[ كَاريكاشِعر ] -2-

[الشعر الشعبي]

شَاعِرنا الألق ..
نتواصَلُ معك عَبر الكاريكاتير الثاني وَ نشتَاقُ وَميضَ حرفِك
لذا منَحناكَ اللوحَة ولَم يبقَ سِوى أن تَضعَ القِراءةَ المنَاسِبة شِعراً حتى تَمنَحْهُا الاكتِمال



http://up.graaam.com/uploads/imag-2/graaam-2e4c9316b17.jpg (http://www.graaam.com/)

- هُو فقط يَحتَاجُ لأنَامِلك الفَاخِرة ورؤيَتِك الثاقِبَه لأن تُحِيلَهُ شِعراً




[ لـِ نَتَّفِق عَلى ] :
1. للشَّاعِر أنّ يَختَار مَا يُناسِبُهُ مِنَ القَوَالب أَي : عَمُودِيّةً كَانَتْ أمْ تَفْعِيْلَة
2. سيَيتِمُّ إغلاقُ المُتصفح يَوم الأربِعَاء السَّاعة [ 9:00 ] مسَاءً ليتمّ التقييم لمدَّةِ ثلاثَةِ أيام
3. تُرْسَل المُشَارَكَات لِمُعَرِّف [ الشِّعْر الشَّعبي ] وسَيَتِم طَرحُهَا تِبَاعاً فِي نَفْسِ المُتَصَفّحِ مُُرقَّمَة وبِدُون أسْمَاء
4. سَيَتمّ اسْتِبْعَادُ مَا اخْتَلّ وَزْنُهُ وَ اعْتَلّتْ قَافِيَتُه .




سَننتَظِرُكم عَلى أكثر مِن عَطش

[الشعر الشعبي]

[ 1 ]

صوتك دخيلك رجعه ..
مُزعج تناثر [ إجمعه ..
مابه جديد إلّا الوجه ..
وعود صوتك مُوجعه ..

دايم تبدّل هالقناع ..
لين إختفى وجهك وضاع ..
ظنّينا بك يوم الصدق ..
وأثرك أناني للنخاع ..

ماتعرف إلّا هالحكِي ..
حنّا العرب مانتكِي ..
وأفعالنا دايم كلام ..
كلها نختّمها ابْ [ بكِي ..

[الشعر الشعبي]

[ 2 ]

(بالروح بالدم ....) شوووف حجم القذاره = وحنا...... بلا دم وبلا روح وأراء
نبنى من احزانك بلاد وامارة=وتبنى بلد من دم ودموع واشلاء
اضحك علينا واعتبرها شطاره=ونبكى عليك ودمعنا كذب وانشاء

[الشعر الشعبي]

[ 3 ]

هذا المايك غدى مذهول من صوتك ..!
صداه ارتد لك ، مأمتد !
وصار الند لك بالند !!

صراخك مالي الدنيا !
وملامحك اختزلها الصوت
وهـ الجاكيت ( هذا الكوت )!


تبي تحكي بعقل اهدا
وبعدين ابدا
ورتب وش تبي تحكي

عشان استوعبك وافهمك
انا ماني بحاجة فمك !!
انا محتاج للمنطق ـ لصوت العقل والتفكير
لصوتٍ يحمل التأثير !!

قضايانا//نوايانا ـ فقط بالصوت !
وغياب افعالنا تابوت !!

تبي صوت الحقيقة صدق // بدون اصراخ
ومخاصم
وبدون الفاظ وامشاتم
تعال انموت ـ كذا افضل
مــن أيـــت صـــوت
من ايت كوت
مافيه اريح من التابوت !!

[الشعر الشعبي]

[ 4 ]

سيداتي سادتي . كل العرب , =اسمعوني وافهموا ياهالامم
لو يموت الفين مسلم لاعجب (!)=بس يموت الكلب , يُنكس هالعلم !
نحن نننعي كلب , واجب للأدب =نحن أمه سلم يعني / نع نعم ... !!
وش يفيد ان مات مسلم هالعتب =ليه مات ؟اصلاً لأنه مافهم !!
لازم احنا نقترض بعض الذهب =وانت يامسلم ضحيه كالغنم !!
لو رمش مسلم يشبون الحطب؟ !!=افهموا من باب تعظيم وكررررم !!
ليش نحقد ثم ندعي فالُخطب !! =صدقوني مايفيد ومو مهـــــــم !
أمة المليار تفكير ٍ صعب ! =نحن في عصر التخلف للقمم !
سيداتي سادتي , يا هــ... العرب !!=فليعيش الغربُ صرحاً للأُمم !!

[الشعر الشعبي]

[ 5 ]
غض صوتك لوسمحت ولا تصيح =المعاني في صراخك توهنه
شوفلك منطق مدى صدره فسـيح =ملّـت الاسـماع جلْد الألسنه !!
حبكة الحـجه لها إلسانن فصيح =يـدهل الالـباب مـايسـتأذنـه
ولاتزيد القول تـوقع بالقبيـح =شف فتات الهرج محدٍ دوّنـه

[الشعر الشعبي]

[ 6 ]
يدرون لكنْ بالسنتهم .. يهَذرون=مابه جديد .. الا كلام ٍ سمعناه
من كثر ما هم بـ "السوالف" يعيدون=كل الكلام اللي يردَّد .. حفظناه
على وعَدهم ب "التصاريح".. يوفون=والوضع قبْل سْنين حنا عرفناه
ان جات للافعال : (ماعندهم لون)=وان جات للاقوال : ياكثر الافواه !

[الشعر الشعبي]

[ 7 ]

كذا .. نصرخ ب ِصمت ونتفـّق من شان نتخالف ..!=كذا ب ِ ( سكون ) تتحرك شفانا ونسلـَم ل بُكرَه
تعالوا ننزع الوجه العبوس بمؤتمـــر ( تالف ) = ونسهـر لييين ما نشرب كثييير ونفقد الفكره
بعد هالمؤتمر لا بد ( نسكر ) لجل نتآلــــــف = ونتحالف / على بكره .. بعد هالصرخه / السَكـرَه ..!

[الشعر الشعبي]

[ 8 ]
ماهي معالم بس باقي معالم= الوجه ميت ! لكن الفم ما ماآآآت !
المغرفون يعرف أنه ( مُسالم )= يصرخ فقط ! لـ الفضفضه والحكايات !
عالم ! وهارب منه ألفين ( عالِم )= فيه البشر أحياء ! بـ أجساد أموات !
كاذب ! وكله إنتكاسات ( عالم ! )=يعني الحكايه كلها أصوات بــ أصـص ووات

[الشعر الشعبي]

[ 9 ]
زَعَّـء وصَوّت أصل صوتك واطي = زيك تمام وراسمالك أهو بـُء
عشرين سنّه ومسوي طيموقراطي = طب ليه سيادتك كل شعبك بئآ طـء
كلام سعادتك زَيّ اللـِبان مطاطي =تِكدِب تِسدّء كـ إن كِدبك بئآ حـء
رَيِس أونطه وحَء شعبك ساطي =حتى الرغيف عشان نِجيبه بـِ/نتشـء
تئلع إزا تئلع تروح الشاطي =واحنا بنئلع عشان سعادتك بتسرء

[الشعر الشعبي]

[ 10 ]
الحال يرثى له من أيام بالفور = والوضع مزري والتصاريح واجد
في كل عام انقيم قمه وجمهور= وفي كل عام يموت مليون ساجد
لاتنذهل لو صار هالوجه حنجور= تراه لاكل الزاد لاجل انتواجد
واصواتنا لو هي تعالت بلادور = ياطيبنا فالعزف بين المواجد
وشلون نطلب عزّ وقلوب ٍ تثور =مادام فينا من يهجر المساجد

[الشعر الشعبي]

[ 11 ]

إلى متى ..؟!
في كل عضو إ/من الجسد .. جرح وأنين ..؟!
وأرواح تتساقط ورق ..
هذا الجسد أشلاء .. والأمة شتات..!

إلى متى ..؟!
يبكي على الشاشة مذيع ..
مابين فترات الضياع ..
[وإ/يغصّ بدموع الجميع ..]
نقلاً عن الأنباء صادر هالبيان :-
(نستنكر الموقف .. ونعلن خزينا ..
وإن ماكفى ..!!
نحشد على حدّ التخاذل حازمين ..
صاروخ صوت وإنطلقه ..!! )
.
.

صاروخ لكن بالمدى كان المدى ..
وحنا نشوف آمالنا تنهار والمبدأ سلام ..

إلى متى .. ؟!
حنّا مجرّد خوف .. والصرخة : نعم ..؟!!

[الشعر الشعبي]

[ 12 ]

صوت العرب / صارخ /
[ ولإذنهم جارح ..! ]
يكبر ولا يصغر حشا ,
]والكل له يجفل [
صوت العرب يصدّم ..!
للسور قد هدّم ...!!
هالحنجره ,,
أقوى من ايّةْ ظلم ,
ذا صوتنا زلزال !!
نشجب ونستنكر,
ولصنعهم / ننكر ..
محفل ,
وهات المايك ..
أقوالنا أقوال
وأفعالنا !!!
ما فيش
وصراخنا / الباقي
ماله ترى وجهه
وإن كان له / حزمة صدى ,
يرتد في زوره
بالخاتمه يعني,,
صوت / العرب
[ خاااااااااااوي ]

.