مرايـــــــا روح

[سطام مشهور]

للحب غني خل روحك تساما = لاتلبَس الأيام ثوب الغرابيل

شفني هنا طيرت سرب الحماما = انسان لو حملت روحي فلا اشيل

غير الضياء هاك ابتهال الخزاما = والعطر فرض ماتوضاء به ابخيل

جيتك وانا محتاج قلب وغماما = من وين ماهب الهوى روحي تميل


عريت صوتي لين شفت الكلاما = قال الذي تخفيه كل التفاصيل

والشوق من شبه يعرف الغراما = راعي الهوى ياصاحبي عمره اطويل

جوفي لمسته عاش برد وسلاما = حزني طري والشوق فل المراسيل

[سطام مشهور]

الشعر دايم يلاطفني= ويبلل الروح في غيابك

لاغبت يمك يسفرني= حتى اغرد مع اسرابك

من زحمة الناس يقطفني = واكون د نياك واحبابك

ياكثر ماهو يحسسني = ان الورق يلبس اثيابك

[سطام مشهور]

ياقلب الحين وش جابه على بالك حبيب (ن) راح =قفلت ابوابك بيديك وجيت الحين تشكيلي


تخيل لو تقابلنا وجت عيني عليه وصاح = تخيل لو تجاهلني ياكيف اقف على حيلي

[سطام مشهور]

هزيت انا غصن الكلام = وتساقطت كل الحروف

ونفحت من جنح الظلام = هذا البلد محتاج اشوف

كيف يحتفل لامر عام = وقلوبنا مليانه خوف

لا حلم والا حتى منام = لاام ولا قلبن عطوف

لاحرب عشنا ولاسلام= يلعن ابو جد الضروف

والله والبيت الحرام= ماحد يصدق للحلوف

انه تركني فـ الزحام= وتساقطت كل الحروف

[سطام مشهور]

يرمى الوجع قلب المعذب من الناس=ويفز دمعة من حجر ذكرياتة
كنه يطش من الوله قلب واحسـاس=حتى يشكل مـن ضمايـه غلاتـه
بالما رسمته والمسا دق الاجـراس=واليل باب اللـي همومـه عباتـه
لي حرقتن تحبس من الدمع الانفاس=كن الجسـد منهـا يـدور رفاتـه
كم لي ادور للحزن لحظـة انعـاس=كم له يوطن في خفو قـي شتاتـه

[سطام مشهور]

سفر ليت السفر فـي يـوم مايستجـدي الغيـاب
او انى لا وقفت ...... ابكي اطيحهم مـن عيونـي

تغافلنـا السنيـن وعمـرنـا لرواحـنـا نـهـاب
ياليت انـه مـن احبابـي تعلـم كيـف ينسونـي

وطن كم قلت ....لك هذى الثرى لا يوطن الاغراب
و انـك لا تفقـد وجهـك المرتـاب بسجـونـي

امانـه ياتشـد القيـد او تفتـح لـي الابــواب
ولا تتركنـي الواقـف مابيـن الذنـب وظنـونـي

[سطام مشهور]

يمكن اكون انسان عابـر بدنيـاك
بس انت مانت انسان بدنياي عابر
كم مر من عمري وانا احاول اقراك
حتى نشـف دم القلـم والمحابـر

[سطام مشهور]

مليت هـذ القلـق ياصـاح
والشعـر ما عـاد يغريـنـي



الصدر هذ سبيـل جـراح
كنه يروّى مـن سنينـي


والدمع هـذ المسـا فـواح
بكـيت لـك ليـت تبكينـي




بك خاطري سيدي ينسـاح
لامـر طيفـك يناجيـنـي




والعشـق ياغايتـي ذبـاح
غيرك فلا عاد يعنيني



ياسيد هذ الخفـوق ارتـاح
بالعمـر وحـدك تكفيـنـي

[سطام مشهور]

ان جيت اوطَن غربتي واكسب احباب=عن لوم عاذل هد حيلي وحيله

تعيث في روحي سواليف غيَاب=تبكي وانا ابكيها الليال الجميله

اغرق وفا واسمع لهم همس واعتاب=والمس وفا واشوف ام الجديله

تركض وانا اركض لين صدر الهوا شاب=ولا عاد يقوا للحمول الثقيله

هذا الزمن يا سيدي حيل كذاب=يا ما فرش لاحلام روحي شليله

لا نافذه للبال لاحلم لا باب=لا خل وافي لا مشاعر نبيله

وان جيت اسافر واختلق عذر واسباب= الحب الاول كيف اب القا بديله

[سطام مشهور]

حبري اللي تنثر مثل وبل الغمام

وش ترك بالخفوق وش خذا من حـــــــــــزن

[سطام مشهور]

اذكر عبيرك يفوح وثـم يطيـر المنـام=واجمل مقادير عمره مـرت بصفحتـك
تسير به والدروب اللي غشاها الظـلام=تشرب من النور حتى تثمـل بصحتـك
تعال من لي بغيرك وسط هـذا الزحـام=لا من طلع لي البكاء مشيتـه بطرحتـك
ياظـل الايـام تكفـا لاتزيـد الـمـلام=لو اكثر الناس يدري ماسعـى لذبحتـك
يغني حلالك لو اكثـر ماتجيبـه حـرام=وانا علي اكتفي مـن طيبـي بنفحتـك
مره لو تهب من جنَتك فـي كـل عـام=تبرد سموم الضلوع ان مسهـا لفحتـك
تركض من الضيق ولاّ جيت داعى سلام=ياذا النفس و المواني ودعـت فرحتـك

[سطام مشهور]

يغيب الطيش وتغيب القرى واودع الاحلام = يغيب الشعر وفي غيابه نسيت وعود خلاني
يقولون السفر وين السفر من حلة الاوهام = وانا اغيب اتشظا والجمر رمد على اجفاني
ذكرت اللي يساورها الليقين بحرقة الانسام= هي اصدق من لمس هالحزن لا غيب بوجداني
يمر هذا الشقاء في غيابه والعام يتلاء العام = وانا لا جيت ابنسى شفتها في نظرة اخواني
اخيل افراحهم اشباح تركض لي بدون اقدام = يظللها الشقاء في غيابها من ظل حرماني
خلت ابيوتنا من طيبها من ضجة الارحام = خلت ارواحنا من حسها من صوت جيراني
خذت هالناس من راحت ولا باقي سوى الايام = اشب فيها الدعاء يالله ثبتني على ايماني
تطهر روح لامرت وتركع لله العلام= اللين ادفاء على جال الحنين وتذبل احزاني
بكاء طفل وتنهد شايبين لاهو بكاء مانلام = وبكيتك بس انا وشلون احلل عقدة اللساني
سنين الراحلين احسابها ماينحسب بارقام = متى سال الخفوق بشوقهم وشلون اب القاني
ابكتب سيرتك واخاف يمه كذبت الاقلام= وانا لامن بغيت اسج عنك يخون نسياني
تعرى الحال وطحت من العناء محتاج روحي تنام = على صدرك وصدرك فيه كل ناسي وخلاني
يغيب الشعر وتغيب القرى واودع الاحلام = اذا كان المقام اكبر من احزاني وقيفاني