( وقيّة واقع )

[محمد عوده البلوي]

.



.



أنا أول .. كنت أصون الشعر .. احَسْبـه كـان صاينـّي ..! =لكنّ الحين .. أبا أسـرف فيه .. من ألفه .. لمليونه
أصونه .. ليش ..؟ يا عالم .. وهو مـن وقـت .. خاينّـي=تذاكر رحلتـي .. ! عنـده .. علـى ( تكفـون ) .. مرهونـه !
على ( كومة تجارب ) متكي .. في عزلتي .. كنّي=بقايا .. من صَخَب حفله .. خياليّه ومجنونه
صباحي فوضوي .. والليل ساكن في حدود .. أنّي=أنا تنقصني الونّه .. كثير .. وطلبة ألعونه
ولا ضحّيت فيْ قيد أُنمله منّي ولمَنّي=ثوابت .. تفرض الواجب عليْ .. وأقوم في شونه
من ذنوب الجروح .. اللي على التهميش .. لامنّي =تبرءا كل شي .. ولا بدا صدري بمكنونه
بياضي .. تدّرج حوله ..خناجر سود .. لكنّي=علمت .. إن ..المآمـن .. كلّها .. مـا هـي .. بمأمـونـه
تحديت .. الزمان اللي لياليه .. أخلفت ظنّي=وحيّرت .. أكثر الناس .. بمدى صمتي .. ومضمونه
وأنا أقرى .. في ورق ذكراي .. قصة حزني .. اغني ..! =وهُم يوم .. إسألوني .. كيف ..؟ قلت اللي تشوفونه ..
أنا ما ابكي .. على ما راح لي فالوقت .. رغم إنّي.. =فقدت برحلتي ( حلم الوجود ) .. وعشت من دونه
عسا شُهب الغصون .. اللي من أول خضر .. يفدنّي=محيطي .. ما تكرم في ثرى .. للجذر وغصونه
وإذا يا وقت .. ما حققت .. حلم أيامي .. ادفنّي=في برزخ ياس .. وادفن .. ما بقا من عمري .. وصونه
عن آمالي .. أبا أغضي .. في تفاءل .. وانشغل عنّي=ما أبا اقلّب مواجع .. والنهاية .. شبه مضمونه
سرت .. وسمية أحلامي .. ولا ابغا أعيش متمنّي=يسد .. اللي مضى والحال.. كيف الحال ..؟ وش لونه ..؟
خسرت .. وما ربحت .. إلا الشموخ اللي بقا .. منّي=ربحْت .. وما خَسرت .. إلاّ الفتات .. اللي يلمونه
تغازلك أمنياتي ... وأنت يا آخر حلم .. مستنّي=لكنّ ... ارحل عن المحروم منْك .. وحِل عن كونه
أبا اخفي كل طعنة .. فوقها النظرات .. تطعنّي=وأشتت كل فكره .. من عيال إبليس مسكونه
وإذا كـان الحـلاء .. دايـم .. هـو أكثر شـي يفتنّـي ..؟=أبا ارفع نظرة الجيعان .. عن تصبيره .. تخونه
وإذا خش الخطر حد .. النظر عاني .. ومتجنّي=أقول لخافقي .. احـذر ..! أمامـك بنـت مزيونـه
عن دروب الهوى جنّبت ..متضايق .. ومتهنّي=تموت ..النفس .. محرومه .. ولا تنساق .. مفتونه
ابهّر دلة الإعجاب .. من هيلي .. ومن بنّي=وأقول إن القناعه .. دايم أبقى وابرك المونه
وانا في ..عالم يعاون عليّ .. وما يعاونّي=( وقيّة ) واقع .. انفع .. من ( طنون ) أوهام مرهونه







تحياتي

[سعـد السعـيـدي]

:

محمد البلوي..ونص يستحق الثنـاء..

يُشرفني بأن أكون أوّل من صافح تلك الغيـمة..يامطـر

شُـكـراً..للجمـال..الـذي..أتى..بِكْ/مِنكْ


أعـطـر الـتـحـايـا

[عبدالعزيز رشيد]

محمّد النصّ في غاية الروعة والإكتمال لكن العنوان_من وجهة نظريّ_ أقلّ منه بكثير,دخلت ولم يخطر على بالي أن أقرأ ماقرأت فأنصف نصّك بعنوانك

تحيّتي لك

[محمد السالم]

عودتنا يا محمد على الشعر

فنحن لا نتقدم إلى متصفحاتك

إلى ولكنا يقين بأن الشعر حاضر بكل زهو


تقبل مروري المتواضع

[سلطان الوثر]

وأنا أول كنت أصون الشعر احسبـه كـان صاينـي
لكن الحين أبا أسـرف فأجمـل حروفـه وبلحونـه

,

متشفـّق على سماعها


سلامي عليك , وأجمل تحيـَّاتي

[عبدالله العويمر]

محمّد
حِيْنَمَا أرى اسمُك أجِد ُ نفْسِي سَعِيْداً ، ووَاثِقَاً بَأنّ الشّعْر كَالغَيْم بِيَدِك

هَذَا النّص مَلِيء بِكُل شَيء ٍ تُحبّه ُ الذّائِقَه

رَائِع والله حَدّ الإبْهَار

[محمد عوده البلوي]

القدير سعد السعيدي




انا من تشرفت بمصافحتك الاولى وسعدت كثيرا



وهذا كرم منك .. شكراً جزيلاً لك


لا عدمتك



تحياتي لك وتقديري

[محمد عوده البلوي]

عبد العزيز رشيد



هلا بك وغلا




اقتراحك في محله وتم تغيير العنوان



شكراً لك على اهتمامك ومرورك




تحياتي