مزاجي يا مزاجي

[عوض احمد]

يا مزاجي
وان غلو فيها
مزاجي
والله عادي

يا مزاجي
لا تناديها
وخليها تنادي

[عوض احمد]

عنيدة وراسها يابس
..... وانا ايبس منها لو تدرون
تداري ضعفها بهاجس
...... تخاف الناس لا يحكون
أنا في مهجتك جالس
...... وانا في نظرتك مزيون
هذاك أول وأنا عابس
...... أجل إليا ضحكت شلون

[عوض احمد]

مزاجي يا مزاجي حر
فنجاني واحبه مر

[عوض احمد]

مزاجي هب
تعبت تحب
دروبك ما لها أخر
جروحك ما لها من طب

[عوض احمد]

مزاجي يا مزاجي


أعطها الحامي
ودوووووس
يومها قالت حرامي
أسرق أحلام
العرووووس

[عوض احمد]

مزاجي يا مزاجي


أكثِرِي أو فأقِلِّي
قد مَلَلْنَاكِ فمَلِّي

ما إلى حبِّكِ عوْدٌ
ما دعا اللهَ مُصَلِّي

[عوض احمد]

مزاجي يا مزاجي




قالت معك
قالت أنا كلي معك
قالت معك
واللي خلقني أسمعك
واللي خلق روحي
أنا روحي تروح وتتبعك

يا طفلتي .. يا حلوتي
غيري أنا من دلعك
وغيري أنا من ولعك
قلتي وأنا أقول الهوى ما يشبعك

[عوض احمد]

مزاجي يا مزاجي






أربع فتياتٍ مع طفلةٍ وطِفل
أربع ملكاتٍ مع غيمةٍ وظل
يسرن في الطريق
يسرن بلا رفيق
يسرن سيرا ناعما برقةٍ يليق

الأولى كالأماني وقدّها رشيق
والثانية الأغاني وصوتها رقيق
والثالثة المعاني وكلّها بريق
والرابعة الثواني وصدرها يضيق

فجئت عندهن
وسرت بينهن

فقالت الأماني لأختها الأغاني

أطيرُ فامسكيهِ
وقيدي الطليق
ولا تقرِّبيهِ
إليكِ كي يضيق
أراهُ مُستفزا
وشكلهُ عتيق

فقالت المعاني

وزدن فيه وجدا
ببسمةٍ وريق
ولا تدعن منهُ
غريزة تفيق

فردت الثواني

دعوهُ في تمني
دعوهُ في حريق
يتيهُ في المواني
ويُخطئ الطريق

فقلت

يا ورودا يلفُّها الرحيق
أميرتي وغابت سموها الرقيق
بقصرها المنيفِ وقلبها غريق
فهيت للتمني وهيت للصفيق
دعوني في سباتي
دعوني لا أُفيق

[عوض احمد]

مزاجي يا مزاجي




والله إنك
أعمى قلب

فيني قلب
بس قلب ما هو قلب
فيني روح
بس روح ما هي روح
فيني عمر
بس عمر ما هو عمر

كل ما جيت أتظلل بك
ألاقي جرح غاير
صوت ثاير
ياللي ما تدري
عن احوالي
عذرتك
ما نهرتك

لانك أغلى في عيوني
لانك إحساسي وشجوني
انت لوني
انت لوني

والله إنك
أعمى قلب

[عوض احمد]

يا عيونك عيوني
تبي منك نظر

يا عيونك عيوني
ولا به من خبر

طالت مشاوير الهوى
وقلبي ينادي يا مقامات الوتر

غني معي
حبي معي
طيري معي
اهذي معي
ردي لي روحي
وارجعي لي واسمعي

يا هي سواليفي مطر
أبغى سواليفك عطر

[عوض احمد]

يا أحمد أعزف لي طرب
الهم من صدري اقترب
جيته على كف الهوى
بس إنه من شوقي هرب
شفته وهو يشكي يقول
قلبي تحرك واضطرب
يا ما ذبحني خافقي
ضامي ولا عمره شرب

[عوض احمد]

صحي عيونك صحصحي
يا دوبنا في أول الليل

قومي وغني وصبحي
صبحك أنا مشتاق له حيل

لا تناظري الساعة
المواعيد ابتدت
لا تناظري الساعة
السواليف ابتدت
بين الثريا فـ السما وسهيل

[عوض احمد]

قلتي تعال
وقلت لك سمي وجيت
برغم المطر ملهوف
وأخر مدى للشوف
شارعٍ خالي إلا من الما
وحبات البرد والخوف

قلتي تعال
وجمعت لك همي ونسيت
إن الوعد باكر
وإن اللقا باكر
وإنك تناديني بليا صوت
بس الصدى لك أسمعه
ياللي سكنتي مسمعه
مشتاق لك مووووووت

[عوض احمد]

قد سقيت الورد لعيون الظبي = وقد شكيت البرد في وقت الربيع
وقد قطعت الأرض أمشي بركبي = بينها وبيني من الساتر منيع
وقد حبست الهم في رمش اهدبي = أتوخى بالحذر يومٍ فجيع
هاوي المسرى برواقي وطنبي = وين ما تاصل ركابي لي هجيع
نصفي الأول يناديني اش تبي = ونصفي الثاني يعاندني ويضيع
بيني وبيني حروفي تختبي = وبيني وبيني من أشواقي وجيع
إن خفتها ايامي فيا كثر تعبي = وان قلت صدقاني فيا قل النفيع
وان قاله الله ما اتوذى وبشنبي = ما أطاوعها حياةٍ ما تطيع

[عوض احمد]

أبوس أنا قلبك
تعالي لي .. تعالي للهوى
أبوس أنا رمشك
تعالي لي .. وخلينا سوى
أبوس أنا كلك
وكلك فوق .. فوق المستوى

[عوض احمد]

:)






كنت داري
وكنت أداري
والعتب ما هو مداري

[عوض احمد]

نقطنا بسكاتك =لا لا ولا تغني
كسرّت مرآتك=شل صورتك عني
كذبك على ذاتك =وصدقي على ظني
يا غافلٍ فاتك=ما كنت مستني
الغيرة تقتاتك =والحيره في فني
غنوا بكلماتك =واستسمحوا مني
وفّيت يا هاتك=ستري ومتهني
وش عاد لو جاتك=جنيّتك تبني
على مخدّاتك=حلمٍ يلاحقني
والله لوعاتك=كذبٍ .. تعلمني !!
ما غير صرخاتك=قد فجّرت أذني
بتموت نبتاتك=وتموت ما تجني

[عوض احمد]

معذور ما يدري
إني أبيه
من جد أبيه
عن خافقي يسري

ودي أجيه
وخايف عليه
من مدفني وقبري