حلمنتيشي !

[محمد السالم]

متصفح من الشعر الحلمنتيشي

من كتاباتكم لا من اختياراتكم

ويبقى شرطه الوحيد أنه شعر يضفي البسمة على الشفاة وبعيد عن أي تجريح


ـــــــــــــــــــــــــــــــــــــــــــــــ


ميري : أحبّك من لساني ولا اطراف = كحب ناس الهند عصير همبا

أو كثر مابين العروبة من اخلاف = وإلا البرازيلي ليا شاف سمبا

إذا تبين إن حبنا العذب ينشاف = صيري كذا تيمون واصير بمبا

[محمد السالم]

تعال في "الدوحة"واشبّعك مصياف = لا صار همّك قولة انّك مصيّف
بتشوفني شخص انفتاحي ومضياف = وجهً بشوش وقلب طيّب رهيّف
من عيني اليمنى لك التخت وألحاف = ومن عيني اليسرى بارد المكيّف
بلاش من " لندن " و " روما " و " كسلاف " = تمشي لها مربرب وترجع نحيّف

[محمد السالم]

صاحبي : طال الزمان ولا نجحت = كل ما اخطّط تفشّلني الخُطط
كل مانظر بيتكم من بعد : صحت = ليتني وصويحبي مثل القُطط

[محمد السالم]

,,

,,




لا تقول ليّ خيلٍ ولا تقول ليّ عيس = ولا تفهمني معان الرجولة
أزعجتني في ضرب سود النواقيس = ترمي لشيٍ ماعربنا بحوله
لا تشوفنا لامن قلطنا على التّيس = عرفتنا بانا رجالً ودولة
حنا عرب لو شاخ في عرفنا إبليس = قلنا ولي لأمرنا صفقوا له

[محمد السالم]

حنا عرب حمر النواظر سلاطين =تشوش خيل جدودنا لا رجزنا
باقوالنا ضاقت محابر دياوين = من قرن نرغي بالحكي ما عجزنا
بيميننا تاريخ ؛ بيسارنا دين = ومازال ماضي مجدنا محتجزنا