[ كَاريْكاشِعر ] - 1 -

[الشعر الشعبي]

[ 8 ]
طالبك يـارب جنّبنـي المـلام=والصديق اللي سلامه خنجـره
ذنّبكم ..جرهد معاليق الكـلام=وطاح حرفٍ ماسقته المحبـره
من ملى قلبه وقلبـك بالظـلام=من قتل معنى الاخوة .. واغدره
ان تقابلتوا ..! تبادلتوا السـلام=وابتسامات العفو .. والمقـدره
كن ما فصدوركم حقد وخصـام=وبالقفا .. كلٍ يمَكّـن خنجـره

[الشعر الشعبي]

[ 9 ]
واريت سوءتك خلفي والدم الرقراق =يهمس بطعنـة عزيزٍ نامت بظهري
ويسأل تألمت قلت:- الواهب الخلاق= برأ يميني وجدّد في الدماء طهري
بتعلّق الروح واتدّلى من المعـلاق= وانفث قصيده يتيمه للسمـاء قـدري
يبكيني النجم وارسم للقصيد احداق=ينفيني الشط وازرع بآخره جزري
ياخذني العمر للظلماء من المشراق= يطفي لي النور واشعل للدجى بدري

[الشعر الشعبي]

[ 10 ]
ما كنت قاصد أطعنك ! بس كنت قاصد أححح ضنك !=آدم ! وفيني نزعة أجدادي أبقتلك بـ شرف
طلعت مثلي [ آآآآدمي جداً ! ].. ويومي أطعنك !=أتقول لي ,,, [ حنا سوى ! ] .. دمي ودمك ينذرف
يا آدمي ما تشوفني.... ! خبييييييت وجهي : ما أشينك !=يا آدمي ما تحس بي دمك يحسسني بــــ [ قررررف ! ]

[الشعر الشعبي]

[ 11 ]

مِسَاْءَ المَغْفِرَهْ و[َالرّيْحِ ]!تِعْلِنْ لِلْمِدَىْ "صَاْرِيْ" = مِسَاْءَ الأَشْرِعَهْ /تِبْحِرْ بَلا رُبّاْنِ يَهْدِيْهَاْ
مِسَاْءَ العَفْوِ! لا لِلسّمْحِ لا لِلْمَغْفِرَهْ طَاْرِيْ = مِسَاْءٍ وِ العَتَبْ ..مُتْعَبْ مِنَ [الوِجْهَهْ !]وَرَاعِيْهَاْ
مِسَاْءَ -الحِبِّ شَيّعْتَهْ بِقَلْبٍ ،مُجْهَدٍ عَاْرِيْ = مِسَاْءَ الطّعْنَه .بْظَهْرِيْ بَعَدْ ..[ طَعْنَهْ ] أَدَارِيْهَاْ
مِسَاْءَ[ الغَدْرِ!] ذَاْ مُعْلَنْ /وْدَمْعَهْ /نَاْمَت بْدَاْرِيْ = أَلَمْ !صَرْخَاْتِ مِكْبُوْتَهْ ولا بَهْ كُوْنِ يَكْفِيْهَاْ!

[الشعر الشعبي]

[ 12 ]
الطعنة اللي في القفا دمّها حيّ=لا تجزع إن مدّت لظهرك وجعها !
أكرم من يدينك على مصافح الغيّ=وأردى من العذر وتنامي (وُسَعْهَا)!
تـ بتصبح يديني بَعَدْهَا مَـ هِي ِيدَي= بيموت فيني انسان (لاعاش معها!!)
واليا لمحت انّي بسامحك قِم عَي=لاشكّ طهر الذنب/ منك انتزعها ....