حينها ..كتبوني

[ضحى الوابلي]

الشعر
ذلك هو المخلوق العجيب..
يحب ويكره!!
يطاع ويعصى!!
يأتي ويتمنّع!!
:
:

أحياناً نكتبه
وغالباً يكتبنا
:

تأتي الفكرة أحيانا متبخترة على شفة طفل..
وأحيان في نظرة شيخ..
وأخرى في أركانٍ موحشة..
وغيرها نهاية فنجان..
أحيان تحس بشلل شعري وتحتاج من يكتبك
فيأتي قلب آخر ليقولها نيابة عن قلبك
وتهمس بينك وبينك
(لقد كتبني!!)
:
:
:
هنا ستكون مساحة للأبيات التي شعرنا فيها أنّهم كتبونا
مذيلة بـ
زهرة تبعثها الريح لروح كل من كتبني
وأخرى لكلّ من قرأ

[ضحى الوابلي]

ياصاحبي وقـف لزيـف الصحـاري=وبشر هجير الشمس عن موعد السيل

حاول تغيـر فـي ملامـح نهـاري=واعط القمـر مفتـاح بوابـة الليـل

مدري لشنهو موعـدي وانتظـاري=مادامـت أيامـي قليلـة محاصـيـل

في داخلي نزعـة خفـوق انتحـاري=حلـم تكسـر فـي ثنايـا التفاصيـل

واثر انكسار الحلم يعنـي انكسـاري=بغيت اكمل وانكسـر فينـي الحيـل

الحميدي الثقفي

واثر انكسار الحلم يعنـي انكسـاري=بغيت اكمل وانكسـر فينـي الحيـل

واثر انكسار الحلم يعنـي انكسـاري=بغيت اكمل وانكسـر فينـي الحيـل

[عبدالعزيز رشيد]

الفكرة روعة ياضُحى ..

شكرا لك

ربّما لي عودة (":

[عبدالله العويمر]

فِكْرة أكثر مِن رائِعه

[ضحى الوابلي]

وين يا ( مي ) حتى في غيابي تجين = كنّ الأيام صارت لك بعيني مرات
يا آخر الحاضرين وأول الغايبين = ياأجمل اللي بقى بالروح من ذكريات
أتسلّف لك الضحكة من الوقت دين = وأتجمّل عشان عيونك الغاليات
العمر حبْ والدنيا رحى والسنين = تنطحن لك وباقي من فتاتي فتات

[الغيد بنت فواز]

تعـبـت اداري واتحـمـل واجـامـل=والضيقه اللي داخل الروح هي هي
دامك علـي فـي كـل حـال متحامـل=من ويـن تشـرق فرحتـي يالوجيهـي
والا انت لوقلبك على الحـب صامـل=ماقلـت لـي جـرح المحـبـه بديـهـي
من ليلة الظن استبـاح التعامـل=والصدق ماعـاد الثقيـل الجنيهـي
لامن ذكرتـك والنـوى المـر هامـل=احـس مـحـدن بالتعـاسـه شبيـهـي

[ضحى الوابلي]

آه يا صبحٍ لمحت .. في عتمته روحي ..
طفله تصدح على خشب المسارح ..
يا صوتها الغاضب المقطوع ..
بعض السواد .. شموع ..
ومحدٍ درى وش قلتي..
خانتني الجوارح..
مثل القصيد اللي كتبت البارح ..
:

"البدر"

[علي المحمد]

طفل ضايع . .

على خده ملامح شايب مكسور . . !!

[ ضناه الهم ] و [اغراه الزمان ] و [مات بيديني ]

اشوف مرايته سودا . .

ولعابه حطام قبور

وبيته . . غرفه من طين

وأقلامه . . سكاكيني !!

دفنته . . وانتهت . .

قصة غرام . . وشاعر مغرور . . !!

واخذت من الدموع اكتب . .

مكانه وين من عيني ؟!

لقيته في مناديلي . .

يصيح ويشعل التنور . .

يقوول ارجوك ياطيب. .

تلملم غربة سنيني !!

يقول صبري البارح تمادى حده المسعور . .

وانا من ذقت غرباله . .

طرالي بيت يبكيني . .

[ لو اغرق في بحر حبه ] او [ اشرب من عناه بحور ]

. . [ قسم بالله ماتنزل غلاته من شارييني ] . .

بكيت . .

وقال :

يا ابن ادم انا الميت . . انا المقبور

علامك كل ماجيت . . تزيد من القهر فيني ؟؟

وقلت :

الناس يا ابن ادم . .

تجيلك كل يوم بدور . .

تجي في الصبح تفرحني . . واذا طابت تبكيني . .

اشووف الهم يسرقني . . واثاري همنا مقدور . .

مدام الليل مايدري . . علام الويل يشقيني . . ؟!

ومدام الصبح يسرقني . . تعال اكشف المستور . .

حكايه من غرابتها . . بدون شعور تطريني . . !!

" مدينه " . .

سورها ضايع . .

و " شارع " . .

شاعره مبتور . .

و "حديقه " . .

في مراجحها نبت . . ورد وشياطيني

و " دفتر " . .

مله الشاعر . . رسم فيه [ الغرام قصور ] . .

و " قصيده " . .

من جرائتها . . تقول العن عناويني !!

و " بيت " . .

باخر الشارع يمينه . . شارع مشهور . .

يساره . . شارع اغبر عليه ابكي دواويني . .

ومره في لياليها لقيت . . اني بدون شعور . .

بديت احب لي طفله . . على الاوراق تغريني . . !

بديت ارسم ملامحها . .

ليالي حظها المأسور . .

وبدا طيش السهر ليله . .

بدون احساس يسقيني !!

وبدا يشرح معاناته . . وانا [ من داخلي مقهور ] . .

وبديت اشرح معاناتي. . وهو مثلي يواسيني . .

كبرت وشفتها تكبر. . حقيقه تنتمي لسطور . .

مابين احساس " يوصلني " . .

الين احساس " يخفيني " . .

شعرته ليلة ظلما . .

لقيته غادتي والنور . .

ذخرته في مكاتيبي . .وجنيته حب يحييني. .

. . [ أحبه ] . .

كثر مامرت من ايام الغرام دهور . .

. . [ أحبه ] . .

كثر ماتمطر سحابة في بساتيني . .

. . [ أحبه ] . .

كثر مامرت ثواني حبنا بشهوور . .

. . [ أحبه ] . .

كثر ماتطري ذنوبه في موازيني . .

. . [ أحبه ] . .

كثر ماطار الحمام وغرد العصفور . .

. . [ أحبه ] . .

كثر ماحرفي سال من حيرته ويني . .

. . [ أحبه ] . .

كثر ما ازعل من ايام الجفا واثور . .

. . [ أحبه ] . .

كثر مايسري خياله في مياديني

نبتله بالخفى ورده . . سقتها دمعتي بسرور . .

قطفها . . " بس بالقوه " . .

وانا مذهول وش فيني . .!!

حسبته يوم قطفها . .

يقوم يقول لي : مشكور . . !!

ولكن راح من عندي . .

وانا الاحزان ترويني

دخيلك . .

ليه تجرحني . . ؟!

وانا ارسمك لشذاي زهور . . !!

دخيلك . .

ليه في بحرك بدون شرااع تنسيني . . !؟

دخيلك . .

ليه وباقي سوى اني ابتعد مجبوور ؟!

اخاف اكون في بالك . .

مجرد [ شعر يعنيني ] . . !!

بكت كل الطرق بعده . .

بكت واستاذنت بالجور . .

وبديت ألملم اوراقي . . وأردد

. . [ مايخليني ] . .

لقيت ان الطفل ميت . . !!

وانا في حيرتي منثور . .

مابين . . اسال على حالك . .

وبين . . الله يشافيني . .

دفنت الطفل في صدري . .

بكيت وقلت له " معذوووور " . .

مدام الهم في قلبي . .

نمى واجتاح من حيني . .

ولكن خل في بالك . . / . .

مدام ان الحكي محظور

مدامك شفتني ابكي . .

ترى هالبيت يبكيني . .

[ لو اغرق في بحر حبه ] او [ اشرب من عناه بحور ]

. . [ قسم بالله ماتنزل غلاته من شارييني ] . .



لا أعلم من قائلها ... لكنها حكت عن مشاعري ياضحى

كل الشكر والإمتنان على هذا المتصفح

:)

[عبدالله العويمر]

أطروك عِندي واثـــاروا كَامِن الــغيــره!


،،،،،،،،،،،،،،،،،،،،،،، في خافق ٍ رغْم جرحه مانسى ودّك


ياكبر غيظي على اللي جاب لك سيره


،،،،،،،،،،،،،،،،،،،،،،،،،،،،، أكبر من اللي تشيل النفس من صدّك!


الحميدي الحربي

[نايف السميري]

.
.
عالي جداً هذا المتصفح / ياضحى ..

وجه الطريق اسمر

الموت حظ القلم والمجد للدفتر=حبرالقلم غلطتي وايامي اوراقي
الخوف يجتاحني وجه الطريق أسمر=راح اكثر العمر ياخوفي على الباقي
ياجرح رافقتني للناس لاتظهر=وان عشت في نظرتي مامت باعماقي
ياصوت لاتلتحف صمتي ولاتصبر=قل ماتبي واترك الهقوه على الهاقي
والخطوه اللي عن آخر سكتي تقصر=ماهيب من طبع رجليني ولاساقي
مانيب من عاش لايربح ولا يخسر=ولاهو ضرري تكون أفعالي أخلاقي
ثراي ماينشد الغيمه متى تمطر=مادامها في سماي تحن لاغراقي
رح وين ماتشتهي رح قد ماتقدر=أنا اول الناس في قلبك وانا الباقي
يكفيني انك تعذبني وانا اتفجر=قصايدٍ تنتظرها كل عشاقي
وانا قصيدي يجي مختارني مهجر=وأنبت عشانه نخل وسنيني الساقي


الفارع / نايف صقر ..

[سكون]

ضحى الوابلي

متصفح جميل وزاخر بكل ماهو قيـُم


قصيدة (لاتغرك ضحكتي ) للشيخ حمدان بن محمد بن راشد آل مكتوم( فزاع) كتبتني كـ (صوره طبق الأصل)




لا تــغـرك ضـحكــتي وإلا أسلـوبي … أعرف أعزاز النفوس من الرديه

كم وفوا لي ناس ، وكم ناس اغدروا بي … كم كسبت بـطيب نيه .. سوء نيه

نـاس مـن كـثـر الـمـخـادع مـا تـتـوبـي … ونـاسٍ بيـضـان وصـداقـتـها نديه

و نـاس أغـلـتـنـي .. وناس أغلت جيوبي .. ونـاسٍ اطـالـع ، ولا كـأنـهـا عـمـيه

كــل هـــذا والـــجـــروح تـزيـد صـوبـي … و الـمـجـامـل ، والـتـملق ، والخطيه

مـا يغـير ضـحـكـة الـوجه الـرحـوبي… مـد يـمـنـاه دون ماهي موسميه

ودي إني أعطي الـمحـتاج ثوبي … وآعـطـي ، و لا أنـتـظـر رد الـعـطيه

مـا أجمـع الـعـالم، ولا قول اسمعوا بي … نفـسي من أطراء خلق الله غنيه


فـي بـعـض الأشـيـاء أتـقـدم، و أنـوبي ....عـن بـني آدم جـمـيع ، وعن بنيه

ســجـدةٍ تـغـــفـر بـهــا كـل الــذنــوبي ....خـيـر مـن عـيـش الحياة القاحليه

يـا مـسـولـف بي على الطرق الكذوبي .. عاقـب الله مـن ظـلـم نـفـسٍ بريه

يا صـحـيب الـخـير، يـا مـثـبـت طـنوبي .. الـنـصـيـحـه روح الإيـمـان الـقـويه

الـصـحـيح من العيـوب اللي تـشـوبي … قـولـهـا في الـوجـه والـنـية مطيه

بارك اللـه فـي مـن أهـدانـي عـيوبي ....و أشكره جدا ً عل هذي الهـديـه


...........

[ضحى الوابلي]

غريب الدار ومناي التسلي=أسلي خاطري عن حب خلي
سمعت الشور من قاصر معرفه=يحسب البعد عن داره يسلي
أسافر عنه من ديره لديره=عساي اسلاه لكن ما حصلي
أهوجس فيه وأنسى إني نسيته=وأفكر في ليالي(ن) قد مضن لي
وأنا لاجيت أبنساه إلتوابي=خياله وأنهمر دمعي يهلي
وأشوفه واقف(ن) من دون دمعي=حبيب القلب في عيني يهلي
دعاني ياغريب الدار عوّد=ترى مالك محل إلا محلي
مكانك في عيوني ياعيوني=وقلبي من غرامك مايملي

[ضحى الوابلي]

ياليتني قبل اعرف اركض تعلمت اطيح = لاجل اتقي شر عثراتي واعاف الوطا

ياليتني قبل اعرف اتعب عرفت استريح = عشان ماتوجع دروبي ثقيل الخطا

[ضحى الوابلي]

سنين الراحليـن حسابهـا ماينحسـب بارقـام=متى سال الخفوق بشوقهم وشلـون أبـ \القانـي

ابكتب سيرتـك وأخـاف يمـه كذبـة الاقـلام=وأنا لامن بغيت اسـج عنـك يخـون نسيانـي

تعرى الحال وطحت من العنا محتاج روحي تنام=على صدرك وصدرك فيه كل ناسـي وخلانـي

يغيب الشعر وتغيـب القـرى وأودع الأحـلام=اإذاكان المقام أكبـر مـن أحزاني وقيفانـي


تعرى الحال وطحت من العنا محتاج روحي تنام=على صدرك وصدرك فيه كل ناسـي وخلانـي

تعرى الحال وطحت من العنا محتاج روحي تنام=على صدرك وصدرك فيه كل ناسـي وخلانـي