سأنفخُ وطناً في بالون..!

[حابس المشعل]

إيه
يا(عالي)السخافه
ويا(واطي) اللغو
ماشعرت اني مـمر
ومادريت انك بهو
الاّ من قلتي: الو

طب قولي: الو
الو
الو..!

[حابس المشعل]

نصيحة بـ بلاش!
ـــــــــ

جرّب.. انك كل ماجيت بـ تنام
ترسم ضلوعك شبابيك لـ حَمَام
يعني تبني من بقايا هالحروب
ألف شاعر ماعَرَف معنى السلام


.
.
ونااااام...!

[حابس المشعل]

وانتي غير
انتي من كثرك
بـ كثرك: صرت اطير
صرت اشوف الارض(فوقي)..
والسما تحتي بخير!!
صرت اعَرف شلون افّرق
بين أوّلك/.. الأخير
صرت غير
.
.
وانتي غير!

[حابس المشعل]

بطاقة:
ــــــ


آمني بي
حّسي لو مرّه بـ كلمة ياحبـيـبي!

[حابس المشعل]

الانثى عصفورة ولو
........كانت بليّا... ريش!
مليانه بالسخف اللغو
........وتموت بس تعيش!

[حابس المشعل]

صديق قديم:
ــــــــ


عود

لا لا

لا تعــود ..
وجهك اطهر من : مراية هالجحود
خطوتك اشرف من الشهوة/ الحدود!
كفـّك الأصدق ..
وانا لا قلت لك : عـود
اسألك بالله يااخي لا تعـود!
غيب .. هذا الموت فرصة للحياة!
غيب .. هذا الغرق .. مهرب للنجاة!
غيب قد ماتقدر وأكثر ..... بس :
اسألك بالله يااخي لا تعـووود!


لا تعود!

[حابس المشعل]

أحمد ولد راشد زعل
ــــــ
ولمّا عَقل:
قال الدفاتر: كـ النساء
النصف مليان بـْ حزن
والنصف الآخر: بـ إشتهاء

[حابس المشعل]

http://www.easypics.us/pics/cracked.jpg
الكتابة عبث
ــــــــــ
.

.

تبغ/اربع الا/قلم رصاص...../......وعيوني
..................بُن/خمسة الا/قلق يتوضىء أجفاني
ليل يتشعب/تعب........../يتوطى......متوني
..................بـاب/وحنين/أجمع الغيّاب وأنساني
حزين/مرهق...../طفو الغالين...../شلّوني
..................ابتداء من الـ..أنا.../الايام/ خِلاني
ياكثر فيا..... متى:بجيوبي/بردونـــــي
...................وكل ماحوالي وكل ماحولي ينعاني
لاالارض أرضي......ولاالسقف /السما كوني
..................فقيرحّدي....وحّدي حيل ...وحداني
يمرني الدمع...... يتزحلق على.... جفوني
..................وارقى/اغنيه يسقط.../داخل لساني
أصد.عني وأتواعد...مـــع طعونــي
..................عند..أول الدمع..لآخرآآآه عنواني
أفكار.......تلهث أحس ان العطش لوني:
................وان جلدي الجدب واني الباقي/الفاني
وألمحني اضحك/اخاف/.أشفق على جنوني
................واصرخ الين الـ.جنون يرد لي ثـاني
اركض بعيني../امر الوحل../....من دوني
................واسقط عليا../عجز.../والوحل يرقاني
ياكثرمابي.....سلالـم ريح......وظنوني
................تصعد/وتسقـط يديها وجيه:عدواني
واذكرني اول.. مراهق ما..بعد جونــــي
................خيالة الهم... واغتصبوا دفى ألواني
كراستي../اغنيات الشيخ/......مضنوني
................واحلام امي/الغبيه/ضحكةاخوانـي
واصوات ربعي/الحمائم/اخضرغصوني
...............والنافذة اللي تسيل احباب بـأحضاني
وعذوق نورة.../وشهرالملح.../كانوني
...............وتموز:حضن الدخول لخارج أزماني
كانوابيديني.../تناماالجوع../.....ونسوني
................ورديت ليا..../أدورهم.../ولاألقاني
جدران../وحده../وطموح يشتم سجوني
...............وشعب امنيات الـ.يبوّس كعب سجاني
كثرالاسامي../..كثرماجروحي ابكوني
.............مشتاق اسولف لحضن امي عن احزاني
مشتاق ليا../لسرالرمل.../لمزوني
..................للعشب../للما./لحلم يبعثرأركاني
مليت.. أكون السؤال:وليه خلوني
................وأرجع.. اكون الجواب الكل خــلاني
يا..ريت هذي السجاير...ناس يغلوني
............سخف!أدري وأسخف من التشبيه دخّاني
لكنه اطعم ...من اطعم كلمة.... شلوني
..............واناادري محّد سواي يموت من شاني
آه../عشرة الا../قلم مكسور./مكنـــوني
................ارهاق رفرف.../حصير البرد./ناداني
نعسان وادعي..على الله ما....يحصدوني
................باكراذا..موسم الاوراق....غنـّـاني
بنام لحظة...وأبحضن حنطة شجونـــي
................يمكن على الله القلق لويوم ينساني
.
.
.
.
.
.
.
.