سكوتك
أنا صبرك
وأنا قبرك
وأنا حتى كفن موتك
أنا عقلك
وانا جنونك
تجيني شوق وأفرش لك
عيوني شوق لعيونك



http://www.xx5xx.com/vb/picture.php?albumid=1150&pictureid=16511

أنا انفاسك
أنا أقرب من أنفاسك
أنا وحدك
وأنا كلك
وأنا لو تحسبي ناسك

[بدرالموسى]

http://i25.photobucket.com/albums/c76/Nightmaremom/Images/DsDesignsLoverGoodByeRain.gif



صرت السما لأجلك
وصرت الغيوم
واليوم
صرت السهر
صرت المطر
صرت النجوم
وإنت هاللمعه بنجومي
لو تبي تفرح وتزهر
هات كلك
إلمس غيومي

وتَمطر

[بدرالموسى]

http://up.msryat.org/uploads/images/domain-2754971fe4.jpg


ما هي نار
هذا قلبي وسط إيديني
ما تكفّيه الصدور
لا يلف ولا يدور
ولا عرف مَعنى السعاده
وما تباهى في عناده
ولا يخاف ينام ما بين القبور
ما هي نار
هذا قلبي بين إيديني
محترق لهفة وشوق
ما رضى سجن الصدور
طار فوق
طار فوق