حكاياتــــ

[نسايم الساده]

كانت حكايات الهوى خدعه
بدت في ليل ضيّعت به كل الألم
صار الأمل
على طرْف اللقا شمعة

كانت حكاية من ورق
لعبة
تفاصيل الحنين اللي احترق

موت وحياه
عمر وصباه
وآهه تمنّت تختصر كذبه في حضن الصدق

واليوم فارق هالعمر عمرٍ هداني أجمله
سافر وخلى الأجوبه ودمعه بليّا أسئله
والشوق
واسلوب الحكي
والليل
ولحطات الونس
كلهااااااااااااااااااااااا
سوالف من حكايه محزنه

كلي حكايه محزنه
كلي حكايه محــزنه
كلي حكايه محــــزنه

[نسايم الساده]

ميّت على قيد الحياه
توهّم الحياة في قلب أحدهم
تناسى بأن السعادة منفية عن وطنه

انتهى الحلم
فعادت الغربان تبني أعشاشها على قبره الذي ينتظره

انتهى كل شيء
انتهى كل شيء

[نسايم الساده]

ومر الوقت ولا نامت عيون الليل بحضورك
نِمَت في داخل احشاء الكلام اشياء مخفيه
أخاف استقبل الواقع وأتبع بالهوى شورك
وتتعذّر بظلم الوقت.. وأنا كلي حسن نيه

[نسايم الساده]

تشب الليل باطراف الرحيل برفّة العصفور
إلين الأمس ذكرني بسؤالٍ منتظر باكر

أنا من وين ما جيت التقيها المحبره والنور
تعثر بي بعض أمسي وهو بالمختصر عاثر

تنام عيون ولا نامت عيوني عن هذاك السور
وهذا القلب في حاله إذا ما للصبر آخر

[نسايم الساده]

لي صارت الدمعه ونس
يا مرحبا مليوووووووووون بكل الدموع

أصلاً أنا من وين أجيبه هالفرح؟!
لا صارت الفرحه بيديني
أهديتها للقلوب المتعبه
وآخذ تعب هذي القلوب
وأنثره
لين ألبس احزان السنين


وأبتسم

[نسايم الساده]

أنا بالمختصر المفيد...

فيني بداية وقت.. ونهاية ازمان،،،
،،،أشتاق باكر واعطي أمسي حنيني

واسقي قلوب الناس.. عشقٍ وظميان،،،
،،،واهدي حيارى الدرب..واحتار ويني

واحتار ويني
واحتار ويني
واحتار ويني

نبض للرائع خالد الفيصل

[نسايم الساده]

الغربة ليست غربة وطن
بل غربة روح فقدت جارها

[نسايم الساده]

اعذر بقايا هالعمر والباب والليل الشقي
حاسب على قلبٍ هداك النبض وزهور العمر

ادري..وغلطات الزمان الوان كلها تلتقي
لي صارت اللحظه عمر محسوب يا كل النظر

[نسايم الساده]

دخيل الليل
والدمعة
ونبضٍ فارق ترابي

دخيل الروح
والبسمه
وآهه تنتظر موتي

أبيه الحال لا طوّل يعانق لحظة غيابي
يعطـّر من سواليفي أماني تحتضن صوتي

دموع وشوق واحزانٍ وعطرٍ عانق ثيابي
كسرت حدود خطواتي وملني كثرة سكوتي

دخيل الحظ لا جابه
أبيه حروف بكتابي
قسم بالله لاعلنها.. كفن رجواي.. تابوتي

[نسايم الساده]

تشوف الليل؟!
وش حاله إذا صار القمر غايب؟!!
فضا واسع
وأنفاس الرحيل وتمتمة شايب!
عيون تنام
ولا نامت عيون المحتري الصابر
رحم حاله
بعض وقته
ودارى حظه الخايب

تجي نضحك على الواقع؟!
ولا كِنا مجاريحه!
كأن الدمع ما مرنا
ولا استوطن مدامعنا!
غريب الحال
واحزان الرحيل المهتري ثيابه
تمناني
وعلى غفله
لقيته عاصفٍ ريحه

على أي حال يا وقتي
ترا شكراً على جراحك
أقبّل ايدك اليمنى
ويسراها
وبعد راسك

ترا هذي إهي الدنيا
بها خايب
بها صايب

[نسايم الساده]

تمرّ ولا دريت الا بحروف مبعثره تغرق
يشيب الحال.. انا توني درست الأبجديه صح

حرام تموت اوراقي وايدك تستوي المحرق
تمنى.. آمر وانهي ولكن لا تجي وتجرح

كبر هذا الفضا حولي ولكن شي بي يخنق
سكوتك موت.. كيف ابدي بهالأعذار أو اشرح

[نسايم الساده]

مشيت وصرت
لاوراق الرحيل النبض والإحساس
يبس فيني
حنين ولا لقيت الصوت ناداني
جبال من الحزن تجثم
على الباقي من الأنفاس
كأنه ما سمع بانه سبب فرقاه
احزاني
عبر شاطي السنين وغاب وعلّمها
الأسى والياس
أشوفه بكل زوايا الحس
وعشته بكل وجداني
حديث يطول ولا مرني
سوى سربٍ من الوسواس
ترجيت الأمل يمطر
وجوده بعمري الثاني

[نسايم الساده]

أسيرك حي
يا صمت الحديث وربكة اطرافي
أبات الليل وما امداني نسجت امن الأمل شالي
أضج الليل بنواحي
أجيلك
منكسر
حافي
إهي ساعات ولا مرت
سوى دهرٍ على بالي

[نسايم الساده]

خطا جيتك
وكل ذنبي أكون لدفترك حبرك
عيون وقلب
وانفاس السنين
وراحة ايامك
صحيح الوقت
ما انصفني وعديته على كيفي
تحريت العدل منك ولو ظلمك سبق عدلك
تذكرني
أنا من هي!!
أنا من شالت اخطائك
أنا من شافت اخطائك طهر هالكون
واشيائك
أليمه حييييييييييييييل
أنفاس الرحيل
وياااااااااااااااا كبر همي

[نسايم الساده]

خطا جيتك
وانا طهر الأراضي القاحله
البور
وصلت الها وانا توني بأول خطوة اخطائي
أمد ايدي
ولا أدري بعجزي والطرف مبتور
وصل فيني
توهّمتك
واشوفك سيّد اشيائي

[نسايم الساده]

تعال انزف مكان الجرح ذبحني اليوم سكينك=تعبت اتعب.. ترجيته يغوص بعمق اعماقي
إهي حيره وقل حيله أكون مراية ايدينك=أو ان الوضع عاجبني أكون اشقى من اوراقي
سماك الممطر بظلمك وعدلك ما اعتنق دينك=تسم آذاني بقسوه.. وانا أمطر لك اشواقي
تلحفتك دفا للبرد وبي رزنامة سنينك=أفااا يا وقت ما امداني أترجم دمعة احداقي
تجي عابر سبيل وبس.. وأسأل بعدها: وينك؟=يمرني طيفك العابر ولا القى للعشق باقي
سوالف عمرها ليله عجزت القى بها شينك=كثر ما ضعت.. ما امداني أضيّع شي والاقي

[نسايم الساده]

لا تنبشين الجرح.. أتعبتي اعصــابي=إلين الأمس بدى يـبرى.. بديت افرح
تذكـــرته وهو واقـــــف على بـــابي=كســـرت القيد واحســـاسه بدا يجرح
إلي شفتيه وصلي له هوى اعجـــابي=ترا باقي بعض اعجــاب ع المسـرح
وقولي له عن اللي ساكـــن اهـــدابي=كثر ما سالت عيـــوني.. بقى يمــرح
وعطر الشـــال والدخـــان وغيـــابي=وفوضى الليــل تاتيـــني وبه تمـــدح
حســافه مــا درى عني وعن مــا بي=ترك روح ٍ وجيشــه بـــادي ٍ ينـــزح
نثرت اعــذار عن حــالي واسبـــابي=وانا انطر جيته وينطق.. تراي امزح
أمــانه لا صدفتيــه انثـــري تـــرابي=وقولي له تــــراها تـنـتـــظر تفــــرح

[نسايم الساده]

عدني بقايـا حلم.. (مجموعة إنســان)=متفــــائله فينـــي سمـــــاوات أرضك
حالي مثل حال المفــارق.. وحيــران=يــــاخذني كلك أو بقـــايـــات بعضك
(فيني بدايـة وقت.. ونهــاية أزمــان)=وما بينهــــا قصــة سواليـــف نبضك
قدمت لك صــدق النــوايـــا بقربـــان=واتبعت دينــــك واستحليـــت فرضك
جيتــك قوافل ترتــجي منك غفـــران=يـــا شيـــن وقـــتٍ اقتــله سم رفضك
(أسقي قلوب الناس عشق ٍ وظميـان)=ظميــان كلي.. أرتجي مـــاي أرضك