عبدالله سماح المجلاد
08-12-2009, 07:51 PM
إلى تلك العينين اللتان طالت غربتهما وطال اغترابي بهما(والإهداء لكل أبعادي وللحربي القائد بصفه خاصه)
سرى مزن القصيد وبالعيون اخيـال=يلوح البـرق وعيونـي تِنَاظِـرْ بـه
دموع الديمـه اللـي وَبْلَهَـا همّـال=سِقَتْ قلبٍ طعون الوقت تزهـر بـه
ويِدَرْهِمْ لِكْ جِمَلْ شِعْرِيْ وانا الْجَمّال=وحمام الشوق من صدري كفخ سر به
وتذكرتك وانا اقطع للوصال اميال=لعينـك يالهنـوف الجـادل الذربـه
ياعقدة عمري اللـي مالهـا حـلاّل=زماني مثـل ماهـو وش تغيّـر بـه
يِطَوْل افْرَاقَنَا وانـا علـى ذا الحـال=خطاوي تايهـه فـي سِكَـةْ الغربـه
وِحِيْد:أقطع مسافات النـدم رحّـال=ونصف الأرض ضيق،ونصفها كُرْبَـهْ
كأن الله خلق كل الـدروب اطـلال=وخلق دمعي سحاب ووجهك التربـه
رفيقي بالدروب اللّي تِغِـثْ البـال=سَهَرْ عيـنٍ يسافـر بي:واسافـر بـه
مَلَلْت من الرحيل وسيـرة الترحـال=وكِرِهْ صدري طعون السيف والحربه
د خيلك وين صبحك ليل همّي طـال=تعبت اطرد وراك وما حصـل قربـه
تغيب ازْوال وتْشوف العيـون ازوال=وانا عابر سبيل ومـا انتهـى دربـه
أهدّ آمـال وابنـي بالخيـال امـال=وجسمي كِنْ دود الأرض يَنْخَرْ بـه
(بِكَيْت) ولاَ لِقَيْت من الهجير اظـلال=(ظُمَيْت)وحِلْم شَكّايْ الظُمى شِرْبَـه
تِقَطّعني سكاكيـن الفـراق اوصـال=هِنَا ضربه :هِنَا ضربه :هنـا ضربـه
بصدري للمواجـع خيـل ياخيّـال=حواجزها الضلوع اللي تكسّـر بـه
حبيبه مابقـى مـن سالفـه تنقـال=قضى كلّ الكلام اللـي نتاجـر بـه
تعالي ذاب شمعـي والغـلا القتّـال=وانا ذنب الغلا مبطـي مجاهـر بـه
تعالي قبل ما كَـفّ الزمـن تغتـال=حبيبك والليالْ السـود تَغْـدَرْ بـه
قبل سيل الرمل فوق الجسد ينهـال=وتِصِيْر آخر محطـات اللقـا غُربـه
سرى مزن القصيد وبالعيون اخيـال=يلوح البـرق وعيونـي تِنَاظِـرْ بـه
دموع الديمـه اللـي وَبْلَهَـا همّـال=سِقَتْ قلبٍ طعون الوقت تزهـر بـه
ويِدَرْهِمْ لِكْ جِمَلْ شِعْرِيْ وانا الْجَمّال=وحمام الشوق من صدري كفخ سر به
وتذكرتك وانا اقطع للوصال اميال=لعينـك يالهنـوف الجـادل الذربـه
ياعقدة عمري اللـي مالهـا حـلاّل=زماني مثـل ماهـو وش تغيّـر بـه
يِطَوْل افْرَاقَنَا وانـا علـى ذا الحـال=خطاوي تايهـه فـي سِكَـةْ الغربـه
وِحِيْد:أقطع مسافات النـدم رحّـال=ونصف الأرض ضيق،ونصفها كُرْبَـهْ
كأن الله خلق كل الـدروب اطـلال=وخلق دمعي سحاب ووجهك التربـه
رفيقي بالدروب اللّي تِغِـثْ البـال=سَهَرْ عيـنٍ يسافـر بي:واسافـر بـه
مَلَلْت من الرحيل وسيـرة الترحـال=وكِرِهْ صدري طعون السيف والحربه
د خيلك وين صبحك ليل همّي طـال=تعبت اطرد وراك وما حصـل قربـه
تغيب ازْوال وتْشوف العيـون ازوال=وانا عابر سبيل ومـا انتهـى دربـه
أهدّ آمـال وابنـي بالخيـال امـال=وجسمي كِنْ دود الأرض يَنْخَرْ بـه
(بِكَيْت) ولاَ لِقَيْت من الهجير اظـلال=(ظُمَيْت)وحِلْم شَكّايْ الظُمى شِرْبَـه
تِقَطّعني سكاكيـن الفـراق اوصـال=هِنَا ضربه :هِنَا ضربه :هنـا ضربـه
بصدري للمواجـع خيـل ياخيّـال=حواجزها الضلوع اللي تكسّـر بـه
حبيبه مابقـى مـن سالفـه تنقـال=قضى كلّ الكلام اللـي نتاجـر بـه
تعالي ذاب شمعـي والغـلا القتّـال=وانا ذنب الغلا مبطـي مجاهـر بـه
تعالي قبل ما كَـفّ الزمـن تغتـال=حبيبك والليالْ السـود تَغْـدَرْ بـه
قبل سيل الرمل فوق الجسد ينهـال=وتِصِيْر آخر محطـات اللقـا غُربـه