وديع الأحمدي
07-12-2009, 09:52 PM
بكل الود والمحبة ...
أطرح هذه في حرم ذائقتكم , فأسمحوا لها بقدر ما في قلوبكم من جمال ...
تداعيات أخرى!!
عادي , تشوف الزمن في يوم ضدك=ويصبح الياس خلك وانت : عادي
:=:
تعيش!! لكن تعيس!! وْ وسط خدك=تحفر سيول الدموع دْروب وادي
:=:
تنادي الحظ وبْصمته يصدك=ويْمرّ عمرك ولا ردّ التنادي
:=:
تخيّل انك تنام وْ بين يدك=تشيل جمر القهر والجرح نادي
:=:
تسجّ مع حلم والواقع يلدّك=وتْقسّم الآه مع ريشة عبادي
:=:
تعدّ مسْباح عمرك أو يعدّك=من فيكم اللي غزاه الشيب غادي؟
:=:
يا حزن في داخلي من فيه قدك ؟=تمدّ رجلين وتكوّع أيادي
:=:
مستعمر الروح في جزرك ومدك=ماتْخونك الريح لوّ الموج هادي
:=:
ماني بندك لو اني كنت ندك=سلّمتك السيف مع جامح جيادي
:=:
رفعت راية عداء لـْ من يضدّك=واعلنت كامل ولائي واعتدادي
:=:
آمنت بك !! والأمل ما كان : ودك=وان صرت كلك تفاصيل امتدادي
:=:
يا صاحبي والقهر لا بحت سدك=في لمعة العين يقراك الأعادي
:=:
يا صاحبي والسهر ما يوم حدك ؟=على الحطب ؟ والدفا مغرور سادي !!
:=:
استجدي الحزن يسمع همس ردك=واحاول ارضيه وارضخ في عنادي
:=:
هذا أنا !! .... واحتضاري كان هدك=على رصيف امنياتي بعت زادي
:=:
تبيني اسكت؟ او ان الحال شدك؟=ودي أدوّر لهذا الهمّ شادي!
:=:
عادي , يموت الأمل , والحظ ضدك=ويصبح الياس عندك شيّ عادي
الود / الورد للجميع
تحاياي
أطرح هذه في حرم ذائقتكم , فأسمحوا لها بقدر ما في قلوبكم من جمال ...
تداعيات أخرى!!
عادي , تشوف الزمن في يوم ضدك=ويصبح الياس خلك وانت : عادي
:=:
تعيش!! لكن تعيس!! وْ وسط خدك=تحفر سيول الدموع دْروب وادي
:=:
تنادي الحظ وبْصمته يصدك=ويْمرّ عمرك ولا ردّ التنادي
:=:
تخيّل انك تنام وْ بين يدك=تشيل جمر القهر والجرح نادي
:=:
تسجّ مع حلم والواقع يلدّك=وتْقسّم الآه مع ريشة عبادي
:=:
تعدّ مسْباح عمرك أو يعدّك=من فيكم اللي غزاه الشيب غادي؟
:=:
يا حزن في داخلي من فيه قدك ؟=تمدّ رجلين وتكوّع أيادي
:=:
مستعمر الروح في جزرك ومدك=ماتْخونك الريح لوّ الموج هادي
:=:
ماني بندك لو اني كنت ندك=سلّمتك السيف مع جامح جيادي
:=:
رفعت راية عداء لـْ من يضدّك=واعلنت كامل ولائي واعتدادي
:=:
آمنت بك !! والأمل ما كان : ودك=وان صرت كلك تفاصيل امتدادي
:=:
يا صاحبي والقهر لا بحت سدك=في لمعة العين يقراك الأعادي
:=:
يا صاحبي والسهر ما يوم حدك ؟=على الحطب ؟ والدفا مغرور سادي !!
:=:
استجدي الحزن يسمع همس ردك=واحاول ارضيه وارضخ في عنادي
:=:
هذا أنا !! .... واحتضاري كان هدك=على رصيف امنياتي بعت زادي
:=:
تبيني اسكت؟ او ان الحال شدك؟=ودي أدوّر لهذا الهمّ شادي!
:=:
عادي , يموت الأمل , والحظ ضدك=ويصبح الياس عندك شيّ عادي
الود / الورد للجميع
تحاياي