"فجرٍ نعس بالوريد ونام بهدومه" *

[عبدالعزيز رشيد]

موضوع:عن _شعر_مساعد الرشيدي

* شطر من قصيدته (الكنّه)

[عبدالعزيز رشيد]

يقول من يمدح مساعد الرشيدي:"خلّ عنك ديوانه قصايده الأجمل خارج الديوان"!,كلامه يؤيّد حقيقة افتقار المكاتب لدواوين جديّة لشعراء يستحقّون وأقرب مثال فهد عافت والحميدي الثقفيّ في حين أغلب الدواوين لشعراء جماهيريين (نجوم) موجودين على أغلفة المجلات

[عبدالعزيز رشيد]

القصيدة التفعيليّة التي غنّاها محمّد عبده لمساعد الرشيدي
(صدى من غير صوت)



حتي لو كنتي السنين اللي راحت
مقدر انا احبك

حتي ولو كنتي الحنين اللى فى جراحك
مقدر انا قربك

أنتي نسيتي وكيف انا ما انسى
انتي قيسيتي وكيف انا ما اقسى

يا صدى من غير صوت
مابه حياه من غير موت

لو تدرين وش انا منه خايف
ان باقي لك من الذكرى حسايف

أخاف شوق الامل
وأخاف ذكر القلم

اخاف يحكي السطر و الورق
اخاف يشكي الشقا والارق

يا صدى من غير صوت
مابه حياه من غير موت

يا ذكرى الصحاري والجفاف
يا ياسى اللى باقي واللي طاف

ماعاد شىء يربطني فيك
غير الشقا ان كان يرضيك

حتي السنين اللى عطت
وحتي الدموع اللى بغت

صارت تخاف

[باتل عبدالعزيز]

شكرا ًعزيز
الغريب في الأمر ان امسيات مساعد الرشيدي
تخلو من القصيدة اعلاه التي تغنى بها محمد عبده !
ومساعد شاعرا ً هو كـ الشمس في رابعة النهار


زدنا من نبعك زدنا


...

[باتل عبدالعزيز]

لك ماطلبت قصائد من خارج " الديوان " !


كريم يابارق يبرق علـى الحـره
عيني تخيله وانا طرقي ووحداني

خلته وعيني تلم الشـوف وتثـره
مرات ظلما ومرات احمر قانـي

برق رفيفـه يقـد الليـل ويقـره
من السما للثرى لين السماء ثانـي

برق خذَ قلبي الساهي على غـره
جعله على دار حيانـي وجدانـي

وأنا لربعي ليا باح لمـدى سـره
لاقلت ربعي يجيك العلم من داني


ربع لهم في مداهيـل السما جـر
ياطيبهم للخوي والجار والعانـي

والمدح يظفي قميص العز ويزره
ماهو قصور بخلق الله ونقصانـي

واللاش ظنه عويذالله مـن شـره
أن كان وده على مـاود يحدانـي

اشوم عن مجلس الحقران والهذره
ابوي مبطي عن الهذرات وصاني

والوقت مايامن الرجال من غدره
والراس ماينحني كان الله أحياني

[فاطمة العرجان]

مساعد الرشيدي
قامة شعرية أخشى أن حجبها تطاول الأقزام
ولكن لأنه يحمل أصالة شعرية ولأن بين الجماهير
مستمعين/قراء أنقياء يبحثون عن الأصالة ك [ عبدالعزيز رشيد ]
فلاريب أن يبقى هذا المضيء مضيئاً وإن أطفأ الإعلام نوره ..
,
قلما أحفظ أبيات شعرية وبين القليل ال أحفظه :



ماقلت لك عمر سيف العشق ما يقتلك = ماتشوفني حي قدامك وأنا أموت فيك
,
عبدالعزيز رشيد
شكراً بحجم شاعرية مساعد الرشيدي - يعني بحجم السماء (: -
تحياتي ومتابعتي لك يـ مطرhttp://www.7c7.com/vb/images/smilies/wh_73073504.gif

[أسمى]

الله يا عبدالعزيز..




"
حزين من الجفا ولا حزين من الشتا يا طير
دخيل الريشتين الي تضفك حل عن عيني..

وبس وبس وبس..



أفكارك روعة زي المطر.

[قايـد الحربي]

القصيدة التفعيليّة التي غنّاها محمّد عبده لمساعد الرشيدي
(صدى من غير صوت)



حتي لو كنتي السنين اللي راحت
مقدر انا احبك

حتي ولو كنتي الحنين اللى فى جراحك
مقدر انا قربك

أنتي نسيتي وكيف انا ما انسى
انتي قيسيتي وكيف انا ما اقسى

يا صدى من غير صوت
مابه حياه من غير موت

لو تدرين وش انا منه خايف
ان باقي لك من الذكرى حسايف

أخاف شوق الامل
وأخاف ذكر القلم

اخاف يحكي السطر و الورق
اخاف يشكي الشقا والارق

يا صدى من غير صوت
مابه حياه من غير موت

يا ذكرى الصحاري والجفاف
يا ياسى اللى باقي واللي طاف

ماعاد شىء يربطني فيك
غير الشقا ان كان يرضيك

حتي السنين اللى عطت
وحتي الدموع اللى بغت

صارت تخاف


- مساعد لا يَكتب التّفعيلة .
- مسَاعد لم يكتُب التفعيْلة .
- مسَاعد لن يكتُب التفعيْلة .

لأنّ مساعد وَ إن كَتبها ، لا وَ لن يكْسر فِي الوَزن - كمَا هيَ الأُغنِيَة السّابِقة - ! ،
وَ علَى افْتراض وَزنهَا ،
فَـ مسَاعد وَ إنْ كتَبها موزُونة ، لا وَ لن يَكتُب كَلاماً رَدِيْئاً - كَمَا هيَ الأُغنِيَة السّابقَة - .

كنتُ أقوْل ذَلكَ حَتى قَبلَ مَعرفَتي بِكاتبهَا الحقِيْقي ؛)
:

عبدالعزيز ،
مُدهشٌ أنتَ دائمَاً ،
فشكراً لك بحبّ .

[خالد صالح الحربي]

:
مِن قصيدةٍ لَم تُنْشَر بالدّيوان :

يسعد صباحك يا بعد كل عمهوج
ــــــ يسعد صباحك لو غشا الصبح ظلما

يا بنت كساب الثناء مقدي العوج
ـــــــ وقلوب عدوانه من الغيض تدما

لك بالشرف قدر ومدرارات وبروج
ـــــــ واسم تنومس هيبته بين الاسما

انا دخيل الكحل والعطر والروج
ــــــ والضحكه اللي قادت العشب للما

لايزعل اللولو يموت ازرق الموج
ـــــــ والحلم يغرق والمجاديف تظما

**
تعليقاً على التفعيلة المَنسُوبَة لمساعَد :
[ تَوّي دَريت إن الكَلام إلْهْ رِيحَة ! ] :)

[صالح العرجان]

:
مِن قصيدةٍ لَم تُنْشَر بالدّيوان :

يسعد صباحك يا بعد كل عمهوج
ــــــ يسعد صباحك لو غشا الصبح ظلما

يا بنت كساب الثناء مقدي العوج
ـــــــ وقلوب عدوانه من الغيض تدما

لك بالشرف قدر ومدرارات وبروج
ـــــــ واسم تنومس هيبته بين الاسما

انا دخيل الكحل والعطر والروج
ــــــ والضحكه اللي قادت العشب للما

لايزعل اللولو يموت ازرق الموج
ـــــــ والحلم يغرق والمجاديف تظما

**
تعليقاً على التفعيلة المَنسُوبَة لمساعَد :
[ تَوّي دَريت إن الكَلام إلْهْ رِيحَة ! ] :)






يا وي

صدى لا يتجاوز صوت شاعر طويق

:)

[صالح العرجان]

كان له إعتراف صريح بقناة إم بي سي

انه ضمن اسمه لقصائد ليست له لـ أشخاص قريبين منه كـ تذكرة عبور لـ عالم الشعر والشهره


ودي مع الكثير من الهيل

[عبدالعزيز رشيد]

حيّاك الله باتل
مممم أصلا مساعد قصايده التفعيليّة ثنتين الظاهر وكانت عبارة عن تجربة لاأكثر, أمّا القصيدة اللي جبتها فهي معارضة لقصيدة لأمّه والمعروف ان الشعر جاه عن طريق أمّه ولحسن حظّي أعرف شخصا يعرفه أو عرفه لفترة طويلة عن قرب (":


فاطمة نوّرتي يافاطمة ..
مساعد ميزته أصالة شعره بجد مثل مايقولون كسرة عود طيّبة وريحتها شعر!,مفرداته تثبت أصالته وتعابيره تبيّن حداثته والبيت اللي حفظتيه جدير انه يكون في ذاكرتك


يالله ياقيد من ورد ..
والأجمل هالبيت:


ترى لو شفت لي ظل ومهابه في عيون الغير=ترى كل الزهاب اللي معي جرحي وسكيني



هلابك:قايد
الشيء المثير كون محمّد عبده غنّى لفنّان منتمي للساحة الشعبيّة وزحامها وغير أمير , الكلمات نثريّة والكثير يعتبر النثريّة تفعيلة مثل مسفر الدوسري


خالد ياهلابك
القصيدة كانت جزء من سلسلة قصايد قصيرة وعلى الطروق القصير كانت فترة لذيذة وغزليّات أنيقة وفخمه وباذن الله راح أجيب كم قصيده تشابهها (":


صالح حيّاك
مممم وش الفايده ينشر قصايد ماهيب له ؟ وكيف يشتهر صاحب القصيده وهي ماهي موقّعه باسمه؟؟ الغريب فيه قصايد لمساعد أقل من عاديّة فعلا

[عبدالعزيز رشيد]

صحيح أن مساعد نال وهجا طاغيا بواسطه مجلات الساحة الشعبيّة وكانت النيّة وحدها كافية لنشر قصيدة له ووضع صورته على الغلاف بالإضافة إلى المقدّمات الطويلة! ربّما لأمسياته في الجنادريّة ووطنيّاته علاقة بذلك على كلّ كان يستحقّ كلّ ذلك الوهج والكثير يقول أنّه الوحيد الذي استحقّ وهجه , في تلك الأثناء كانت هنالك مسلسلات مكسيكيّة من إخراج الإعلام الشعبيّ كانت هنالك ثنائيّات وثلاثيّات وقصص وحكاية كثيرة يكفي أن ندرك أن الكثير من الشاعرات المشهورات كنّ عبارة عن يوزرات ذكوريّة! بل ووصل الحدّ إل اختلاق قصص طويلة لشاعرة ليست موجودة من الأساس ومن بين تلك الأشياء التي لاتستساغ الثنائيّ المزعوم (نايف صقر:مساعد الرشيدي) كان الإعلام يربط بينهما بشكل كبير ويخيّل للقارئ انّهما شخصٌ واحد لولا لكن أحدهما أكبر من الآخر سنّا! ولو وقفنا وسألنا على أي أساس تكوّن هذا الثنائي لن نجد أيّ إجابة إلا أن أمزجة رؤساء التحرير(المخرجين) أرادت ذلك وبصراحه مساعد أفضل بمراحل من نايف صقر_من وجهة نظري_

[عبدالعزيز رشيد]

تحدّث مساعد في لقاء له عن المدّة التي تستغرقها القصيدة الواحدة وقال هنالك قصائد لاتأخذ إلا يوم وتخرج بحلّتها الاخيرة وهنالك من تبقى لعامٍ كامل كهذه القصيدة:


عذب السجايا وعوده بأول الكنه=متى تزين السوالف وآخذ علومه
وأسامحه عن خطات الجرح والونه=واعاتبه لو يصـد شـوي والومـه
وأذكره ب.أول المسفار حتى انـها=ليا تذكر زمان أول نسـى نومـه
يوم انه أقبل خدين الـروح يومنـه=وأقبلت أراعيه والقومه هي القومه
من يومها والحشا ماعاد لـه خنـه =الا لصوته ..وميعاده ..وملزومـه
عفري هنف للضلوع وجا لهن حنّه=واستانست له فياض القلب ورجومه
لبا جبينه اليا ارتـج الغطـا كنـه=برق يصب الرفيف في كف ديمومه
ما قول شفته وشفت البيض يتلنـه=اقول شفته وشفت الشمس منجومه
ماقول كنـه الجديـل الليـل لكنـه=ليلن خرعه الظلام وضيّع نجومـه
يا قبلت الله هكااللعنقود لـي منـه =قام يتهجا شذى عطره ويشمومـه
فيه انتهى النور لاوالله بـدا منـه=فجرن نعس بالوريد ونام بهدومـه
وردن تفرعن حماره وقلت أبا كنـه=اليا متى والحنايا منـه مفطومـه
فز وتطرّق رطيبه قلـت مـا عنـه=بالم شيحه ..وريحانه .. وقيصومه
صد وتلعثم هديله فـي بـرد سنـه=يا قوم ذا النور يوم انكت يا قومـه
الله عطانيـه والله يعطـي الجنـه=واليا ستجد الهوى كلن ومقسومه



بعذره فيه أبيات صورها تكاد تكون مستعصية إلا على مهل الشعر

[عبدالعزيز رشيد]

بعد فترة تالّق ملفتة وقصائد طويلة خالدة بدأ مساعد ينشر سلسلة من القصائد القصيرة نسبيّا والتي لم تكن تمثّل كل ماعنده لكنّها بكلّ تأكيد كانت تحوي شيء منه خاصة في نهاياتها ولطالما كتب على بحور مختلفة ومحيرة وربّما كان وجوده بالمنطقة الجنوبيّة سبب في ذلك


جابك الله على غاية المطلوب = من مواطيك بالعشب لأهدابك
جيت يالمترف الناعم الرعبوب = مرحبا فيك لأقبلت وأهلا بك
تنثني كنك النايف النبنوب = وانثني وأنشد الصبح وش جابك ؟
تبتسم للنسايم تذوب قلوب= وابتسم وأهدي الورد عنّابك
ضحكتك غيمة وبلها مسكوب = ظللتني نهارين بغيابك
فيك من لفتة الشادن المرعوب = كل ماهزّك الشوق وانتابك
مرةٍ كنك الشمس وقت غروب = ومرةٍ كنك الحلم متشابك
كل ماجيت أبي استلهمك وآتوب = ضعت بك ضيعة العطر بثيابك !





قم يا صباح الندى والعشب= قم ولع الجمر من جمري
وادلق جديلك وصبه صب= وبراحتك يابعد عمري
وابراحتك يارقيق وعذب= وبراحته شاعرك الخمري
من يوم عذب النسايم هب =ماعاد لي شي من امري
خلك بقلبي فداك القلب = من وين ماتسري وتمري
كل الحقايق بدونك كذب = ياباشاة البيض والسمري
الله يااني احبك حب = حب اخضر الغصن للقمري





صاحبي لا تلحق الدنيا حسافه= لايسج بنا هديل الراعبيه
ياعشيري وش بقى ثاني نخافه= بالدروب الموحشات السرمديه
مادريت إنا تقاسمنا المسافه= نص لي ونص مكتوب عليه
ليه أمل من الطريق وليه أخافه = والمدى قيض وسراب ومهمهيه
ماورى ريع الطعون إلا الكسافه= كل ما أذبه وأشيل السامريه
وانت ياطهر الصباح وياعفافه = لا تصافحني بحد الحضرميه
لايغرك نبض كفي وارتجافه = ضاق بي قلبي وشلته في يديه




قلبي على الماء وقلب الماء على شطك= الماء وأنا يا القراح العذب ورادك
كم شالك الحلم بأهدابي ولا حطك = والعين يرعى نظرها عشب ميعادك
ياشمسي اللي تدلى بالسماء قرطك= عن كل هالورد هذا القلب عبادك
طلي...وهلي على صدر البحر خطك= وش تالي أخبار ريحانك ورينادك
الله على يوم رذراذ الندى عطك= والنور ياطا على رملك وسجادك
أنا أحسدك مثلهم وإلا أني أغبطك = الراي رايي او انه راي حسادك!





من ليم القمرا على وجه الطريق =و اوما لقلبي من بعيد وصاح به
الا انت يا المياس منثور الدليق =نهر الحياة اللي ظماي ارتاح به
خل السوالف ماعليها الا صديق = الصدر دلة للفجوج الراحبه
ان عودت للجد والعلم الوثيق =ما جابه الريح الشمالي راح به
اي والله اعلنها وانا وجهي طليق =والبال غصن كل قمري ناح به
انا من اللي مايخونون الصديق = بوم ولد اللاش خان بصاحبه




وكلّها قصائد حرم منها الديوان ,كانت مرحلة عذبة وسلسة وجميلة وفيها جناس بين المفردات القديمة الأصيلة والحديثة

[صالح العرجان]

تحدّث مساعد في لقاء له عن المدّة التي تستغرقها القصيدة الواحدة وقال هنالك قصائد لاتأخذ إلا يوم وتخرج بحلّتها الاخيرة وهنالك من تبقى لعامٍ كامل كهذه القصيدة:


عذب السجايا وعوده بأول الكنه=متى تزين السوالف وآخذ علومه
وأسامحه عن خطات الجرح والونه=واعاتبه لو يصـد شـوي والومـه
وأذكره ب.أول المسفار حتى انـها=ليا تذكر زمان أول نسـى نومـه
يوم انه أقبل خدين الـروح يومنـه=وأقبلت أراعيه والقومه هي القومه
من يومها والحشا ماعاد لـه خنـه =الا لصوته ..وميعاده ..وملزومـه
عفري هنف للضلوع وجا لهن حنّه=واستانست له فياض القلب ورجومه
لبا جبينه اليا ارتـج الغطـا كنـه=برق يصب الرفيف في كف ديمومه
ما قول شفته وشفت البيض يتلنـه=اقول شفته وشفت الشمس منجومه
ماقول كنـه الجديـل الليـل لكنـه=ليلن خرعه الظلام وضيّع نجومـه
يا قبلت الله هكااللعنقود لـي منـه =قام يتهجا شذى عطره ويشمومـه
فيه انتهى النور لاوالله بـدا منـه=فجرن نعس بالوريد ونام بهدومـه
وردن تفرعن حماره وقلت أبا كنـه=اليا متى والحنايا منـه مفطومـه
فز وتطرّق رطيبه قلـت مـا عنـه=بالم شيحه ..وريحانه .. وقيصومه
صد وتلعثم هديله فـي بـرد سنـه=يا قوم ذا النور يوم انكت يا قومـه
الله عطانيـه والله يعطـي الجنـه=واليا ستجد الهوى كلن ومقسومه



بعذره فيه أبيات صورها تكاد تكون مستعصية إلا على مهل الشعر





ممكن أفهم أكثر عن وجه إنتقادك لـ الكلام الملون بالاحمر

حسب علمي ان خلف الأذن ما كان يقوم من مكانه الا وقصيدته تهز السماء وحسب علمي بعد ان شعراء عكاض

كانوا يكتبون قصائدهم بـ 6 شهور وينقحونها بـ 6 شهور ؟!!


رد ود

[صالح العرجان]

عفري هنف للضلوع وجا لهن حنّه
واستانست له فياض القلب ورجومه



هالبيت لو بغيت ترسمه ما قدرت ؟!

[عبدالعزيز رشيد]

هلا:صالح ...

كلّ شاعر له مدّته هل تريد أن تقارن حوليّات زهير بقصائد خلف الإذن؟!!!, وغير ذلك هل لك أن تأتي بأبيات وصفٍ كالتي أتى بها مساعد في قصيدته الكنّه ويكفي أن لحنها _المغنّى من الفنان الذي غناها_ بات مشهورا ويتداولونه شعّار المحاورات حتّى! وهم الذين يكتبون الأبيات في ثواني

((الشعر حالة واحيان الحالة ماتكون حاضرة بقوّتها في كلّ لحظة وهذا اللي ياخذ وقتها))

أرجع وأقول لك هل تقارن حوليّاتهم بقصائد خلف الإذن؟ وهل لخلف قصيدة بسمعة بيتٍ من أبياتهم؟

[صالح العرجان]

هلا:صالح ...

كلّ شاعر له مدّته هل تريد أن تقارن حوليّات زهير بقصائد خلف الإذن؟!!!, وغير ذلك هل لك أن تأتي بأبيات وصفٍ كالتي أتى بها مساعد في قصيدته الكنّه ويكفي أن لحنها _المغنّى من الفنان الذي غناها_ بات مشهورا ويتداولونه شعّار المحاورات حتّى! وهم الذين يكتبون الأبيات في ثواني

((الشعر حالة واحيان الحالة ماتكون حاضرة بقوّتها في كلّ لحظة وهذا اللي ياخذ وقتها))

أرجع وأقول لك هل تقارن حوليّاتهم بقصائد خلف الإذن؟ وهل لخلف قصيدة بسمعة بيتٍ من أبياتهم؟




ايه له

يا صاحبي لو بحثت قبل لا تحكم كان جاوبتك
اقتصارك انت على الحوليات جعل من الشعر الاخر مغيب لديك كن منصف لكي يؤخذ منك

[عبدالعزيز رشيد]

لو غيّبتها كان غيّبت قصائد لمساعد كتبت بنفس اللحظة أنت من افترضت هالافتراض وصدّقته

وقولتك:"إيه له" وين؟ وفي أي قصيدة؟

[صالح العرجان]

لو غيّبتها كان غيّبت قصائد لمساعد كتبت بنفس اللحظة أنت من افترضت هالافتراض وصدّقته

وقولتك:"إيه له" وين؟ وفي أي قصيدة؟



بجاوبك بس مو عشان التأكيد صدقني

بس عشان اقول لك مو كل سراب ماء ..؟!


سم



زامـل ينشدنـي وانـا ويـن وينـي
هبـيـت يـــا هـــرج بـلـيـا لـبـاقـه

الشين شين وماكر الشين شينـي
عــدو جــد ولا بقـلـبـك صـداقــه

الله يخونـك كــان مــا تشتهيـنـي
لـو تحـكـي لــي بالعـلـوم الدقـاقـه

غـديـت مـثـل معـايـد القريتـيـنـي
لاجيـت خيـر ولا تبـعـت الرفـاقـه

أنـا بـلايـه مــن صـديـق بطيـنـي
بقعـا تصفقنـي علـى غـيـر فـاقـه

فنجال طيني منت فنجال صينـي
تبرك مباريك الجمـل وانـت ناقـه

ارخص لنا وارسل لسمحه تجيني
اعـتـاق عـبـد مشتهيـنـن فـراقـه







كل بيت منها حكمة من وحنا صغار نسمعه [ معايد القريتين / الصديق البطيني / فنجال طين / ماكر الشين ... الخ ]


أتمنى انك تكون سمعت بها بس عشان ما اقول اشياء غريبة
على فكرة الإثارة لا تكون على حساب الأخرين ..؟!



وسلام

[عبدالعزيز رشيد]

أولا:أفهم من كلامك أن القصيدة التي أوردتها تجدها مكافئة لحوليّات زهير؟,إذا كان هذا كلامك فحتّى الحرف لن يجيبك (":

ثانيا:إذا على الأمثلة والجمل الشعبيّة اللي جت من أبيات وترويها شريحة معيّنة فهي لاتكفي شاعرها وإلا لكفت ابن حثلين الذي قال:"الحكي يكفي صامله عن كثيرة" أو ماقول ابراهيم المزيد " ألا ياليت ربي يوم سوّى.. عبيده حطّ بالطيّب علامه" والأكثر منهم كلّهم بركات الشريف وكثيرة الأمثلة ومع ذلك ولاواحد منهم يعدّ أشعر أو أشهر صيت من العوني أو ابن لعبون

وأعود للحوليّات لأقول لك بأنّني لن أتحدّث عن قصيدة طويلة تناولتها ألسن أمّة كاملة وبمختلف الأزمنة وهي معلّقة (معلّقة)
وأعيد سؤالي هل أنت جاد وتقصد حوليّات زهير ؟ (":

[صالح العرجان]

أولا:أفهم من كلامك أن القصيدة التي أوردتها تجدها مكافئة لحوليّات زهير؟,إذا كان هذا كلامك فحتّى الحرف لن يجيبك (":

ثانيا:إذا على الأمثلة والجمل الشعبيّة اللي جت من أبيات وترويها شريحة معيّنة فهي لاتكفي شاعرها وإلا لكفت ابن حثلين الذي قال:"الحكي يكفي صامله عن كثيرة" أو ماقول ابراهيم المزيد " ألا ياليت ربي يوم سوّى.. عبيده حطّ بالطيّب علامه" والأكثر منهم كلّهم بركات الشريف وكثيرة الأمثلة ومع ذلك ولاواحد منهم يعدّ أشعر أو أشهر صيت من العوني أو ابن لعبون

وأعود للحوليّات لأقول لك بأنّني لن أتحدّث عن قصيدة طويلة تناولتها ألسن أمّة كاملة وبمختلف الأزمنة وهي معلّقة (معلّقة)





تحفظها



!!

[عبدالعزيز رشيد]

على افتراض أنّك تقصد زهير أكثر شاعرٍ يحبّ عمر بن الخطّاب رضي الله عنه سماع شعره ولنقل أنّ الشاعر خلف الإذن أكثر شاعر يحبّ صالح سماعه

[عبدالعزيز رشيد]

على كلّ حال حديثنا عن مساعد مساعد الرشيدي شاعر (مليحه) والموضوع عنه وصاحب البيت المشهور والغريب في التعبير:

ماقلت لك عمر سيف العشق مايقتلك=ماتشوفني حيّ قدامك وأنا أموت فيك

[خالد صالح الحربي]

:
إن كَان يَوْم مشَاهَدَك يَوْم فَرْقَاك .
ــــــــ الله يِجِيب مْفَارَقك لـَ اجل : أشُوفَك !

مِن أجمَل وأرَقّ وأبدَع أبيَات مسَاعَد الرشيدي
التي لم يَتَضَمّنها ديوانُهُ وَلَم يأخُذ حَقّهُ من الشُّهْرَة .

[ميــرال]

قـمت اخيلك هنا وهناك iiوهناك"
ــــــ " وين ترحل بي النظره iiنصيتك
ان تـبسمت قلت الموعد iiشفاك"
ــــــــ " وان تـمنعت بـانفاسي iiدعيتك
وان طلبت الغلا قلت الغلا iiجاك"
ــــــ" وان سكنت الخفوق البيت iiبيتك


وهذه الأبيات نابضه

مشرق ياعبدالعزيز

[عبدالعزيز رشيد]

خالد,البيت يتيم وأذكر ان فيه بيت يشبهه لابن الرومي وكثير كلام جا حول مساعد انه ياخذ من الفصحى وبصراحه الامثلة تتكلّم نقدر نقول عنه يستفيد وغزارة مفرداته عجيبة أحيان يخطر على البال انه يرجع للمعاجم أكثر من رجوعه لمخزونه ! بماتمرّ قصيدة إلا ونلقاه يجب مفردات ترانيم نطقها تتناسب مع النصّ بشكل جميل

ميرال, عاد هذي أشهر أغانيه (":

[فاطمة العرجان]

قـمت اخيلك هنا وهناك iiوهناك"
ــــــ " وين ترحل بي النظره iiنصيتك
ان تـبسمت قلت الموعد iiشفاك"
ــــــــ " وان تـمنعت بـانفاسي iiدعيتك
وان طلبت الغلا قلت الغلا iiجاك"
ــــــ" وان سكنت الخفوق البيت iiبيتك


وهذه الأبيات نابضه

مشرق ياعبدالعزيز


يـ حبني لها [ عين تشربك شوف (: ]
في بالي كل مامريت هذه الصفحة ..!

[عبدالعزيز رشيد]

كانت الساحة الشعبيّة كالمدينة سكّانها شعراء ومااااأكثر خلافاتهم واتهاماتهم عالمٌ مليء بالـ لاثقة والغموض وكان مساعد أحد سكّانها وقد قال العديد من القصائد الغاضبة والهجائيّة نوعا ما وأشهرها:



ضاق الغمام و فح صدر المزاريب=يا الله بجاهك يا عليم الغيوبي
يا منجي(ن) يوسف من الجب و الذيب=بحماك يا ساتر خفايا عيوبي
صاحوا تناخوا دوروا بي عذاريب=تجمعوا ليلة وزا سولفوا بي
أثري مسوي بالقلوب الأعاجيب=و أنا مثل وجه السما نقش ثوبي
أنا وسيع بطان راهي مطاليب=ما أضيق لو شانت نوايا دروبي
آرد و أصدر و آخذ العلم و أجيب=ماني على طرش الرعاع محسوبي
بردت كبدي من قراح المشاريب=دوبي رويت من الشهاليل دوبي
خليت للحاقد طشاش و حثاريب=يتوب ولا قلعته لا يتوبي
شعري زها بجباه بيض المكاتيب=شعري على طرياه هبت هبوبي
شعري رسايل عيد طيب(ن) على طيب=عطر الشمال و هفهفات الجنوبي
شعري وسايد مترفات(ن) رعابيب=شعري لوى تلعات الأرقاب صوبي
شعري شهد له طيبين المجاذيب=وش عاد لو سود النوايا حكوا بي
لو كان مالي غيرها من مكاسيب=ما أبغى شهادة ميتين القلوبي





في زمان(ن) كنه البرد شبيت القصيد=قلت أبدفى و الليالي تموت ببردها
في طريق(ن) كنه الموت و لحالي وحيد=قلت أبا أحيا و المنايا تبوح بسدها
أتقارب هقوة العمر لو كانت بعيد=و أتغنى بالمقابيل و أخطب ودها
لا قديم الجرح يقوى و لا الجرح الجديد=يخلف النفس العزيزة عن اللي ودها
و الله إني ما أتنازل ولي راس(ن) عنيد=لين أداعب غرة الشمس و ألثم خدها
و إنزفي يا وردة الشعر من دم الوريد=لاتجفي في عروق(ن) تراجف يدها
يا قصيدي كان الأشعار سادات و عبيد=و الله إنك من بحور(ن) عريب(ن) جدها
ما تقاود مهرة الحرف للقلب البليد=يا قصيدي خذ رسنها و خلك قدها
في طريق كنه الخوف سليت القصيد=قلت أبا أحيا و الليالي تموت ببردها





من هجوس تغني الذوق عن بعض الهجوس=يعلم الله كنها اللول يوم نصبها
كنها سرايت البرق لي قامت تهوس=من يقول الله عليها نقول ابشربها
القصايد ما نساوم عليها بالفلوس=تفتخر فينا القصايد قبل نفخر بها
من خلقنا الله وحنا عزيزين النفوس=ما نوطي شمخ الروس غير لربها
ماردينا والليالي لها وجه عبوس=خل يوم ان الليالي سميح دربها
لي جهرنا بالمثايل ندوس الراي دوس=والدسايس بارد العين ما يجهر بها
ما نشدنا عن دنوع على الجره يحوس=يحسب انه صار حاجه وهو من جنبها
قدرنا عند النشاما مجرب ومحسوس=الرجال اللي على الدين مانبخل بها
التجارب علمتنا وصمينا الدروس=تعرف النفس المريضه ونعرف طبها
ينطفي سم الحيايا وهو تحت الضروس=يالله انك تختصرها على من شبها
البنادم لا تعافى على كفه يبوس=وش يبي باعراض الاجواد يوم يسبها
لا يحسب ان المراجل تجي درباي روس=ينتبه من جمرة النار لا يلعب بها

[عبدالعزيز رشيد]

فاطمة ..

"عين تشربك شوف" تكفيك الجملة وتكفيك تكملتها "وعين تظماك" كما يقولون تكتيك مساعد بالكتابة ممتاز فهو لايكتب شيء إلا ويعنيه تماما

[فاطمة العرجان]

كانت الساحة الشعبيّة كالمدينة سكّانها شعراء ومااااأكثر خلافاتهم واتهاماتهم عالمٌ مليء بالـ لاثقة والغموض وكان مساعد أحد سكّانها



رغم ماكان يشكل سلبيات في الساحة الشعرية سابقاً إلا أنها كانت ثرية بالشعر ..
وكما ذكرت : " مدينة سكانها شعراء " الآن تحولت إلى مدينة طغى مستشعريها على شعرائها..!
,

http://www.movn.net/MSa3D_AL_RSheDY/Seef_AL_3SHG.ram

[عبدالعزيز رشيد]

صدقتي يافاطمة ولو ان الساحة أوّل كان نظام الاقطاعيّ أكثر جبروتيّة لدرجة كانوا الناس يشوفون أسماء جديدة وغير مألوفة في قطوف فهد عافت وبعذرهم كانت المختلف وفواصل موزّعة مساحاتها على شعراءها مثل قطعة الأرض! ومساعد كان يملك مساحته الأكبر في المختلف وللأمانة فاد واستفاد

[عبدالعزيز رشيد]

أجمل قصائد مساعد هي الغزليّة وقصائد الضيق التي يكتبها حوى الديوان على بضع منها لكن هنالك قصيديتين جميلتين حرمتا من الديوان أو الديوان حرم منهما, وكثيرا مايخالط الشاعر في ساحة ذلك الوقت المواقف التي تستفزّ ضيقه سواءً كانت تستحق أم لا تستحقّ لكن الشاعر بطبيعته يتحسّس كثيرا




البال ممـــــــحل ونس والعين تغميضها=نوب ايتـــــــــــهيا ونوب ما تهيالها
واعـــــــيني الي الياغفيت لواحيضها=لــــــــــــولا المشاريه ماقلنا هنيالها
اجــــــبر عزاها قبل تفرح مباغيضها=والــــناس ماخلت المقفين في حالها
مابين فـــتل الطروق وبين تنقيضها=علــمن يخج الضلوع ويضهر اقبالها
لو عقل الخبت نوده وانفهق قيضها=خــــطرن تثور اهموم القلب بعقالها
ماعاد به مايــــشد النفس ويهيضها=والــــنفس صلفه وتاركها على فالها
يومن نفسي عسيف اوكدت ترويضها=والـــيوم كن العسيف اتهوز خيالها
دنياغــدت سودها عندي مثل بيضها=تشابهت لعـــــــنبوها ماعرفنالها
من يوم لاحت وبانت لي عـــواريضها=وزرا ثقـــيل المتون الهلف يشتالها
بحــماك يامسرع الفزعات ومريضها=عـــن ساعتن ميلها يرجح ابمعدالها
اخاف بكرى الياحــــميت مراكيضها=من طيــحه البشت والبسام وعقالها




مدري بكى حلم ؟ .. مدري ليلةٍ غبْرة ؟ = نسيوني أحباب ولاّ ضاعت أخباري ؟
هي إتدبّر ؟ .. أو أقفَت مابها دِبرة ؟ = ليت الليالي تقدّر غربة الساري
مدري من اللّي من الثاني نفذ صبره ؟= لا يازمن .. من هو البايع من الشاري ؟
لا الوجه وجهك ولا النبرة هي النبرة = مدري.. ولكن طرا لك يازمن طاري
ماني بجاهل على الشدّات .. تختبره= تشتدّ ياوقت .. وإصراري هو إصراري
بالقلب ما تعرف العبرة من العبرة = وبناظري غيمةٍ ما تمطر أسراري
خلّيت الأحزان بأقصى القلب منثبرة= ياكثر كذبي على نفسي وأنا داري
قم ياقصيدٍ يعزّي لا إنتثر حِبره = إليا حداني زماني تفزع أشعاري
وإن بار فِيَّه رفيقٍ كنت معتبره= أغلى من الروح .. ما نّزلت مقداري
والله لو ردّ هاك الحبّ من قبره= مارِدّ له .. لين تبرد غلّتي .. ثاري
ماكلّ شقٍّ .. مداه السلك والإبرة =وماكلّ عينٍ .. تجامل جرحي العاري
إمّا يقولون .. طاح الضلع .. من كبره= ولاّ يقولون .. ماهو للوطى ضاري
كلٍّ تكلم وكلٍّ خابرٍ خبره = وبكره .. يبين الصحيح .. إن سهّل الباري
البارحة ضقت .. وأثر البارحة غبرة = مدري بكى حلم ؟ ولاّ ضاعت أخباري ؟

[خالد صالح الحربي]

:
مِن أبْيَات مسَاعد الرّشِيدي الغَيْر قَابِلَة للنّسيَان ..

لاَ تِوَاضَع للوَضِيع يْضِيع قَدْرَك
ــــــــ ماأنت مَجْبُورٍ على بَعْض التّوَاضعْ !

أيضاً لَمُ يُدْرَج فِي دِيوانه .

[عبدالعزيز رشيد]

وأيضا لوفتّشنا لوجدنا لمساعد قصائد خفيفة الظلّ بهيجة تحمل شيئا من إبداعه في أبياتها وكذلك بالإمكان الإجزام بأسلوبه في التصوير فمساعد هو مساعد وهذه القصائد غفل الديوان عنها كذلك!


ردي سلام النحيل لفيّة العكـش=قولي هلا .. مرحبا أو قولي أيّ شي
امّا تركتي على قلب الخطا نقش=ولا ازهرت وردة الجوري برمشي
يابنت حنّت مهاديف الظما عطش=وانتي قبالي وكنّ الريح نعشي
ياكيف قلتي على رمل الضلوع امش=قبل اني اروى وقبل المزن ينشي
ماتسمعين الخطاوي مالها وقش=وظلالها من تعبها طاح مغشي
يعني عشان الحلى والتاج والعرش=طيّب وقلبي وخفقاته وعرشي
بالله مرّي مابين الجفن والرمش=سحابةٍ توقف شويّة وتمشي
ولا اقهري لين اردّ الذود والطرش=حرام أصدّر ولاكحّلت رمشي



على مهل قذلتك لاتبعثر يديّه=لين اتهيالها ولا تهيّالي
الليل توّ ابتدى والصبح يابنيّة=لولا ثنا غرّتك ماهو على بالي
يابنيّة الضي والجدران والفيّة=والمرقب اللي رباه الماكر العالي
ميعادنا ظلّ غصن وحسّ قمريّة=توالفوا والهوى شدّاد نزّالي
جيتي وانا والله اني مغلي الجيّة=أغلى من الربع عند الطيّب الجالي
واحلى من الشوق بعيون الهواويّة=من غيبة الشمس لين المذّن التالي
وألذّ من تلّة الطاروق عصريّة=في عثعثٍ من غثيثين النبا خالي



عذروب وصلك جمر وهذا الذي محليه=يابهجة النفس باقفاها وباقفالها
وليل ضوى بك عذى ياعلني ما ابكيه=يازين شمسك ويا محلا تختالها
سبقت قبل الفجر والفجر ما يمديه=يلحق سنا مفرق الحجة ويبرالها
هذا الضحى جاز لي وهذا المسا بأسريه=ويحلها يا وزين الروح حلالها
عشقك سوالف مطر جاب الوسم طاريه=لا جابتك ليلة الفرقا على بالها
تبغى ندلك ندل تبغى نتيه نتيه=الناس ماشي غير رضاك يحلا لها
ما دمت ناعس هدب تسهر عيونك ليه=خل السهر لي وأهدابك على فالها
ما دمت باشا على عرش الغرام وبيه=الناس للناس والجدران لظلالها

[عبدالعزيز رشيد]

هذه المرّة من داخل الديوان لكن مع قصائد بالكاد أجد شبيها لها بالشعر الشعبيّ المعاصر شعرٌ لاأقول بصمة أو شعر لايشبه إلا شاعره لكن أقول شعرٌ جديد يلفت الانتباه ويثير الإعجاب قصيدتين تقريبا لمساعد أجدها كذلك,في الاوى حالة غيضٍ معقدّة كيف بالشعر وصفت؟ وكيف فكّكت عقدها؟؟ شعرٌ لاياتي إلا من عمقٍ سحيق في داخل الروح وفي الثانية تعقيد وحالة وصف لهيام وشوقٍ غير مفهوم كتب شعرا أقصى مايمكن شعره


مراهيش نوك ما تبل الورق ياهن=لها اليوم تاسع يوم تبرق ولا سالت
يقولون لا ضاقت عليك الوسيعة غن=وأنا أقول شفت مقرد الخلق وش قالت
أنا البارحة من يوم غابت ألين آذن=تحلوى عيوني للكرى مير ما احتالت
يثوع النعاس من ارمد الجفن يوم تعن=سراميد غيض بالحشى حبلها فالت
ما غير أتدرق بأسمر الليل لا لجن=هجوس تخطرت هيبة الجرح واختالت
هجوس إلا قامت تكرب وقمت آون=تصرم معاليق الحنايا ليا انهالت
ذلول الهجاد الي نبت في جماها سن=من العام تسعى في ضلوعي ولا زالت
حلال الذهاب إلا استشاطت لبسها جن=عساي اتجود في نحرها ليا مالت
وانا يوم أمس بطانها ما عليا من=يدين الهوان إن حطت اللوم وان شالت
أبا أزم نفسي عن طمان هواه مصن=واعدي لجفني وارقب العين وش خالت
عليها الملام ولا عليها السلام ابدن=أيدين تبي قصرت أيديني ولا طالت
بعد ما نفضت غبار صدري ولد ياهن=بعد ماروت روحي من الغيض واقتالت
يقولون لا ضاقت عليك الوسيعة غن=وأنا أقول شفت مقرد الخلق وش قالت



كيف اطفي الريح بثيابك وكيف اشعلك=كيف اتنثر على جمرك وكيف احتويك
نقضت ليل الحرير وجيت منت لهلك=سميت باللي فتني بك وقلت افتديك
هذا اول الدرب او هذا الطريق اولك=جيت اتوقى عذابات المدى واهتديك
شوقي مسافة وهمساتك مدار وفلك=ان ماضميتك غلا ياعلني مارتويك
ايه اعرفك واعرف اني من غلاك اجهلك=مرات اضمك واخاف اني مشبه عليك
مرات اشوفك بنفس الوقت واتخيلك =وانشد كفوفي عن اخر سالفة من يديك
اعن لك لو تصب الموت واتهيلك=واجوع لك واتمنى خنجرك واشتهيك
ماقلت لك عمر سيف العشق ما يقتلك=ماتشوفني حي قدامك وانا اموت فيك
اشتقت لك قبل اجيك وجيت واشتقت لك=البارحة طول ليلي بين هذي وذيك
مليت جمر انتظارك واستحيت اسالك=واحسبتني مابعد جيتك وفكرت اجيك
اثرك بقلبي من البارح وانا استعجلك=واثري نسيتك من الفرحة وقمت احتريك

[عون القحطاني]

شكراً ياعبدالعزيز .
مساعد الرشيدي .. موطن الشعر الذي لا تغيب شمسه
يطيب لي اضافة هذ النص :

ربما يكون من ضمن نصوص الديوان
ولكنه في اعتقادي من اجمل نصوصه



قالت ضمينا شعر وأمهلت هجسي =ماللقصيد اليا ضميتي معاذير
حطت نوارس عطرها فوق طرسي =شوي وارياف الحنايا نواوير
عبسية عيت على قلب عبسي = عيت على قلبه وقلبه كما الطير
طير على غصن المواعيد منسي =ودلال شوقه للهبايب مباهير
أمارة (ن) بمهيل الشعر نفسي =رويانة(ن)عشق وسلام وعياطير
اليا اصطفق موج الطواريق يرسي=يخت ((الزعيم)) ويفرقون الشواعير
هاتو لها في فيٌة القلب كرسي =من طلة النجمة اليا رعشة عصير
هاتوا لها لاخالط الشوق همسي =هي غير عن كل البنات الذي غير
وقولوا لها لاهبت الريح عكسي =وقامت تصافقني هبوب المشاوير
تلمني بأهداب نجل (ن) وخرسي =وتمطر على عمري وتصبح على خير
تصبح على قلبي وتصحى وتمسي =وريانة القامة عنود الغنادير
وقولوا لها لاغيب الغيم شمسي =هذي سواته لاأفختن المعاذير

[عبدالعزيز رشيد]

هلا عسّاف بالعكس هالقصيدة من أواخر القصائد اللي نشرها وأذكر انّها جت بعد فترة جدب ونشر لكلّ ماهو هزيل من الشعر لدرجة ان أحد متابعي مساعد ومحبّيه كان يقول اللي ينشره كلام فاضي لكن هذي فيها منه شوي ممم وراح أحكي عن هالنقطة بعدين (":

[باتل عبدالعزيز]

شكراً ياعبدالعزيز .
مساعد الرشيدي .. موطن الشعر الذي لا تغيب شمسه
يطيب لي اضافة هذ النص :

ربما يكون من ضمن نصوص الديوان
ولكنه في اعتقادي من اجمل نصوصه



قالت ضمينا شعر وأمهلت هجسي =ماللقصيد اليا ضميتي معاذير
حطت نوارس عطرها فوق طرسي =شوي وارياف الحنايا نواوير
عبسية عيت على قلب عبسي = عيت على قلبه وقلبه كما الطير
طير على غصن المواعيد منسي =ودلال شوقه للهبايب مباهير
أمارة (ن) بمهيل الشعر نفسي =رويانة(ن)عشق وسلام وعياطير
اليا اصطفق موج الطواريق يرسي=يخت ((الزعيم)) ويفرقون الشواعير
هاتو لها في فيٌة القلب كرسي =من طلة النجمة اليا رعشة عصير
هاتوا لها لاخالط الشوق همسي =هي غير عن كل البنات الذي غير
وقولوا لها لاهبت الريح عكسي =وقامت تصافقني هبوب المشاوير
تلمني بأهداب نجل (ن) وخرسي =وتمطر على عمري وتصبح على خير
تصبح على قلبي وتصحى وتمسي =وريانة القامة عنود الغنادير
وقولوا لها لاغيب الغيم شمسي =هذي سواته لاأفختن المعاذير

مرحبا عساف
هذه القصيده ليست من الديوان : هذه نشرت بالتمام والكمال قبل خمس سنوات
وحينها " اطلق على مساعد " الزعيم " !
الديوان مرسوم في الذاكره ؟
وهل شاعر مثل مساعد تغيب كل خطواته عن الذاكره طالما نحن نظما للشعر !
اتذكر جيداً انني حضرت لها امستين في مدينة حائل ووقتها كنت في حدود 16 عاما ً كنت اصفق بحراره : لم اكتب الشعر حينها اطلاقا ُ : ولكنه الشعر والسحر والجمال يجذبني الى مداه * شكرا

[باتل عبدالعزيز]

×
+



هذه القصيدة من خارج ديوانه


الصيف عدا لاشجون ولاحدس
والربع يا احمد لاسلام ولاكلام

مروا مثل حلم على شوفي يبس
واغضوا مثل علم تقفاه الملام

والدمع لامنه وصل عيني نكس
عيا يسيل الدمع ملعون الرحام

والدار من مده خلي من الونس
والوقت تالي مايشد به الحزام

حفيت مداويري وانا انشد واعس
وين المقام اللي على قد المقام

ماعاد بي يا احمد على الطرقه نفس
الدرب موحش واخر الطرقه ظلام

لولا عيون اللي ليا منه نعس
اركى هدب عينه على قلبي ونام

خرس مظاليله تقل صفة حرس
لاسلهملي تقل يضرب سلام

عذب ختلني ختلة العطر وهمس
واروى معاليقي عقب ماهن هدام

هالوردتين اللي ورى صدري غرس
من غيمتين(ن) من ورا طرق اللثام

له لفتة قرمه وله هيبه فرس
وله بالحشا شيمه وقيمه واحتشام

وان مال يهوس وان ركز عمره هوس
وان سج ضعنا من غمام ليا غمام

وان قام ماحد من حوالينه جلس
كنه يقول لمن حوالينه قياااااااام


مساعد الرشيدي

[باتل عبدالعزيز]

من احب قصائد مساعد لدي
هي هذه : قصيده غارقه بسحرها وجمالها
( وهي منشورة ) بالديوان




+
+



تخوفني مشاوير الطريق المظلم المهجور
وأنا لامن ذكرتك قلت طولي يامشاويري

عزاي انك رجاي العذب لو كل الدروب عثور
وصلت اوماوصلت اعرفك ما انته منتظر غيري

حبيبي .. وكل الله لاتحسب إني بليد شعور
لو انت المستحيل الصعب .. ماابدي لك معاذيري

احبك .. رغم تجريح الليال لقلبي المقهور
اشوف الجرح يكبر وانت تكبر وسط تفكيري

احبك .. لو يموت الحب وتصير القلوب قبور
احبك كلمة لو حرموها .. حل تفكيري

احبك من هنا حتى طلوع الفجر .. حد النور
صحيح انك قدر محتوم بس اجمل مقاديري

بعذر اللي يحبك لو يصير الشاعر المشهور
لأنك تنهمر حلو القصيده في تعابيري

احد ربي يحطك له حبيب .. ومايجيه غرور ؟
وانا مهما بغيت استوعبك ياقل تقديري

هلا بك من قدمك ... لغرتك لي شعرك المنثور
هلا في كل شيٍ فيك وانت اغلي مساييري

أثر صدق الغلا يجبر حطام الخاطر المكسور
وانا مهما منحتك من غلاي اشعر بتقصيري

ولو طالت مشاوير الطريق المظلم المهجور
انا لامن ذكرتك قلت .. احبك يامشاويري

[عبدالعزيز رشيد]

هلا:باتل
مشكووووور ع القصيدة وأذكر ان مساعد جته فترة انقطع عن النشر لكنّه أحيا كذ1 أمسية وفي كلّ امسية كان يلقي قصيدة جديدة ومن بينها مثلا (ليالي الصيف جمّاعه) وقصيدة عن المجمعة لكنّها كانت أقل وقع من قصايد قديمة ومعروفة لمساعد, وأتذكّر له بيت يقول واحد انّها قصيدة كاملة لكن نساها!

ليلة عزم النصيب وجيتني سافر=يامترف الشال ردّ العلم عن شالك


طبعا وله بيتين يتيمين ماكتملوا:

انت حر تفرق الليل بكفوف الرخام=سو فيه اللي تورى وسو اللي تبي
ان نثرته فوق الامتان قلنا ياسلام=وان مشيت وهبت الريح يادين النبي



عاد لاهنت لو تقدر تجيب أكثر ياباتل ياليت (": , وفيه قصيدة قالها "بالسكب" غير المنشورة بالديوان ماقدرت ألقاها

[عبدالعزيز رشيد]

باتل..
تصدّق القصيدة اللي جبتها ماراقت لي (": ! -بجد سبحان الله الناس أذواق

[باتل عبدالعزيز]

عبدالعزيز ان شاءالله : )
هذا المتصفح يتحدث عن النادر من الشعر
سوف يكون لي تواجد وانا كذلك حريص على متابعة قلمك


يلعب علـى قلبـي لعـوب
مدري وش أخرهـا معـاه

لاهـو مخليـنـا نـتـوب
ولاهـو منسينـا غــلاه

عفري كسب فينا الذنـوب
الله يبيحـه مـن خـظـاه

نجدي ومربـاه الجنـوب
يا ويل امـه منـه ولاأأأه

:)كن بخير

[باتل عبدالعزيز]

هلا عبدالعزيز
مؤكد ان " سيف العشق " و " الكنه " حتى الذي لايعرف الشعر يتحدث عنها : اذا هي خارج حسبتي
وارى القصيده غايه باجمال هي " ولاعاد تنشد مابقى عندي علوم " !
مرحلة تجديد ونفس جديد بالشعر تفرد به مساعد حينها

و
بس
كن بخير ياصدقي : )

[عبدالعزيز رشيد]

8
8

أذكرها منشورة في مجلّة (مرايا) من سنين وأتذكّر حوالي ممكن ثلاث قصائد غيرها منشورة لكن كلّ ماأتيت أريها لأحد متابعيه يقول بانّ مساعد لم يعد مساعد
(":

[عبدالعزيز رشيد]

وهذه قصيدة نشرت بالمختلف بعد الديوان أي خارج الديوان طبعا القصيدة كانت عبارة عن تواصل لاأكثر من الشاعر للمجلّة

كلما جيت أبدله عن وصالك=وأسفه العشق كلـه كلمـا
ريع القلب في محني ظلالك=والتوى شوق قلبي وأرتمى
وكل ماقلت أبروى من زلالك=لازم أحيا وأموت من الضما
برّقي بالنحيل اللـي قبالـك=يابعد كـل عذبـات اللمـى
وأحلمي بس لا يشطح خيالك=من عيونك ليا حـد السمـا
وألا أنا فوق ضنك وأحتمالك=قبـل لاتحلميـن وبعـدمـا



وهذه قصيدة كتبت هجاءً في رئيس تحرير احدى المجلات للأسف باتت الساحة تفتعل المشاكل والأكشنات كي تخلق قصّة تعنون أغلفتها

عزت قصايدنـا رقيقـات الحـروف=مالك علينـا لـوم يـا عـذب اللمـا
الاوله طافت والاخرى مـا تطـوف=يا بـو علـوم بيـن زرقـا ودهمـا
تضحك على الناس الغلابة والضعوف=ضحكك دايـم لا سنـون ولا جمـا
ارفع عيونك جعل عينـك ماتشـوف=الا طمانـك جعـل عينـك للعـمـا
العـز متبيـن مكانـه وامـعـروف=مافيـه يمكـن واحتـمـال وربـمـا
وانا ولد حر علـى العـز معسـوف=اقولهـا عـزوة ونــزوة وانتـمـا
عديـت للعليـا وحدتنـي ظــروف=وحولت مـن راس الطويلـة للسمـا

[باتل عبدالعزيز]

+
و
هذه من القصائد التي حواها الديوان: هي درة بالحقيقة
يتحدث عن ضحكة حبيبته والحقيقه القصيده اطول من هكذا لكن ناسي بعضها

هات من جمرها وشوي من كاسها
ضحكتك طفلةٍ مرفوع عنها العتب

طفلةٍ تسهر الغيمة بكراسها
ترسم النجمة اللي غافية بالهدب

خلها تقلب أيامي على راسها
ليتها ما تمل ولا يجيها التعب


ياليت الي يعرفها كاملة يدرجها في هذا المتصفح الذي يتكلم الجمال

[عبدالعزيز رشيد]

هذي القصيدة ياباتل وعلى فكرة حتّى الدكتور سعد الصويّان تكلّم عن هالقصيدة وعن تطوّرها من الناحية التعبيريّة والدمج الموفّق بين التقليدي والحديث في هذه القصيدة وصل مساعد لمرحلة متقدّمة جدا جدا من الشعر وأعتقد هذي ووحده أفضل منها هي أكثر قصائد مساعد المتقدّمة بالشعر



هات من جمرها و شوي من كاسها=ضحكتك طفلة(ن) مرفوظ عنها العتب
طفلة(ن) تسهر الغيمة بكراسها=ترسم النجمة اللي غافية بالهدب
خلها تقلب أيامي على راسها=ليتها ما تمل و لا يجيها التعب
خلها بالضلوع تشب مرواسها=القصايد تبي دافع قوي و سبب
كل ما جا يزخ العطر نسناسها=ثوبها من رذاذ و شالها من قصب
خبني بين حد الصحو و نعاسها=لحظة(ن) فارهة لين إتساقط رطب
لحظة(ن) باذخة تذبحك بإحساسها=كنها تبعدك عني و هي تقترب
هاتها يا بعد عمري بعد ناسها=ضحكة(ن) ما ربت بشفاك ما تنحسب
عاد لا ريع النعناع بأنفاسها=لعنبو شعر(ن) ذاك الوقت ما ينكتب

[باتل عبدالعزيز]

شكرا
و صدقت هي اكثر قصائد مساعد المتقدمه بالشعر
هنا شعر يستحال نسيانه " الأكيد ان هذه القصيده اعلاه بالذات كتبت بمزاج رااااااايق جداً



كل ما جا يزخ العطر نسناسها
ثوبها من رذاذ و شالها من قصب

خبني بين حد الصحو و نعاسها
لحظة(ن) فارهة لين إتساقط رطب







متابع

[نواف التركي]

أليس هو من يقول :

الغياب ولا حضورٍ ما يشرّف

مساعد حكاية لا تمل أبداً

[ميــرال]

http://www.shathaaya.com/vb/images/smilies/i.gif

لكل حرف وقصيده

عبدالعزيزشكراً والله ومن الأعماق لهذا المتصفح

[عبدالعزيز رشيد]

منوّر ياباتل (":

نواف,عاد ليته طبّق كلامه

ميرال الشكر لوجودك ونوره

[عبدالعزيز رشيد]

هذه القصيدة بالذات أعتبرها القصيدة الأكثر تطوّرا من الناحية الشعريّة لاالتصوير والتعبير لكن من ناحية شعورها وبوحها بحقّ قصيدة عجيبة لدرجة كبيرة,أجد القصيدة شبه مستحيلة أو يمكنني القول أنّها قصيدة مساعد التي _لم تكتب_ !



الطواريق ماعـادت تسلـي=والحنايـا تدامـى وتـحـدا
والطواري تتـل البـال تلـي=كـل مـاورق اللـي وهـدا
لاني اشوا ولانـي مسفهلـي=اتهيـا وانـا ضايـع جـدا
واتسمر على جـدران ظلـي=اتشره علـى رجـع الصـدا
اتوحا ياعلـة صـوت خلـي=اتلفـت ولا حولـي حــدا
وانشد الليل يسمـران قلـي=لية انا وانت من الصبح احددا
ويش اباخذ من طعوني وخلي=والملامـح تشابـة مـاعـدا
ضل نعناعة قامـت تصلـي=في حشاية على قطـر النـدا
غصنها بسراجيـف متدلـي=لة بروحـي تفاصيـل ومـدا
من فداها لوني جيـت كلـي=وان خذتنـي طواريهـا فـدا

[عبدالعزيز رشيد]

عاد بعد كلّ هالمدح جا وقد الوقوف بجديّة مع مساعد (":

[خالد صالح الحربي]

:
عبدالعزيز ..
عندي لمساعد الرشيدي قصيدة لم تُنْشَر حَتّى الآن لا في الدِّيوان
ولا في أيّ مطبوعة !
هِي للمفاوَضة
كم تَدفَع ؟!

[عبدالعزيز رشيد]

ثمن تذكرة مباراة لبرشلونة وش أغلى منها ؟
(":


.. يالله هاتها

[خالد صالح الحربي]

ثمن تذكرة مباراة لبرشلونة وش أغلى منها ؟
(":


.. يالله هاتها

:
عبدالعزيز تدري إنّ مالي بالكورة ،
للأسَف أنت كأنّك تقدّم لواحد جوعان .. لاب توب ! :)

[عبدالعزيز رشيد]

هذا اللي عندي
يارجّال فيه جوعانين لو نخيّرهم بين سجارة وأكل يختار السجارة !

.. انتظر القصيدة ونشوف ونحكم

[فاطمة العرجان]

عندي سحور ..!
ينفع :d ???

[عبدالعزيز رشيد]

هههههههه

ف وقته يافاطمة (": , يالله ياخالد لك نصّ السحور مقابل نصّ وش قلت؟

[عبدالعزيز رشيد]

خالد رحت ولاجبت لاعاد تجي هنا إلا ومعك نصّك اللي تقول يعني لو مامعك لاعاد أشوفك توطوط هنا

[فاطمة العرجان]

قوله يجيبه بدون مقابل ..
أخاف يفاوض على السحور بيوم مالي خلق أطبخ فيه : )

[عبدالعزيز رشيد]

هههههههههههههههههه

خلاص وهو يسمع يجيبه بس ع الأقل (":

[عبدالعزيز رشيد]

في مجلّة "قطوف" السابقة مجلّة فهد عافت كانت هنالك زاوية على ماأظن اسمها إعدام قصيدة وفيها يختار الشاعر قصيدة قديمة أو منشورة له ويعدمها أمام الملأ ويتبرّأ منها لأنّه يعتبر مستواها أقلّ من غيرها من قصائده وكان مساعد قد اختار هذه القصيدة:



أنا في خاطري حاجه ولا ادري ويش ابي بالضبط= ولاني قادر اكتمها ولااني قادر ابديها
متاهة بداخل اعماقي بحر وحيره بليا شط= خذاني موجه العاتي عذابي من موانيها
ابهرب من غموضي مير ماباليد حل وربط= ضياعي كل يشوفه حقيقه مقدر انفيها
أنا مدري مكاني فوق ولاتحت ولا وسط= اسوق الرجل وتبعها وقول الله يسويها
أنا عايش بها الدنيا بلاقيد وبليا شرط= مجرد ظل لايامي تباريني وباريها
أنا ايامي سوى مافيه يوم اصعب ويوم ابسط= ولاادري كيف اميز بين حاضرها وماضيها
أنا مشكي من احزاني ولاذقت السعاده قط =ومع هذا أحس الناس وأضحكها وأبكيها
أنا واحد من العالم أنا جمله تحتها خط= احاسيسي غريبه من بدايتها لتاليها
أنا في صفحة الدنيا حروف ماعليها نقط= حياتي مالقيت اللي يترجم لي معانيها

[باتل عبدالعزيز]

مرحبا شباب

هذه من القصائد الاخيرة التي نشرها مساعد : هي قصيدة بمنتهى الجمال اعتقد والله العالم : ) انه اجمل قصيدة كتبها على الاطلاق من ثلاث سنوات
هي لكم :)





فوضته أمري وإرتضيت أمره وهايضت وهتفت
الله ولي أمـري ولا غيـر الله الوالـي ولـي

سبحان من تقوا عزومي فيه لامنـي ضعفـت
وأنـا وربـي ماضعفـت إلا لجبـارن عـلـي

روضت نفسي للخيار الصعب لين إنـي ولفـت
والموت يقفي بي لعثراتـي وعثـرات زملـي

ماني مضريها على الهيبـات لا منـي وقفـت
ولاني مجنبها عن المشراف والمخـرج ملـي

نثر سحابك شرق يابرقن على الخفجي رعفـت
إليا إرتوت منك الكويت ونجد فأنـت مجملـي

وعلى لحونك ياصدوق الوسم غنيت وصرفـت
نفايس الدر الثميـن مـن الجواهـر والحلـي

سندت لعلو الخيـال ودسـت بحمـاه وقطفـت
من كل شمس وكل نجم وكـل وضاحـن جلـي

رشفت شعري من زهر نحت من صخر وغرفت
مـن مـاردن جـم فراتـن ماتغثربـه الدلـي

أفردت للشعر الجحا وسبوق لين إنـي ولفـت
وحشة مصافقت الهبوب براس رجمن معتلـي

قد قال أبوي اللي على دربه مشيت ولا أنحرفت
كن أولا وإترك مكـان اللـي يلـي للـي يلـي

على مهب العز في حضرت بني عمـي هتفـت
والدم بعروفـي يفـوح مـن الحميـا ويغلـي

أنا رشيدي لا أعتزوبي عبس شرفت وشرفـت
لعيـون بنـت الطيبيـن أم الثمـان الذبـلـي

ليا إعتزوبي والمواكر عبس خايلت وعسفـت
جلمود صخرن حطه السيل على أمرن من علي

وأنا سعودي والسعوديه هي أغلا من عرفـت
إن القبيلـه والحمولـه إلحواتـي مـن هلـي

هي مفخرة سرج الزمان أقسمت بالله وحلفـت
ماطـال حلياهـا وعلياهـا وزيـن ولا حلـي

على لحونك ياصدوق الوسم خايلـت وهتفـت
الله ولي أمـري ولا غيـر الله الوالـي ولـي

[عبدالعزيز رشيد]

تسلم ياباتل فعلا القصيدة جديدة لمساعد وأعتقد فيها الكثير منه على الأقل أكثر من غيرها

ياعلّ انك أحسن من واحد ف بالي قام يتغلّى يتغلّى يقول عندي قصيده لين انت جبتها (":

[إغفاءة حلم]

مُتابعة لهذا الفجر...

شُكراً لك ياعبدالعزيز ...

[عبدالعزيز رشيد]

تنوّرين المكان ف كلّ مرّة ياإغفاءة
تحيّتي

[عبدالعزيز رشيد]

مساعد ماركة شعريّو راقية قلّما عانت قصائده من الانتقاصّ الجدّي أو النقد الجاد عدى عن محاولات صغيرة لاقتناص الأخطاء لكن للأمانة لمساعد نصوص لاتبدو ذات قيمة كبيرة ومع ذلك لن يستغرب أحدٌ المدح الذي تتلقّاه كون النصّ يحمل توقيع شاعر مثل مساعد ومن بين تلك النصوص المتواضعة برأيي هذا الناس:



صوتك اللي بقالي من ليالينا=عاد لو غاب صوتك وش بيبقالي
صوتك الموج والمجداف والمينا=صوتك الناس لوني في خلا خالي
صوتك الذكريات اللي تدفينا=كل ماهلّ شفت العيد يبدالي
صوتك بعيد مثل البعد يطوينا =صوتك اغلية صوتك يابعد حالي
من غروب الكلام لتشرق اسامينا=ياحبيبة وصوتك عندي الغالي
سولفي ... نعلبوا همٍ يبكينا=انتي اقصى مدى الهفوات والتالي
مالها حد شرهتنا وامانينا=والمسافات قشرى مالها والي
يقبل الليل لا مرفأ ولا ميناء=عاد لو غاب صوتك وش بيبقى لي

[ميــرال]

عبدالعزيز كل الشكر على هذا الإنتقاء

مساعد الرشيدي عذوبته لن تتكر ابدا





قلبي على الماء وقلب الماء على شطك
............الماء وأنا يا القراح العذب ورادك

كم شالك الحلم بأهدابي ولا حطك
............والعين يرعى نظرها عشب ميعادك

ياشمسي اللي تدلى بالسماء قرطك
.............عن كل هالورد هذا القلب عبادك

طلي...وهلي على صدر البحر خطك
..............وش تالي أخبار ريحانك ورينادك

الله على يوم رذراذ الندى عطك
..............والنور ياطا على رملك وسجادك

أنا أحسدك مثلهم وإلا أني أغبطك
..............الراي رايي او انه راي حسادك!

[ميــرال]

.

حزين من الشتا والاحزين من الظما ياطير
.........دخيل الريشتين اللي تضفك حل عن عيني


دخيل الما ..وملح الما..وحزن الما قبل ماتطير
..........تهيا للهبوب اللي تصافق في شراييني

[عبدالرحمن القاضي]

الله عـــــــطانيه والله يعطي الجنه
واللي استجد الهوى كل ومقسومه
.
الله متصفح عطروندي
شكراً لك ياعبدالعزيز
دمت بخير...