:: روتــيــنــهــا ::

[بدر الحنيف]

أسعد الله أوقاتكم



آخر ما كتبت .. حصريا هنا ..




صارت وسواها البخت ياقلب ما يلحقك لوم =لا طرت فيها وانت مبطي كنت تسأل وينها

من الباب للطاقه والا ادري كيف لكني جزوم=ياطلة ِ قبل الشفايف بسمة احجاجينها

هلا هلا ياترفه عذبه بها الفرحه تقوم = لـمـّا دحمتي خلوتي في بحة ِ يازينها

جتني ويدفعها شعور ِ كان ينمو يوم يوم =حتى رماها في طريقي والغرام يدينها

رغم انها تجهل شعور ِ كل ما تطري يحوم =يعزف مشاعر ساميه .. مابيني وما بينها

حتى جبرني للغلا وأكتم وانا رجل ِ كتوم =وألقا ملامح للموده في سجن قوسينها

وانا وطاريها وسيرتها مثل حرب النجوم =كل ما تهجّر بالعواطف جيت في توطينها

فترة واناظر بأسمها وأنطر مواعيد القدوم =بأحساس يأكدها تجي واصبر بنفس اعينها

وجتني مثل بسمه بريئه من طفل قعيد نوم =وأنهت صراع النفس من تطري مع تخمينها

عفرى عذوبتها بكوم ومزحها الناعم بكوم =ياويل قلبي بين بسمتها و لفتة عينها

تنثر شعور ِ انثوي يسعى لتشتيت العزوم =من تحت نبضات الإثاره تبتدي تكوينها

ان قلت : اكابر واتدارى شفت ضاعت بي علوم =لاجت عذوبتها تخالط غنجها في لينها

ثم اتمادى بالدلع والكارثه عند محروم =وصحّت مشاعر داخله مبطي غفا تنينها

قالت : تخيّر بين ذيك وذيك واللهفه تزوم =وانا ابي ذيك وهذيك وقلت : ابي ثنتينها

خبله وجات تخيّر المحروم والمحروم .. قــوم =عقب أضطهاد اشواقها .. ماشي يملى عينها

لقيتها أروع من أللي كنت أحسه .. والهموم= أخفت ضمدها .. والسعاده حاجة ِ بيدينها

وعشت السعاده في عواطف كان يلفحها السموم =أثــر الليالي قبل تقبل فاقده تلوينها

أحلى شفافيه بها تقبل على متن الغيوم =وأحدها ريح ِ يبلل بالمشاعر طينها

يا الله عسى حالي مع العفرى وطلتها تدوم =في عاطفة شاعر يدين الوقت لعب ايدينها

والمشكله تقربي منها يكثر لي خصوم =وأزرع شغبها واجني الأمداد من تموينها

شف بنت ابوها ويش سوّت داخل القلب الكتوم =روتين يومه غيّره .. وأتقيّد بروتينها











أحــتـــراااامــــي لـلــجـــمـــيــع ،،

[عواد سحل]

سيظل هذا الاسم راسخ في ذاكرة الشعر

مودتي

[الجفول]

العزيز الغالي أبن العم الاكثر من رائع

بدر الحنيف



هنا أناخت راحلتي وحط بي الرحال نص يفوق الوصف
الله لا يضرك ولله درك
شهادتي فيك مجروحه

تحياتي

[قايـد الحربي]

بدر الحنيف
ــــــــــــ
* * *


أُرحبُ بك كثيْراً .

:

بشَفافيّة بَالغة العذُوبَة ،
وَ بعذُوبة بالغة النّبض ، جَاء الأزرق هذا هَادئ المَوج ،
كثيْر الغَرق / غزيرُ البَلل .

[ بدر الحنيف ]

وجُودك : جُودٌ أنتَ أهلٌ له وَ نَحنُ مُستحقوه ،
فشُكراً لك كثيراً يا صَديقي .

[عبدالله العويمر]

البدر: بدر

تُضِيء ُ الحُب بِقَنَاديْل شِعْرك

نَص شَفّاف لِشَاعِر جَمِيْل

دُمْت بُحب

[حاتم منصور]

بدر الحنيف

صح لسانك ونبضك وفكرك

لهذا النص الرائع

وتقبل تقديري وإمتناني وإعجابي بك

(همسه)

(تراك جبت بي العيد بنصك ولا تعيدها)
عزوبي متألم

مودتي وإعجابي

محبك
حاتم منقره

[فارس مهدي]

ياصديقي



وربي رائع

[صالح العرجان]

الشاعر بدر الحنيف
لا جديد سوا الإبداع كما عهدناك
صح لسانك

رد ود