" أرض السما "

[جمال الشقصي]

"


تعالي.. نشغل الليل الأخير بنقشة كفوفك
................. نقهويه الغدير اللي انبح من نبعه الظالم

تعبنا واللقا مثل الغبار بطرْف نفنوفك
............... وش المانع تلاقيني هنا.. في خارج العالم؟!

"

[جمال الشقصي]

"


نقهويه الغدير اللي (انذبح) من نبعه الظالم




"

[جمال الشقصي]

"

نكايه بـ (دبلة) الخطبه..

قضيت العمر كله بالسما عالق

أناظر قلبي باقدامي

مْعلِّق تحتي التربه

بدون أحزان..

تشريد..

وعنا غربه:

ألا يا مولد أفراح العمر..

ط
ا
ل
ق

!!


"

[جمال الشقصي]

"

عصفور.. محتاج له شبّاك
........................... شايل للاشجار معزوفه

من وين ما غرّد بلقياك
........................ جتْه المواعيد مخْلوفه

لا تحرمينه نشيد رْضاك
....................... لا يحتضر طيرك بْخوفه

عصفور ما له بلد وافلاك
....................... أما عْيونك.. أو حتوفه!

تدرين لوُ ما حصَل ملقاك؟
...................... هذا الفضا طاحت كْتوفه

من وين أبا اعشّش بفرقاك؟
..................... وكل الشجر يصقل سيوفه

يا نور.. كل المدى لولاك
.................... عينٍ بالاعتام.. موغوفه!!!


"

[جمال الشقصي]

"


متورّطٍ بالناس=من يوم ميلادي
لا نبض لا إحساس=وشعورهم سادي
لولا كثير الباس=بانحرْك يا اكبادي!!
اليوم وزن الماس=ما يْعادِل الصادي
متورّطٍ للساس=بالمولد العادي
قلّوا معاي الناس=واكثرْت أنا بْلادي


"

[جمال الشقصي]

"

فضّنا تينك.. جلنّارك=ما طلبتك عمْر لا مثوى
إطلق نخيلي من أسوارك=والف شكراً ما نبي مأوى!


"

[جمال الشقصي]

"

إذا خانت محاصيلك

وحصل لك ما يصونك حَدّ

خذ اليابس من أطراف الزمن ميعاد

توسّد لعنة الميلاد

تودّد حيل جلاّدك

ولا مرّه تحس الطين في نيلك

ولا تواخذ شقوق الناس وسط قماش منديلك

إذا خانتّك أحلامك

قل إنكـ غضّ ما تكبر

قل العمر النظيف أبعد من سهيلك!

وجنابك ما سمعت الصبح

ولا شبّت قناديلك!!


"

[جمال الشقصي]

"

أحيان أحس انّي بباب المدينه..=حارِس على سور القلوب مْتسمّر
واحيان أشوف الأرض سكّه حزينه=عاش الجميع بْناصيتها مْتدمّر!

"