دهاليز الغياب....!....

[وليد بن مسعد]

Entry...|...
اااه يالحظة الاحزان ياباكر...؟
خوفي ان الجفا بــكــره يغيرني...!!

إذا باقي على ذاك الغياب ايام ويمرك..
امانه لاتعود ان رحت يكفي كل ماسويت...

انا من كثر ماني منكسر خاطر مابي جبرك..
عزاي الدمعه اللي طاحت من العين ماسميت...

ياكم...مره تركتك للغياب اللي سبب عذرك..
وياكم اموووت واحيا يامجافي بين كيف وليت...

تسولف لي عن ايام الغرام وينتشي ثغرك...
وانا قلبي يقول ان كان ذا ياصاحبي حبيت...

متى قلي متى...؟عطرت كفي من وصل عطرك...
مافي كفي سوا ريح الجفا ياللي معي وفيت...

ياقوا الصمت يحداني ويجبرني على مرك...
ياظلم الليل يجرحني بطيفك كل مامريت...

كثر ماكنت اشوف الهجر ياخذ شي من عمرك..
عرفت انك ولا في يوم واحد راح بي حسيت...

مشاريه الهوا ياكم صاحت دون ماادرك...
الا بالله وشهي فايدة هالوقت ذا ياليت...

اذا كان الوصال اللي تفكر به معي غرك...
تعال انحسب اللي مدته يمناي وانت اقفيت...

انا وشلون ابدل دوري العاشق ولو باامرك...
ترا الاشواق تفضح وانت تخفي كيف لو ماأخفيت..!



Exit...|...
ماكفتك الدمووع اللي جهدت عيني..
وانت تدري الدموع من الرجل ذله...!

انــت يكفيك هجرك وانا يكفيني...
دمعتن تشكي من الحال والـــقــلــه...

[جُمان]

هي كَما أسمَيتها يا وليد ..
[ دَهاليزُ الغياب ] موبُوءةٌ بِوجعِ الفقد
ومَسكُونةٌ بأحَاديث الغِيَاب والغُيَّاب .. تُشرِعُ لنا أبوابها
وتتلو آياتِ النزف الأخير ../ عَلى مسمَع الليل

الشِّعر هُنا عذبٌ منقوشٌ بِحبرٍ عاتِب
جميل جداً

.

.

[عبدالله العويمر]

دَهَاليْز الغِيَاب
نَص كَالغَمَام يَاولِيْد
مَليء ُ ُ بِالنّبْض ِ المُوجِع

دُمْت بِخَيْر

[حسين السبيعي]

أحسنت أخي العزيز/وليد بن مسعد أحسن الله إليك

شكرا لك سيدي الكريم على إتحافنا بهذه الرائعة

صح لسانك ، وبيض الله وجهك ، ولافض الله فاك

دمت بسلام وسعادة وحب وألق أيها الأخ العزيز

[وليد بن مسعد]

هي كَما أسمَيتها يا وليد ..
[ دَهاليزُ الغياب ] موبُوءةٌ بِوجعِ الفقد
ومَسكُونةٌ بأحَاديث الغِيَاب والغُيَّاب .. تُشرِعُ لنا أبوابها
وتتلو آياتِ النزف الأخير ../ عَلى مسمَع الليل

الشِّعر هُنا عذبٌ منقوشٌ بِحبرٍ عاتِب
جميل جداً

.

.


العذب مرورك الكريم اختي جمان

ودي وتقديري....