نفس الشهر في اخره غاب غالي !!

[فهد الماجدي]

,،





ثالث سنه مرّة ولا قـرّة العيـن=نفس الشهر في اخره غاب غالي
غالي وله حشمه علي حق ٍ ودين=كن الفظا من غاب خاوي وخالي
يشهد علي الله يسـاوي ملايـن=ماغاب طيفه عن محيّـا خيّالـي
البارحه مـرو علينـا مساكيـن=هم خابرينـه بالعطـا مايبالـي
قالو لنا من يوم محنـا مقيميـن=ماغيره اللـي بالعطايـا يوالـي
نمشي على ظوه من يسار ويمين=وكم جايع ٍ يـدّه دسمهـا تلالـي
يالله ياغافـر ذنـوب الخطيّيـن=يالواحد الفرد الصمد ذو الجلالـي
اغفرله ومن كل خطا طهره ليـن=يطهر وتجعل منزله فوق عالـي
دايم على بالي عسى مسكنه زين=في جنت الفردوس فارح وسالي !




,،

[ميــرال]

اغفرله ومن كل خطا طهره ليـن
ـــــــــ يطهر وتجعل منزله فوق عالـي
دايم على بالي عسى مسكنه زين
ــــــــ في جنت الفردوس فارح وسالي


اللهم آمين
برغم الألم رائعه هذه المشاعرالصادقه

قصيدة مؤلمه

[بندر الخزمري]

اللهم أمين


جددت الجروح يا فهد

ولا نسيتها

[عبدالله صلال العساف]

الرائع فهد الماجدي
الله يرحم اموات المسلمين جمبعا
ان شاءالله
صح السانك
على هالقصيده

عبدالله العساف

[عبدالله العويمر]

فهد
وحدِيْث ُ الأوْفِيَاء صَادِق

رَحِم الله الجَمِيْع

دُمْت

[خلف المهيلان]

b]

الغالي فهد رحم الله الجميع

ابدعت كعادتك
ياعذب الشهر مبروك عليك
وافي دايم
وهذا حال الدنيا يافهد شعور واحساس وفي وشاعر
عذب
ودي وغلاي لقلبك النقي

خ م

[/b][/QUOTE]

[فهد الماجدي]

بارك الله فيك يالاجوديه ميرال على المرور المبارك والطيب


التحيه والتقدير لك

’,

[شوق الحمد]

لاحَول لنَا في فرُآقهِم سوى الدَُعاء

الفَآضِل / فهَد المَآجدِي ’

صحَ حَرفِك وطَآب

لاهَنت ’

[فهد الماجدي]

اللهم امين يالغالي بندر رحم الله والديك والمسلمين يارب


وجهك ابيض على المرور المبارك يالغالي


التحيه والتقدير لك

’,

[فهد الماجدي]

اللهم امين يالغالي عبدالله العساف رحم الله والديك والمسلمين يارب


وجهك ابيض على المرور المبارك يالغالي


التحيه والتقدير لك

’,

[محمد السالم]

اللهم آمين يا فهد


تقبل الله دعاك

[فهد الماجدي]

اللهم امين يالغالي عبدالله العويمر رحم الله والديك والمسلمين يارب


وجهك ابيض على المرور المبارك يالغالي


التحيه والتقدير لك

’,

[فهد الماجدي]

,,

اللهم امين يالغالي خلف رحم الله والديك والمسلمين يارب


وجهك ابيض على المرور المبارك يالغالي


التحيه والتقدير لك

’,