نهايات ..!!

[نواف التركي]

.








.







.


بنام
بنام
ما لقيتك بـ السهر
بلقاك بالأحلام

[نواف التركي]

ما سألتك ..
قلت لي رايح ..
وخليتك تروح ..
جاي بعد الإيش ..
جيت ليش ..
لا تقول الحب جابك ..
قول كل اللي تبيه إلا المحبّة
أنت ما خليت في قلبي مكان
خلّ عنك كان
مابقى لا لك ..
ولا لغيرك مكان ..
جاي بعد الأيش ..جيت ليش ..

[نواف التركي]

أنت عادي
ما احبك
ما أكرهك
أنخذلت ?
مومهم عندي أبد
أنجرحت ?
والله عادي مو مهم
فيه أشياء بحياتي منك أهم

[نواف التركي]

غيرتني دنيتي بعدك كثير
صرت ما أحب الكلام
صارت البسمة على شفاهي عجب
صار صمتي في عيون الناس عادة
لين شمّعت أمنياتي بأغنياتي وأستلذيت الغياب
الغياب اللي أحبّه
الغياب اللي من الداخل بروحي
ما معي غيري أحد
أكتب لنفسي وتقرى
وأتجاهل كل من حولي من الأرواح واقرى
لأني أصدق من يحس بما قرى
ولأن أحبابي قليل ولأن أصحابي قليل ولأنّي المثقل بروحي
في جروحي
فإنتمائي
في وفائي
وأنّي أجمل من كثير
لا تحسب إنك مسوّي في حضورك خير
ويش جابك
كنت مرتاح بغيابك
جاي تحسبني من الفرحه بطير
ما بقى بي ريش
جاي بعد الأيش ..

[نواف التركي]

كل ما قرب من الدمع الكلام
قلت نااااااام
بكرة أذبح لك من دموعي حمام
بس نام

[نواف التركي]

http://www.4shared.com/file/118863325/d670add/___.html


بـ صوت

مشاري

[نواف التركي]

مو غريبة ..
كان قبلك لي حبيبة ..
مثلك إنتي ..
تعرف تمدّ الوجع بكفوف راحة ..
لا يهمّك ..
قلبي متعوّد جراحه ..
صدقيني صرت ما أستغرب ولا أسأل ..
من حبايب ,
من قرايب ,
من عدو من أي صاحب ..
ما تخاف من البلل روح الغريق ..
كان عندك جرح هاتي ..
وإرجعي مثلك مثل غيرك غريبة ..



السنابل ماتبي تذبل بكف الريح رحمة ..
لا أينعت راحت تنادي للمناجل ..
أحصدي حبّات روحي وأطحنيها وأخبزيها ,
خلّي الأرواح تقتات الكلام ..
باكر يطيح المطر وأسقي عروقي وأرجع أنبت من جديد
وأتهيّأ للحصاد ..
سمّح الله درب كل اللي حصد منّي غلاه وراح مبعد ..
بالسلامة والطريق اللي وصل فيك بيردّك ..
بالسلامة ..


لايهمّك
كان لي قبلك حبيبة ..
علّمتني ,
كل حاجة ..
لين ما عادت ولا حاجة غريبة ..

[نواف التركي]

المسافة :
شي نقدر نقطعه لكن نخافه ..
سلّمي روحك طريق البعد لو كنتي حسافة ..

الحنين :
كثر ما تبعد يبين ..
وآنا جيتك
ياما جيتك بس ما كنتِ تجين !

الصراحة :
جرحي اللي ما قدرت أطلق سراحه ..
من بداية شكّي لآخر محطّات اليقين ..
وآنا آسف ..
قدّ ما أنتي تبين ..

النهاية :
عمر ما كانت صناعة ..
لو قدرت اختار ما اخترت الحضور ..
النهاية ..
قسمة وحظ ونصيب ..
غيب
قدّ ما تقدر تغيب
يمكن أقدر أذبح احساسي وأغيب ..

[نواف التركي]

لا تحبّه ..!!
أقطف اليانع من الشاعر وكبّه ..!!
.
.
لا ارتكبتك عذري إنّك جيتني ذنبٍ أحبه ..!!
وإن جفيتك , دون سبّة ..!!
أعرف أنّي خفت من نفسي عليك ورحت عنّك ..!!
مو لآنّك ..
أو لأنّك ..
لا لـ أنيّ ..
ما أحبّ أكون مثل الناس عادي ..
ولا أحبّ أكون حلمٍ ما تحقق ..
ولا أحبّ أسرقك منّك ..
أقطف اليانع من الشاعر وكبّه ..!!
لا تحبّه ..!!
.
.
أنت مثل الكل ودّك ..
تعرف أكثر ,
ما يهمّك شي كل اللي يهمّك ..
ترمي بدلوك وتخرج ما تيسّر من حديث وتشربه وتروح مبعد ..
ياخي أبعد ..
مابقى فـ البير ما يروي عطشك ولا بقى بي ..
شي يستاهل أصبّه ..
أقطف اليانع من الشاعر وكبّه ..
لا تحبّّه ..
.
.
ما أحب أكون للعابر محطّة ..
أسف إن خانت بك ظنونك ورحت بدون أسف ..
والعواطف ..
وإندفاعك بإتجاه الـ لا مشاعر ..
من هو بس اللي خدعك وقال لك رح حب شاعر ..
لا تحبه ..
أقطف اليانع من إحساسه وكبّه ..

[نواف التركي]

لي فـ الغياب أحباب
دام الحضور قبور
لا تقرّب الأغراب
دوم الغريب يبور


ويغفى النور ..
ولا أحسّ الحضور حضور ..
وأحسّ إنّ الغياب أجمل ..


تعال نغيب ..
تعال نروح للأخر ..
تعال أكثر من اللازم ..
تعال وبس ..



تعب ياصاحب الأقلام ..
تعب وأحلامنا ما عادت الأحلام ..
تعب وأكثر مساحات الكلام قبور ..
تعبت أحضر شعر وشعور ..




تفتّش بي قلوب الناس ..
عن الإحساس ..
عن اللي ما وراء الصمت ..
عن الخافي ..
عن الــ ... ولاّ بلاش أحكي ..

تعبت أحكي ..
تعبت أكتب ..
تعبت أكذب ..
تعبت أحضر شعر وشعور ..

[نواف التركي]

هذا أنا يا أسماء
تعيشني جروحي
هارب من الأشياء
متوحّد بروحي
أتعمّد الأقصاء
وأستفرد بـ بوحي

هذا أنا ..
أحيان يخذلني الحكي
أحيان يأخذني الحكي
أحيان أحسّ أني طفل وأشاغبك
وألاعبك ..
وأزعل على اتفه سبب

وأحيان أحسّ انّي كبرت بـ هالعمر
وأنّي كذا ملّيتني
وأنّ السنين اللي تمر
ماخلّت بعمري عمر
وأشتاق لـ الأوّل وأحن
وأحسّني مثل السفن
تبحر بعيد مسافرة
وتغيب ضحكتها على كل المواني العابرة
ومكابرة ومكابرة
تخاف لا هبّ الحنين شراعها
تشتاق لأحضان الوطن

لا تعبثين بشاعر أضحى خالي إحساسه من الأحساس
خليه مثل الناس
ينام خالي هم
يصحى ولا يهتم
خليه يا أسماء
هارب من الأشياء
هارب من جروحه
هارب إلى روحه
والسلام
يرفرف بصدره حمام
والسلام يرفرف بصدره حمام

[نواف التركي]

( ما لهذا الصبر أخر ) ..
ما لـ هذا البحر مينا ..
وشـ بيدّي ..
كل ما رفرف بقلبي حزن
غنّيته ..
كل ما راود عيوني مزن
بكّيته ..
وش بيدّي ..
ما تخيّرت الكلام ولا تخيّرت السكوت ..
ما تخيّرت الحياة ..
بسّ يمكن ..
أقدر أتخيّر أموت ..

لا تمرّ بروحي إلاّ عابر وقلبي معاك ..
لا تمرّ جروحي إلاّ من هناك ..
من بعيد ..
مثل طعم العيد ..
خلّك أبعد من مسافات الطريق اللي مشيت ..
خلّك أبعد ..
ما بقى في دفتري وقت وحنين ..
لو لمحت أنّي حزين ..
لا تجيني ..
خلّني منّي وفيني ..
لا تجيني ..
القلوب أوقات تغريها المواجع ..
وأنت عارف ..
ما بكت عيني فراقك يوم طريّت الرحيل ..
كانت دموعي قصايد ..
كانت جروحي قلايد ..
كل جرح ألبّسه شعري ويفرح ..
شوف كيف أحيان بعض الشعر يجرح ..
رح بعيد ..
ماني راجع ..
القلوب أوقات تغريها المواجع ..
رح بعيد ..
رح بعيد ..

[نواف التركي]

كتبتك لين ماعاد الكلام أجمل ..
وبقيت أجمل ..
بقيت أطهر حقير بساحة الـ والي ..
بقيت الطامن العالي ..
وداعاً .. مو لأنّي ما لقيت أحساس ..
وداعاً .. لأن الناس ماهي الناس ..
وداعاً لأني الأجمل ..
وأذا مرّيت بشفاة الحديث وغنّت الذكرى ..
أذا جابتني الصدفة ..
بربّك شف لها صرفة ..
وقلّ لليل ياعمّي خلاص أنسى ..
وقلّ للفجر ..
ترا جينا من اقصى العمر ..
ندوّر للتعب مرسى ..

ورحت ولا بكى صاحب ..
ولا بنت أرخصت دمعة ..
كذا يمشي الغريب بسكّة التيه الطويل ولا معاه أحباب ..
كذا هي سيرة الغيّاب ..
يا آخر ضحكةٍ مرّت ببال الدمع قبل أرحل
أنا مغرور من يومي ..
أنا من خلقتي أجمل ..
أذا مرّة حكيت لعابرين الدرب ..
إذا ليلة ضعفت وقلت ..
فأنا فالغالب الأبعد ..
عطيني قلبي أسرفتي وأنا ما عاد أبي أصبر ..
صبرت أكثر من المعقول ..
ضعفت أكثر من اللازم ..
خلاص الحين ماعادت عيونك قبلة الأحلام ..
تعبت أسهر ..
أبي أرتاح ..
ابي عيوني مثل كلّ العيون تنام ..


كتبتك لين ماعاد الكلام أجمل ..
وبقيت أجمل ..
بقيت أطهر حقير بساحة الـ والي ..
بقيت الطامن العالي ..
إلى النسيان يا الأحلام ..
إلى الخذلان يا الأقلام ..
إلى مالا نهاية سارت الأقدام ..
وداعاً لأني الأجمل .

[نواف التركي]

من يقول الصدق جنّة ..!!
ماصدق ..
جرّب تعيشه صحيح إنّ كان ودّك ..
شوف كيف يهدّك ..
وأنت ما قصّرت والله العظيم ..
لك بصدري عمر ما تكذب
عشاني ..
كنت أناني ..
كان مفروض أتْركك ترتاح منّي ..
لاتغنّي ..
أكذب .. أكذب ..
حبّ ألعب طيش ..
روح لأحضان الغواني ..
للسواني ..
وأشرب أشرب ..
سوّ كل اللي نهيتك عنّه ..
من يقول الصدق جنّة ..!!
..
لا تغنّي ..
ماذبحني غير صوتٍ أبعثه منّي لـ منّي ..
أسف أكثر من سنينك ..
من تعبْك ..
ومن حنينك ..
وأكثر أكثر أسف ..
كثر ما جرّيتك لشوك الطريق وتمشي ..
كثر ما بللت رمشي ..
كثر ما أهرب فيك من كل السنين الخضر لسنين الجفاف ..
كثر ما نوّاف صادق مع نوّاف ..
من يقول الصدق جنّة !! ما صدق ..
..
رح هذاك الدرب وأصوات الغياب تنادي ..
( يا فؤادى لا تسل أين الهوى
كان صرحا من خيال فهوى
اسقنى واشرب على أطلاله
وارو عنى طالما الدمع روى )
رح هذاك الدرب وأصوات الغياب تنادي ..
مدّ روحك وتتلقفّك الأيادي ..
وأنتبه في يوم تصدق ..
أكذب أكذب ..
وإنّ شعرت بذنب لا تحزن تذكّر ..
أنّك أخر قلب يسقط ..
وأنّ صدقك جمرك ..
وإنّ كذبك خمرك ..
أثمل أثمل , غيب عن كل القناعات السخيفة , عن اساطير الغرام , والحكايات القديمة , والوفاء والصدق وأطباع الكرام ..
لأنّ هي الدنيا ماعادت مستقيمة , لا تكون أنت الوحيد المستقيم , هيم هيم ..
كل وادي غيّ مرّه ..
كل كذبة في طريقك أرتكبها ..
سوّ كل اللي نهيتك عنّه ..
من يقول الصدق جنّة !! ماصدق .

[نواف التركي]

أندفعت أكثر من اللازم عليك ..
أدري ..
أدري أدري ..
أدري إنّي جيت كلّي ..
ماتركتك تنتظرني ..
كان مفروض أنْتظرك تجيني ..
لين أحسّ أنّك تبيني ..
لين أحسّ إنّي بقلبك شي ثاني ..
تترك الدنيا عشاني ..
تنتظرني ..
تحتريني ..
وإن غلبك الشوق ما جيتك تجيني ..
.
أندفعت أكثر من اللازم عليك ..
كنت من روحي أبيك ..
كثّر الله خير قلبك ..
قلت لك مرّة إذا تذكر تراني :
ما أعرف أخسرك كلّك ..
بس ما علمّتك أنّي ..
بينكسر بك شيّ مني ..
كثّر الله خير قلبك ..
صرت أعرف الحين لا حبّيت كيف أسوّي ..
صرت أعرف شلون أحب بدون قلب ..
صرت أعرف شلون أحبّ وما أحب ..
صرت أعرف الحين كلّ اللي أبيه ..
برجع لنفسي وأحاسبها عليك ..
ليه كانت معك تضعف ؟
ليه ؟ ليه ؟
وكلّ ليه أحتاج أرشّ بملحها جرحي ويعرف ..
ويتعلّم ..
كيف ما يتركك تقرب ..
كان عندك كاس فرقى هاته ..
وأسقني وأسقيك منّه ..
لين أغنّي :
( أسقني وأشرب على أطلاله
وأروٍ عنّي طالما الدمع روى
كان صرحاً من خيالٍ فـ هوى )
وآتهاوى ..
وأرجع لصمتي الطويل ..
أرجع لحزني القديم ..
أرجع آغنّي لروحي ..
مو طرب لكن أغنّي ..
( مو حزن لكن حزين )
مو حبيب أحّد ولكنّي أحبّ ..
مو بعيد كثير لكنّي بعيد ..
يالله خيره ..
وأنت أشوف عيونك الحلوة بخير ..
طار من غصن المحبين الحمام ..
والسلام ..
والسلام ..

[نواف التركي]

أنا محتاج لي ليلٍ طويل وضحكةٍ عذرى ..!!
وروحٍ كلّ ما رفّ الحنين بداخلي تقرى ..!!
بقى بالله أحد يقرى الحديث بـ روح ؟
ولا واحد من الأحباب ..
قدر يتوغّل بروح الكلام المزدحم بالصمت ..
لذلك كان لا بدّ الكلام يموت ..
وأنا شاعر ..
متى مات الكلام بدفتره بيموت ..
ولا أبغى أمرّ , مرور العابرين الممتلين بسخف ..
ولا أبغى أكون للنسيان ..
أنا أخترت الطريق الصعب ..
وأنا عارف من أوّل ما تخيّرت الطريق إنّ التعب أكثر ..
وقدرت أمشي ,
وأعدّي عمر من عمري ..
كأني أهرب من الوقت ..
.
.

تجين إن ضقت أغنّي لك ..
أنا صوتي يجي مثل المطر لا ضقت ..
وأغني لك ..
دخيل عيونك أن هبّ الحنين شلون ؟
أقول أشتقت ؟
أقول أنّي فقدتك عمر ؟
أقولّ أنّ المفارق جمر ؟
أغنّي لك ؟
ياليت أقدر ..
أنا يا جنّة الدنيا تعدّاني كثير الوقت ..
كثير أشتقت ..
ولا جيتك ..
ولا أقدر أجي مثلي مثل غيري ..
ولا أقدر أجي مثلي ..
أنا للأمس ولبكرة ..
ولا عمري قدرت أحضر عشان اليوم ..
وأحبّك بيني وبيني ..
وأحبّك أكثر من اللي ببالك مرّ ..
وبكرة بعد ما يقطف خريفي أجمل أوراقي ..
بعد ما أكفّن الدفتر ..
بتدرين أنّك أجمل ما كتبته للزمان الجاي ..
وتبقين بثغر طفلة تردد صوتي اللي مات ..
كثير الحكي لكنّ الكلام يغصّ بعيون الدموع ويلتجي للصمت ..
لذلك كان لا بدّ الكلام يموت ..
وأنا شاعر ..
متى مات الكلام بدفتره بيموت ..

[نواف التركي]

كلّ يوم يمرّ نكبر ..
كلّ يوم أحلامنا , تصغر و تصغر ..
خايف أصحى يوم وألقى العمر فات ..
خايف إنّ الذكريات ..
وحدها العمر الجميل ..
وإن هذا الباقي , ما بقى به باقي ..
كلّ ما أتفقدّ مكان ألقاه خالي ..
وأتذكّر ..
كانت الأيام أجمل ,
كانت الأحلام أكمل ,
لو بيدّي ..
كان أوقّف عقرب الدنيا وأظلّ هناك باقي ..
واللي باقي ما أبيه ..
لو بيدّي ..
لكن أدري ما بيدّي شيّ ..
وأدري إنّ الوقت يمشي ..
وإنّي أفقد كل يوم أرواح أكثر ..
وأنّي أكبر ..
وأنّ كل أحلامي بتصغر وتصغر ..
وأنّي بصحى وألقى كلّ العمر فات ..
وألقى بسّ الذكريات ..
حاضره والكلّ فات ..
كان باقي فيك حلمٍ ما وصلته لا يردّك شي عنّه ..
لا يفوتك ..
ذوق به طعم الحياة ..
بكرة أجمل ما بيبقى الذكريات ..
بكرة أجمل ما بيبقى الذكريات ..

[نواف التركي]

اللي يبيك يدلّك
واللي يبي فرقاك
دلّه على فرقاك ..

هذا الطريق اللي يودّي للعدم ..
هذا الندم ..
هذا أوّل الدرب الطويل ..
هذا هو الفقد الجميل ..
والباب
والغيّاب
والأحباب
واللي راح واللي جاي ..
أمشي وأنا ويّاي ..
وأقول له :
ضيّعت من عمرك عمر ..
ويقول لي من قال لك تنحت ضلوعك ناي ..

وأمشي وأنا وياي ..
وأرمي الحجر لبعيد , وأعدّ خطواتي معي , وألقاني أتعدّى البعيد ..
مدري الزمن يركض ..
ولاّ أنا أركض ..
وحده من الثنتين ..
يـ الله ياهذا الطريق اللي بديت من أوّله ..
وللحيني أمشي بأوله ..
ماكنّ له آخر ..
وأمشي وأنا وياي ..
مرّه أحس بضيقته , مرّه يحسّ بضيقتي ..
وأزرع له ضلوعي قصب , وأهيّضه بغناي ..
ليت السنين الطين ..
وأشكّل سنيني على مشهاي ..
وارجعي معي لأوّل ..
الله يا أوّل ..
كانت ليالي غير ..
تذكر معاي شلون ..
أرواحنا بيضا ..
طعم القرى مغسول بكفوف المزن ..
وأنا تركت هناك ..
كلّ الأماني معلّقه بالمقبل من الوقت ..
وهذا أنا وياي ..
نمشي الطريق اللي يرجعنّا هناك ..
وهذا أوّله ..
وهذا آخري ..
خايف من اللي جاي , عايف من اللي راح ..
لو آخري بسّ يتجمل بي قليل ..
وأذوق طعم أوّل قليل ..
خايف وأنا وياي ..
هذا الطريق اللي يودّي للعدم ..
هذا الندم ..
هذا انا وياي ..

[نواف التركي]

وهذا الشارع الخالي يذكرّني ..
وهذا الكرسي المهجور ..
وهذا الليل ..
وحبّات الرمل تذكر ..
وإذا مرّيت في نفس الطريق اللي خذاك ولا بعد جابك ..
تذكّرني مثل ما أتذكرك أجمل ..
أنا قد قلت لك مرّة إذا تذكر ..
محد يعرف قدر من حبّ لين يغيب ..
وكنت بنظرتك ساهي ..
بعيد هناك ,
وأنا وحدي مع روحي ,
ورجعت أمشي مع جروحي ,
رجعت أستدعي أجمل ما بقى بالذاكرة منّك ..
وكان الشارع الخالي صخب أرواح ,
منو باقي ومن هو راح ,
هي الدنيا كذا تدفع ثمن ضحكة عيونك دمع ,
نسيت الجاي قلت أفرح ,
وجاني الجاي ,
وكل ضحكة معك بدفع ثمنها جرح ,
مافيه أفراح بالمجّان ,
وهذا الجاي , وهذا الناي ,
وهذ الشارع الجمهور
وهذا الشاعر المهجور ,
وهذا البعد ,
محد يعرف ثمن من حبّ لين يغيب ,
فمان الله والدنيا وسيعة والطريق يطول ,
تبي تصدف كثير أحباب ,
وتضحك قدّ ما تقدر ,
وتتذكّر ,
محد تهتزّ له روحك مثل من غاب ,
محد يعرف قدر من حبّ لين يغيب ,
تذكّرني ..
تذكّرني ..
فمان الله .

[نواف التركي]

ودّي بك الليلة
أكثر من الأكثر
ولا معي حيله
ولا صبر وأصْبر

مدّي كفوف الوصل هذي هي يديني ..
ولا تخلّيني ..
أنتي تعرفيني ..
أكثر من العالم ..
تدرين بي أحيان ما أداني العالم ..
وأهرب عن عيونك ..
مو لأنّي ما أحبّك ,
لأنّي أخاف أخسرك ..
وأتمرجحك ما بين ,
أكتبك موزونة ؟
وإلاّ بليّا وزن ؟
أكتبك تفعيلة ؟
ولا أكتب مقفّى ؟
ودّي بك الليلة ,,
.
.
وأبكتب بك وأنتي الوزن وإنتي حدود القافية ..
ياللي مثل طشّ المزن ..
أنا مثل هالبيد ..
مدّي لقلبي إيد ..
.
.


كوني معاي البحر
وأكون بك مركب

ياللي بعيونك سحر
يُقرى ولا يُكتب

وإن راودك بعض الحزن ..
كوني مزن ..
تحيابك الأموات ..
ياللي معك..
ما أحسّ بالدنيا بنات ..
الليلة الليلة ..
طعم السهر سكّر ..
وأنتي شفاتك خمر ..
وأنا أشتهيت أسكر ..
.
.
مدّي كفوف الوصل هذي هي يديني ..
ياللي مثل طشّ المزن ..
أنا مثل هالبيد ..
مدّي لقلبي إيد ..

[نواف التركي]

وبيرجعون الراحلين ..
بيرجعون ..
ما خانوا الأحباب
لكن يخون الدرب
يا أسرابنا الغيّاب
بكرة تجون مسيّرين ؟
ولاّ الحنين ..
غصنٍ رواه الفقد ..
حتى اينع النسيان ..

وبيرجعون الراحلين ,
بآخر نفس لـ غيابهم ,
وأحبابهم ,
واللي بقى من ذكريات الأمس ,
..
هذا الشعور / النور ,,
يا موقد الظلما ,
ما فـ الحضور حضور ,
ولا بقى بأرواحنا للمقبلين إحساس ,
لو يفهمون الناس ,
إنّ الحديث جروح , وأنّ السكوت الموت , وأنّي مابين الصمت أزرع لصوتي صوت ,,
ماودّي أفقدني ,
يكفيني اللي راح , منّي مع اللي راح ..
سنين أدوّرني ,
مرّة مع اللي الجاي مرّة مع اللي راح ,
وأيّست ألاقيني ,
ولقيتني فيني ..
أحيان ماتدري عن ضيعتك فيك ,
ما عاد أخلّيني ,
يا آنا دخيل الله , لا عاد بي ترحل ..
خلّك هنا وياي ,
ما فـي غيابك خير ..
وبيرجعون الراحلين ؟
مدري مهمّ رجوعهم ..
وإلاّ المهمّ الفقد ,
وأقول ماخانوا ..
لكن يخون الدرب ..
وبيرجعون بخير

[نواف التركي]

هربت من الصخب للعزلة الأجمل ..
هنا وحدي ..
عرفت إن قيمة الحاضر قليلة في عيون الناس ..
عرفت إنّ البعيد أغلى ..
عرفت إنّ القريب رخيص ..
لذا قررت أكون المستحيل النائي الأبعد ..
لهم منّي حديث الشعر ..
لا أكثر ..
.
.
مسافات , ومسا - فات , ومساي الجاي ..
يكون الخالي المهجور ..
ويبقى الشعر ..
وجمهور الشعور الخاليين شعور ..
مع مغناي ..
أهيم بكلّ وادي قفر ..
ولا تابع ولا متبوع ..
مجرّد ضايقٍ غنّى ..
نفخ روحه بعظم البالي الميّت ..
وكان الحيّ ..
وكان العازف اللي ما طرب منّه شعور الحيّ ..
كذا الأقرب يكون رخيص ..
.
.
قفلت الباب ..
وسجّلت الحضور بدفتر الغيّاب ..
وخليت المسافة عمر ..
عشان الشعر ..
يكون الحاضر الأوحد ..
وأكون الأقرب الأبعد ..
.
.
هنا وحدي ..
أغنّي ماتيّسر من حداء لعابرين الوادي المهجور ..
ويمرّ الوقت وتعدّي قوافلهم إلى النسيان ..
يمرّ الوقت ..
وأظلّ الواقف اللي طاح ..
مثل موت الشجر تصفر بي الريح وأظلّ واقف ..
ويمرّ الوقت ..
وأموت وينقش العصفور ..
على غصني تغاريده ..
وأظلّ الواقف اللي طاح ..
وأظلّ أجمل .

[نواف التركي]

وش بسألك عنّه ؟


إنتى غفى صوتك وأحتضنه النسيان ..


صرتي حديث الـ كان ..


ما عاد لك حاضر ..


وش بسألك عنّه ..



.


.


جيتي بعد ماراح كل أغلبك منّي ..


( جيتي من النسيان ) ..


متعشّمة تبقين ..


والله لو أنّي أيش ..


شوفي السما رحبة ..


شوفي الطيور تطير ..


والأرض نفس الأرض ..


والناس هي النّاس ..


وآنا أنا مازلت أستمطر الأحساس ..


كنت الغصن وأنتي


طير ونبت له ريش ..


وش بسألك عنّه ؟


.


.


ما أنتظر غايب ولا أنتظرت الجاي ..


أمشي على مشهاي ..


ماهو بكيف الناس ..


وش بنتظر ..


مافيه أحد يستاهل أنّك تنطره ..


وش بسألّك عنّه ..


وأخبارك إدبارك يوم الهوى يطري ..


يوم السوالف غير ..


يوم السهر ..


يلقى له بعيني سهر ..


( ماعاد به بدري ) ..


تأخرّ غيابك أكثر من اللازم ..


وجيتي تبين أسأل ..


وش بسألك عنّه ؟



.


.


هذا هو النسيان ..


لا تحسبين الحب يبقى مع الهجران ..


روحي فمان الله ..


وخوذي معاك الباب ..


يا آخر الغيّاب ..


ماعاد أبي أنحب ..


ولا بقى بي قلب يستاهل أعشق به ..


بقى معاي شويّ يكفيني لقبري ..


روحي وقلبي بير ..


سرّك معاي بخير ..


يالله فمان الله .