روسٍ مايله

[عبدالله العويمر]

الله هو عوني مع الصبر الجميـل=على الدنيا اللـي للنهايـة آيلـة
ما عشقت غير الطايله وآنا طويل=واطول بعد من قدر طول الطايلـه
وربٍّ عطاني شاكره الشكر الجزيل=وانا لمغفرتـه وعفـوه سايلـه
لا زادت حمول الزمن متني يشيل=يزود أنا حملي ، ومتنـي شايلـه
ما ذلني بعمري وانا ماني ذليـل=ما غير خشفٍ في عيوني آخايله
جزيل ما يرضيه من عشقي جزيل=واشوف من حبه نجـوم القايلـه
محدٍ قرا رقمه مع ارقـام الدليـل=ولا دق أحد رقمه على موبايلـه
أقوم لامن قام وليـا مـال اميـل=وعدّلت منشانـه رؤوسٍ مايلـه
والله ما يكفيه من شعـري قليـل=من شعر انا قلته ولانـي قايلـه
والله انا ما يشتفي منـي غليـل=الين احط اسمه بكـرت العايلـه


عِيد

سَلِم قَلْبك وحَرْفك
دُمْت بِود