خالد الوقيت
07-10-2009, 09:44 PM
كل ما غمّضت عيني عن بلاوي هالزمن =واتجهت بعكس ذلك هاربٍ لاقصى مداي
كل ما جتني ذلول الهم تركض بالرسن= وابركت قدّام وجهي واشرت لي في عصاي
واركبتني فوق ظهر الياس وظروفي كفن=وعوّدت بي مع تباريحي على نغمة عزاي
والمصيبه في رجوعي تصبح السيره علَن=وانا في حزّة خروجي لابسٍ سترة دجاي
اتذرّى عن هل النمّات واصحاب اللِّسَن=كلمةٍ منهم تسوّي مالا يقوونه اعداي
وانت ياللي فاتك الأسلوب واغواك الحسن=ماطمعت من المكاسب غير في لقمة شقاي
مارحمت الضايق اللي جاك في ثوب الحزن=يشتكي لك وانت داله كن همّه كاس شاي
جيتك اضوى من شعاع الشمس وانوار المدن=اتبعثر في غلاتك وانت ما سِـلْتْ بغلاي
صغت لك عمري حديقة ودّ واحساسي فنَن=وقمت اظلّك من لهيب الشمس في دوحة وفاي
باغترابك في شبابك صرت لك احلى وطن=تشرق شموس السعاده في ركونه من دفاي
الوله والشوق وانفاس الصبابه والشجن=سقتها لك كل ابوها وانت تبخل في عطاي
بس تدري ! كنت ساذج يوم افكّر بالثمن=قبل اقارن لو دقيقه محتواك بمحتواي
تعشب الارض الغليظه من تهاتيف المزن=وانت قلبك مانبت مره رغم ديمة سماي
ما الومك والطبايع قشر والدنيا فتن=بالتمس لك عذر وارجِع ماحصل منك لرداي
واعتبر هذا وفا مني اذا ماحسنت ظن=وان اسأت الظنّ فيني عدّ هذا من غباي
ماني قايل لا رحلت : الصيف ضيعتَ اللبن=الأكيد اني بقول اليوم وينك ياهوااي
.
.
كل ما جتني ذلول الهم تركض بالرسن= وابركت قدّام وجهي واشرت لي في عصاي
واركبتني فوق ظهر الياس وظروفي كفن=وعوّدت بي مع تباريحي على نغمة عزاي
والمصيبه في رجوعي تصبح السيره علَن=وانا في حزّة خروجي لابسٍ سترة دجاي
اتذرّى عن هل النمّات واصحاب اللِّسَن=كلمةٍ منهم تسوّي مالا يقوونه اعداي
وانت ياللي فاتك الأسلوب واغواك الحسن=ماطمعت من المكاسب غير في لقمة شقاي
مارحمت الضايق اللي جاك في ثوب الحزن=يشتكي لك وانت داله كن همّه كاس شاي
جيتك اضوى من شعاع الشمس وانوار المدن=اتبعثر في غلاتك وانت ما سِـلْتْ بغلاي
صغت لك عمري حديقة ودّ واحساسي فنَن=وقمت اظلّك من لهيب الشمس في دوحة وفاي
باغترابك في شبابك صرت لك احلى وطن=تشرق شموس السعاده في ركونه من دفاي
الوله والشوق وانفاس الصبابه والشجن=سقتها لك كل ابوها وانت تبخل في عطاي
بس تدري ! كنت ساذج يوم افكّر بالثمن=قبل اقارن لو دقيقه محتواك بمحتواي
تعشب الارض الغليظه من تهاتيف المزن=وانت قلبك مانبت مره رغم ديمة سماي
ما الومك والطبايع قشر والدنيا فتن=بالتمس لك عذر وارجِع ماحصل منك لرداي
واعتبر هذا وفا مني اذا ماحسنت ظن=وان اسأت الظنّ فيني عدّ هذا من غباي
ماني قايل لا رحلت : الصيف ضيعتَ اللبن=الأكيد اني بقول اليوم وينك ياهوااي
.
.