.. # ( بطاقة منفذ الإغتيال الغاشم هنا ) ! # ..

[جزاء البقمي]

السلام عليكم



صباحكم / مساؤكم جميل



كل عام وبلادنا وحكامنا بخير ..

مكالمة الامير محمد بن نايف مع الارهابي المنتحر / اضغط هنا للمشاهده والاستماع (http://www.youtube.com/watch?v=7QdUOUNdw2g)


بعد سماعي لهذه المكالمة التي جرت بين الامير محمد بن نايف حفظه الله .. والارهابي المنتحر ..

كان لابد ولزاما علي كتابة ما خالجني من شعور تجاه هذا الرجل العظيم صاحب الايادي البيضاء الاب العطوف والخايف على ابناء بلاده من استغلال الاشرار لهم ..

الى مقام سيدي / محمد بن نايف اقول :

http://up.arab-x.com/Aug09/VuW58502.gif


الشعر ياهل الشعر حانت فاقته =ولا خير في شعر ٍ على غير اتجاه

اتعب على بدعه .. وانقي باقته = لو كنت اجيبه من نحت صم الصفاه

اكبر من طروق الشعر وسياقته = ما شفت من جرم الغدر عند الطغاه

شرذمة ٍ دم الوطن اراقته =دستورها تكفير مدّين الصلاه

لو كان تجهل طعم جرم ٍ حاقته = ماكان وجه الليل يسترها دجاه

لعبت على خبل ٍ .. جحد علاقته = غاوي دليل ولا درى ويش السواه

قام يتمايل من طرب طقاقته = كرس لها بين المهالك ما جناه

خاوي فكر .. لو تجذبك لباقته =مثل الضرير اللي فقد نفعة عصاه

اعّيا طبيبه .. من بلا حماقته = وازهق حياته من خبث فكر ٍدعاه

نوّخ بعيره .. يوم ضيّع ناقته = لفت عليها ام الكباير من رداه

ام الكباير من رداها ساقته = في ذمتي من ساقته يلعن ثواه

ماهوب منّا .. كنسلوا بطاقته = ملعون خيّر من نكث بيعة ولاه

جعله فدا راس الوفا وعماقته = اللي على درب الوفا عطر ٍ نباه

روح الامن .. امن الوطن في ساقته = حامي بلاده ما توانى من وفاه

حر ٍ مواكير المعالي تاقته = يشلع لها يوم الردي يقصر خطاه

لا ما تخاذل .. ما يوّفر طاقته = لين خضعت روس الاعادي من دهاه

وجه ٍ تباشير السعد طلاقته = غنالها من زود ما ردت صداه

رايه سديد .. وميزته / حذاقته =يعطيك نبذه عن مفاهيم الحياه

ليث ٍ تدابير العدا ما عاقته = يسوق روحه فوق كفه من صخاه

هذا ( محمد ) .. من طغى بشقاقته = السيف الاملح كان ما عوّد دواه

من راس شيخ ٍ سيرته سبّاقته = تاريخ مجده .. منْحصر عند الرواه

( نايف ) .. نواميس الفخر عشّاقته =سيّد مقاديم العرب واده الدهاه

مزبان .. من كف الشقا .. طرّاقته = يبشر بعزه لا زبن منها ذراه

حاكم .. حكيم ..الطايلات .. شفاقته = شيخ ٍ مداغيش الوغى ترجي رضاه

وحنّا على عهد الوفا وثّاقته =ما نختلف مدامنا قيد الحياه

في ظل ابو متعب نعيش بساقته = اقولها والسيل ما يلحق ثراه



لكم تحيتي

[خالد صالح الحربي]

:
أدهشني صراحة أن تكون قصيدة الموقِف بهذه القُوّة وَ بهذه الفَخَامَة !!
ليس انتقاصاً من قدراتك ياجزا أبداً والله ، ولكنَّا تعوّدنا أن تكون قصائد المُناسبات والأحداث عاديّة جِدّاً .
رائع يارجُل
رائع .

[عبدالرحمن السمين]

جزاء البقمي
الرائع والمتحدث بأسم الأبداع
صح لسانك وقلبك
فخم وفاااخرر


مودتي لك يا مدهش .

[محمد عوده البلوي]

الله يحفظ ولاة امرنا



فهم اهل صلاح وإصلاح في كل ما يقومون به من اجل الوطن والمواطن





واهل الضلال في شر اعمالهم واقعين


لا حول ولا قوة الا بالله




جزاء البقمي


لقد جمعت هنا اخلاص وغيرة المواطن المعتدل الصالح



في اقتدار شاعر متمكن ومبدع



فاكتملت هذه الدره




صح لسانك وقلبك



تحياتي

[محمد بن شتير]

صح لسانك مدد


والله يحفظ ولاة امورنا من كيد الخوارج



بالفعل هذا وامثاله لا هو منا ولا يمت للدين باي صله



تحياتي لك والشهر عليك مبارك

[جزاء البقمي]

:
أدهشني صراحة أن تكون قصيدة الموقِف بهذه القُوّة وَ بهذه الفَخَامَة !!
ليس انتقاصاً من قدراتك ياجزا أبداً والله ، ولكنَّا تعوّدنا أن تكون قصائد المُناسبات والأحداث عاديّة جِدّاً .
رائع يارجُل
رائع .



ابو صالح



مرورك شرف / وشهادتك وسام ..


ما عليك زود يالغالي




لك تحيتي

[عبدالله العويمر]

جِزاء
إن لَم تَكُن قَصِيْدة المَوقف بِهذا النّور ، فَلا دَاعي لِوُجُودها

قَصِيْدة ألبَسَت المَوقِف الوطَنِيّة والشّعر

جَمِيْل ، وأكْثَر

[جزاء البقمي]

جزاء البقمي
الرائع والمتحدث بأسم الأبداع
صح لسانك وقلبك
فخم وفاااخرر


مودتي لك يا مدهش .




الغالي


عبدالرحمن


صح بدنك ولا هنت ..




ولا عليك زود



لا هنت




لك تحيتي

[نايف الرحيمي]

أصالتها ، رسالتها ، قافيتها ، بحرها ، سحرها
كل شيء هنا جميل وممتع

إعجابي وتقديري وتصفيقي

ابدعت يا جزا كعادتك .. تسلم يمينك


.

[جزاء البقمي]

الله يحفظ ولاة امرنا



فهم اهل صلاح وإصلاح في كل ما يقومون به من اجل الوطن والمواطن





واهل الضلال في شر اعمالهم واقعين


لا حول ولا قوة الا بالله




جزاء البقمي


لقد جمعت هنا اخلاص وغيرة المواطن المعتدل الصالح



في اقتدار شاعر متمكن ومبدع



فاكتملت هذه الدره




صح لسانك وقلبك



تحياتي





مرحبا يا محمد





صح بدنك ولا هنت ..




اسعدني مرورك ..





لك جل احتراماتي