رياضة موسم 2009 م -2010 م و دوائر أخرى ...

[مشعل الغنيم]

*

لك فيه غرض هاه! ههههههههههههههههه

[عبدالعزيز رشيد]

واثركم مشعللين الموضوع بمباراة الهلال وانا مدري :(

[عبدالعزيز رشيد]

الا ع الطاري مشعل شفت المباراة وبجد ماطرت فكرة ان الأهلي بياخذ البطولة لأنّه الأهلي! مدري ليه , من طلع لاعبهم السفري وضاق خلقي تقدر تقول أفضل لاعب سعودي بصفوفهم أمّا البرازيلي فهو حكاية وبجد من جا وهو مستلج وظهيرهم الأيسر منصور الحربي ممتاز يعني (السفري+الحربي) لو أيّ نادي يشتريهم +يحي الشهري أعتقد بيكون قفز قفزة جبّارة شباب وموهوبين والأهلي عوّدنا على غباءه بهالأمور

ياسر القحطاني مستوياته الأخيرة أبدا مو مقنعه وماعتبره لاعب هلالي هلالي يعني ماأحسّ معه مثل ماأحس مع الشلهوب اللي أعتبره لاعب هلاليّ بالصميم ياسر جا بعصر الاحتراف ياسر جا والإعلام خلق منه هالة كبيرة وهو كان أوّل واحد صدّقها مشكلة اللاعب مو ف المستوى اللي يملكه ولا بقدراته لا المشكلة في داخل اللاعب في فكره وتفكيره ونفسيّته مثل ماقالوا كلّ المدرّبين مشكلة اللاعب السعوديّ في عقليّته أحسّ ان اللاعب السعوديّ يهمّه يكون موجود في لقطه بلوتوثيّة أكثر من تواجده على منصّات التتويج! وعن حركة الاحتفال---> مير ماخلّينا شيء الا وجلدناه فيه (": مممم أشوفها عاديّة وباهته ماهي مثل حركة أبويعقوب حبيب الهلاليين يوسف الثنيّان وعلى طاري يوسف أكره الرياضة السعوديّة السقيمة اللي ماقدّرت يوسف حقّ قدره

[عبدالعزيز رشيد]

ألف مبروك طبعا أنا هلاليّ يعني المناسبة تفرحني

غيريتس على ماقال مشعل صنع فريق اوروبّي ولو انّي أفضّل كوزمين من حسن حظّ غيريتش جا بعصر الانفتاح الهلالي على اللاعبين الاوروبيين رادوي مافيه مثله بالدوري السعوديّ لأن مافيه لاعب محور _زيّ الناس بالدوري بكبره_ أحسن مافي الموضوع نيفيز وزميل قال عنه "أقسم بالله بقرة" كنت أموت فيه من يومه بالمنتخب الأولمبي الحين الولد سكّر أثاميهم(أفواههم) وويلي أعتقد بيكون واحد من أفضل 10 محترفين بتاريخ الهلال


غيريتش تلقّى عرض من منتخب ساحل العاج بمونديال افريقيا!
بيروح ولا لا؟

[مشعل الغنيم]

*

هلا بو سعود
ومبروك مستحقة هذي المرة :p

غيرتس رفض عرض ساحل العاج
اعتقد إدارة الهلال ما عجبها الموضوع ومن ناحية ثانية الرفض واقعي كون الدوري السعودي الغبي لا يتوقف أيام فيفا الدولية

بأكون حريص أشوف مباراة السد
عندي فضول أعرف هل تغيرت عقلية اللاعبين لما يلعبون برا ويتأثرون بإعلام وجمهور غريب وإلا لا
لو لعبوا بنفس الأسلوب اللي لعبوه هالموسم قدام السد بيكون الهلال فعلاً دخل الألفية الجديدة

[عبدالعزيز رشيد]

ممممم ايه انا معك الرفض الهلالي بديهيّ لكن غيريتس! أعتقد الرجل جا وعينه ع الآسيويّة أكثر فتحقيق الدوري السعودي بمحترفين اوروبيين لم يكون صعبا ,ماأتوق إليخ لقاء كوزمين وغيريتس (":

عندي فضول أعرف هل تغيرت عقلية اللاعبين لما يلعبون برا ويتأثرون بإعلام وجمهور غريب وإلا لا


بالنسبة لي ماتوقّع تغيّرت ممكن وجود المحترفين يلعب دور

وعلى طاري نوّاف العابد لو كنت إداريّ بالهلال تخلّيت عنه لصالح يحي الشهري لاعب الاتفاق وسعيت لجلب السفري ومنصور الحربي وإشعار ياسر بالخطر على مركزه أكثر علّه يتمرّن ذهنيّا فزمن الوصاية على المركز ولّى ديل بييرو مو ظامن مكانه أساسيّ!


النصر وجاب والتر زينجا _حبيبك_ النصر مو نادي بطولات لحدّ الآن التكفير بجلب الدوري مبكّرا فكرة حمقاء قد تضيّع جهود الكثيرين وكذلك لاننسى الأندية ستخصّص عند ذلك ستقوم معارك كبرى بين رؤساء الأندية وأعضاء الشرف وشكل الصحافة بتشغل بهم أكثر من الدوري ..

[مشعل الغنيم]

*

و " مرت سنة "
منذ إيقاف كاروتسييري (:

[عبدالعزيز رشيد]

واذا رجع
بيرجع كاروتزيري؟