~ " وحدي .. و غديت أنت / الـ زحام ! "

[مناحي النفيعي]

http://www.dohaup.com/up/2009-11-05/dohaup_325541238.jpg

ذخرت الغياب وغبت قبل الحضور
............... خطا و الخطا ماهوب بأيّـة خطـا

تخيّرت أعيش الحُب بين السطـور
..............قتيل المشاعر لـو شعـوري عطـا

يقولون حامت في سمـاي الطيـور
.............وأنا أقول ماتت من ضماي القطـا!

سبقت الزمان و قلت أعيش الشعور
...............وأنا ميّت ٍ قبل الحيـاة ءبْ بِطـا !

[مناحي النفيعي]

http://redondowriter.typepad.com/photos/uncategorized/268573778_a71bfed930.jpg





الكتابه روْح !


الكتابة روح ما تقبل أنصاف الشعور
.................. كنّها الإيمان نور ٍ يشعّ بْـلا فتيل !

و أنت غايب غيبة ٍ ملّت وجيه الحضور
.................. ما تقول إلا إنّك النور في عين القتيل

العبور أحيان يحتاج لـ عْبوره عبور
.................. و أنت بوحك يعبر الصمت للصمت الطوييييييييل !

أبسط من الجرح بوحك و أجلّ من السرور
.................. و أعمق من الصوت فالبير ... لكنّه ثقيل

شاعر ٍ يقـْتلـْك صمتك على أشباه السطور
.................. كيف لا و أنته من العام (ضيّعت الدليل) !

صاحبي لو قلت ما أنت بــ على الصمت مْعذور
.................. صاح بك مليون شاعر وقالوا .... مستحيل

[مناحي النفيعي]

http://farm4.static.flickr.com/3093/3141397745_4a37eaccc4.jpg



( قلبي سراج وضلوعي سهارى )




قلبي سراج ٍ به الحرمان و هاّاج
……………. حوله ضلوعي لهن[ رعشة و تنهيد ]

و" كرّاسة البوح" محبوسه فـ الأدراج
……………. مع دفتر أرقام ! .. و أحلام .. و مواعيد !

يا" ساري الحزن " ما لأحزاني سْياج
……………. روحي أنا كوكب ٍ كلّه صواهيد

لو كلّ دمعه تدلّ العين ما أحتاج
……………. شيّ ٍ يقود المدامع "للتجاعيد "

"كنّ الهدب بدْو" جو يبغون هدّاج
……………. و تقاتلوا دونه بـ شلف و بواريد!

[مناحي النفيعي]

http://www.dohaup.com/up/2009-10-30/dohaup_699129708.jpg



أمشي و حزني طفل متمسّك بثوبي
............... يمسح ندى دمعته بأطراف وجداني

وقفت في مفترق .. ضاعت به دروبي
........................ واللي رجع بي من الأحزان .. ودّاني !

روحي وطن و الجروح أغراب ضاعوا بي
....................... ولا لقوا درب يخرجهم من أحزاني

لو كلّ فرحة تمرّ بتلتفت صوبي
........................ ما ذقت طعم الكلام المرّ بلساني

ما كنّي إلا ورق .. و النّاس شبّوا بي
......................... و عن بارد الليل أبدفيهم بقيفاني

الشعر هذا نصيبي و أجمل ذنوبي
................. لو تبت عنّه قضيت العمر .. وحداني

[مناحي النفيعي]

؛



أنتي بعيده و انا أبعد منك في ذاتي
........... شوفيني الناسي اللي ملّ يذكرني

يا كثر ما مرّني صوتك ولا ياتي
........... إلا بـ ونّة خفوق ٍ فيك تشعرني !

يا غايبه و اسمك اللي طار بشفاتي
........... وش لون لا طار بشفاتي ما يعبرني !

خلاني أنقش حزين الشعر فـ أبياتي
........... و أترك عيون البشر تقرا و تحضرني !

إن غبت ما أحد ٍ قدر ينسى كتاباتي
........... وإن جيت جيت و عيون الكلّ تنظرني !

[مناحي النفيعي]

http://www.ab33ad.com/vb/showpost.php?p=527541&postcount=11

هذا النوّاف .. يكتب بمداد من نور ..
ليومين .. و أنا معتزل في مساحته
أُعاقر الشعر ..


..

[مناحي النفيعي]

http://www.viafy.com/uploads/b82c925abe.jpg




صاحبي والكلام اللي نقـول "أجـودي"
.................... يسكنه بـرد لكنّه يهـزّ الضميـر

قبْل أعَرْف [أمشي] لوصلك عرفت [العَدي]
..................... قبل أسافر لتكوينك نسيـت استخيـر

معْك يا نصفي الثانـي عرفـت أبتـدي
..................... [ رحلة الخوف ] وأمشي له معك للأخييييـر

صاحبي " إيه أحبك مـن زمـن مولـدي"!
..................... لكن الواقـع اللـي عايشينـه " مريـر "

ما أبي حـُبّ يبقـى للزمـن سرمـدي
..................... ودي آصل نهاياتك و أعـرف المصيـر

"يمطر البال" من جـرح الكـلام النـدي
..................... بس أنا أحتاج للدفوة و أحـبّ الهجيـر

"عطني الراي" مـا ودّي معـاك آغـدي
..................... كَسَّر الخوف قلبي يـا هـواي الكبيـر

[مناحي النفيعي]

..................

http://rthaath.net/vb/attachment.php?attachmentid=7304&d=1259101054




يا حبيبي .. أنا مرمي بليّا حلول
.................. و أنت سافرت عنّي و إنتهت قصّتي

أوّل البرد كنت و كنت كلّ الفصول
..................كنت سجّادة ٍ فيها بلل دعوتي

قلت لي : قول لي .. و أزريت حتى اقول
..................الكلام أنتهى و أنهى معه عزلتي

الكلام الجميل أحيان يعبر خجول
..................ما يكفّي لضحكاتي و لا صرختي !

صرت أهاب الكتابه و الغنى و النزول
..................عند رغبة حبر ما تشبه لرغبتي !

صار حزني مثل حزن القصايد .. نحول
..................لو يهب ّ الجفا يكسر صدى ونّتي

صار حلمي صعب يحضى بفرصة حصول !
..................والأمل درب شايك مارحم خطوتي

يا حبيبي أحسّ الضحك دونك جفول
..................والشبابيك تبكي من حزن غرفتي

من غيابك و أنا ما مرّ فالقلب زول
..................ومن فقدتك و عيني ما نست دمعتي

لك حرقت الدفاتر و الورق و الفضول
..................و إعتكفت السكوت المُر في غيبتي

من عرفتك و أنا شاعر و أعرف الهطول
..................وأعرف أحلم و أعرف أشعل معك شمعتي

لكن اليوم .. أحسّ إنّي كثيييير الذبول
..................منكسر خاطري .. منطفية ٍ شعلتي